-
ក្រសួងសុខាភិបាល និង ក្រុមហ៊ុនឯកជនមួយ កំពុងពិនិត្យលទ្ធភាព កិច្ចសហប្រតិបត្តិការ លើការបំពាក់ប្រព័ន្ធផ្គត់ផ្គង់អុកស៊ីសែន នៅតាមមន្ទីរពេទ្យសាធារណៈ
(ភ្នំពេញ)៖ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល នាព្រឹកថ្ងៃចន្ទ ទី១៨ ខែវិច្ឆិកា ឆ្នាំ២០២៤ បានទទួលជួបពិភាក្សាការងារជាមួយលោកជំទាវអ្នកឧកញ៉ា ចាន់ សុទ្ធា តំណាងក្រុមហ៊ុន HENAN TAIYI MEDICAL TECHNOLOGY Co., LTD នៅទីស្តីការក្រសួងសុខាភិបាល ។ ជំនួបនេះរៀបចំឡើងក្នុងគោលបំណង ដើម្បីពិនិត្យ និងពិភាក្សាលទ្ធភាព នៃកិច្ចសហប្រតិបត្តិការ និងតម្រូវការរបស់ក្រសួងសុខាភិបាលលើផ្នែកប្រព័ន្ធផ្គត់ផ្គង់អុកស៊ីសែនក្នុងមន្ទីរពេទ្យ និងការពិនិត្យលើតម្រូវការក្នុងការសាងសង់មណ្ឌលចាស់ជរា នៅកម្ពុជា។ លោក LIAN YU LIN, អគ្គនាយកក្រុមហ៊ុន HENAN TAIYI MEDICAL TECHNOLOGY Co., LTD បានបញ្ជាក់ជំហរយ៉ាងមុតមាំរបស់ក្រុមហ៊ុន ក្នុងកិច្ចសហប្រតិបត្តិការជាមួយក្រសួងសុខាភិបាល លើការបំពាក់ប្រព័ន្ធផ្គត់ផ្គង់អុកស៊ីសែននៅតាមមន្ទីរពេទ្យសាធារណៈមួយចំនួនដែលអាចនៅមានតម្រូវការ។ លោកអគ្គនាយកបានប្តេជ្ញាចិត្ត និងផ្តល់ការយកចិត្តទុកដាក់លើក្របខណ្ឌកិច្ចសហប្រតិបត្តិការរវាងក្រុមហ៊ុន ជាមួយក្រសួងសុខាភិបាល តាមការណែនាំរបស់ឯកឧត្តមសាស្ត្រាចារ្យរដ្ឋមន្ត្រី ដើម្បីធានាបាននូវនវានុវត្តន៍សេវាសុខាភិបាល ប្រកបដោយប្រសិទ្ធភាព និងស័ក្តិសិទ្ធភាព។ ឯកឧត្តមសាស្ត្រាចារ្យរដ្ឋមន្ត្រី បានសំដែងនូវការស្វាគមន៍ គាំទ្រកិច្ចសហប្រតិបត្តិការពាក់ព័ន្ធនឹងគំនិតផ្តួចផ្តើមរបស់ក្រុមហ៊ុន HENAN TAIYI MEDICAL…
-
ចិនផលិតបាននាវាខួងយករ៉ែក្នុងសមុទ្រជ្រៅបំផុតលើលោក
