មូស្គូ ៖ មន្ត្រីរុស្ស៊ីនិយាយថា កងកម្លាំងអ៊ុយក្រែនបានវាយប្រហារតំបន់ភាគខាងលិចរបស់ប្រទេសខ្លួន ដោយប្រើមីស៊ីលរយៈចម្ងាយឆ្ងាយ ATACMS ដែលផ្គត់ផ្គង់ដោយសហរដ្ឋអាមេរិក។ ការវាយប្រហារនេះ កើតឡើងបន្ទាប់ពីប្រធានាធិបតីអាមេរិក លោក Joe Biden តាមសេចក្តីរាយការណ៍ បានអនុញ្ញាតឱ្យអ៊ុយក្រែន ប្រើប្រាស់ពួកវា ដើម្បីវាយប្រហារលើគោលដៅនានានៅក្នុងទឹកដីរុស្ស៊ី។ ក្រសួងការពារជាតិរុស្ស៊ីប្រកាសថា មីស៊ីលចំនួន៦គ្រាប់បានបាញ់ចូលទៅក្នុងតំបន់ Bryansk ជាប់ព្រំដែនអ៊ុយក្រែនកាលពីថ្ងៃអង្គារ។ ក្នុងចំណោមមីស៊ីលទាំងអស់ មាន៥គ្រាប់ត្រូវបានបាញ់ទម្លាក់ ប៉ុន្តែមួយគ្រាប់ទៀតបានធ្លាក់ចំបរិវេណទីតាំងយោធា បណ្តាលឱ្យមានអគ្គីភ័យ។ ក្រសួងការពារជាតិរុស្ស៊ីបាននិយាយថា ភ្លើងបានរលត់ទៅវិញយ៉ាងឆាប់រហ័ស ហើយមិនមានអ្នករងរបួសនោះទេ។ ប្រព័ន្ធផ្សព្វផ្សាយអ៊ុយក្រែនបានរាយការណ៍ថា វាជាលើកទីមួយហើយ ដែលទីក្រុងកៀវបានប្រើមីស៊ីលអាមេរិក ATACMS វាយប្រហារចូលទៅក្នុង ប្រទេសរុស្ស៊ី។ ឥឡូវនេះការយកចិត្តទុកដាក់ នោះគឺផ្តោតលើរបៀបដែលរុស្ស៊ីនឹងមានប្រតិកម្ម ចំពោះការវាយប្រហារចុងក្រោយរបស់អ៊ុយក្រែន។ សូមរម្លឹកថា កាលពីខែកញ្ញា ប្រធានាធិបតីរុស្ស៊ី លោក វ្ល៉ាឌីមៀ ពូទីន បានព្រមានថា ប្រសិនបើប្រទេសលោកខាងលិច អនុញ្ញាតឱ្យអ៊ុយក្រែន វាយលុកចូលទឹកដីរុស្ស៊ី ដោយប្រើមីស៊ីលរយៈចម្ងាយឆ្ងាយ នោះមានន័យថា បណ្តាប្រទេសណាតូកំពុងប្រយុទ្ធជាមួយរុស្ស៊ីដោយផ្ទាល់៕ ប្រភព ៖ AFP ប្រែសម្រួល ៖ ឈឹម…

បរទេស៖ នាយករដ្ឋមន្ត្រីអ៊ីស្រាអែល លោក Netanyahu និយាយថា អ៊ីស្រាអែលប្រកាសផ្តល់រង្វាន់ ៥ លានដុល្លារ សម្រាប់ចំណាប់ខ្មាំង Gaza ម្នាក់ៗ ដែលត្រូវបានដោះលែង។ លោក នាយករដ្ឋមន្ត្រី Benjamin Netanyahu បាននិយាយ កាលពីថ្ងៃអង្គារថា អ៊ីស្រាអែលកំពុងផ្តល់រង្វាន់ចំនួន៥លានដុល្លារដល់នរណាម្នាក់ ដែលជួយរំដោះចំណាប់ខ្មាំង ដែលត្រូវបានឃុំខ្លួន នៅហ្គាហ្សា។ លោក Netanyahu បាននិយាយ ក្នុងវីដេអូដែលថតនៅក្នុងទឹកដីប៉ាឡេស្ទីនថា «អ្នកណា ដែលនាំចំណាប់ខ្មាំងចេញ នឹងរកឃើញវិធីសុវត្ថិភាពមួយ សម្រាប់ពួកគេ ក្នុងការចាកចេញពីតំបន់ Gaza យើងនឹងផ្តល់រង្វាន់ ដល់ពួកគេចំនួន ៥លានដុល្លារ សម្រាប់ចំណាប់ខ្មាំងម្នាក់ៗ»។ លោកបន្តថា «យើងក៏កំពុងខិតខំប្រឹងប្រែងស្វែងរកចំណាប់ខ្មាំង និងនាំយកពួកគេ មកផ្ទះវិញដែរ។ យើងនឹងមិនចុះចាញ់ឡើយ។ យើងនឹងបន្តរហូតដល់យើងរកឃើញពួកគេទាំងអស់ នៅរស់ ឬ ក៏ស្លាប់»។ ដោយពាក់មួកសុវត្ថិភាព និងអាវការពារគ្រាប់កាំភ្លើងផងនោះ លោក Netanyahu បាននិយាយថា គោលដៅសង្គ្រាមមួយដដែល របស់អ៊ីស្រាអែល គឺ «ហាម៉ាសមិនត្រូវគ្រប់គ្រង នៅតំបន់ហ្គាហ្សា»។…

បរទេស៖ ទីក្រុង Kyiv របស់អ៊ុយក្រែន បានប្រារព្ធខួប ១,០០០ ថ្ងៃ នៃសង្គ្រាម ជាមួយ នឹងការគោរព ដោយមានភ្លើងទៀន នៅសារមន្ទីរសង្គ្រាម កាលពីថ្ងៃអង្គារ។ សារមន្ទីរសង្គ្រាម «Kiev» បានរៀបចំពិធី «ដុតភ្លើង» ដើម្បីប្រារព្ធខួប ១,០០០ថ្ងៃ នៃការលុកលុយពេញលេញ របស់រុស្ស៊ី។ ទៀនមួយពាន់ដើម ត្រូវបានអុជ នៅរូបសំណាក «មាតុភូមិ» អមដោយការបួងសួង ដល់បព្វជិតយោធា និងការសម្តែងដោយវង់តន្រ្តី របស់កងកម្លាំងប្រដាប់អាវុធ។ ចាប់តាំងពីការឈ្លានពាន បានចាប់ផ្តើមមក ជនស៊ីវិលជាង១១,៧០០ នាក់បានស្លាប់ និង ២៤,៦០០ នាក់បានរងរបួស នេះបើយោងតាមទិន្នន័យ របស់អង្គការសហប្រជាជាតិ។ លោកស្រី Anastasiya Yevhlevska ដែលធ្វើការ នៅសារមន្ទីរសង្គ្រាមជាតិ និយាយថា «ជារៀងរាល់ថ្ងៃ យើងបង្ហាញថា យើងមានភាពសក្ដិសម ក្នុងការរស់នៅ លើទឹកដីនេះ ហើយសត្រូវរបស់យើងត្រូវតែ ត្រូវបានបញ្ឈប់»៕ ប្រភពពី AFP ប្រែសម្រួល៖ សារ៉ាត