📸 Pun Waterfall

📸 Cambodia Car Hunter

កន្លងមកវិស័យទេសចរណ៍បានបំពេញតួនាទីយ៉ាងសកម្ម ជាម៉ាស៊ីនអូសទាញកំណើនសម្រាប់វិស័យសេដ្ឋកិច្ច-សង្គមដ៏ទៃទៀត តាមរយៈឥទ្ធិពលមេគុណសេដ្ឋកិច្ចពី ៤ទៅ៥ដង និងមេគុណឥទ្ធិពលការងារដ៏ខ្ពស់ដោយការងារផ្ទាល់ ១ ក្នុងវិស័យទេសចរណ៍អាចបង្កើតការងារមិនផ្ទាល់ចំនួន ១,៥ (មួយកន្លះ)។ ខ្ញុំសូមលើកទឹកចិត្តដល់ស្ថាប័នពាក់ព័ន្ធ អាជ្ញាធរមូលដ្ឋាន ផ្នែកឯកជន យុវជន និងដៃគូអភិវឌ្ឍជាតិ និងអន្តរជាតិ ចូលរួមជំរុញការបង្កើត និងផ្គត់ផ្គង់សេវាកម្មទេសចរណ៍ឱ្យកាន់តែសម្បូរបែប តាមរយៈការដាក់ចុះនូវកម្មវិធីយុវជន និងធុរកិច្ចក្នុងវិស័យទេសចរណ៍ កម្មវិធីជំរុញការបង្កើតថ្មី និងនវានុវត្តន៍ទេសចរណ៍ជនបទ ព្រមទាំងលើកកម្ពស់ការយល់ដឹង និងកសាងសមត្ថភាពផ្នែកទេសចរណ៍ឌីជីថលដល់ថ្នាក់មូលដ្ឋាន។ ✍🏽 SPM

១៣ តុលា ២០២១

កេរ្តិ៍ឈ្មោះល្អនេះនឹងទាក់ទាញទេសចរ ពេលកម្ពុជាបើកប្រទេសវិញ។ ប្រភព៖ ក្រសួងទេសចរណ៍

១. ក្រសួងវប្បធម៌ សហការជាមួយអាជ្ញាធរជាតិអប្សរា បានរៀបចំពិធីដាំកូនឈើ និងជិះកង់នៅរមណីយដ្ឋានអង្គរ ដើម្បីអបអរសាទរក្រុងសៀមរាបដែលត្រូវបានជ្រើសរើសជាទីក្រុងវប្បធម៌អាស៊ានសម្រាប់ឆ្នាំ២០២១-២០២២ – ភ្នំពេញបុស្តិ៍ ២. ៩ខែ ឆ្នាំ២០២១នេះ CDC បានអនុម័តគម្រោងវិនិយោគនៅក្រៅតំបន់សេដ្ឋកិច្ចពិសេស ចំនួន ១០១គម្រោង តម្លៃ ១.៤ពាន់លានដុល្លារ និងនៅក្នុងតំបន់សេដ្ឋកិច្ចពិសេសចំនួន ៣៣គម្រោង តម្លៃ ១.៩ពាន់លានដុល្លារ – FN ៣. អាជ្ញាធរខេត្តបន្ទាយមានជ័យ ដុតកំទេចទំនិញខូចគុណភាព ហួសកាលកំណត់ប្រើប្រាស់ គ្មានស្តង់ដារដឹកជញ្ជូន និងវេចខ្ចប់ជាច្រើនសរុបជាង ២តោន – រស្មីកម្ពុជា ៤. លោក គីម ជុងអ៊ុន បន្ទោសអាមេរិកចំពោះភាពតានតឹងនៅឧបទ្វីបកូរ៉េ តែលោកអះអាងថា ការពង្រឹងសមត្ថភាពការពារជាតិរបស់កូរ៉េខាងជើង ក៏មិនមែនសំដៅអាមេរិក ឬកូរ៉េខាងត្បូងនោះដែរ – AFP ៥. ចាប់ពីថ្ងៃទី១ ខែវិច្ឆិកាតទៅ ថៃនឹងលុបចោលការធ្វើចត្តាឡីស័កសម្រាប់ភ្ញៀវទេសចរបរទេសដែលបានចាក់វ៉ាក់សាំងបង្ការជំងឺកូវីដ១៩ ពេញលេញ និងធ្វើដំណើរមកពីប្រទេសមានហានិភ័យទាប – CNA

