វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ នៅថ្ងៃចន្ទ បានចេញមុខបង្ហាញការគាំទ្រដល់រដ្ឋមន្រ្តីការពារជាតិអាមេរិក លោក ផេត ហេកសេត ដែលកំពុងផុងខ្លួននឹងរឿងអាស្រូវធ្វើឱ្យបែកធ្លាយផែនការសង្គ្រាមអាមេរិកនៅយេម៉ែន នៅក្នុងគ្រុបឆាតនៃកម្មវិធីផ្ញើសារ Signal។ លោកប្រធានាធិបតី ត្រាំ បានគូសបញ្ជាក់ថា លោក ហេកសេត កំពុងធ្វើការងារដ៏អស្ចារ្យ ដោយលោកថែមទាំងបានចាត់ទុកសេចក្តីរាយការណ៍ដែលចោទលោក ហេកសេត ធ្វើឱ្យបែកធ្លាយផែនការសង្គ្រាមជាលើកទី២ថា ជា “ព័ត៌មានក្លែងក្លាយ”។ ប្រមុខការពារជាតិអាមេរិក លោក ហេកសេត បានថ្លែងការពារខ្លួនប្រាប់អ្នកសារព័ត៌មានកាលពីថ្ងៃចន្ទថា ប្រព័ន្ធផ្សព្វផ្សាយបានយកប្រភពអនាមិកពីអតីតមន្ត្រី ដែលមិនសប្បាយចិត្ត ហើយបន្ទាប់មក ពួកគេព្យាយាមបំផ្លាញកេរ្តិ៍ឈ្មោះលោក។ ទោះយ៉ាងណា លោកមិនបានផ្តល់ព័ត៌មានលម្អិត អំពីការចោទប្រកាន់នេះទេ។ កាសែត New York Times បានរាយការណ៍កាលពីថ្ងៃអាទិត្យថា លោក ហេកសេត បានចែករំលែកព័ត៌មានលម្អិត នៃប្រតិបត្តិការយោធានៅប្រទេសយេម៉ែន ក្នុងការជជែកជាក្រុម ដែលរួមបញ្ចូលទាំងប្រពន្ធ និងបងប្រុសរបស់លោកផងដែរ៕ ប្រភព ៖ AFP ប្រែសម្រួល ៖ ឈឹម ទីណា

វ៉ាស៊ីនតោន ៖ រដ្ឋមន្ត្រីការពារជាតិអាមេរិក លោក Pete Hegseth បានចែករំលែកផែនការលំអិត អំពីប្រតិបត្តិការយោធាប្រឆាំងនឹងក្រុមហ៊ូទីយេម៉ែន នៅក្នុងគ្រុបឆាតទី២ នៃកម្មវិធីផ្ញើសារ Signal ដែលលើកនេះមានរួមបញ្ចូលទាំងភរិយា បងប្រុស និងមេធាវីផ្ទាល់ខ្លួនរបស់លោក នេះបើតាមប្រភពពីមនុស្សចំនួនបីនាក់ក្នុងគ្រុបឆាតប្រាប់ទូរទស្សន៍ CNN។ កាសែត New York Times ដោយផ្អែកលើប្រភពដែលខ្លួនទទួលបាន បានរាយការណ៍កាលពីថ្ងៃអាទិត្យថា ការបែកធ្លាយនេះ គឺជាលើកទី២ហើយ ដែលលោក Hegseth ត្រូវបានចោទប្រកាន់ថា បានចែករំលែកព័ត៌មានរសើបយោធាលើកម្មវិធីផ្ញើសារធម្មតាមួយ ជាមួយបុគ្គលដែលមិនត្រូវបានអនុញ្ញាត។ ប្រមុខការពារជាតិអាមេរិករូបនេះ បានចែករំលែកព័ត៌មានអំពីការវាយប្រហារកាលពីថ្ងៃទី១៥ ខែមីនា នៅក្នុងគ្រុបឆាតទី២ នៅលើកម្មវិធី Signal ហើយព័ត៌មានទាំងនោះ រួមមានពេលវេលានៃការចេញធ្វើប្រតិបតិ្តរបស់យន្ដហោះចម្បាំង F-18 ដើម្បីវាយប្រហារលើក្រុមហ៊ូទី។ ប៉ុន្តែខុសប្លែកពីការបែកធ្លាយកាលពីលើកមុន ដែលអ្នកកាសែត Jeffrey Goldberg ត្រូវបានបញ្ចូលក្នុងគ្រុបឆាតដោយចៃដន្យ ដោយគ្រុបឆាតលើកនេះត្រូវបានបង្កើតឡើងដោយលោក Hegseth ផ្ទាល់តែម្ដង។ គ្រុបឆាតទី២នេះ លោក Hegseth បានដាក់បញ្ចូលភរិយារបស់លោក គឺលោកស្រី Jennifer ជាអ្នកសារព័ត៌មានម្នាក់ និងជាអតីតអ្នកផលិតកម្មវិធីសម្រាប់ទូរទស្សន៍…