រកឃើញករណីឆ្លងថ្មី ២៦នាក់ ជាសះស្បើយ ២២នាក់ ស្លាប់ ៤នាក់ គិតត្រឹមថ្ងៃទី១ ធ្នូ ២០២១ ចំនួនអ្នកឆ្លងសរុប៖ ១២០.១៦០នាក់ ចំនួនអ្នកជាសះស្បើយ៖ ១១៦.៥២៩នាក់ ចំនួនអ្នកស្លាប់សរុប៖ ២.៩៤៤នាក់

“ប្រទេសកម្ពុជាមានលោក សម រង្ស៉ី ជាមេដឹកនាំបក្សប្រឆាំង ប្រៀបដូចដេកឱបគ្រាប់បែកកំណត់ម៉ោង និងដបសាំង” នេះបើតាម លោក ប្រេដ អាដាំ នាយកប្រចាំតំបន់អាស៊ីនៃអង្គការសិទ្ធិមនុស្ស Human Rights Watch សម រង្ស៉ី និយាយអ្វី និងធ្វើអ្វីតាមអារម្មណ៍នឹកឃើញ ឬតាមទំនើងចិត្ត និងចូលចិត្តបង្កើតព្រឹត្តិការណ៍ភ្ញាក់ផ្អើល ដើម្បីកុំឱ្យស្ងាត់ និងទាញចំណាប់អារម្មណ៍ និងការគាំទ្រ ដោយមិនបានគិតពីផលលំបាក និងគ្រោះថ្នាក់ដល់អ្នកគាំទ្រ និងសង្គម។ ✍🏽 Muth Chantha

១. វិមានកីឡដ្ឋានមរតកតេជោ នឹងរៀបចំពិធីសម្ភោធផ្លូវការនៅថ្ងៃទី១៨ ធ្នូ ខាងមុខនេះ ដោយគ្រោងទទួលអ្នកចូលរួម១៥០០០នាក់ – AMS Central ២. គជប៖ លទ្ធផលបឋមអ្នកចុះឈ្មោះបោះឆ្នោតឆ្នាំ២០២១ កើនឡើងជិត១០លាននាក់ ឬ៨៧,៩% ក្រោយបានបើកដំណើរការចុះឈ្មោះអស់រយៈពេល៥០ថ្ងៃ – RFI ៣. គម្រោងសាងសង់ផែកុងតឺន័រថ្មីរបស់កំពង់ផែស្វយ័តក្រុងព្រះសីហនុ ដែលមានប្រវែង៣៥០ម៉ែត្រ និងជម្រៅទឹក១៤,៥ម៉ែត្រ នឹងត្រូវអនុវត្តឡើងនៅដើមឆ្នាំ២០២២ ដោយនឹងអាចប្រតិបត្តិការនៅឆ្នាំ២០២៥ – ថ្មីៗ ៤. ក្រសួងការបរទេសចិន កោតសរសើរចំពោះ កិច្ចខិតខំប្រឹងប្រែងរបស់អាហ្រ្វិកខាងត្បូង សម្រាប់ការចែករំលែកព័ត៌មានទាន់ពេលវេលាស្តីពីវីរុសបំប្លែងថ្មី Omicron – CGTN ៥. នាយកក្រុមហ៊ុន Moderna ព្រមានថា វ៉ាក់សាំងប្រហែលថយចុះប្រសិទ្ធភាព ក្នុងការប្រឆាំងវីរុសបំប្លែងថ្មី Omicron – FT

តៃវ៉ាន់មានបំណងពង្រឹងទំនាក់ទំនងជាមួយអឺរ៉ុបខាងកើត ជាពិសេសបណ្ដាប្រទេសឈូងសមុទ្របាលទិក (Baltic) រួមមានលីទុយអានី អេស្តូនី និងឡាតវី ស្របពេលដែលប្រតិភូសមាជិកសភាមកពីប្រទេសទាំងបីនេះ មកបំពេញទស្សនកិច្ចនៅតៃវ៉ាន់។ ប្រតិភូសមាជិកសភាចំនួន ១០រូបមកពីប្រទេសទាំង ៣ខាងលើ ដោយក្នុងនោះមកពីលីទុយអានីចំនួន ៦រូប ធ្វើទស្សនកិច្ចនៅតៃវ៉ាន់រយៈពេល ៨ថ្ងៃ ដើម្បីចូលរួមក្នុងវេទិកាសភាបើកចំហ។ អំឡុងពេលជួបពិភាក្សាគ្នា អ្នកស្រី Tsai Ing-wen បានលើកឡើងថា៖ “តៃវ៉ាន់ និងប្រទេសក្នុងឈូងសមុទ្របាល់ទិក សុទ្ធតែធ្លាប់ស៊ូទ្រាំនឹងការរស់នៅក្រោមរបបផ្ដាច់ការ ហើយក្រោមបុព្វហេតុនៃការប្រយុទ្ធដើម្បីសេរីភាព និងរៀនសូត្រពីតម្លៃនៃលទ្ធិប្រជាធិបតេយ្យ”។ ការប្ដេជ្ញាចិត្តពង្រឹងទំនាក់ទំនងរបស់តៃវ៉ាន់បែបនេះ ធ្វើឡើងក្រោយមហាអំណាចចិន មានភាពល្អក់កករផ្នែកការទូតជាមួយប្រទេសលីទុយអានី។ សព្វថ្ងៃ គេសង្កេតឃើញពីវឌ្ឍនភាពនៃទំនាក់ទំនងរវាងតៃវ៉ាន់ និងប្រទេសលីទុយអានី ដោយលីទុយអានីបានបានបរិច្ចាគវ៉ាក់សាំងកូវីដ១៩ ប្រមាណ ២៥ម៉ឺនដូសដល់តៃវ៉ាន់ និងអនុញ្ញាតឱ្យតៃវ៉ាន់បើកការិយាល័យតំណាងនៅក្នុងរដ្ឋធានីរបស់ខ្លួន ដោយប្រើប្រាស់ឈ្មោះ “តៃវ៉ាន់” តែម្ដង ដែលផ្ទុយទៅនឹងប្រទេសអឺរ៉ុបផ្សេងៗ រួមទាំងអាមេរិកផងដែរ ដែលឱ្យប្រើប្រាស់ត្រឹមតែការិយាល័យតំណាង “ក្រុងតៃប៉ិ” តែប៉ុណ្ណោះ។ ប្រភព៖-ការិយាល័យប្រធានាធិបតីតៃវ៉ាន់