ប៉េកាំង ៖ បន្ទាប់ពីចាយពេលសាងសង់ជិតពីរឆ្នាំ ទីបំផុតប្រទេសចិនផលិតបាន និងដាក់ឱ្យដំណើរការនាវាខួងយករ៉ែសមុទ្រទឹកជ្រៅដំបូងបង្អស់របស់ខ្លួន ហើយក៏នាវាខួងរ៉ែសមុទ្រមានជំរៅជ្រៅបំផុតក្នុងពិភពលោក។ នេះបើតាមការចុះផ្សាយដោយសារព័ត៌មាន CGTN។ នាវានេះមានឈ្មោះថា Meng Xiang រចនា និងសាងសង់ដោយស្នាដៃចិនផ្ទាល់ ដែលអាចមានសមត្ថភាពខួងយករ៉ែក្នុងជំរៅទឹកសមុទ្រអតិបរមា ១១គីឡូម៉ែត្រ ត្រូវបានដាក់ឱ្យដំណើរការជាផ្លូវការនៅក្នុងទីក្រុង Guangzhou ភាគខាងត្បូងប្រទេសចិន កាលពីថ្ងៃទី១៧ ខែវិច្ឆិកា ដែលនេះជាការបោះជំហានដ៏សំខាន់មួយ ទៅរុករកទីតាំងដែលមនុស្សជាតិមិនធ្លាប់ទៅដល់ពីមុនមក។ ក្នុងនាមជានាវាស្រាវជ្រាវវិទ្យាសាស្ត្រដ៏ធំបំផុតរបស់ប្រទេសចិន នាវា Meng Xiang មានប្រវែង ១៧៩.៨ម៉ែត្រ និងទទឹង ៣២.៨ម៉ែត្រ ហើយមានសមត្ថភាពផ្ទុកទម្ងន់ដល់ទៅ ៤២,៦០០តោន។ វាអាចធ្វើប្រតិបត្តិការរយៈពេល ១២០ថ្ងៃ និងធ្វើដំណើរក្នុងចម្ងាយជាង ២៤,១៤០គីឡូម៉ែត្រ ហើយអាចផ្ទុកមនុស្សរហូតដល់ ១៨០នាក់។ នាវានេះក៏មានបន្ទប់ពិសោធន៍កម្រិតខ្ពស់ចំនួន៩ផងដែរ ដែលគ្របដណ្តប់ផ្នែកភូមិសាស្ត្រ ភូគព្ភសាស្ត្រ មីក្រូជីវវិទ្យា វិទ្យាសាស្ត្រមហាសមុទ្រ និងបច្ចេកវិទ្យាខួងយករ៉ែ។ វាក៏រួមបញ្ចូលផងដែរនូវប្រព័ន្ធផ្ទុកគំរូស្នូលដោយស្វ័យប្រវត្តិដំបូងគេបង្អស់ក្នុងពិភពលោក ដែលគាំទ្រការស្រាវជ្រាវតាមសមុទ្រ។ អ្វីដែលកាន់តែពិសេសទៀតនោះ នាវានេះរចនាឡើងតាមស្តង់ដារសុវត្ថិភាពខ្ពស់ អាចទប់ទល់នឹងព្យុះទីហ្វុងធំៗ ហើយវាអាចដំណើរការជាធម្មតា ទោះបីស្ថិតក្នុងស្ថានភាពលំបាកៗ។ នាវា Meng Xiang បង្កើតឡើងដោយក្រុមហ៊ុនស្ទាបស្ទង់ភូមិសាស្ត្រចិន…
-
បំណុលជាតិអាមេរិកហក់ឡើងលើស ៣៦ ពាន់ពាន់លានដុល្លារមិនធ្លាប់មានក្នុងប្រវត្តិសាស្រ្ត
វ៉ាស៊ីនតោន ៖ នាឡិកាបំណុលអាមេរិក ដែលជាគេហទំព័រតាមដានស្ថានភាពហិរញ្ញវត្ថុក្នុងស្រុក បានរាយការណ៍ថ្មីៗនេះថា បំណុលជាតិរបស់សហរដ្ឋអាមេរិកបានកើនឡើងលើស ៣៦ពាន់ពាន់លានដុល្លារជាលើកដំបូងក្នុងប្រវត្តិសាស្ត្រ។ នេះបើតាមការចេញផ្សាយដោយសារព័ត៌មាន RT។ តួលេខនេះ បានស្ទុះឡើងជិត ៦% គិតចាប់ពីខែមករា ដល់ខែវិច្ឆិកា ពោលគឺកើនឡើងដល់ទៅ ១ពាន់ពាន់លានដុល្លារក្នុងរយៈពេលតិចជាង ៤ខែប៉ុណ្ណោះ។ កាលពីចុងខែកក្កដា ក្រសួងហិរញ្ញវត្ថុអាមេរិកក៏បានប្រកាសឱ្យដឹងផងដែរថា បំណុលជាតិរបស់សហរដ្ឋអាមេរិកបានកើនឡើងលើសពីចំនួន ៣៥ ពាន់ពាន់លានដុល្លារហើយ។ អត្រានៃការប្រមូលផ្តុំហាក់ដូចជាកំពុងកើនឡើងព្រោះវាមានចំនួន 34 ពាន់ពាន់លានដុល្លារនៅដើមខែមករា ហើយបន្ទាប់មកបានកើនឡើងចំនួន 1 ពាន់ពាន់លានដុល្លារក្នុងរយៈពេលតិចជាងប្រាំមួយខែ។ រតនាគារសហរដ្ឋអាមេរិកមិនទាន់បានបញ្ជាក់ជាផ្លូវការនូវទិន្នន័យថ្មីនេះនៅឡើយទេ។ កាលពីខែសីហា ការិយាល័យថវិកាសភាបាននិយាយនៅក្នុងរបាយការណ៍មួយថា ខ្លួនរំពឹងថា បំណុលជាតិនឹងឈានដល់កម្រិតកំណត់ត្រា ហក់ឡើងលើសពី ១០៦% នៃផលិតផលក្នុងស្រុកសរុប (GDP) នៅឆ្នាំ ២០២៧ ហើយទីបំផុតនឹងស្ទុះឡើងដល់ទៅ ១២២% នៅឆ្នាំ ២០៣៤។ ទន្ទឹមនេះ មូលនិធិរូបិយវត្ថុអន្តរជាតិ ហៅកាត់ (IMF) បានគូររូបភាពកាន់តែអាក្រក់នៅក្នុងរបាយការណ៍ទស្សនវិស័យសេដ្ឋកិច្ចអាមេរិកនៅក្នុងខែកក្កដា។ IMF បានបញ្ជាក់នៅពេលនោះថា ស្ថិតក្រោមគោលនយោបាយបច្ចុប្បន្ន បំណុលរបស់រដ្ឋាភិបាលអាមេរិក ត្រូវបានរំពឹងថា នឹងកើនឡើងជាលំដាប់ ពោលគឺនឹងហក់ឡើងលើសពី…
-
កម្ពុជា-អង់គ្លេសប្រារព្ធ “ពិព័រណ៍ពាណិជ្ជកម្មអន្តរជាតិកម្ពុជា”
ភ្នំពេញ៖ប្រទេសកម្ពុជា និងប្រទេសអង់គ្លេស បានរួមគ្នាប្រារព្ធបើក“ពិព័រណ៍ពាណិជ្ជកម្មអន្តរជាតិកម្ពុជា” នៅមជ្ឈមណ្ឌលពិព័រណ៍ និងសន្និបាតកោះពេជ្រ រាជធានីភ្នំពេញកាលពីព្រឹកថ្ងៃទី១៨ ខែវិច្ឆិកា ឆ្នាំ២០២៤ដោយមានការអញ្ជើញចូលរួមពីលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ,ឯកឧត្តម ដូមីនីក វីល្លៀម (Dominic Williams) ឯកអគ្គរាជទូតអង់គ្លេសប្រចាំកម្ពុជាព្រមទាំង ឯកឧត្តម លោកជំទាវ ជាថ្នាក់ដឹកនាំក្រសួង ស្ថាប័ន លោកជំទាវប្រធានបណ្តាញសហគ្រិនស្ត្រីកម្ពុជា និងភ្ញៀវជាតិ និងអន្តរជាតិជាច្រើនរូប។ មានប្រសាសន៍ក្នុងពិធីបើកលោកជំទាវរដ្ឋមន្ត្រីក្រសួងពាណិជ្ជកម្ម