ស្ទឹងត្រែង៖ក្នុងពិធីអបអរសាទរទិវាអន្តរជាតិក្មេងស្រី​ឆ្នាំ​២០២៤ ក្រោមប្រធានបទ «ការបង្កើនភាពអង់​អាចរបស់​ក្មេងស្រី ដើម្បីការអភិវឌ្ឍប្រកបដោយ​ចីរភាព»​កាលពី​ព្រឹកថ្ងៃទី៥ ខែវិច្ឆិកា ឆ្នាំ២០២៤ ឯកឧត្តម សរ សុពុត្រា អភិបាលខេត្តស្ទឹងត្រែងមានប្រសាសន៍ថា ក្មេងស្រីត្រូវ​បានលើកកម្ពស់ពីសំណាក់គ្រួសារ សហគមន៍ អ្នកពាក់​ព័ន្ធ​ដើម្បីឈានទៅបង្កើនភាពអង់ អាចក្នុងការអនុវត្ត​សិទ្ធិអភិវឌ្ឍសមត្ថភាព អភិវឌ្ឍជីវភាពក្នុងគ្រួសារព្រម​ទាំងអភិវឌ្ឍសេដ្ឋកិច្ច និងសង្គមជាតិ ។ ក្នុងកម្មវិធីដែលរៀបចំឡើងដោយរដ្ឋបាលខេត្តរួមជាមួយក្រសួងកិច្ចការនារី និងអង្គការភ្លែនអន្តរជាតិកម្ពុជានេះដែរ ឯកឧត្តម អភិបាលខេត្តបានចាត់ទុកការរៀបចំយុទ្ធនា​ការនៅក្នុងចំណោមអ្នកចូលរួមប្រមាណ៥០០នាក់នាពេលនេះនឹងក្លាយទៅជា ចលនារួមគ្នាមួយ ក្នុងការរួម​ចំណែកអប់រំអភិវឌ្ឍសមត្ថភាព សីលធម៌ គុណធម៌ សុជីវធម៌ និងថាមពល កុមារី យុវតី ឱ្យមានភាពអង់អាច និងមានអនាគតល្អ ។ ទាក់ទងនឹងព្រឹត្តិការណ៍កំពុងរៀបចំនេះ លោកស្រី សន សុខា ប្រធានមន្ទីរកិច្ចការនារីនិយាយថាយុទ្ធនាការ​ដ៏មានសារៈសំខាន់ ក្នុងគោលបំណងផ្សព្វផ្សាយដល់​សាធារណៈជន អំពីគុណតម្លៃនៃការទទួលបាននូវ​សមភាព​រវាងក្មេងស្រី និងក្មេងប្រុស ក៏ដូចជាសម្រាប់​ការចូលរួមគ្រប់វិស័យនឹងផ្តល់ឱកាសដល់យុវជនក្នុងការដឹកនាំផ្តួចផ្តើមគំនិតថ្មីៗក្នុងការលើកកម្ពស់ភាពអង់អាចដល់ក្មេងស្រីក្នុងភាពជាអ្នកដឹកនាំ៕ ដោយ៖ ដេង ម៉ាវិន

(ចិន)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រ​កម្ពុជា បានអនុញ្ញាតឱ្យលោក Mu Hsin Yuan ប្រធានក្រុមហ៊ុន Ju Wang Footwear Co., Ltd and Juhuiland Co.,Ltd ចូលជួបសម្ដែងការគួរសម និង​ពិភាក្សាការងារ នារសៀល ថ្ងៃទី៦ ខែវិច្ឆិកា ឆ្នាំ២០២៤ ក្នុងឱកាសអញ្ជើញ​ចូលរួម​កិច្ចប្រជុំកំពូលមហាអនុតំបន់មេគង្គ (GMS) លើកទី៨ នៅថ្ងៃទី៦-៧ ខែវិច្ឆិកា ឆ្នាំ​២០២៤ នៅទីក្រុងគុនមិញ ខេត្តយូណាន សាធារណរដ្ឋប្រជាមានិតចិន ។ ក្នុងឱកាសនៃជំនួប លោកប្រធានក្រុមហ៊ុនបានវាយតម្លៃខ្ពស់ចំពោះការរីកចម្រើនលើ​គ្រប់វិស័យនៅកម្ពុជា និងមានជំនឿជឿជាក់ថាប្រទេសកម្ពុជានឹងបន្តអភិវឌ្ឍ រីក​ចម្រើ ន​កាន់តែខ្លាំងក្លាថែមទៀត ។ លោកប្រធានក្រុមហ៊ុនបានបន្តទៀតថា រាជរដ្ឋាភិបាលកម្ពុជាធានាបាននូវបរិយា​កាស​​វិនិយោគមួយប្រកបដោយស្ថិរភាព និងអនុគ្រោះ សម្រាប់វិនិយោគិន និងបាន​ថ្លែងអំណរគុណចំពោះរាជរដ្ឋាភិបាលកម្ពុជាតែងតែផ្ដល់ការគាំទ្រដល់ដំណើរការអាជីវកម្មរបស់ក្រុមហ៊ុននៅកម្ពុជា។ ជាមួយគ្នានោះ លោកប្រធានក្រុមហ៊ុន ក៏បានគោរពជម្រាបជូនសម្ដេច​បវរធិបតីអំពី​វឌ្ឍនភាពរបស់ក្រុមហ៊ុននៅកម្ពុជា និងបានបង្ហាញចំណាប់អារម្មណ៍​ក្នុងពង្រីកការវិនិ​យោគ​នៅកម្ពុជាបន្ថែមទៀត តាមរយៈការបង្កើតរោងចក្រផលិតសំលៀកបំពាក់ ស្ត្រី និងកុមារ សម្រាប់នាំចេញទៅកាន់ទីផ្សារក្រៅប្រទេស។ ជាការឆ្លើយតប…

(ចិន)៖ មីយ៉ាន់ម៉ា អរគុណកម្ពុជា ដែលចែករំលែកបទពិសោធន៍ និងទស្សនទាន ក្នុងការដោះស្រាយវិបត្តិនៅមីយ៉ាន់ម៉ា ។ នេះជាការគូសបញ្ជាក់របស់ឯកឧត្ដម នាយឧត្ដមសេនីយ៍ Min Aung Hlaing ប្រធានក្រុមប្រឹក្សារដ្ឋបាលរដ្ឋ នៃសាធា រណរដ្ឋសហភាពមីយ៉ាន់ម៉ា ក្នុងជំនួបពិភាក្សាងារងារជាមួយសម្តេចមហាបវរ​ធិប​តី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា នៅព្រឹក ថ្ងៃទី៦ ខែ វិច្ឆិកា ឆ្នាំ២០២៤ នាឱកាសអញ្ជើញចូលរួមកិច្ចប្រជុំកំពូលមហាអនុតំបន់មេគង្គ (GMS) លើកទី៨ នៅថ្ងៃទី៦-៧ ខែវិច្ឆិកា ឆ្នាំ២០២៤ នៅទីក្រុងគុនមិញ ខេត្ត​យូណាន សាធារណរដ្ឋប្រជាមានិតចិន ។ ក្នុងឱកាសនៃជំនួប ឯកឧត្តមប្រធានក្រុមប្រឹក្សារដ្ឋបាលរដ្ឋ បានជម្រាបជូន​សម្ដេច​បវរធិបតី អំពីស្ថានការណ៍នយោបាយទូទៅ និងការត្រៀមរៀបចំការបោះឆ្នោត​សកល នាពេលខាងមុខរបស់សាធារណរដ្ឋសហភាពមីយ៉ាន់ម៉ា