ចុចទីនេះដើម្បីសិក្សាបន្ថែម

គិតត្រឹមរសៀលថ្ងៃទី១០ មីនា ២០២១ – ចំនួនអ្នកឆ្លងសរុប៖ ១១២៤នាក់ – ព្រឹត្តិការណ៍សហគមន៍ ២០កុម្ភៈ៖ ៦១៣នាក់ – ចំនួនអ្នកជាសះស្បើយ៖ ៥៤៩នាក់

១. អាជ្ញាធរខេត្តសៀមរាប ដាក់បុស្តិ៍ត្រួតពិនិត្យសុខភាព ៦កន្លែង ដើម្បីរឹតបន្តឹងការចម្លងកូវីដ១៩ – រស្មីកម្ពុជា  ២. កម្ពុជាបានដំណើរការបូមអណ្ដូងប្រេងចំនួន៤ បន្ថែមទៀតកាលពីចុងខែកុម្ភៈ – ភ្នំពេញបុស្តិ៍ ៣. កូវីដ១៩៖ អាជ្ញាធរត្រៀមបណ្ដេញចេញម្នាក់ទៀតចេញពីកម្ពុជាបន្ទាប់ពីលើបំរាមសុខាភិបាល – RFI ៤. អាមេរិក៖ “ពលរដ្ឋដែលចាក់វ៉ាក់សាំងរួចរាល់អាចជួបជុំទ្រង់ទ្រាយតូចដោយមិនបាច់ពាក់ម៉ាស ប៉ុន្តែគួរចៀសវាងការធ្វើដំណើរ” – FN ៥. រដ្ឋាភិបាលយោធាមីយ៉ាន់ម៉ាបិទសារព័ត៌មានក្នុងស្រុក៥ និងចាត់វិធានការកាន់តែខ្លាំងលើបាតុករ – ថ្មីៗ

ប្រភព៖ រដ្ឋបាលខេត្តកំពង់ស្ពឺ

កម្ពុជាត្រៀមខ្លួនជានិច្ចក្នុងការចូលរួមជាមួយរដ្ឋសមាជិកអាស៊ានផ្សេងទៀត ដើម្បីជួយមីយ៉ាន់ម៉ាក្នុងការដើរវិលទៅរកភាពប្រក្រតីឡើងវិញ ទោះជា តាមរយៈតួនាទី និងទម្រង់ណាមួយក្តី ដែលស្របតាមគោលការណ៍អាស៊ាន តាមមាគ៌ាអាស៊ានរបស់យើងដែលគ្រប់ភាគីទាំងអស់អាចទទួលយកបាន។  ប្រភព៖ ការបរទេស

ថៃសង្ឃឹមថានឹងអាចរកចំណូលជាង ៥៨លានដុល្លារ ពីទូកទេសចរណ៍នេះ ហើយវានឹងអាចជួយស្រោចស្រង់វិស័យទេសចរណ៍យ៉ាងហោចណាស់បានមួយផ្នែកតូច ក្រោយរងផលប៉ះពាល់ខ្លាំងពីវិបត្តិកូវីដ១៩។  ប្រភព៖ BBC 

នៅក្នុងតារាងចំណាត់ថ្នាក់សុវត្ថិភាព ចំណាត់ថ្នាក់លេខ១ ដល់លេខ៤ គឺជាវ៉ាក់សាំងចិន។  ១. ស៊ីណូហ្វាម (Sinopharm) ប្រទេសចិន ២. ស៊ីណូហ្វាម (Sinopharm) ប្រទេសចិន ៣. ឃេកស៊ីង (Kexing) ប្រទេសចិន ៤. ឃេនស៊ីណូ (CanSino) ប្រទេសចិន ៥. អាស្ត្រាស៊ីនេការ (AstraZeneca) ចក្រភពអងគ្លេស ៦. ភើហ្វៃស៊ឺ (Pfizer) សហរដ្ឋអាមេរិក និងអាល្លឺម៉ង់ ៧. ម៉ូដេនណា (Modena) សហរដ្ឋអាមេរិក  ៨. ចនស៊ុន ចនស៊ុន (Johnson & Johnson) សហរដ្ឋអាមេរិក ៩. នូវ៉ាវ៉េក (Novavax) សហរដ្ឋអាមេរិក ១០. Satellite 5 សហភាពរុស្សី ក្រុមហ៊ុន Sinopharm មាន វ៉ាក់សាំងពីរប្រភេទ ដែលទទួលបានចំណាត់ថ្នាក់លេខ១ និង២។ ប្រភព៖…

៩ មីនា ២០២១

កាលពីវេលាម៉ោង១១ និង៥១នាទីយប់ថ្ងៃទី០៨ មីនា ២០២១ ស្ត្រីជនជាតិចិនម្នាក់បានគេចចេញពីខេត្តព្រះសីហនុទៅកាន់រាជធានីភ្នំពេញ ដោយបានជិះរថយន្តតាក់ស៊ី និងសាងបន្តឱ្យជិះរថយន្តម៉ាក Hyundai ពាក់ស្លាកលេខភ្នំពេញ 3C-3259 ត្រូវបានសមត្ថកិច្ចប្រចាំការត្រួតពិនិត្យគោលដៅព្រំប្រទល់ស្រុកកំពង់សីលា និងស្រុកភ្នំស្រួចបានធ្វើការឃាត់សួរនាំ និងបានបញ្ជូនស្ត្រីជនជាតិត្រឡប់មកគោលដៅដើមដើម្បីធ្វើចត្តាឡីស័កវិញ។ អនុវត្តតាមអនុក្រឹត្យរាជរដ្ឋាភិបាលស្តីពីវិធានការចត្តាឡីស័កដើម្បីទប់ស្កាត់ការឆ្លងរាលដាលនៃជំងឺកូវីដ១៩៖  ១. ស្ត្រីជនជាតិចិន បន្ទាប់ពីបញ្ចប់ការធ្វើចត្តាឡីស័ករួចរាល់ អាជ្ញាធរមានសមត្ថកិច្ចនឹងរៀបចំនីតិវិធីបណ្តេញចេញពីប្រទេសកម្ពុជាលែងឱ្យត្រឡប់មកវិញជារៀងរហូត។  ២. ចំពោះអ្នកបើកបររថយន្តដឹកទំនិញ និងអ្នកបើកបររថយន្តតាក់ស៊ី ត្រូវពិន័យអន្តរការណ៍ជាប្រាក់ពី ១០-៥០ លានរៀល ចំពោះអ្នកផ្តើមគំនិត ដឹកនាំ ណែនាំ ញុះញង់ បញ្ចុះបញ្ចូល ឬជួយសម្រួលដោយចេតនា ដល់បុគ្គលដែលត្រូវធ្វើចត្តាឡីស័កឱ្យគេចចេញពីការត្រួតពិនិត្យរបស់មន្ត្រីចំត្តាឡីស័ក ឬគេចវេះពីការធ្វើចត្តាឡីស័ក យោងតាមមាត្រា១១ នៃអនុក្រឹត្យខាងលើ។ ប្រភព៖ រដ្ឋបាលខេត្តព្រះសីហនុ

គិតត្រឹមរសៀលថ្ងៃទី០៩ មីនា ២០២១ – ចំនួនអ្នកឆ្លងសរុប៖ ១០៦០នាក់ – ព្រឹត្តិការណ៍សហគមន៍ ២០កុម្ភៈ៖ ៥៤៩នាក់ – ចំនួនអ្នកជាសះស្បើយ៖ ៥៣៨នាក់