វ៉ាក់សាំងចំនួន ៦០០លានដូស នឹងផ្ដល់ជូនជាការបរិច្ចាគ ហើយ ៤០០លានដូសទៀតផ្គត់ផ្គង់ដោយការផលិតរួមគ្នាជាមួយក្រុមហ៊ុនចិននៅប្រទេសអាហ្វ្រិកមួយចំនួន។ ចិនបានផ្គត់ផ្គង់វ៉ាក់សាំងជិត ២០០លានដូសទៅឱ្យអាហ្វ្រិករួចទៅហើយ ខណៈទ្វីបនេះមានអត្រាចាក់វ៉ាក់សាំងទាបជាងគេក្នុងពិភពលោក ហើយការព្រួយបារម្ភកំពុងកើនឡើង ជុំវិញការរកឃើញវីរុសកូរ៉ូណាបម្លែងថ្មី Omicron។ ប្រធានាធិបតី Xi ជំរុញឱ្យក្រុមហ៊ុនចិនធ្វើការវិនិយោគយ៉ាងហោចណាស់ ១០ពាន់លានដុល្លារក្នុងទ្វីបអាហ្រ្វិកក្នុងពេល ៣ឆ្នាំខាងមុខ។ ប្រភព៖ Reuters

https://www.facebook.com/ams1minute/posts/368119635085247

តាំងខ្លួនជាអ្នកស្នេហាជាតិ តែទៅដកបង្គោលព្រំដែនយ៉ាងអនាធិបតេយ្យ និងខុសច្បាប់ ដែលអាចនាំវិនាសកម្មធំធេងដល់ជាតិ តាំងខ្លួនជាអ្នកស្រលាញ់សេរីភាពនៃការបញ្ចេញមតិ តែដើរបរិហារកេរ្ត៍ថ្នាក់ដឹកនាំ និងប្រមាថព្រះចេស្តាដោយបំពានច្បាប់ តាំងខ្លួនជាអ្នកស្នេហាប្រជាធិបតេយ្យ តែស្រេកឃ្លានអំណាចទាំងកំរោល អំពាវនាវកុំឱ្យប្រជាជនទៅបោះឆ្នោត ហើយឱ្យប្រជាជនងើបឡើងផ្តួលរំលំរាជរដ្ឋាភិបាលស្របច្បាប់ តាំងខ្លួនជាអ្នកស្នេហាគោលការណ៍នីតិរដ្ឋ តែរត់ចោលស្រុក ដើម្បីគេចពីសំណាញ់ច្បាប់ តាំងខ្លួនជាអ្នកការពារជីវភាពប្រជាជន តែអំពាវនាវកុំឱ្យបរទេសទិញផលិតផលខ្មែរ ដែលជាការកំទេចឆ្នាំងបាយរបស់ប្រជាជនខ្មែរ តាំងខ្លួនជាអ្នកខ្វាយខ្វល់ពីជីវិតប្រជាជន តែអំពាវនាវកុំឱ្យប្រជាជនខ្មែរទៅទទួលវ៉ាក់សាំង ដែលជាខែលដ៏ចម្បងក្នុងការពារអាយុជីវិត តាំងខ្លួនជាអ្នកស្អប់ជនផ្តាច់ការ តែខ្លួនឯងផ្តាច់ការរហូតដល់ហ៊ានគំរាមដកសញ្ជាតិអាមេរិកពីពលរដ្ឋខ្មែរនៅឯនាយសមុទ្រដែលស្រលាញ់គាំទ្រជាតិខ្មែរ នេះគ្រាន់តែជាសេចក្តីសង្ខេបខ្លីដើម្បីបកស្បែកមុខអ្នកស្នេហាជាតិក្លែងក្លាយ ដែលហ៊ានកំទេចអ្វីៗគ្រប់យ៉ាងឱ្យតែបានសម្រេចមហច្ឆិតានយោបាយខ្លួនឯង។ ✍🏽-សេនាពិជេដ្ឋ