(ភ្នំពេញ)៖ សម្ដេចមហាបវរអធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានគូសបញ្ជាក់ថា ការផ្លាស់ប្ដូររដ្ឋមន្ត្រីការបរទេស នាពេលនេះ នឹង​បង្កើននូវ​សមត្ថភាព និង​ប្រសិទ្ធភាព​របស់​រាជរដ្ឋាភិបាល នៅ​ក្នុង​ការ​អនុវត្ត​គោលនយោបាយ​ការ​បរទេស និង​ពាណិជ្ជកម្ម​របស់​កម្ពុជា លើ​ឆាក​អន្តរជាតិ​ប្រកបដោយ​ភាព​បត់បែន និង​អាច​ប្រែក្លាយ​បញ្ហា​ប្រឈម​នានា ទៅ​ជា​កាលានុវត្តភាព​សម្រាប់​លើកកម្ពស់​ផលប្រយោជន៍​ជាតិ​ ។ សម្តេចបវរធិបតី ហ៊ុន ម៉ាណែត បញ្ជាក់បែបនេះ តាមរយៈការឡើងថ្លែងបទអន្តរាគមន៍ ក្នុងសម័យប្រជុំរដ្ឋសភា លើកទី៣ នីតិកាលទី៧ នាព្រឹកថ្ងៃទី២០ ខែវិច្ឆិកា ឆ្នាំ២០២៤ ដើម្បីរៀបចំបោះឆ្នោត ផ្តល់សេចក្តីទុកចិត្ត លើការកែសម្រួលសមាសភាពរាជរដ្ឋាភិបាល នៃព្រះរាជាណាចក្រកម្ពុជា ។ សម្ដេចនាយករដ្ឋមន្ត្រី បានគូសបញ្ជាក់ថា នៅក្នុងបរិបទអន្តរជាតិ មានភាពស្មុគស្មាញ និងភាពមិនប្រាកដប្រជាគ្រប់បែបយ៉ាង កម្ពុជាក៏អាចទទួល នូវកាលានុវត្តភាពមួយចំនួនផងដែរ ប្រសិនបើយើងប្រកាន់ភាពបត់បែន និងតាមទាន់ សភាពការប្រែប្រួលក្នុងតំបន់ និងពិភពលោក ហើយអាចត្រៀមឱ្យបាននៅក្នុងការប្រែក្លាយបញ្ហាប្រឈមនានា ឱ្យទៅជាកាលានុវត្តភាព និងប្រើប្រាស់លក្ខខណ្ឌអំណោយផលទាំងឡាយ ដែលអាចកើតចេញពីការវិវត្តសភាពការណ៍នេះ សម្រាប់លើកកម្ពស់សមត្ថភាព និងភាពប្រកួតប្រជែង នៃសេដ្ឋកិច្ចជាតិ ដោយជំរុញលើកកម្ពស់សេដ្ឋកិច្ច ពាណិជ្ជកម្មក៏ដូចជា ការទាក់ទាញបន្ថែម នូវការវិនិយោគ និងធុរកិច្ច…

កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាមកាល​ពីព្រឹកថ្ងៃទី២០ ខែវិច្ឆិកា ឆ្នាំ២០២៤នេះ អញ្ជើញ​ពិនិត្យផល​ស្រូវរបស់ប្រជាកសិករក្នុងស្រុកស្ទឹងត្រង់ បន្ទាប់ពីទទួលបានពូជ​ស្រូវពីរាជរដ្ឋាភិបាល​ និងបានដាំដុះស្តារ​ឡើងវិញ ក្រោយរងគ្រោះដោយទឹកជំនន់។ គួរបញ្ជាក់ថាពូជស្រូវដែលបានផ្តល់ជូនដល់ប្រជាកសិករដែលរងគ្រោះដោយទឹកជំនន់នៅក្នុងស្រុកស្ទឹងត្រង់ វគ្គ២ មានចំនួន ៨០៦គ្រួសារ ។ ការផ្តល់ពូជស្រូវនេះ គឺជាការយកចិត្តទុកដាក់ខ្ពស់របស់ថ្នាក់ដឹកនាំ​រាជរដ្ឋាភិបាលកម្ពុជា។ពូជស្រូវ OM5451នេះ គឺសម្រាប់ស្ដារ​ឡើងវិញនូវការខូចខាត និងការបាត់បង់នូវទិន្នផលកសិកម្ម​ដោយទឹកជំនន់៕ដោយ៖លី ពៅ

