ផ្ទុយទៅវិញ ការប្រយុទ្ធគ្នានៅតែកើតមាន ហើយប្រជាជននៅតែទទួលរងនូវអំពើហឹង្សា អស្ថិរភាព និងអសន្តិសុខសង្គម ជាពិសេសក្រោយពេលអាមេរិកដកទ័ពចេញ។ ក្នុងកំឡុងពេល ២០ឆ្នាំនៃសង្គ្រាមអាមេរិកនៅអាហ្វហ្គានីស្ថាន ប្រជាជនជាង ៤៧.៦០០នាក់ត្រូវបានសម្លាប់ និងរងរបួស។ អាមេរិកចាកចេញទៅដោយមិនបន្សល់អ្វី ក្រៅពីគំនរសំរាមដែលលក់ឱ្យឈ្មួញលក់អេតចាយ។ ក្រុមសកម្មប្រយុទ្ធជាង ២០ក្រុម រួមទាំងក្រុមភេរវករអ៉ីស្លាម នៅតែសកម្ម និងបន្តដណ្ដើមកាន់កាប់តំបន់ជាច្រើននៅអាហ្វហ្គានីស្ថាន។ ការដកទ័ពចេញយ៉ាងរហ័សរបស់អាមេរិក ត្រូវបានគេចាត់ទុកថាជា ការបរាជ័យរបស់អាមេរិកទាំងនៅអាហ្វហ្គានីស្ថាន និងទូទាំងតំបន់។ ប្រភព៖ Xinhua News

អ្នកឆ្លងសរុប ៣៤៣៦នាក់ ជាសះស្បើយសរុប ២៣២៦នាក់ ស្លាប់ ៤៥នាក់

ផ្សាយផ្ទាល់៖ ក្រសួងសុខាភិបាល រៀបចំធ្វើសន្និសីទសារព័ត៌មានជាមួយរដ្ឋបាលរាជធានីភ្នំពេញផ្សព្វផ្សាយពីនីតិវិធី និងយន្តការដាក់ព្យាបាលតាមផ្ទះចំពោះអ្នកជំងឺកូវីដ១៩កម្រិតស្រាល និងគ្មានរោគសញ្ញា ១២ កក្កដា ២០២១

រដ្ឋមន្រ្តីក្រសួងហិរញ្ញវត្ថុនៃក្រុមប្រទេស G20 ព្រមានពីវ៉ារ្យ៉ង់ថ្មី និងវិសមភាពនៃការចែកចាយវ៉ាក់សាំងទូទាំងពិភពលោក ដែលប៉ះពាល់ដល់ការស្ទុះងើបឡើងវិញនៃសេដ្ឋកិច្ច។ នេះបើតាម CNA ថ្ងៃទី ១០ កក្កដា។ ទ្វីបអាហ្រ្វិក និងអាស៊ី កំពុងប្រឈមនឹងវិបត្តិកង្វះវ៉ាក់សាំងជាច្រើនខែ ក្រោយទទួលបានវ៉ាក់សាំងមួយចំនួនពីកម្មវិធី COVAX កន្លងមក។ តួរយ៉ាង ក្នុងចំណោមប្រជាជនទ្វីបអាហ្រ្វិក ១,៣ ពាន់លាននាក់ មានវ៉ាក់សាំងជាង ២%ប៉ុណ្ណោះ ដែលត្រូវបានចែកចាយនៅទ្វីបនេះ ខណៈបណ្តាប្រទេសអាហ្វ្រិកមួយចំនួន នៅមិនទាន់ទទួលបានវ៉ាក់សាំងមួយដូសនៅឡើយ។ អ្នកជំនាញផ្នែកសុខភាព និងអ្នកដឹកនាំពិភពលោក តែងព្រមានជាច្រើនដងអំពីការបិទខ្ទប់វ៉ាក់សាំងរបស់ប្រទេសអ្នកមានមួយចំនួន។ ប្រភព៖ CNA

ក្រុមហ៊ុនទាំងនោះត្រូវចោទប្រកាន់ថាមានជាប់ទាក់ទងនឹងការរំលោភសិទ្ធិមនុស្ស ព្រមទាំងការរំលោភបំពាននានាក្នុងការអនុវត្តយុទ្ធនាការ រួមមានការបង្ក្រាប ការឃុំឃាំងមនុស្សទ្រង់ទ្រាយធំ និងការឃ្លាំមើលបែបទំនើបប្រឆាំងនឹងជនជាតិ Uyghurs និង Kazakhas ព្រមទាំងសមាជិកដទៃទៀតនៃក្រុមជនជាតិភាគតិចមូស្លីម នៅតំបន់ស្វយ័តស៊ីនជាំងអ៊ុយហ្គ័រ។ អ្នកនាំពាក្យក្រសួងការបរទេសចិនលោក Wang Wenbin បានថ្លែងថា ភាគីចិននឹងចាត់វិធានការចាំបាច់ទាំងអស់ ដើម្បីការពារសិទ្ធិ និងផលប្រយោជន៍ស្របច្បាប់របស់ក្រុមហ៊ុនចិន ក៏ដូចជាច្រានចោលរាល់ការប៉ុនប៉ងរបស់អាមេរិកក្នុងការជ្រៀតជ្រែកកិច្ចការផ្ទៃក្នុងរបស់ចិនទាក់ទិននឹងវិធានការនៅតំបន់ស៊ីនជាំង។ 📸 Reuters