១. “ប្រសិនបើ” ជាប្រយោគលក្ខខណ្ឌ ដែលមានន័យប្រហាក់ប្រហែលនឹងការសន្យា, ហើយការសន្យាថ្មីៗបំផុត គឺការសន្យាមាតុភូមិនិវត្តន៍។ ចាប់តាំងពីឆ្នាំ១៩៩៥មក មានការសន្យារាប់មិនអស់ដែលមិនត្រូវបានបំពេញ។ ២. មន្ត្រីមុខងារសាធារណៈ ត្រូវចូលនិវត្តន៍នៅអាយុ ៦០ ឆ្នាំ។ អ្នកនយោបាយមិនត្រូវបានកំណត់អាយុចូលនិវត្តន៍ទេ រាប់ទាំងនៅសហរដ្ឋអាម៉េរិកផង ដែលគេចាត់ទុក ជាប្រទេសបិតាប្រជាធិបតេយ្យនោះ។ លោក ចូ បៃដិន ប្រធានាធិបតីទី៤៦ របស់សហរដ្ឋអាម៉េរិក មានអាយុ៧៨ឆ្នាំពេលចូលកាន់តំណែង។ ដើម្បីលើកតម្កើងតួនាទីនិងលើកទឹកចិត្តយុវជន ឱ្យ មានឱកាសបង្ហាញសមត្ថភាពនិងស្នាដៃ ក្នុងការបម្រើប្រទេសជាតិ គេបានបញ្ចូលកម្លាំងយុវជនឬឈាមថ្មីទៅក្នុងស្ថាប័នជាតិគ្រប់ជាន់ថ្នាក់ និងគ្រប់សសៃឈាមនៃសង្គម។ ៣. ក្នុងប្រទេសដែលអនុវត្តប្រព័ន្ធគ្រប់គ្រងរដ្ឋបែបសភានិយម គេមិនដែលកំណត់អាណត្តិនាយករដ្ឋមន្ត្រីទេ ព្រោះប្រជាពលរដ្ឋមិនមែនបោះឆ្នោតជ្រើសរើសនាយករដ្ឋមន្ត្រីទេ គឺ បោះឆ្នោតជ្រើសរើសអ្នកតំណាងរាស្ត្រ ហើយអ្នកតំណាងរាស្ត្រជាអ្នកបោះឆ្នោតផ្តល់សេចក្តីទុកចិត្តនាយកដ្ឋមន្ត្រីនិងគណៈរដ្ឋមន្ត្រីទាំងមូល។ ចំពោះប្រព័ន្ធបោះឆ្នោត គឺអាស្រ័យលើប្រទេសនីមួយៗជាអ្នកំណត់ដោយខ្លួនឯង។ ករណីកម្ពុជា គឺអនុវត្តប្រព័ន្ធសមាមាត្រ ដែលប្រជាពលរដ្ឋបោះឆ្នោតឱ្យគណបក្ស ហើយគណបក្សជាអ្នកកំណត់បេក្ខជនតំណាងរាស្ត្រ។ រីឯនរណាជាបេក្ខជននាយករដ្ឋមន្ត្រីគឺអាស្រ័យគណបក្សនីមួយៗជាអ្នកកំណត់ដោយខ្លួនឯង។ នៅពេលដែលគណបក្សណាមួយទទួលបានអាសនៈច្រើនជាងគេនៅក្នុងរដ្ឋសភា គណបក្សនោះមានសិទ្ធិរៀបចំរដ្ឋាភិបាលដោយអនុលោមទៅតាមរដ្ឋធម្មនុញ្ញនិងលិខិតបទដ្ឋានជាធរមាន។ ថ្វីបើច្បាប់មនុស្សជាអ្នកបង្កើត តែមនុស្សត្រូវតែគោរពច្បាប់ បើមិនគោរព ច្បាប់ មិនមែនជាមនុស្សទេ។ ក្នុងសាច់ការជាក់ស្តែង ច្បាប់ឈរនៅលើឧត្តមគតិនៃមតិភាគច្រើន, នេះជាសារជាតិនៃលទ្ធិប្រជាធិបតេយ្យ។ ក្នុងប្រទេសប្រជាធិបតេយ្យខ្លះ គ្រាន់តែចង់ដាក់ទណ្ឌកម្មប្រទេសណាមួយដែលមិនស្តាប់បង្គាប់ខ្លួន…