(ភ្នំពេញ)៖ នាព្រឹកថ្ងៃទី២០ ខែវិច្ឆិកា ឆ្នាំ២០២៤ នៅទីស្តីការក្រសួងសុខាភិបាល ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានអនុញ្ញាតឱ្យ លោក Dato Khairul Hamed នាយកប្រតិបត្តិ នៃក្រុមហ៊ុន Khazanah និងជាអតីតមេបញ្ជាការ កងទ័ពជើងគោក នៃប្រទេសព្រុយណេដារូស្សាឡាម ចូលជួបសម្តែងការគួរសម និងពិភាក្សាការងារ។ ជំនួបនេះរៀបចំឡើងក្នុងគោលបំណង ដើម្បីពិនិត្យ និងពិភាក្សាលទ្ធភាពនៃកិច្ចសហប្រតិបត្តិការ និងបរិយាកាស ផ្តល់នូវសេវាកម្មកាន់តែប្រសើរដល់សាធារណជនទូទៅ ។ លោកនាយកប្រតិបត្តិក្រុមហ៊ុន បានសម្ដែងនូវសេចក្ដីសោមនស្សរីករាយដែលបានមកបំពេញទស្សនកិច្ចនៅកម្ពុជា និងបានថ្លែងអំណរគុណ ឯកឧត្តមសាស្ត្រាចារ្យរដ្ឋមន្ត្រី ដែលបានឆ្លៀតពេលវេលាដ៏មមាញឹក ទទួលជួបពិភាក្សា ការងារជាមួយរូបលោក។ លោកនាយកប្រតិបត្តិ បានជម្រាបជូនពីគោលបំណងនៃដំណើរទស្សនកិច្ច គឺដើម្បីស្វែង យល់ពីកាលានុវត្តភាពសហប្រតិបត្តិការវិនិយោគនៅកម្ពុជា លើវិស័យជាច្រើនរួមមាន៖ វិស័យសុខាភិបាល វិស័យ ធនធានទឹក វិស័យដឹកជញ្ជូន ជាពិសេសផ្លូវដែក និងវិស័យធនាគារជាដើម។ ឯកឧត្តមសាស្ត្រាចារ្យរដ្ឋមន្ត្រីបានសម្ដែងនូវការស្វាគមន៍ក្រុមហ៊ុនដែលមានចំណាប់អារម្មណ៍ ស្វែងយល់ និងស្នើ សុំការណែនាំស្តីពីកិច្ចសហប្រតិបត្តិការ និងការវិនិយោគលើវិស័យសុខាភិបាលនៅកម្ពុជា។ ឯកឧត្តមសាស្ត្រាចារ្យរដ្ឋមន្ត្រី បានជម្រាបជូននូវអាទិភាព និងគោលនយោបាយសុខាភិបាល នៃយុទ្ធសាស្ត្របញ្ចកោណ…

(ភ្នំពេញ)៖ យុវជនវៀតណាម និង យុវជនកម្ពុជា(ស ស យ ក) មានគម្រោងសាងសង់មជ្ឈមណ្ឌលមួយ ដើម្បីបណ្ដុះបណ្ដាលវិជ្ជាជីវៈជូនយុវជនកម្ពុជានិងកសាងអគារទីស្តីការរបស់ស ស យ ក ដើម្បីទុកជានិមិត្តរូប បង្ហាញពីទំនាក់ទំនងសាមគ្គីភាពរឹងមាំរវាងប្រទេសទាំង២កម្ពុជានិងវៀតណាម។ នេះបើតាមការបញ្ជាក់ឱ្យដឹងពី ឯកឧត្តម ង្វៀន មិញជៀត (Nguyen Minh