នៅថ្ងៃទី២៧ មេសា ២០២១ ស្ត្រីវិជ្ជមានកូវីដ១៩ម្នាក់ស្លាប់ ដែលជាករណីស្លាប់ដំបូងនៅខេត្តត្បូងឃ្មុំ។ អ្នកស្រី សុខ គឹមសឿន អាយុ៤៦ឆ្នាំ រស់នៅភូមិរកាធំ ឃុំជីរោទិ៍ទី១ ស្រុកត្បូងឃ្មុំ ត្រូវបានរកឃើញថាវិជ្ជមានកូវីដ១៩ នៅថ្ងៃទី២៧ មេសា ២០២១ តាមរយៈការធ្វើតេស្តរហ័ស។ នៅម៉ោងប្រមាណ ២១៖១៨នាទីថ្ងៃដដែល អ្នកស្រីបានស្លាប់ នៅមន្ទីរពេទ្យព្រះនរោត្តសីហនុត្បូងឃ្មុំ (សួង)។ ប្រភព៖ FN

“ឱ្យតែប្រជាជនចាប់ពីអាយុ១៨ឆ្នាំឡើង (រាប់ទាំងបរទេស) យល់ព្រមចាក់វ៉ាក់សាំង គឺចាក់ឱ្យតែម្តង” សារសម្តេចតេជោ យប់ថ្ងៃទី២៧ មេសា ២០២១

២៨ មេសា ២០២១

១. កម្ពុជាផ្អាកទទួលរាល់អ្នកដំណើរដែលទើបធ្លាប់ឆ្លងកាត់ ឬធ្វើដំណើរទៅឥណ្ឌា – ថ្មីៗ ២. កម្ពុជាអាចនឹងបើកទទួលភ្ញៀវទេសចរអន្តរជាតិដែលបានចាក់វ៉ាក់សាំងនៅចុងឆ្នាំនេះ ដើម្បីសង្រ្គោះវិស័យទេសចរណ៍ – RFI ៣. ទីតាំងអតីតព្រលានយន្តហោះខេត្តមណ្ឌលគិរី នឹងប្រែក្លាយទៅជាសួនច្បារដ៏ធំជាងគេនៅពេលខាងមុខ – កោះសន្តិភាព ៤. រុស្ស៊ីបណ្តេញអ្នកការទូតយោធារបស់អ៉ីតាលីម្នាក់ចេញពីប្រទេស ដើម្បីជាការសងសឹក – Xinhua ៥. សហរដ្ឋអាមេរិកប្រកាសនាំចេញវ៉ាក់សាំង AstraZeneca ៦០លានដូស ក្រោយរងការរិះគន់ជុំវិញរឿងទិញវ៉ាក់សាំងស្ដុកទុក – AFP

២៧ មេសា ២០២១

ក. ការធ្វើដំណើរចេញ-ចូលតំបន់ក្រហមអាចអនុញ្ញាតក្នុងករណី៖ មូលហេតុសុខភាពបន្ទាន់ ទៅជួបមន្ត្រីសុខាភិបាលយកសំណាក ឬចាក់វ៉ាក់សាំងដោយមានការអនុញ្ញាត ការធ្វើដំណើររបស់មន្ត្រីរាជការ និងកងកម្លាំងប្រដាប់អាវុធ (មានលិខិតបញ្ជាបេសកកម្ម) ការចុះចែកជំនួយសង្គ្រោះបន្ទាន់ដែលរៀបចំដោយ គ.ប.ខ ការធ្វើដំណើររបស់មន្ត្រី បុគ្គលិកសុខាភិបាល និងសង្គ្រោះបន្ទាន់ទាំងរដ្ឋ និងឯកជន (មានលិខិតអនុញ្ញាត) មន្ត្រីពន្លត់អគ្គិភ័យ ផ្គត់ផ្គង់អគ្គិសនី ទឹក ប្រមូលសំរាម ស្បៀងរបស់រដ្ឋ សេវាទូរគមនាគមន៍ ជាដើម (មានលិខិតបញ្ជាបេសកកម្ម)។ បុគ្គលិកនៃទីតាំងផលិតមី អាល់កុល អុកស៊ីហ្សែន ចែកចាយហ្គាស (មានលិខិតពីគ.ប.ខ) ការត្រឡប់ទៅលំនៅដ្ឋានរបស់បុគ្គលបញ្ចប់ការធ្វើចត្តាឡីស័ក។ ខ. សកម្មភាពការងារត្រូវបានអនុញ្ញាត៖ សេវាពន្លត់អគ្គិភ័យ ផ្គត់ផ្គង់អគ្គិសនី ទឹក ប្រមូលសំរាម និងទូរគមនាគមន៍ សេវាសង្គ្រោះបន្ទាន់ សុខាភិបាល បរិក្ខារពេទ្យ និងឱសថ ទីតាំងផលិតអុកស៊ីហ្សែន និងអាល់កុល ទីតាំងផលិតមី ទីតាំងលក់ហ្គាសចម្អិនអាហារ សេវាផ្គត់ផ្គង់ស្បៀងរបស់រដ្ឋ ប្រភព៖ សេចក្តីសម្រេចលេខ៥៤ សសរ ចុះថ្ងៃទី២៦ មេសា ២០២១

សេចក្ដីសម្រេច