ព្រមទាំង​បាន​អរគុណកម្ពុជា ដែលបានចែករំលែកបទពិសោធន៍ និងទស្សនទាន​មួយចំនួន​ក្នុង​ការដោះស្រាយវិបត្តិមីយ៉ាន់ម៉ា។ ជាការឆ្លើយតប សម្ដេចបវរធិបតីបានថ្លែងអំណរគុណឯកឧត្តមប្រធានក្រុមប្រឹក្សា​រដ្ឋបាលរដ្ឋ ដែលបានជម្រាបជូនអំពីបច្ចុប្បន្នភាពនៃស្ថានការណ៍នយោបាយ​របស់សាធារណរដ្ឋសហភាពមីយ៉ាន់ម៉ា និងសង្ឃឹមថា វិបត្តិនៅមីយ៉ាន់ម៉ា នឹងត្រូវបានដោះស្រាយដោយសន្តិវិធី ក្នុងអនាគតដ៏ខ្លីខាងមុខ។ សម្តេចបវរធិបតីក៏បានគូសបញ្ជាក់អំពីសារៈសំខាន់នៃកិច្ចសន្ទនាប្រកបដោយបរិយាប័ន្ន និងការអនុវត្តកិច្ចព្រមព្រៀងជាឯកច្ឆន្ទប្រាំចំណុច (5-Point Conensus) របស់​អាស៊ាន…

កំពត៖អាជ្ញាធរខេត្តកំពត មន្ត្រីជំនាញ និងក្រុមការងារ​កំពុង​មមាញឹកតុបតែងលម្អក្រុងកំពត នៅតាមផ្លូវ​មាត់​ព្រែក ស្ពាន និងសួនច្បារសាធារណៈជាដើមដែលជា​ការត្រៀមលក្ខណៈធ្វើជាម្ចាស់ផ្ទះពិធីបុណ្យសមុទ្រលើកទី១១ ជុំទី៣ រយៈពេល៣ថ្ងៃចាប់ពីថ្ងៃទី១៣ ដល់​ថ្ងៃទី១៥ ខែធ្នូ ឆ្នាំ២០២៤ខាងមុខ។ លោក កន ប៊ុនថាន នាយករងទីចាត់ការអន្តរវិស័យ​សាលាខេត្តកំពតទទួលបន្ទុករៀបចំការងារពិដានភ្លើងនិងសោភណ ភាពនៅក្នុងក្រុងកំពតនៅថ្ងៃទី៦ ខែវិច្ឆិកា ឆ្នាំ២០២៤ បានបញ្ជាក់ថា ក្រោមកិច្ចចង្អុលណែ​នាំនិង​ពិនិត្យដោយផ្ទាល់ជារៀងរាល់ ថ្ងៃពីឯកឧត្តមបណ្ឌិត ម៉ៅ ធនិន អភិបាលខេត្ត ក្រុមការងារបានយកចិត្តទុកដាក់​​ពន្លឿនការងារយ៉ាងយកចិត្តទុកដាក់។ ចំណែកលោក សយ ស៊ីណុល ប្រធានមន្ទីរទេស​ចរណ៍​ខេត្តកំពតបាននិយាយថា ក្រោមការដឹកនាំ​របស់ឯកឧត្តម​អភិបាលខេត្ត សម្រាប់ពិធីបុណ្យ​សមុទ្រលើកទី១១ បាន​ត្រៀមរៀបចំបានយ៉ាងល្អ។មកដល់ថ្ងៃនេះឃើញ​ការរៀបចំបានច្រើន។ ខេត្តកំពតធ្លាប់បានធ្វើជាម្ចាស់ផ្ទះបុណ្យសមុទ្រចំនួន២លើករួចមកហើយគឺនៅឆ្នាំ២០១៥និងឆ្នាំ២០១៩។ចំណែក​បុណ្យសមុទ្រលើកទី១១ ជុំទី៣លើកនេះ ប្រព្រឹត្តទៅ​ក្រោម​​​ប្រធានបទ “អបអរសាទរបេតិកភណ្ឌ និងចីរភាពនៃ​តំបន់ឆ្នេរ”ដោយមានគោល បំណងសំខាន់ៗចំនួន៣ គឺ ទី១.