បានចូលរួមអបអរសាទរ និងវាយតម្លៃខ្ពស់ចំពោះបណ្តាញសហគ្រិនស្ត្រីកម្ពុជា (CamWEN) នូវកិច្ចខិតខំប្រឹងប្រែងក្នុងការរៀបចំឡើងនូវព្រឹត្តិការណ៍ពិព័រណ៍នេះ ដែលត្រូវបានរៀបចំឡើងក្នុងគោលបំណងជំរុញការនាំចេញផលិតផល វាយនភណ្ឌ សំលៀកបំពាក់ និងស្បែកជើងទៅកាន់ចក្រភពអង់គ្លេស ។លោកជំទាវបន្តថា តាមរយៈព្រឹត្តិការណ៍នេះមិនត្រឹមតែតាមរយៈការតាំងបង្ហាញប៉ុណ្ណោះទេ ប៉ុន្តែថែមទាំងមានការបង្កើតបណ្តាញទំនាក់ទំនងជាមួយនឹងអ្នកបញ្ជាទិញសំខាន់ៗរបស់ចក្រភពអង់គ្លេស លើផលិតផលផងដែរ។ ចំណែកលើទំព័រហ្វេសប៊ុកផ្លូវការរបស់ស្ថានទូតអង់គ្លេសប្រចាំកម្ពុជានៅថ្ងៃទី១៨ ខែវិច្ឆិកានេះដែរបានបង្ហាញថា ឯកអគ្គរាជទូតអង់គ្លេស Dominic Williams បានស្វាគមន៍ធុរកិច្ចអង់គ្លេសចំនួន ១០ ក្រុមហ៊ុន មកកាន់ប្រទេសកម្ពុជា ខណៈដែលពួកគេចូលរួមក្នុងបេសកកម្មពាណិជ្ជកម្មរវាងចក្រភពអង់គ្លេស-អាស៊ាន ដែលផ្តល់មូលនិធិដោយរដ្ឋាភិបាលចក្រភពអង់គ្លេស និងរៀបចំដោយ SheTrades Initiative របស់មជ្ឈមណ្ឌលពាណិជ្ជកម្មអន្តរជាតិ។ កម្មវិធី SheTrades របស់រដ្ឋាភិបាលចក្រភពអង់គ្លេសបានគាំទ្រសហគ្រិនស្ត្រីឱ្យចូលរួមក្នុងពាណិជ្ជកម្មអន្តរជាតិ…
-
អ្នកវិទ្យាសាស្ត្ររកឃើញថា ផ្នែកឆ្ងាយនៃឋានព្រះចន្ទ ធ្លាប់មានផ្ទុះភ្នំភ្លើង
បរទេស៖ អ្នកស្រាវជ្រាវអាមេរិក និងចិនបានរកឃើញថា ភ្នំភ្លើងធ្លាប់បានផ្ទុះ នៅផ្នែកឆ្ងាយ ដ៏អាថ៌កំបាំង នៃព្រះច័ន្ទ កាលពីរាប់ពាន់លានឆ្នាំមុន នេះបើតាម BBC ចេញផ្សាយ កាលពីថ្ងៃអាទិត្យ។ ប្រភពថា ការវិភាគលើសំណាកដែលប្រមូលបាន ដោយបេសកកម្មរបស់ចិន បានរកឃើញបំណែក Basalt ឬ ថ្មភ្នំភ្លើងដែលបង្កើតឡើងបន្ទាប់ពីការផ្ទុះដែលមានអាយុកាលជាង ៤.