-
ព័ត៌មានសំខាន់ៗថ្ងៃ ០៥ មករា ២០២១
១. រដ្ឋាភិបាលដកហូតផ្ទៃបឹងតាមោក ៣០ហិកតាមកវិញ – ថ្មីៗ ២. សេដ្ឋកិច្ចវិទូ៖ ការសាងសង់អាកាសយានដ្ឋានច្រើននៅកម្ពុជាគឺជាការធ្វើពិពិធកម្មសេដ្ឋកិច្ច – RFI ៣. កម្ពុជានាំចេញផលិតផលជលផល បានជាង ៨លានដុល្លារ ក្នុងឆ្នាំ២០២០ – ថ្មីៗ ៤. កម្ពុជាចាប់ផ្ដើមបើកវគ្គសិក្សាថ្មី លើផ្នែកវិទ្យាសាស្រ្ត STEM ដើម្បីជំរុញកំណើនសេដ្ឋកិច្ច – Fresh News ៥. រដ្ឋាភិបាលចេញអនុក្រឹត្យ ស្តីពីលិខិតអនុញ្ញាតសាងសង់ថ្មី – ភ្នំពេញបុស្តិ៍ ៦. ថៃ នឹងបន្តដាក់ប្រទេសក្នុងភាពអាសន្នដល់ចុងខែកុម្ភៈ ខណៈករណីឆ្លងកូវីដ១៩ នៅតែខ្ពស់ – ថ្មីៗ ៧. សហរដ្ឋអាមេរិក ហៅការចម្រាញ់សារធាតុអ៊ុយរ៉ាញ៉ូម ២០ភាគរយរបស់អ៉ីរ៉ង់ ជាការគំរាមកំហែងនុយក្លេអ៊ែរ – Fresh News
-
វេជ្ជបណ្ឌិត ឱ វណ្ណឌីន៖ ប្រជាពលរដ្ឋម្នាក់ៗត្រូវទម្លាប់រស់នៅស្អាត ហូបស្អាត អនាម័យល្អ!
វេជ្ជបណ្ឌិត ឱ វណ្ណឌីន៖ ប្រជាពលរដ្ឋម្នាក់ៗត្រូវទម្លាប់រស់នៅស្អាត ហូបស្អាត អនាម័យល្អ! ជៀសឱ្យបាន លើសឈាម ទឹកនោមផ្អែម មហារីក! កុំពិសាផ្អែមពេក ប្រៃពេក ខ្លាញ់ពេក! ហាត់ប្រាណឱ្យបានជាប់ជាប្រចាំ! សុខភាពល្អស្មើនឹងកាត់បន្ថយចំណាយផ្ទាល់ខ្លួន ចំណេញពេលវេលា សម្រាលបន្ទុកគ្រួសារ និងរដ្ឋ។
-
ថ្ងៃនេះជាខួប ៥៨ឆ្នាំនៃព្រះពិធីបង្ហូតទង់ជាតិកម្ពុជានៅប្រាសាទព្រះវិហារ
សូមថ្វាយមហាព្រះរាជកុសល ថ្វាយព្រះបរមវិញ្ញាណក្ខ័ន្ធ ព្រះករុណា ព្រះបាទសម្តេចព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពដែនដី និងឯកភាពជាតិខ្មែរ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត 🙏🏻💙 📸 Royal du Cambodge
-
រដ្ឋមន្រ្តីកសិកម្មស្នើដល់អាជ្ញាធរ មានសមត្ថកិច្ចទប់ស្កាត់ការនាំចូលត្រីខុសច្បាប់ពីប្រទេសជិតខាង និងអំពាវនាវដល់អ្នកនាំចូលត្រីឱ្យងាកមកប្រមូលទិញត្រីរបស់វារីប្បករវិញ
