គៀវ ៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី អះអាងថា រុស្ស៊ីបានប្រើប្រាស់យន្តហោះគ្មានមនុស្សបើក ឬហៅថាដ្រូនជាង ២.០២៣គ្រឿង ក្នុងខែតុលា វាយប្រហារប្រឆាំងអ៊ុយក្រែន។ នេះបើតាមការចុះផ្សាយដោយសារព័ត៌មានរ៉យទ័រ។ កាសែតជប៉ុន NHK បានរាយការណ៍ថា លោក ហ្សេលេនស្គី បាននិយាយនៅក្នុងសុន្ទរកថាផ្សាយតាមកញ្ចក់ទូរទស្សន៍ថ្មីៗនេះថា រុស្ស៊ីបានប្រើប្រាស់យន្តហោះដ្រូនពិឃាតវាយលុកប្រឆាំងនឹងអ៊ុយក្រែនជារៀងរាល់ថ្ងៃ កាលពីខែតុលា។ មេដឹកនាំអ៊ុយក្រែនរូបនេះបន្ថែមថា យន្តហោះដ្រូនទាំងនោះ មានជាប់ពាក់ព័ន្ធនឹងសមាសធាតុជាង ១៧០,០០០គ្រឿង ដែលគួរតែមានវិធានការរារាំង ត្រូវបានផ្គត់ផ្គង់ទៅឱ្យប្រទេសរុស្ស៊ី។ លោក ហ្សេលេនស្គី បានសង្កត់ធ្ងន់ទៀតថា បញ្ហានេះកំពុងទាមទារឱ្យពិភពលោកធ្វើសកម្មភាពកាន់តែខ្លាំងឡើង ដើម្បីគ្រប់គ្រងការនាំចេញសមាសធាតុនិងធនធានពិសេសទៅដល់ដៃរុស្ស៊ី។ ហើយលោកក៏បានអំពាវនាវឲ្យសហគមន៍អន្តរជាតិ បង្កើនការដាក់ទណ្ឌកម្មលើរុស្ស៊ី ដើម្បីទប់ស្កាត់ប្រទេសនេះពីការផលិតយន្តហោះដ្រូនពិឃាតផងដែរ។ អាជ្ញាធរអ៊ុយក្រែនបានឱ្យដឹងថា កម្ទេចកម្ទីយន្តហោះដ្រូនរបស់រុស្ស៊ីដែលត្រូវបានស្ទាក់ចាប់ ឬបំផ្លាញបានធ្លាក់ក្នុងសង្កាត់ចំនួន៦ នៃរដ្ឋធានីគៀវ កាលពីពេលថ្មីៗនេះ បង្កឱ្យមានអគ្គិភ័យ និងបំផ្លិចបំផ្លាញបង្អួចនៅឯអគារលំនៅឋានជាច្រើនកន្លែង។ អ្នកសង្កេតការណ៍មួយចំនួននិយាយថា យោធារុស្ស៊ីប្រហែលជាកំពុងស្វែងរកការដាក់សម្ពាធលើអ៊ុយក្រែនឥតឈប់ឈរ ជាមួយនឹងការវាយប្រហារដោយយន្តហោះដ្រូន។ ជាការឆ្លើយតប អ៊ុយក្រែនកំពុងស្នើសុំឱ្យប្រទេសលោកខាងលិច បើកដៃឱ្យខ្លួនប្រើអាវុធរយៈចម្ងាយឆ្ងាយបាញ់ចូលកាន់តែជ្រៅ ដើម្បីឱ្យទីក្រុងគៀវអាចវាយប្រហារមូលដ្ឋានយោធានៅក្នុងទឹកដីរុស្ស៊ី និងទប់ស្កាត់ការវាយប្រហារដោយយន្តហោះដ្រូនរុស្ស៊ី៕ ប្រភព ៖ NHK ប្រែសម្រួល ៖…

វ៉ាស៊ីនតោន ៖ មហាសេដ្ឋីបច្ចេកវិទ្យា លោក Elon Musk មានបំណងផលិតកង់អគ្គិសនីដំបូងបង្អស់របស់ក្រុមហ៊ុន Tesla ដែលគ្រោងនឹងចេញលក់ក្នុងតម្លៃទាបគួរឱ្យភ្ញាក់ផ្អើលត្រឹមតែ ៦៩៩ដុល្លារ។ នេះបើតាមការចុះផ្សាយដោយគេហទំព័រ autopower។ ជាធម្មតា កង់អគ្គិសនីផលិតឡើងមានតម្លៃខ្ពស់លើសពីរាប់ពាន់ដុល្លារ ប៉ុន្តែខុសប្លែកពីក្រុមហ៊ុនដទៃ Tesla