📸 Kim Panharoth

កម្ពុជាអរគុណជប៉ុន ដែលតែងតែឧបត្ថម្ភគាំទ្រដល់ការអភិវឌ្ឍរបស់កម្ពុជា ជាពិសេសការផ្តល់វ៉ាក់សាំងបង្ការជំងឺកូវីដ១៩ រថយន្តសង្គ្រោះ និងបរិក្ខារពេទ្យដទៃទៀត សម្រាប់ប្រយុទ្ធប្រឆាំងនឹងជំងឺកូវីដ១៩។ សម្តេចតេជោបានរំលឹកពីការបញ្ជូនកងទ័ពរក្សាសន្តិភាពរបស់ជប៉ុនមកកាន់ប្រទេសកម្ពុជា កាលពីឆ្នាំ១៩៩២។ ថ្នាក់ដឹកនាំទាំងពីរចង់ឃើញពិធីរំលឹកដល់ព្រឹត្តិការណ៍ជាប្រវត្តិសាស្ត្រនេះនៅឆ្នាំ២០២២ ដែលជាខួប ៣០ឆ្នាំនៃការបញ្ជូនកងទ័ពរក្សាសន្តិភាពលើកដំបូងរបស់ជប៉ុនទៅបរទេស។ សម្តេចតេជោស្នើជប៉ុន ផ្តល់ការហ្វឹកហ្វឺនកងកម្លាំងរក្សាសន្តិភាពរបស់កម្ពុជា ផ្តល់អាហារូបករណ៍ដល់សិស្សកម្ពុជា និងជំរុញអ្នកវិនិយោគជប៉ុនមកកាន់ប្រទេសកម្ពុជាបន្ថែមទៀត។ សម្តេចតេជោ ក៏បានស្នើឱ្យមានជើងហោះហើរ ANA បន្ទាប់ពីជំងឺកូវីដ១៩ បានធូរស្បើយ។ សម្តេចតេជោ ហ៊ុន សែន សង្ឃឹមថានាយករដ្ឋមន្ត្រីជប៉ុននឹងអញ្ជើញមកចូលរួមកិច្ចប្រជុំកំពូលអាស៊ាននៅឆ្នាំ២០២២ នៅរាជធានីភ្នំពេញ និងឆ្លៀតអញ្ជើញបំពេញទស្សនកិច្ចផ្លូវការនៅកម្ពុជា។

ស្នងការរងនគរបាលខេត្តកំពង់ឆ្នាំងលោកឧត្តមសេនីយ៍ត្រី ស៊ុ សុជាតិ ស្ម័គ្រចិត្តប្រគល់ដីព្រៃលិចទឹកចំនួន ៦៧៥ហិកតា ស្ថិតនៅក្នុងឃុំច្រណូក ស្រុកកំពង់លែង មកឱ្យរដ្ឋវិញ។ នេះបើតាមអភិបាលខេត្តកំពង់ឆ្នាំង ស៊ុន សុវណ្ណារិទ្ធិ ថ្លែងព្រឹកថ្ងៃទី១ ធ្នូ ២០២១។ ប្រភព៖ សន រដ្ឋា-Sorn Ratha

📸 Phearun Yin-ភារុណ

១. គ្រោះថ្នាក់ចរាចរណ៍ ១១ករណី ស្លាប់ ៨នាក់ និងរបួសធ្ងន់ស្រាល ៦នាក់។ ២. បទល្មើសព្រហ្មទណ្ឌ ១៥ករណី ឃាត់ខ្លួនជនសង្ស័យ ២៣នាក់។ ៣. គ្រឿងញៀន ៨ករណី ឃាត់ខ្លួនជនសង្ស័យ ២៧នាក់។ ៤. កូវីដ ២៦ករណី និងជាសះស្បើយ ២២នាក់។ អ្នកឆ្លងសរុប ១២០ ១៦០នាក់ អ្នកជាសះស្បើយ ១១៦ ៥២៩នាក់ អ្នកស្លាប់ ២ ៩៤៤នាក់ ៥. បទល្មើសនឹងវិធានការសុខាភិបាលសរុប គ្មាន។ ចេញផ្សាយ ១២:១៥ ថ្ងៃទី១ ធ្នូ ២០២១