នេះជា និមិត្តរូប នៃការផ្សះផ្សា និងបង្រួបបង្រួមជាតិ ក្រោមគោលនយោបាយ ឈ្នះ-ឈ្នះ របស់ សម្តេច តេជោ ដែល នាំមកនូវ សន្តិភាព និង វឌ្ឍនភាពជាតិ។ ✍🏽 មោទនភាពកងទ័ពខ្មែរ

រដ្ឋបាលខេត្តកំពង់ស្ពឺបដិសេធ និងដកហូតដីព្រៃឈើដែលទទួលរងនូវការកាប់គាស់ រុករាន ទន្ទ្រានយកដីព្រៃរបស់រដ្ឋ ដើម្បីវាតយកដីធ្វើកម្មសិទ្ធិដោយខុសច្បាប់លើទីតាំងចំនួន ២កន្លែង ដែលមានផ្ទៃដីសរុប ៧៨៤ហិកតា ស្ថិតក្នុងដែនជម្រកសត្វព្រៃឱរ៉ាល់ ត្រង់ចំណុចភូមិត្រាង និងភូមិចំបក់ ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។

១. ការតាំងពិព័រណ៍លំដាប់ពិភពលោក “អង្គរអាណាចក្របាត់បង់នៃកម្ពុជា” នឹងត្រូវបានធ្វើឡើងនៅមជ្ឈមណ្ឌលវិទ្យាសាស្ត្រកាលីហ្វ័រនីញ៉ាថ្ងៃទី១៦ កុម្ភៈ ក្នុងនោះមានវត្ថុបុរាណកម្ពុជាជាង៦០ – ភ្នំពេញបុស្តិ៍ ២. រដ្ឋលេខាធិការក្រសួងការបរទេស៖ មិនមានការធ្វើពហិការណាមួយក្នុងកិច្ចប្រជុំរដ្ឋមន្ត្រីការបរទេសអាស៊ាននៅកម្ពុជាទេ – RFI ៣. អ្នកជំនាញ៖ កម្ពុជាត្រូវការពេល ២ទៅ៣ឆ្នាំ ដើម្បីកែប្រែស្ថានភាពនាំចេញអង្ករឱ្យមាន កំណើនឡើងវិញ – រស្មីកម្ពុជា ៤. ថៃនឹងបន្តគម្រោងធ្វើដំណើរដោយមិនចាំបាច់ធ្វើចត្តាឡីស័កចាប់ពីថ្ងៃទី១ កុម្ភៈ បន្ទាប់ពីកម្មវិធីនេះត្រូវបានផ្អាក ដោយសារមេរោគបំប្លែងខ្លួនអូមីក្រុង – Bangkok Post ៥. យោធាចិនខ្លួនព្រមាននាវាចម្បាំងអាមេរិកឱ្យចេញពីដែនទឹកនៅសមុទ្រចិនខាងត្បូង តែត្រូវអាមេរិកបដិសេធ – Reuters

កម្ពុជាថ្កោលទោសយ៉ាងខ្លាំងក្លាចំពោះការវាយប្រហារដ៍ឃោរឃៅរបស់ក្រុមឧទ្ទាមហ៊ូទី លើទីតាំងស្តុកប្រេងក្នុងទីក្រុងអាប៊ូ ដាប៊ី នៃប្រទេសអេមីរ៉ាតអារ៉ាប់រួម ដែលបានសម្លាប់ជនស៊ីវិលចំនួន៣នាក់ និងធ្វើឱ្យរងរបួសជាច្រើននាក់ កាលពីថ្ងៃចន្ទ័ទី១៧ មករា។ ២០ មករា ២០២២