កំពុងធ្វើបដិវត្តន៍ឧស្សាហកម្មកង់អគ្គិសនី តាមរយៈផ្តល់នូវការរួមបញ្ចូលគ្នា ទាំងតម្លៃសមរម្យ ការការពារបរិស្ថាន និងបច្ចេកវិទ្យាទំនើប។ កង់អគ្គិសនីរបស់ Tesla ត្រូវបានប្រភពទម្លាយឱ្យដឹងថា នឹងបំពាក់ដោយបច្ចេកវិទ្យា និងមុខងារទំនើបៗ រួមបញ្ចូលទាំងថាមពលប្រើប្រាស់បានយូរ, មុខងារសុវត្ថិភាពកម្រិតខ្ពស់ និងបច្ចេកវិទ្យាបើកបរខ្លួនឯងនាពេលអនាគត។ យុទ្ធសាស្ត្រកំណត់តម្លៃកង់អគ្គិសនីថោកបែបនេះ ឆ្លុះបញ្ចាំងពីបេសកកម្មដ៏យូរអង្វែងរបស់លោក Musk ក្រៅពីឡានអគ្គិសនីប្រណីត កង់អគ្គិសនីក៏ជាជម្រើសដ៏ពេញនិយម ជាពិសេសមានតម្លៃសមរម្យសម្រាប់អ្នកប្រើប្រាស់ប្រចាំថ្ងៃផងដែរ។ តាមរយៈការវាយលុកចូលទីផ្សារកង់អគ្គិសនីនេះទៀតសោត ក្រុមហ៊ុន Tesla ក៏កំពុងកំណត់គោលដៅស្រូបទាញអ្នកធ្វើដំណើរក្នុងទីក្រុង និងអ្នកជិះដែលមានការយល់ដឹងអំពីបរិស្ថាន ហើយស្វែងរកមធ្យោបាយធ្វើដំណើរដ៏រីករាយ និងសន្សំសំចៃ។ វាក៏ស្របតាមចក្ខុវិស័យដ៏ទូលំទូលាយរបស់លោក Musk សម្រាប់ការដឹកជញ្ជូនប្រកបដោយនិរន្តរភាព។ យ៉ាងណា មិនទាន់មានប្រភពបង្ហើបឱ្យដឹងថាតើពេលណា Tesla ចាប់ផ្តើមផលិត ឬចេញលក់កង់អគ្គិសនីរបស់ខ្លួននៅឡើយទេ៕ ប្រភព៖ Autopower ប្រែសម្រួល ៖ ឈឹម…

ម៉ាឌ្រីដ ៖ ប្រទេសអេស្ប៉ាញប្រកាសនឹងផ្តល់ថវិកាប្រហែល ១១ពាន់លានដុល្លារ ដើម្បីជួយស្ដារទីក្រុង Valencia ឡើងវិញ បន្ទាប់ពីទឹកជំនន់ភ្លាមៗបានវាយប្រហារក្រុងនេះកាលពីសប្តាហ៍មុន ប៉ុន្តែអាជ្ញាធរក្នុងតំបន់ចង់បានថវិកាលើសហ្នឹងបីដង។ សេវាសង្គ្រោះបន្ទាន់ក្នុងតំបន់បាននិយាយកាលពីថ្ងៃអង្គារថា ទឹកជំនន់ជាប្រវត្តិសាស្ត្រ និងមិនធ្លាប់មានក្នុងពេល ៥០ឆ្នាំ បង្កឡើងពីភ្លៀងធ្លាក់ខ្លាំង បានវាយប្រហារទីក្រុង Valencia ដោយបានសម្លាប់មនុស្សយ៉ាងហោចណាស់ ២១១នាក់។ ទីភ្នាក់ងារឧតុនិយមរដ្ឋរបស់ប្រទេសអេស្ប៉ាញបាននិយាយកាលពីសប្តាហ៍មុនថា វាជាព្យុះភ្លៀងដ៏ខ្លាំងក្លាបំផុតសម្រាប់ទីក្រុង Valencia គិតចាប់តាំងពីឆ្នាំ ១៩៨៧។ កាលពីថ្ងៃសៅរ៍ សភាពាណិជ្ជកម្មទីក្រុង Valencia បានប៉ាន់ប្រមាណថា អាជីវកម្មរហូតដល់ ៤,៥០០ទីតាំងបានរងការខូចខាត ក្នុងនោះ ១,៨០០ទីតាំងរងផលប៉ះពាល់យ៉ាងធ្ងន់ធ្ងរ។ បន្ថែមលើនេះ ទឹកជំនន់ក៏ បាន ប៉ះ ពាល់ ដល់ វិស័យ សេដ្ឋកិច្ច ជា ច្រើន ផ្សេងទៀត រួមមានទាំង កសិកម្ម ឧស្សាហកម្ម និង សេវាកម្ម ខណៈដែលការផលិតស្វ័យប្រវត្តិនៅតែជាឧស្សាហកម្មដ៏សំខាន់បំផុតរបស់ទីក្រុង Valencia។ យោងតាមរបាយការណ៍ពីមូលនិធិ Aon Spain ដែលជាមូលនិធិឯកជន ការពារ និងជួយដល់គ្រោះមហន្តរាយធម្មជាតិ…