ឯកឧត្តម វេង សាខុន រដ្ឋមន្រ្តីកសិកម្មស្នើដល់អាជ្ញាធរ មានសមត្ថកិច្ចទប់ស្កាត់ការនាំចូលត្រីខុសច្បាប់ពីប្រទេសជិតខាង និងអំពាវនាវដល់អ្នកនាំចូលត្រីឱ្យងាកមកប្រមូលទិញត្រីរបស់វារីប្បករវិញដើម្បីបំពេញតម្រូវការក្នុងស្រុក។ ប្រភព៖ Fresh News
-
វេទិកាសាធារណៈ ពិភាក្សាលើករណីប្រជាជនកាន់កាប់អាស្រ័យផលក្នុងដែនជំរកសត្វព្រៃ “ភ្នំត្នោត-ភ្នំពក” ខេត្តព្រះវិហារ
ថ្ងៃទី០៥ មករា ក្នុងវេទិកាសាធារណៈ ពិភាក្សាលើករណីប្រជាជនកាន់កាប់អាស្រ័យផលក្នុងដែនជំរកសត្វព្រៃ “ភ្នំត្នោត-ភ្នំពក” ខេត្តព្រះវិហារ រដ្ឋមន្ត្រីបរិស្ថានបានមានប្រសាសន៍ថា៖ “យើងខ្ញុំចង់ឃើញបងប្អូនប្រជាពលរដ្ឋមានចំណូលខ្ពស់ មានជីវភាពធូរធារ និងចូលរួមកាន់តែសកម្មក្នុងការការពារនិងអភិរក្សធនធានធម្មជាតិដែលយើងមាន”។ ក្រៅពីណែនាំ និងពន្យល់ប្រជាពលរដ្ឋឱ្យឈប់បរបាញ់សត្វ និងងាកមកចូលរួមការពារអភិរក្សព្រៃឈើ និងសត្វព្រៃ រដ្ឋមន្ត្រីបរិស្ថានក៏បានជំរុញឱ្យមានការកំណត់ព្រំប្រទល់តំបន់ដែនជម្រកសត្វព្រៃឱ្យបានលឿន និងស្នេីឱ្យដាំដេីមឈេីដែលឆាប់បានទទួលផល ដូចជាដំណាំអាកាស្យាជាដេីម។ ប្រភព៖ ក្រសួងបរិស្ថាន
-
ផ្ទៃបឹងតាមោកប្រមាណជាង៦០ហិកតា ដែលគ្រោងលុបបំពេញកន្លងមក ត្រូវរាជរដ្ឋាភិបាលដកហូតយកមកវិញ
ពីពេលនេះតទៅ ឈប់ស្រក់ទឹកមាត់ចំពោះផ្ទៃបឹងតាមោកទៀតទៅ ទុកឱ្យកូនចៅយើងស្គាល់បឹងធំក្នុងក្រុងផង! ប្រភព៖ គិន ភា
-
Christine Dacera ជាអ្នកបម្រើការតាមយន្តហោះ (នៃប្រទេសហ្វីលីពីន) ត្រូវបានប្រទះឃើញស្លាប់នៅក្នុងបន្ទប់សណ្ឋាគារ
Christine Dacera អាយុ ២៣ឆ្នាំ ជាអ្នកបម្រើការតាមយន្តហោះ (នៃប្រទេសហ្វីលីពីន) ត្រូវបានប្រទះឃើញស្លាប់នៅក្នុងបន្ទប់សណ្ឋាគារ។ គេរកឃើញស្នាមជាំនៅលើដៃជើង និងទឹកកាមបុរសនៅក្នុងប្រដាប់ភេទនាង។ គេសន្និដ្ឋានថាសង្សារ និងមិត្តភក្ដិចំនួន ១១នាក់របស់នាងរំលោភនាងរហូតដល់ស្លាប់ក្នុងកម្មវិធីឆ្លងថ្ងៃបុណ្យណូអែលជាមួយមនុស្សដែលនាងទុកចិត្ត។ រឿងនេះកំពុងតែផ្ទុះពេញបណ្ដាញ Twitter ហើយបាន Trending #1 ទូទាំងពិភពលោក ចំពោះការទាមទាររកយុត្តិធម៌ជូននាង។ នេះជាមេរៀនមួយដាស់តឿនដល់បងប្អូននារីៗ ត្រូវប្រុងប្រយ័ត្ន និងកុំនៅម្នាក់ឯងក្នុងហ្វូងមនុស្សប្រុសច្រើន។ 📸 The Sun