ការផ្សព្វផ្សាយអំពីសក្តានុពលទេសរណ៍តំបន់ឆ្នេរសមុទ្រកម្ពុជានិងការផ្សព្វផ្សាយតំបន់ឆ្នេរ សមុទ្រតំបន់​អេកូ​ទេសចរណ៍មាន កោះ ភ្នំ , ទី២.ការជួយជំរុញ​យកចិត្ត​ទុកដាក់ពីគ្រប់ភាគីពាក់ព័ន្ធទាំងអស់ ក្នុងការអភិរក្ស និងអភិវឌ្ឍន៍តំបន់ឆ្នេរប្រកបដោយចីរភាពស្របតាមគោលនយោបាយរបស់រាជរដ្ឋាភិបាល,និងទី៣.ការពង្រឹងលើកកម្ពស់គុណភាពសេវាកម្មនានា នៅក្នុងវិស័យឧស្សាហ​កម្មទេសចរណ៍នៅទូទាំងប្រទេស ពិសេសខេត្តកំពត៕ដោយ៖ សិលា សារិន

ភ្នំពេញ៖ ជាមួយរូបថតមួយសន្លឹក សម្ដេចអគ្គមហាសេនា​បតីតេជោ ហ៊ុនសែន ប្រធានព្រឹទ្ធសភា និងជាប្រធាន​គណបក្សប្រជាជនកម្ពុជា បានបង្ហាញនូវ​វាយតម្លៃថា ការឈ្នះរបស់លោក ត្រាំ មានមូលហេតុច្រើន តែតាមការ​កត់សម្គាល់របស់សម្ដេច មាន៣ចំណុច ដែលទទួល​បានសន្លឹកឆ្នោតពីប្រជាជន”។ លើបណ្ដាញសង្គមផ្លូវការនាព្រលប់ថ្ងៃទី៦ ខែវិច្ឆិកា សម្តេច​​តេជោ ហ៊ុន សែន បានសរសេរថា ” បើទោះបី​លទ្ធផលបោះឆ្នោត នៅសហរដ្ឋអាមេរិកមិនទាន់​ប្រកាស​ផ្លូវការ ប៉ុន្តែលទ្ធផលបណ្តោះអាសន្ន​បានបង្ហាញលោក ដូណាល់ ត្រាំ បានទទួលជ័យ​ជម្នះលើគូប្រកួតរបស់ខ្លួន នឹងត្រៀមខ្លួនធ្វើជាប្រធានាធិបតីថ្មីរបស់អាមេរិក !ការ​ឈ្នះរបស់លោក ត្រាំ មានមូលហេតុច្រើន តែតាម​ការកត់សម្គាលើរបស់ខ្ញុំ មាន៣ចំណុច ដែលទទួល​បាន​សន្លឹកឆ្នោតពីប្រជាជន”។ សម្ដេចតេជោ ហ៊ុន សែនបន្តថា ៖ទី១៖ សង្គមរបស់​សហរដ្ឋអាមេរិក មិនទាន់ត្រៀមខ្លួនដើម្បីយកស្រ្តីធ្វើជា​មេដឹកនាំរបស់ខ្លួន បើទោះបីសហរដ្ឋអាមេរិកជាបិតា​ប្រជាធិបតេយ្យ ផ្នែកយេនឌ័រ ក៏ដោយ ដែលចំណុចនេះ​បង្ហាញថា អាមេរិកដើរក្រោយអាស៊ាន ដែលធ្លាប់មាន​និងកំពុងមាន មេដឹកនាំជាស្រ្តី ដូចជានៅប្រទេសថៃ ហ្វីលីពីន និងឥណ្ឌូនេស៊ី។ទី២៖ ទំនងព្រះបានចារមកថា លោក ដូណាល់ ត្រាំ ត្រូវតែប្រកួតប្រជែងជាមួយស្រ្តី។ លើកទី១…