សូមកោតសរសើរ និងចែករំលែកភាពជាគម្រូ! 📷-ជី រៀម

ការកើនឡើងតម្លៃនេះ អាចជាការពង្រឹងកំណើនការប្រើប្រាស់ថាមពលកកើតឡើងវិញ ប៉ុន្តែនឹងអាចបង្កឱ្យមានប្រតិកម្មប្រឆាំង បើតម្លៃឡើងថ្លៃខ្ពស់ពេក។ អ្នកខ្លះជឿថាការឡើងថ្លៃនេះ គឺបណ្តោះអាសន្ន ដោយសារអស្ថិរភាពសេដ្ឋកិច្ច ខណៈវាបង្ហាញពីភាពទន់ខ្សោយរបស់អឺរ៉ុប ដែលពឹងផ្អែកលើឧស្ម័ននាំចូល។ នៅរដូវរងាឆ្នាំ២០២០ រុស្ស៊ី និងទ្វីបអឺរ៉ុបបង្ហូរឧស្ម័ននៅកម្រិតទាប ហើយក្រុមហ៊ុន Gazprom បដិសេធមិនបញ្ជូនការផ្គត់ផ្គង់បន្ថែម។ ក្រុមហ៊ុនរុស្ស៊ី Gazprom ផ្គត់ផ្គង់ ១/៣ នៃហ្គាសសរុបរបស់ទ្វីបអឺរ៉ុប។ ប្រភព៖ ft

តុលាការរដ្ឋធម្មនុញ្ញប៉ូឡូញចេញសាលក្រមមួយថា រដ្ឋធម្មនុញ្ញរបស់ខ្លួននឹងមានអាទិភាពលើច្បាប់ ឬសាលក្រមរបស់សហភាពអឺរ៉ុបក្នុងករណីមួយចំនួន។ សាលក្រមនេះ គឺជាការវាយប្រហារដោយផ្ទាល់ទៅលើគោលការណ៍អាទិភាពនៃច្បាប់សហភាពអឺរ៉ុបលើច្បាប់ជាតិ ដែលជាមូលដ្ឋានគ្រឹះមួយនៃសាមគ្គីភាពសហភាពអឺរ៉ុប និងធ្វើឱ្យមានការព្រួយបារម្ភអំពីការចាកចេញរបស់ប៉ូឡូញពីសហភាពអឺរ៉ុប។ សាលក្រមនេះ គឺជាលទ្ធផលនៃយុទ្ធនាការរយៈពេល ៥ឆ្នាំរបស់រដ្ឋាភិបាលអភិរក្សនិយមជាតិនិយម ដើម្បីពង្រឹងការគ្រប់គ្រងទៅលើប្រព័ន្ធតុលាការប្រទេសប៉ូឡូញ។ បាតុករជិតមួយសែននាក់ដែលដឹកនាំដោយសមាជិកបក្សប្រឆាំងបានប្រមូលផ្ដុំនៅរដ្ឋធានីវ៉ាសូវី ដើម្បីប្រឆាំងសាលក្រមខាងលើ។ ទន្ទឹមនឹងនេះ សហភាពអឺរ៉ុបក៏បានប្រឆាំងកំណែទម្រង់ទាំងនេះ ដោយយល់ឃើញថាវាបានរំលោភលើរដ្ឋធម្មនុញ្ញប៉ូឡូញ ហើយប៉ះពាល់ដល់ឯករាជ្យភាពរបស់ប្រព័ន្ធតុលាការប៉ូឡូញ។ គណៈកម្មការអឺរ៉ុបបានផាកពិន័យប៉ូឡូញនូវទឹកប្រាក់ចំនួន ១,២ លានដុល្លារក្នុងមួយថ្ងៃជុំវិញការមិនអនុវត្តសាលក្រមរបស់តុលាការយុត្តិធម៌អឺរ៉ុប ព្រមទាំងបានបង្កកប្រាក់ចំនួន ៦៦ពាន់លានដុល្លារ ដែលជាជំនួយសេដ្ឋកិច្ចប៉ូឡូញក្រោយវិបត្តិកូវីដ១៩។ ប្រភព៖ New York Times