ក្រសួងការបរទេសកម្ពុជា សូមសម្តែងនូវការព្រួយបារម្ភជាខ្លាំងចំពោះការប៉ះទង្គិចប្រដាប់អាវុធយ៉ាងធ្ងន់ធ្ងរ នៅក្នុងរដ្ឋធានីនៃរដ្ឋ Kayah របស់មីយ៉ាន់ម៉ា រវាងយោធា និងកងកម្លាំងឧទ្ទាមប្រដាប់អាវុធ។ សន្តិភាពរបស់កម្ពុជា និងការបង្រួបបង្រួមជាតិ មិនអាចសម្រេចបានឡើយ ប្រសិនបើគ្មានការចូលរួម និងការឯកភាពពេញលេញពីគ្រប់ភាគីពាក់ព័ន្ធទាំងអស់។ ក្នុងស្មារតីនេះ គ្រប់ភាគីពាក់ព័ន្ធទាំងអស់ត្រូវតែទទួលយកបទឈប់បាញ់ បញ្ចប់នៅរាល់សកម្មភាពដែលហិង្សា អនុវត្តការអត់ធ្មត់ឱ្យបានខ្ពស់បំផុត និងចាប់ផ្តើមកិច្ចសន្ទនា ដើម្បីកសាងឡើងវិញនូវសន្តិភាពនៅក្នុងប្រទេសមីយ៉ាន់ម៉ា។ ២០ មករា ២០២២

កម្ពុជាហាមជនជាតិអាមេរិកឈ្មោះ Genser Jared Matthew មិនឱ្យមកកម្ពុជាជារៀងរហូត។ ក្រៅពីគំរាមកំហែងដល់ឯករាជ្យភាពតុលាការកម្ពុជា ឈ្មោះ Genser Jared ល្មើសនឹងច្បាប់ស្តីពីអន្តោប្រវេសន៍ ដោយបានប្រើប្រាស់ទិដ្ឋាការខុសពីគោលបំណង។ នេះបើតាមអ្នកនាំពាក្យក្រសួងមហាផ្ទៃ លោក ខៀវ សុភ័គ។ ២០ មករា ២០២២

Bui Thanh Son បានកោតសរសើរចំពោះការអភិវឌ្ឍ និងកិត្តិនាមរបស់កម្ពុជាក្នុងតំបន់ និងអន្តរជាតិ។ វៀតណាមគាំទ្រចំពោះកម្ពុជាដែលធ្វើប្រធានអាស៊ាននៅឆ្នាំ២០២២នេះ ខណៈឆ្នាំនេះក៏ជាខួបលើកទី៥៥នៃទំនាក់ទំនងការទូតរវាងប្រទេសទាំងពីរ។ វៀតណាម-កម្ពុជា នឹងបន្តពង្រឹងនៃការតភ្ជាប់សេដ្ឋកិច្ចលើគ្រប់វិស័យ។ ក្នុងជំនួបនោះ សម្តេចតេជោ ក៏បានគូសបញ្ជាក់អំពីការជំរុញលើការវិនិយោគពាណិជ្ជកម្មទេសចរណ៍ និងគម្រោងនៃការតភ្ជាប់ផ្លូវដែកកម្ពុជា-វៀតណាម។ វៀតណាមអរគុណកម្ពុជាក្នុងការជំរុញឱ្យបើកឡើងវិញនៃជើងយន្តហោះដោយផ្ទាល់ និងការទទួលស្គាល់ប៉ាស្ព័រវ៉ាក់សាំង។ សម្ដេចតេជោថ្លែងថា អ្វីដែលប្រជាជននៃប្រទេសទាំងពីរបានទទួលផលពីគ្នាទៅវិញទៅមក គឺព្រំដែនប្រកបដោយសុខសន្តិភាព។ លោក Bui Thanh Son បានអបអរសាទរ និងគាំទ្រចំពោះដំណើរបំពេញទស្សនកិច្ចរបស់សម្តេចតេជោទៅកាន់មីយ៉ាន់ម៉ា។ ២០ មករា ២០២២

កំពង់ផែនេះអាចទទួលនាវាទេសចរណ៍ធំៗចំនួន៣គ្រឿង ដែលក្នុង១គ្រឿងអាចផ្ទុកអ្នកដំណើរចំនួន១៥០នាក់ និងទូកទេសចរណ៍តូចៗមួយចំនួន។ ប្រភព៖ CDP