២ ពាន់លានឆ្នាំ។ ការរកឃើញនេះត្រូវបានចុះផ្សាយក្នុងទស្សនាវដ្ដី Nature and Science កាលពីថ្ងៃសុក្រ។ សំណាកថ្ម និងធូលីដំបូងគេ ត្រូវបានទាញយកពីផ្នែកឆ្ងាយនៃព្រះច័ន្ទ ដែលប្រមូលដោយយានអវកាស Chang’e-6 របស់ចិន បន្ទាប់ពីបេសកកម្មជិតពីរខែ ដែលពោរពេញដោយហានិភ័យ។ ដឹកនាំដោយអ្នកជំនាញមកពីបណ្ឌិត្យសភាវិទ្យាសាស្ត្រចិន អ្នកស្រាវជ្រាវបានប្រើការណាត់ជួបវិទ្យុសកម្ម ដើម្បីកំណត់អាយុនៃថ្មភ្នំភ្លើង។ការវិភាគរបស់ពួកគេក៏បានបង្ហាញពីការផ្ទុះគួរឱ្យភ្ញាក់ផ្អើល បានកើតឡើងប្រហែល ជិត៣ពាន់លានឆ្នាំមុន ដែលជាអ្វីដែលមិនដែរត្រូវបានរកឃើញ នៅលើចំហៀងជិត នៃព្រះច័ន្ទ។ សាស្ត្រាចារ្យ Qiuli Li មកពីវិទ្យាស្ថានភូគព្ភសាស្ត្រ និងភូគព្ភសាស្ត្រ បានសរសេរថា «នេះគឺជាការសិក្សា ដ៏គួរឱ្យរំភើប មិនគួរឱ្យជឿ…វាគឺជាការសិក្សាភូគព្ភសាស្ត្រដំបូងគេ ដែលបានមកពីគំរូ Chang’e-6 ហើយនឹងមានសារៈសំខាន់យ៉ាងសម្បើម ចំពោះសហគមន៍វិទ្យាសាស្ត្រ…
-
Zelensky ៖ សង្រ្គាមចប់កាន់តែលឿន ពេល Trump ចូលកាន់តំណែងប្រធានាធិបតី
បរទេស៖ ប្រធានាធិបតី អ៊ុយក្រែន លោក Volodymyr Zelensky មានប្រសាសន៍ថា លោកប្រាកដណាស់ថា សង្រ្គាមជាមួយរុស្ស៊ី នឹង «បញ្ចប់ឆាប់ៗ» ពេលដែលលោក Donald Trump ចូលកាន់តំណែង ប្រធានាធិបតីអាមេរិក ជាផ្លូវការ។ លោក Zelensky បាននិយាយថា លោកមានការផ្លាស់ប្តូរយោបល់ ក្នុងន័យស្ថាបនា ជាច្រើន ជាមួយ Trump ក្នុងអំឡុងពេលសន្ទនា តាមទូរស័ព្ទ ពោលគឺបន្ទាប់ពីជ័យជំនះ របស់ Trump នៅក្នុងការបោះឆ្នោតប្រធានាធិបតី សហរដ្ឋអាមេរិក។ យ៉ាងណាមិញ លោក Zelensky មិនបាននិយាយថា តើលោក Trump បានធ្វើការទាមទារណាមួយ ទាក់ទងនឹងកិច្ចចរចា ដែលអាចធ្វើទៅបាន ជាមួយរុស្ស៊ី ទេ ក៏ប៉ុន្តែ បាននិយាយថា លោកមិនបានឮអ្វី ពីលោក Trump ដែលផ្ទុយនឹងជំហររបស់អ៊ុយក្រែន នោះទេ។ លោក Trump តែងតែនិយាយថា អាទិភាពរបស់លោក គឺការបញ្ចប់សង្រ្គាម…
-
សម្តេចធិបតី ហ៊ុន ម៉ាណែត ៖ កម្ពុជា ជាប្រទេសតូច តែមានមហិច្ឆតាក្នុងការបង្កើត និងរស់នៅក្នុងសន្តិភាព ដើម្បីរីកចម្រើនជារដ្ឋអធិបតេយ្យ
