១. ៩ខែ ឆ្នាំ២០២១ ការនាំចេញ និងនាំចូលក្នុងតំបន់សេដ្ឋកិច្ចពិសេសព្រះសីហនុ មានតម្លៃ ១,៥ពាន់លានដុល្លារ កើនជាង ៤០% បើធៀបនឹងរយៈពេលដូចគ្នាឆ្នាំ២០២០ – ភ្នំពេញបុស្តិ៍ ២. កម្ពុជា និងប្រទេសចំនួន ២៦ទៀត បានដាក់ញ្ញត្តិមួយទៅគណៈកម្មការសភាអាមេរិក ដើម្បីជំរុញឱ្យបន្តផ្តល់នូវកម្មវិធីប្រព័ន្ធអនុគ្រោះពន្ធទូទៅ (GSP) ឱ្យបានឆាប់ៗ – ថ្មីៗ ៣. គណៈកម្មការទន្លេមេគង្គរកឃើញថា ១១ទីតាំង នៅកម្ពុជា មានពលរដ្ឋកំពុងនេសាទហួសកម្រិត និងកំពុងដាក់សម្ពាធយ៉ាងខ្លាំងដល់ជលផល នៅអាងទន្លេមេគង្គ – RFI ៤. កម្មវិធីមួយដឹកនាំដោយអង្គការសុខភាពពិភពលោក (WHO) គ្រោងទិញថ្នាំព្យាបាលជំងឺកូវីដ១៩ ពីក្រុមហ៊ុនឱសថអាមេរិក Merck ក្នុងតម្លៃ១០ដុល្លារ ក្នុងមួយបន្ទះ ដើម្បីចែកចាយដល់ប្រទេសក្រីក្រ – Reuters ៥. កូរ៉េខាងត្បូង នឹងពិចារណាបន្ធូរបន្ថយទណ្ឌកម្មសេដ្ឋកិច្ច នៅក្នុងចំណោមវិធានការរារាំងកម្មវិធីនុយក្លេអ៊ែរ ប្រសិនបើកូរ៉េខាងជើងយល់ព្រមត្រឡប់មករកតុចរចាវិញ – Xinhua

អនុប្រភេទ AY.4.2 នេះ ទើបតែត្រូវបានទទួលស្គាល់ ដោយអ្នកជំនាញខាងរោគសាស្រ្តវិទូ ដែលសិក្សាតាមការវិវត្តហ្សែននៃវ៉ារ៉្យង់ Delta ខណៈដែលវត្តមានវ៉ារ៉្យង់នេះមានប្រមាណជិត ១០%នៃករណីឆ្លងសរុបនៅក្នុងប្រទេសអង់គ្លេសទៅហើយ។ លោក Jeffrey Barrett នាយកនៃគំនិតផ្តួចផ្តើមការសិក្សាហ្សែនកូវីដ១៩ នៅវិទ្យាស្ថាន Wellcome Sanger Institute នៅ Cambridge និងលោក Francois Balloux នាយកនៃវិទ្យាស្ថាន Genetics Institute នៅសាកលវិទ្យាល័យទីក្រុង London បាននិយាយថា អនុប្រភេទ AY.4.2 នេះអាចមានសមត្ថភាពចម្លងពី ១០%-១៥% ខ្លាំងជាង វ៉ារ្យ៉ង់ Delta ទៅទៀត។ ល្បឿននៃការចម្លងនេះអាចបណ្ដាលឱ្យមានអត្រានៃអ្នកសម្រាកក្នុងមន្ទីរពេទ្យ និងការស្លាប់នៅអង់គ្លេស កើនឡើងខ្ពស់ជាងប្រទេសផ្សេងៗទៀតក្នុងអឺរ៉ុបខាងលិច។ ប្រភព៖ FT

រដ្ឋមន្ត្រីការបរទេសរុស្ស៊ីលោក Sergei Lavrov បាននិយាយថា រុស្ស៊ីបានផ្អាកការទទួលស្គាល់ក្រុមតាលីបង់ជាផ្លូវការ រហូតដល់ពេលដែលពួកគេអាចបំពេញការសន្យាថានឹងបង្កើតរដ្ឋាភិបាលរួមបញ្ចូលគ្រប់ភាគី និងគ្រប់ជនជាតិនៅពេលដែលពួកគេដណ្ដើមការគ្រប់គ្រងប្រទេសអាហ្វហ្កានីស្ថាន។ ក្រុមអ្នករិះគន់បាននិយាយថា អតីតក្រុមឧទ្ទាមនេះ គឺកំពុងក្បត់ការសន្យាជាច្រើនរបស់ពួកគេជុំវិញបញ្ហាសិទ្ធមនុស្ស សិទ្ធស្ត្រី សិទ្ធជនជាតិភាគតិច និងការបង្ក្រាបទៅលើអតីតសត្រូវ។ ប្រភព៖ Reuters

សមុច្ច័យទាំង៨ នោះរួមមាន៖ ១. លិង្គ មកពីសារមន្ទីរអង្គរបុរីនៃខេត្តតាកែវ២. រូបនាងទុគ៌ា៣. ព្រះនារាយណ៍៤. ព្រះក្រឹស្ណៈទ្រភ្នំគោវធ៌ន៥. ព្រះពុទ្ធទ្រង់អភ័យមុទ្រា៦. ស្នានទ្រោណី៧. ពលរាម និង៨. ដងខ្លួនព្រះក្រឹស្ណៈទ្រភ្នំគោវធ៌ន ប្រភព៖ សារមន្ទីរជាតិកម្ពុជា

បរិមណ្ឌលបន្ទាយស្រី📍 📷 Piseth Heng

១. គ្រោះថ្នាក់ចរាចរណ៍ ៧ករណី ស្លាប់ ៥នាក់ និងរបួសធ្ងន់ស្រាល ៧នាក់។ ២. បទល្មើសព្រហ្មទណ្ឌ ១៨ករណី ឃាត់ខ្លួនជនសង្ស័យ ២៥នាក់។ ៣. គ្រឿងញៀន ១៨ករណី ឃាត់ខ្លួនជនសង្ស័យ ៣៣នាក់។ ៤. កូវីដ ១៦៦ករណី និងជាសះស្បើយ ២៧០នាក់។ អ្នកឆ្លងសរុប ១១៧ ២០១នាក់ អ្នកជាសះស្បើយ ១១១ ៦៩០នាក់ អ្នកស្លាប់ ២ ៦៩៣នាក់ ៥. បទល្មើសនឹងវិធានការសុខាភិបាលសរុប គ្មាន។ ចេញផ្សាយ ១២:១៥ ថ្ងៃទី២០ តុលា ២០២១

រកឃើញករណីឆ្លងថ្មី ១៦៦នាក់ ជាសះស្បើយ ២៧០នាក់ ស្លាប់ ១២នាក់ គិតត្រឹមថ្ងៃទី២០ តុលា ២០២១ ចំនួនអ្នកឆ្លងសរុប៖ ១១៧.២០១នាក់ ចំនួនអ្នកជាសះស្បើយ៖ ១១១.៦៩០នាក់ ចំនួនអ្នកស្លាប់សរុប៖ ២.៦៩៣នាក់