-
ព័ត៌មានសំខាន់ៗថ្ងៃ ១២ មករា ២០២១
១. ក្រសួងរ៉ែ អះអាងថា ការដាក់ដេញថ្លៃបូមខ្សាច់នៅកោះកុង និងព្រះសីហនុ គឺដើម្បីស្តារផ្លូវទឹកហូរ – ថ្មីៗ ២. ការនាំចេញអង្ករសរីរាង្គឆ្នាំ២០២១ រំពឹងមានកំណើនលើសឆ្នាំមុន – ភ្នំពេញបុស្តិ៍ ៣. កុំចង់សាកល្បងប្រើគ្រឿងញៀន! ១២ ខែមករា៖ បង្ក្រាប១៤ករណី ឃាត់ខ្លួន៣៧នាក់ – Fresh News ៤. ក្រោយការផ្ទុះជំងឺផ្តាសាយបក្សី រដ្ឋាភិបាលសម្រេចបិទការដឹកជញ្ជូនបក្សីនៅតំបន់មួយក្នុងខេត្តបាត់ដំបង – ថ្មីៗ ៥. កម្ពុជាប្រែក្លាយបញ្ហាកូវីដ១៩ ទៅជាឱកាសមាសក្នុងការនាំចេញក្រូចឆ្មារ និងក្រូចថ្លុងសារជាថ្មី – Fresh News ៦. កូវីដ១៩៖ WHO ព្រមានកុំឱ្យពឹងពីវត្តមានប្រព័ន្ធការពាររួមក្នុងឆ្នាំ ២០២១ ដោយសារតែមានវ៉ាក់សាំង – RFI ៧. លោក ត្រាំ ដាក់រដ្ឋធានីវ៉ាសុីនតោនក្នុងស្ថានការណ៍អាសន្ន ខណៈ FBI ព្រមានពីកុបកម្មប្រដាប់អាវុធ – ថ្មីៗ
-
នៅឆ្នាំ២០២០ មន្ត្រីឧទ្យានុរក្សទាំង ១.២០០ នាក់បាន ចុះល្បាតសរុបចំនួន ២៧.៥៨៨ លើក និងបង្ក្រាបបទល្មើសបានចំនួន ៨.៩១៧ករណី
អ្នកនាំពាក្យក្រសួងបរិស្ថាន នេត្រ ភក្ត្រា បានបង្ហាញថា៖ “នៅឆ្នាំ២០២០ មន្ត្រីឧទ្យានុរក្សទាំង ១.២០០ នាក់បាន ចុះល្បាតសរុបចំនួន ២៧.៥៨៨ លើក និងបង្ក្រាបបទល្មើសបានចំនួន ៨.៩១៧ករណី ហើយភាគច្រើនជាបទល្មើសលួចកាប់ឈើ ការរុករានទន្ទ្រានកាន់កាប់ដីព្រៃខុសច្បាប់ ការបរបាញ់សត្វ និងការដាក់អន្ទាក់ចាប់សត្វ។ ក្នុងប្រតិបត្តិការចុះល្បាត និងបង្ក្រាបបទល្មើសនៅឆ្នាំ២០២០ មន្ត្រីឧទ្យានុរក្សបានរឹបអូសរណាយន្តបានចំនួន ៤ពាន់ គ្រឿង”។ លោកបានបញ្ជាក់ដែរថា៖ “ក្រសួងបរិស្ថាននឹងបន្តសហការជាមួយសហគមន៍តំបន់ការពារធម្មជាតិ និងអង្គការដៃគូបន្តអប់រំផ្សព្វផ្សាយច្បាប់ និងអនុវត្តច្បាប់ដើម្បីទប់ស្កាត់ និងបង្ក្រាបបទល្មើសបន្តទៀតដើម្បីថែរក្សា និងការពារធនធានធម្មជាតិដែលកម្ពុជានៅមាននេះឱ្យបានគង់វង្សសម្រាប់មនុស្សរាប់ជំនាន់ទៅមុខទៀត”។ ប្រភព៖ ក្រសួងបរិស្ថាន
-
Toyota Corona Mark II 1968 ដែលមិត្តវៀតណាមប្រគល់ជូន សម្តេចតេជោ ហ៊ុន សែន កាលពីឆ្នាំ ១៩៧៩ បច្ចុប្បន្នដាក់តាំងក្នុងវិមានឈ្នះ-ឈ្នះ
ប្រភព៖ Noan Sereiboth
-
សន្តិភាព នាំឱ្យយើងមានឱកាសអភិវឌ្ឍប្រទេស និងមានពេលវេលាជួបជុំគ្រួសារយ៉ាងសប្បាយរីករាយនៅតាមតំបន់ទេសចរណ៍នានាក្នុងថ្ងៃឈប់សម្រាកចុងសប្តាហ៍ 🌸
📸 ទេសភាពព្រៃរនាមតាមដងទន្លេមេគង្គ តំបន់រ៉ាមសារនៃសហគមន៍ទេសចរណ៍បុរីអូរស្វាយ ស្រុកអូរស្វាយ ខេត្តស្ទឹងត្រែង 🍃🍂🦆🦋🐟
-
ប្រាសាទបាគង – ឥន្ទ្រេស្វរៈ
📸 Siem Reap Vibes
-
មានជីវចម្រុះក្នុងដីប្រមាណតែ ១ភាគរយប៉ុណ្ណោះ ត្រូវបានគេកំណត់អត្តសញ្ញាណ