Triet) លេខាគណៈមជ្ឈឹមសហភាពយុវជនកុម្មុយនីស្ត ហូជីមិញ និងជាប្រធានសហភាពនិស្សិតវៀតណាម ក្នុងជំនួបសម្តែងការគួរសមជាមួយ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ នារសៀលថ្ងៃទី២០ ខែវិច្ឆិកា ឆ្នាំ២០២៤នេះ នៅសាលារាជធានីភ្នំពេញ។ ឯកឧត្តម ង្វៀន មិញជៀត លើកឡើងថា៖ យុវជនវៀតណាម និងយុវជនកម្ពុជា(ស ស យ ក) មានគម្រោងសាងសង់មជ្ឈមណ្ឌលមួយ ដើម្បីបណ្ដុះបណ្ដាលវិជ្ជាជីវៈជូនយុវជនកម្ពុជានិងកសាងអគារទីស្តីការរបស់ស ស យ ក ដែលគម្រោងនេះនឹងទទួលបានការគាំទ្រពីរាជរដ្ឋាភិបាលកម្ពុជា ក៏ដូចជារដ្ឋបាលរាជធានីភ្នំពេញ ដើម្បីយើងអាចធ្វើកិច្ចការងារនេះឲ្យក្លាយជារូបរាង ដើម្បីទុកជានិមិត្តរូប បង្ហាញពីទំនាក់ទំនងសាមគ្គីរឹងមាំរវាងប្រទេសទាំង២ កម្ពុជានិងវៀតណាម។ ឯកឧត្តម…

កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាម កាលពី​ព្រឹកថ្ងៃទី២០ ខែវិច្ឆិកា ឆ្នាំ២០២៤ រួមជា​មួយក្រុមការងារ​ជំនាញ​ពាក់ព័ន្ធអញ្ជើញពិនិត្យការស្ថាបនាស្តារឡើងវិញនូវហេដ្ឋារចនាសម្ព័ន្ធមួយចំនួន ដែលរងការខូចខាតដោយសារទឹកជំនន់ នៅស្រុកស្ទឹងត្រង់ ស្រុកចំការលើ និងស្រុកព្រៃឈរ ។ សូមជម្រាបថា គម្រោងការស្តារហេដ្ឋារចនាសម្ព័ន្ធដែលកំពុងអនុវត្ត​មានចំនួន៨គម្រោង ។ក្នុងនេះ ១.គម្រោងផ្លូវ​ដីក្រាល​ក្រួស​ក្រហម១ខ្សែ ប្រវែង ៨០០ម៉ែត្រ ,ទទឹង ៦ម៉ែត្រ ស្ថិតនៅភូមិអូររុន ឃុំខ្ពបតាងួន ស្រុកស្ទឹងត្រង់ ជួសជុលបន្ទាន់ ដោយមន្ទីរ​អភិវឌ្ឍន៍ជនបទខេត្ត ។ ២.គម្រោងសាងសង់ស្ពានបេតុង ១កន្លែង មានទំហំ ៣០ គុណនឹង ៨ម៉ែត្រ ស្ថិតនៅភូមិវាលត្រដក់ពង ឃុំទួលសំបួរ ស្រុកស្ទឹងត្រង់ អនុវត្តដោយក្រសួងអភិវឌ្ឍន៍ជនបទ ។ ៣.គម្រោងសាង​សង់ផ្លូវបេតុង និងក្រាលកៅស៊ូ ២ជាន់ ១ខ្សែ ស្ថិតនៅភូមិពព្រេង និងអូរវាយ ឃុំស្ពឺ ស្រុកចំការលើ ប្រវែង ៦.០០០ម៉ែត្រ ,ទទឹង ៦ម៉ែត្រ ជាគម្រោង (SAABAT) ។ ៤.គម្រោងសាងសង់ផ្លូវកាលបេតុង…