📷 Online

អ្នកឆ្លងសរុប ២៣០១នាក់ ជាសះស្បើយសរុប ១៣៩០នាក់ ស្លាប់ ៣៧នាក់

អ្នកឆ្លងសរុប ១៨២៥នាក់ ជាសះស្បើយសរុប ៣៧១នាក់ ស្លាប់ ៤នាក់ ១១ កក្កដា ២០២១

វរសេនីយ៍ត្រីកងទ័ពអាកាសអាហ្វហ្គានីស្ថានលោក Dastagir Zamaray វ័យ ៤១ឆ្នាំ ត្រូវបានគេបាញ់ចំក្បាលធ្វើឱ្យស្លាប់ភា្លមៗ ដោយខ្មាន់កាំភ្លើងម្នាក់ ខណៈរូបលោកកំពុងជួបជាមួយភ្នាក់ងារអចលនទ្រព្យ។ លោក Zamaray ចង់លក់ផ្ទះរបស់លោក ដោយសារខ្លាចក្រុមឧទ្ទាមតាលីបង់។ ប៉ុន្មានខែចុងក្រោយនេះ អាកាសយានិកយោធាអាហ្វហ្គានីស្ថាន ៧រូប ត្រូវបានគេធ្វើឃាត។ នេះបើតាម Reuters ថ្ងៃទី៩ កក្កដា។ អាហ្វហ្គានីស្ថានសង្ស័យថា តាលីបង់ចង់បំផ្លាញធនធានអាកាសយានិកយោធាដ៏សំខាន់របស់អាហ្វហ្គានីស្ថាន ដែលបណ្ដុះបណ្ដាលដោយអាមេរិក និង NATO។ អ្នកនាំពាក្យតាលីបង់ បានអះអាងថា ពួកគេពិតជាបានសម្លាប់លោក Zamaray មែន ហើយពួកគេនឹងកម្ចាត់អាកាសយានិកយោធាអាហ្វហ្គានីស្ថានទាំងស្រុង ដោយសារពួកអាកាសយានិកទាំងនេះបានទម្លាក់គ្រាប់បែកសម្លាប់ប្រជាជនខ្លួន។ តាំងពីការប្រកាសដកកងទ័ពអាមេរិកមក ក្រុមតាលីបង់បានចូលកាន់កាប់ ៨៥% នៃប្រទេសអាហ្វហ្គានីស្ថាហើយ។ បើក្រុមតាលីបង់ចូលកាន់អំណាចវិញ អាហ្វហ្គានីស្ថានអាចនឹងក្លាយជាមូលដ្ឋានភេរវកម្មដ៏ធំមួយក្នុងពិភពលោក ដែលនៅមាត់ទ្វារខាងត្បូងរបស់រុស្សី។ ប្រភព៖ Reuters

កាលពីថ្ងៃទី១០ កក្កដា ម្ចាស់រោងចក្រកែច្នៃអាហារ និងកូនប្រុស ៤នាក់ រួមទាំងមន្ដ្រីក្រុមហ៊ុន ៣នាក់ទៀត ត្រូវបានប៉ូលិសចាប់ខ្លួនពីបទមនុស្សឃាត ជុំវិញអគ្គិភ័យរោងចក្រកែច្នៃអាហារកម្ពស់ ៦ជាន់ នៅរដ្ឋធានីដាកា 🇧🇩 ដែលហេតុការណ៍នេះបានសម្លាប់មនុស្ស ៥២នាក់។ នេះបើតាម Reuters ថ្ងៃទី ១១ កក្កដានេះ។ យោងតាមសមត្ថកិច្ច រោងចក្រនេះបានសាងសង់ដោយគ្មានអាជ្ញាប័ណ្ណត្រឹមត្រូវ និងមិនមានវិធានការសុវត្ថិភាពគ្រប់គ្រាន់ ព្រមទាំងមានផ្ទុកនូវសារធាតុគីមី និងវត្ថុធាតុដើមងាយឆេះជាច្រើន។ មកទល់ពេលនេះ មូលហេតុនៃការឆាបឆេះ កំពុងស្ថិតក្រោមការស៊ើបអង្កេត។ 📸 Reuters