ជីវចម្រុះទាំងនេះបានដើរតួយ៉ាងសំខាន់នៅក្នុងផលិតកម្មសង្វាក់អាហារ ការរក្សានូវតុល្យភាពជីវចម្រុះ និងរបកគំហើញផ្នែកឱសថ។ តួនាទីស្រូបយកកាបូនឌីអុកស៊ីត ក៏បានរួមចំណែកកាត់បន្ថយការប្រែប្រួលអាកាសធាតុផងដែរ។ ដើម្បីឱ្យដីមានជីជាតិ យើងអាចរៀនគ្រប់គ្រងអភិរក្ស និងស្ដារគុណភាពដីឡើងវិញ ដោយមិនកាប់បំផ្លាញព្រៃឈើ មិនដាំដុះដំណាំតែមួយមុខ និងមិនប្រើប្រាស់ជីគីមី។ 🎥 FAO
-
យើងតែងតែមើលរំលងនូវអ្វីដែលយើងមាន
ពេលយើងកំពុងរស់នៅក្នុងសន្តិភាព យើងហាក់មើលរំលងលើតម្លៃសន្តិភាព។ ទាល់តែពេលចលាចល អស្ថិរភាព ទើបយើងភ្ញាក់រឭកពីសារៈសំខាន់នៃសន្តិភាព។ ដូចគ្នាដែរ យើងហាក់មើលរំលងអុកស៊ីហ្ស៊ែនដែលយើងដកដង្ហើមចូលរាល់ថ្ងៃ។ ទាល់តែពេលយើងពាក់ម៉ាសក្នុងពេលមានជម្ងឺកូវីដ១៩ ទើបយើងភ្ញាក់រឭកពីសារៈសំខាន់នៃការដកដង្ហើមអុកស៊ីហ្ស៊ែនបរិសុទ្ធដោយគ្មានរបាំងរាំងស្ទះ។ ស៊ឹម វីរៈ
-
រដ្ឋបាលរាជធានីភ្នំពេញ នឹងបន្តថែទាំ និងរក្សាទុកដើមឈើចំនួន ៣ដើមដែលចាស់ទ្រុឌទ្រោម ស្ថិតតាមបណ្ដោយវិថីព្រះអង្គឌួង និងវិថីក្រមួនស
រដ្ឋបាលរាជធានីភ្នំពេញ នឹងបន្តថែទាំ និងរក្សាទុកដើមឈើចំនួន ៣ដើមដែលចាស់ទ្រុឌទ្រោម ស្ថិតតាមបណ្ដោយវិថីព្រះអង្គឌួង និងវិថីក្រមួនស ដែលមានអាយុកាលច្រើនឆ្នាំនោះ ដោយលះមែកចេញមួយចំនួន និងធ្វើជើងទម្រទប់ដើម ដើម្បីការពារគ្រោះថ្នាក់កើតឡើងជាយថាហេតុ។ ប្រភព៖ ឃួង ស្រេង
-
សម្តេចពិជ័យសេនា ទៀ បាញ់៖ កម្ពុជាគឺជាប្រទេសតូច តែមានទឹកចិត្តទូលាយ
ក្នុងពេលកំពុងប្រយុទ្ធប្រឆាំងនឹងមេរោគកូវីដ១៩ ក៏កម្ពុជាព្យាយាមចែករំលែកធនធានដែលមានជូនប្រជាជន និងប្រទេសជាមិត្ត ក្នុងការទប់ទល់នឹងការរីករាលដាលនៃមេរោគដ៏កាចសាហាវនេះ ដូចពាក្យចាស់ពោលថា “ជួយគ្នាក្នុងគ្រាក្រ ស្គាល់មិត្តល្អក្នុងគ្រាលំបាក”។ 📸 ទៀ បាញ់
-
សុខសន្តិភាពជាកត្តាចម្បងនៃការអភិវឌ្ឍសេដ្ឋកិច្ចជាតិ
ពេលសេដ្ឋកិច្ចរីកចម្រើន ប្រជាពលរដ្ឋមានជីវភាពល្អប្រសើរ។ កត្តានេះបានធ្វើឱ្យប្រជាពលរដ្ឋចាប់ផ្តើមគិតគូរពីការរស់នៅស្អាត បញ្ហាសុខភាព និងជ្រើសរើសរបបអាហារមួយមានគុណភាព និងសុវត្ថិភាព ជាពិសេស បន្លែ ផ្លែឈើ និងត្រីសាច់។ ឆ្លើយតបតាមសេចក្តីត្រូវការ ក្រសួងកសិកម្ម គាំទ្រដោយរាជរដ្ឋាភិបាល និងដៃគូអភិវឌ្ឍន៍សម្រាប់ការអភិវឌ្ឍវិស័យកសិកម្ម បាន និងកំពុងជំរុញ គាំទ្រ និងលើកទឹកចិត្តការអនុវត្តគម្រោងផលិតកម្មបន្លែសុវត្ថិភាពជាមួយកសិករ និងដៃគូនានានៅទូទាំងប្រទេស។ ក្នុងអនាគតដ៏ខ្លី កម្ពុជានឹងមានបន្លែសុវត្ថិភាពគ្រប់គ្រាន់សម្រាប់ផ្គត់ផ្គង់ទីផ្សារក្នុងស្រុក និងនាំចេញ។ 📸 វេង សាខុន