(សៀមរាប)៖ សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជានាយករដ្ឋមន្ត្រី នៃព្រះរាជាណាចក្រកម្ពុជា បានគូសបញ្ជាក់ថា ក្នុងនាមជាអនុប្រធាន IDC-CDI គណបក្សប្រជាជនកម្ពុជា បានចូលរួមចំណែក ប្រកបដោយមោទកភាព ចំពោះការអភិវឌ្ឍ និងការពង្រឹងប្រទេសប្រជាធិបតេយ្យដ៏រឹងមាំមួយនៅក្នុងតំបន់ ។ សម្ដេចបវរធិបតី បានបន្ថែមថា យើងបានចូលរួម យ៉ាងសកម្ម នៅក្នុងគំនិតផ្តួចផ្តើមនយោបាយក្នុងតំបន់ និងពិភពលោកផ្សេងៗ ដោយប្រើបទពិសោធន៍ផ្ទាល់ខ្លួន របស់យើង ក្នុងការកសាងសន្តិភាព និងការផ្សះផ្សា ។ សម្ដេចបវរធិបតី បានបញ្ជាក់ថា ក្នុងនាមជាប្រទេសតូច មហិច្ឆតារបស់កម្ពុជា មិនមែនជាកម្លាំងយោធាទេ ប៉ុន្តែគឺក្នុងការបង្កើតសន្តិភាព។ យ៉ាងណាមិញ កម្ពុជា គ្រាន់តែស្វែងរកការរស់នៅក្នុងសន្តិភាព ដើម្បីរីកចម្រើន ជារដ្ឋអធិបតេយ្យ ជាមួយនឹងបូរណភាពទឹកដីរបស់ខ្លួន ។ សម្តេចបានលើកឡើងថា គណបក្សប្រជាជនកម្ពុជា រួមជាមួយ IDC-CDI ពិតជាមានមោទនភាព ក្នុងការដោះស្រាយបញ្ហាប្រឈមក្នុងតំបន់ និងជំរុញកិច្ចខិតខំប្រឹងប្រែងកសាងសន្តិភាព ស្របតាមគុណតម្លៃ និងគោលការណ៍ប្រជាធិបតេយ្យ ស្នូលរបស់ IDC-CDI ។ ទន្ទឹមនេះ សម្ដេចធិបតីនាយករដ្ឋមន្ត្រីនៃកម្ពុជា ក៏បានអំពាវនាវដល់សមាជិកនៃគណៈកម្មាធិការប្រតិបត្តិ…
-
ភូមិបន្លែវៀតណាម Tra Que ជាប់ជាភូមិទេសចរណ៍ល្អបំផុត ក្នុងពិភពលោក
ហាណូយ៖ ភូមិបន្លែ Tra Que ស្ថិតនៅទីក្រុង Hội An ប្រទេសវៀតណាម ត្រូវបានផ្តល់ពានរង្វាន់ ជា «ភូមិទេសចរណ៍ល្អបំផុត នៅលើពិភពលោកឆ្នាំ ២០២៤» ផ្តល់ដោយអង្គការទេសចរណ៍ពិភពលោក របស់អង្គការសហប្រជាជាតិ ហៅកាត់ UNWTO នេះបើតាមការចេញផ្សាយ របស់ទីភ្នាក់ងារព័ត៌មាន Seasia.co កាលពីថ្ងៃអាទិត្យ។ ទីភ្នាក់ងារ Vietnamnet បានចេញផ្សាយថា ភូមិដែលមានអាយុកាល រាប់សតវត្សនេះ មានទីតាំងនៅជិតសមុទ្រ និងសម្បូរដោយដីមានជីជាតិ ល្បីល្បាញខាងកសិកម្មបន្លែសរីរាង្គ លើផ្ទៃដី ១៨ ហិកតាដែលទ្រទ្រង់គ្រួសារចំនួន ២០២គ្រួសារ និងផ្តល់ការងារដល់មនុស្សជាង ៣០០នាក់។ ភូមិនេះត្រូវបានទទួលស្គាល់ សម្រាប់ការអភិរក្សប្រពៃណីវប្បធម៌ ជីវចម្រុះ ហើយត្រូវបានត្រូវបានទទួលស្គាល់ ពីការប្តេជ្ញាចិត្តរបស់ខ្លួន ចំពោះវិស័យទេសចរណ៍ ប្រកបដោយនិរន្តរភាព និងយុត្តិធម៌សង្គម ស្របតាមគោលដៅអភិវឌ្ឍន៍ ប្រកបដោយចីរភាព របស់អង្គការសហប្រជាជាតិ។ ពានរង្វាន់នេះនឹងត្រូវបានបង្ហាញជាផ្លូវការ នៅក្នុង “សន្និសីទទេសចរណ៍ជនបទអន្តរជាតិ” នាពេលខាងមុខ ដែលបង្ហាញពីការបោះជំហានរបស់វៀតណាម ក្នុងវិស័យទេសចរណ៍បៃតង និងការអភិរក្សវប្បធម៌។ Vietnamnet បន្តថា…
-
មន្ត្រីជាន់ខ្ពស់ក្រសួងការពារជាតិ ថា ការហ្វឹកហ្វឺន គឺជាការងារចាំបាច់ និងមិនអាចខ្វះបានក្នុងកិច្ចការ ការពារជាតិ និងសន្តិសុខ
(កំពង់ស្ពឺ)៖ ថ្លែងក្នុងពិធីបិទវគ្គហ្វឹកហ្វឺនបណ្តុះបណ្តាល ជំនាញអង្គរក្សពិសេស ជំនាន់ទី៣០ បើកវគ្គបន្ត ជំនាន់ទី៣១ និងសម្ពោធអគារទីចាត់ការសាលាកម្ពស់ ២ជាន់ និងសមិទ្ធផលនានា នៅមជ្ឈមណ្ឌលហ្វឹកហ្វឺន បញ្ជាការដ្ឋានអង្គរក្ស ស្ថិតនៅភូមិសាស្ត្រភ្នំស្រង់ ស្រុកគងពិសី ខេត្តកំពង់ស្ពឺ នាថ្ងៃទី១៨ ខែវិច្ឆិកា ឆ្នាំ២០២៤ ឧត្តមសេនីយ៍ឯក ហ៊ុន ម៉ានិត អគ្គនាយក នៃអគ្គនាយកដ្ឋានស្រាវជ្រាវចារកិច្ច ក្រសួងការពារជាតិ និងជាមេបញ្ជាការរង កងទ័ពជើងគោក បានចាត់ទុកការហ្វឹកហ្វឺន គឺជាការងារចាំបាច់ និងមិនអាចខ្វះបាន ក្នុងកិច្ចការ ការពារជាតិ និងសន្តិសុខ ។ សូមបញ្ជាក់ថា ក្រោមការដឹកនាំរបស់ នាយឧត្តមសេនីយ៍ កិត្តិសង្គហបណ្ឌិត ហ៊ីង ប៊ុនហៀង និងនាយឧត្តមសេនីយ៍ ហ៊ុយ ពិសិដ្ឋ បានដឹកនាំកសាងមជ្ឈមណ្ឌលហ្វឹកហ្វឺន (ភ្នំស្រង់) គិតមកដល់បច្ចុប្បន្ន មានអគារសរុប ៦១ខ្នង បណ្ណាល័យ ១, ស្ថានីយ៍ប្រេងឥន្ធនៈ ១, ឧបសគ្គទីខ្ពស់ ១កន្លែង សំណង់ខ្ពស់សម្រាប់ហ្វឹកហាត់បាញ់អាវុធរយៈចម្ងាយឆ្ងាយ ១កន្លែង, ឧបសគ្គសម្រាប់ពង្រឹងកាយសម្បទា…
-
សហគមន៍នេសាទព្រែកត្នោត ខេត្តកំពត
🎥 នាំផ្លូវ #ams1minute