-
នៅពេលស្រុកកើតសង្គ្រាម គេចូលព្រៃដើម្បីធ្វើការតស៊ូ តែនៅសម័យតេជោសន្តិភាព ពលរដ្ឋចូលព្រៃដើម្បីទស្សនាសម្បត្តិធម្មជាតិ ព្រៃឈើ សត្វព្រៃ និងជីវៈចម្រុះ
-
ទម្រង់សិល្បៈខ្មែរទាំង ៧
ទម្រង់សិល្បៈខ្មែរទាំង ៧៖ ទី១៖ ស្ថាបត្យកម្មជាសិល្បៈក្នុងការសាងសង់ តុបតែង តាមក្បួនខ្នាត និងរចនាបថ លំអរ។ គេបានចែករចនាបថ ១៣ បែបតាមសម័យកាល។ ទី២ ៖ ចម្លាក់ជាសិល្បៈសូនរូបដែលមានរូបារម្មណ៍ចេញជារូបរាង។ ចម្លាក់ចែកចេញជា៣ប្រភេទ គឺចម្លាក់លឹប ឬក្រឡោត, ចម្លាក់លៀន, និងចម្លាក់លោត ឬមូល។ ទី៣៖ សិល្បៈគំនូរជាសិល្បៈគូសតាងដំណើរសាច់រឿង អច្ឆរិយៈ ហើយបានបង្កប់នូវអត្តសញ្ញាណ និង អត្ថន័យតាមគំនិតយល់ដឹងរបស់អ្នកវិភាគ។ ទី៤៖ សិល្បៈតន្រ្តី ជាទម្រង់ដែលប្រើប្រព័ន្ធរូបារម្មណ៍កើតចេញតាមរយៈភាពតំណគ្នា និងការបន្លឺសម្លេងចុះឡើង។ ទី៥៖ សិល្បៈរបាំជាទម្រង់សិល្បៈកាយវិការ អនុវត្តទៅតាមចង្វាក់បទភ្លេង។ របាំខ្មែរមានបីប្រភេទគឺរបាំក្បាច់បុរាណខ្មែរ របាំប្រពៃណីខ្មែរ និងរបាំប្រជាប្រិយខ្មែរ។ ទី៦៖ អក្សរសិល្ប៍ជាអត្ថបទរឿងដែលតុបតែងឡើងប្រកបដោយសិល្ប៍ភាពប៉ិនប្រសប់ក្នុងការតាក់តែងរបស់អ្នកនិពន្ធ ដែលធ្វើឲ្យអ្នកអានចាប់អារម្មណ៍តាមដំណើរនៃសាច់រឿង។ អក្សរសិល្ប៍មាន៣ផ្នែកធំៗគឺ ៖ ប្រជាប្រិយ៍, បុរាណ និងទំនើបសម័យ។ ទី៧ ៖ ភាពយន្ត កុន ជាសិល្បៈនៃការថតការសម្តែងសម្រាប់យកទៅបញ្ចាំងរូបភាពតាម ឈុតឆាកនៃដំណើររឿងនីមួយៗ ហើយជាការបញ្ចូលគ្នានូវសិល្បៈទាំង ៦ទម្រង់។ ✍🏽 ផាន សុគន្ធា
-
ថ្ងៃនេះគឺជាខួបអាពាហ៍ពិពាហ៍ ៤៥ ឆ្នាំរបស់សម្តេចតេជោនាយករដ្ឋមន្រ្តី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន
“ជីវិតយុទ្ធជនក្នុងភ្លើងសង្គ្រាម មិនមែនជារឿងសាមញ្ញទេ។ ខ្ញុំបានស្លាប់កូនទី១និងបែកគ្នាក្នុងពេលកូនទី២នៅក្នុងផ្ទៃម្តាយ៥ខែ រហូតជួបគ្នាជាថ្មី ដែលកូនប្រុសបង (ម៉ាណែត) ហៅខ្ញុំថាពូអស់រយៈពេល២ខែ។” 📸 SPM Page