កំពត៖គ្រូបង្រៀនជាប់កិច្ចសន្យាចំណេះទូទៅឆ្នាំ២០២៤-២០២៥ ក្នុងស្រុកកំពង់ត្រាច ខេត្តកំពតចំនួន៩៦នាក់(ស្រី៦៨នាក់) ត្រូវបាន​រដ្ឋបាលស្រុកកំពង់ត្រាច ប្រកាសទទួលស្គាល់កាលពីព្រឹកថ្ងៃទី២០ ខែវិច្ឆិកា ឆ្នាំ២០២៤ នាសាលាស្រុកកំពង់ត្រាច។ លោក អូនខន អភិបាលស្រុកកំពង់ត្រាចដែលអញ្ជើញចូលរួមក្នុង​ពិធីប្រកាសទទួលស្គាល់ ដោយកត់សម្គាល់ពីភាពសុក្រឹតនៃ​ការប្រឡងគ្រូបង្រៀនជាប់កិច្ចសន្យានៅស្រុកកំពង់ត្រាច​។ ចំណែកលោក ខៀវ ធន វុឌ្ឍី ប្រធានការិយាល័យ បុគ្គលិក នៃ​មន្ទីរ​អប់រំយុវជន និងកីឡាខេត្តកំពតបានផ្តល់នូវការណែនាំមួយចំនួនដល់លោកគ្រូ អ្នកគ្រូ ដែលត្រូវបានប្រកាសទទួលស្គាល់៕ដោយ៖ សិលា សារិន

កំពង់ធំ៖ប្រេងឥន្ធនៈ ថវិកា និងស្បៀងអាហារជាអំណោយដ៏ថ្លៃថ្លា​របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី​នៃ​ព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី តាមរយៈនាយឧត្តមសេនីយ៍ ម៉ៅ សុផាន់ អគ្គមេបញ្ជាការ​រងនៃកងយោធពលខេមរភូមិន្ទ មេបញ្ជាការកងទ័ពជើងគោក ត្រូវបានប្រគល់ជូនអ្នកបើកបរកាណូត និងអ្នកបើកបរ​រថយន្ត​គិលានសង្គ្រោះ សម្រាប់ដឹកជញ្ជូនប្រជាពលរដ្ឋដោយឥតគិតថ្លៃ​នៅមន្ទីរពេទ្យបង្អែកស្រុកសណ្ដាន់ ។ ឧត្តមសេនីយ៍ទោ សោម ស៊ុន តំបន់ប្រតិបត្តិការសឹករងកំពង់ធំ អនុ​ប្រធានក្រុមការងាររបស់រាជរដ្ឋាភិបាល​ចុះមូលដ្ឋាន​ស្រុក​សណ្ដាន់​បាននាំអំណោយនេះទៅប្រគល់ជូនដោយផ្ទាល់កាលពីថ្ងៃ១៩ ខែវិច្ឆិកា ឆ្នាំ២០២៤ ។អំណោយមានប្រេងសាំង៩០០ លីត្រ សម្រាប់បម្រើឱ្យការដឹកជញ្ជូន​តាមកាណូត និងប្រេងម៉ាស៊ូត ចំនួន៣០០លីត្រ ព្រមទាំង​ថវិកា​ចំនួន៣០០ដុល្លារ សម្រាប់អ្នកបើកបររថយន្តគិលានសង្គ្រោះ និង គ្រឿងឧបភោគបរិភោគ ផ្ដល់ជូនដល់អ្នក​បើកបរកាណូត​ប្រើប្រាស់​រយៈពេលបីខែចាប់ពីខែវិច្ឆិកា ឆ្នាំ២០២៤ ដល់ខែមករា ឆ្នាំ២០២៥ ។ សូមជម្រាបថា ការដឹកជញ្ជូនបានធ្វើនៅបីឃុំ តាមដងស្ទឹងសែន គឺឃុំដងកាំបិត ឃុំមានជ័យ និងឃុំក្លែង ។ការដឹកជញ្ជូននេះ​ដើម្បី​សម្រួលដល់​កសិស្សានុសិស្ស ក៏ដូចជាប្រជាពលរដ្ឋ ឆ្លងកាត់ដង​ស្ទឹងសែនទៅសាលាក៏ដូចជាប្រកបមុខរបរអាជីវកម្ម ។សម្ដេចធិបតី ហ៊ុន ម៉ាណែត និងលោកជំទាវបណ្ឌិត បានឧបត្ថម្ភកាណូតតូច​ធំចំនួន៦គ្រឿងតាមរយៈនាយឧត្តមសេនីយ៍ ម៉ៅ សុផាន់…