ហារ៉ារ៉េ ៖ ច្បាប់របស់រដ្ឋាភិបាលស៊ីមបាវ៉េ ដែលហាមឃាត់ប៉ូលិសប្រើទូរស័ព្ទនៅពេលធ្វើការបានចូលជាធរមានភ្លាមៗ។ ច្បាប់នេះ នឹងបញ្ជាឱ្យមន្ត្រីប៉ូលីសឈប់ប្រើឧបករណ៍ទំនាក់ទំនងឯកជនរបស់ពួកគេ នៅពេលបំពេញកាតព្វកិច្ច។ មន្រ្តីទាំងអស់ត្រូវតែប្រគល់ទូរស័ព្ទដៃរបស់ពួកគេទៅឱ្យអ្នកគ្រប់គ្រង នៅពេលពួកគេទៅដល់ការិយាល័យធ្វើការរបស់ពួកគេ តែអាចប្រើវាបានតែក្នុងអំឡុងពេលសម្រាកប៉ុណ្ណោះ។ មិនមានហេតុផលណាមួយត្រូវបានលើកឡើងប្រឆាំងនឹងការហាមឃាត់នេះទេ ប៉ុន្តែវាត្រូវបានគេជឿថា ផ្នែកមួយនៃកិច្ចខិតខំប្រឹងប្រែងរបស់រដ្ឋាភិបាល ដើម្បីទប់ស្កាត់អំពើពុករលួយក្នុងស្ថាប័នប៉ូលីស។ ច្បាប់នេះត្រូវបានដាក់ចេញប៉ុន្មានថ្ងៃបន្ទាប់ពីប៉ូលីសចរាចរណ៍ពីរនាក់ត្រូវបានចាប់ខ្លួននៅក្នុងរដ្ឋធានី ហារ៉ារ៉េ បន្ទាប់ពីវីដេអូនៅលើប្រព័ន្ធផ្សព្វផ្សាយសង្គមមួយ បានលាតត្រដាងទង្វើរបស់ពួកគេ ដែលបានទទួលយកសំណូកពីយានជំនិះសាធារណៈ។ ស្ថាប័នប៉ូលិសត្រូវបានគេមើលឃើញ ថា ស្ថិត ក្នុង ចំណោម ស្ថាប័ន ពុករលួយ បំផុត ក្នុង ប្រទេស ស៊ីមបាវ៉េ ដដោយសារតែប្រាក់ ខែ ទាប និង និងលក្ខខណ្ឌការងារមិនល្អ៕ ប្រភព ៖ BBC ប្រែសម្រួល : ឈឹម ទីណា

ហ្សាការតា ៖ កងទ័ពជើងទឹកឥណ្ឌូណេស៊ី និងរុស្ស៊ីកំពុងតាមដានលើកិច្ចព្រមព្រៀងមួយ ដើម្បីជំរុញទំនាក់ទំនងទ្វេភាគី។ ពួកគេក៏កំពុង ធ្វើ សមយុទ្ធ រួមគ្នា ជា លើក ដំបូងផងដែរ ប៉ុន្តែ មន្ត្រី នៅ ទីក្រុង ហ្សាការតា បាន ទទូច ថា ននោះមិនមែន មាន ន័យ ថា ពួកគេពួកគេកំពុងចូលរួមជាមួយរុស្ស៊ីប្រឆាំងនឹងអ៊ុយក្រែននោះទេ។ ក្រសួងការពារជាតិឥណ្ឌូណេស៊ីនិយាយថា សមយុទ្ធយោធាជើងទឹកនេះ នឹងដំណើរការរហូតដល់ថ្ងៃសុក្រទី៨ ខែវិច្ឆិកា ក្នុងនោះក៏មាននាវាចម្បាំងចំនួន៧គ្រឿង។ មេបញ្ជាការកងនាវាចរឥណ្ឌូណេស៊ី លោក Denih Hendrata និយាយថា ប្រទេសរបស់លោកចង់ប្រកាសថា ឥណ្ឌូណេស៊ីនឹងមិននៅខាងនរណាម្នាក់ឡើយ ក្នុងជម្លោះរុស្ស៊ី-អ៊ុយក្រែន។ សមយុទ្ធនេះកើតឡើងបន្ទាប់ពីប្រធានាធិបតី ឥណ្ឌូណេស៊ី លោក Prabowo Subianto បាន ធ្វើ ទស្សនកិច្ច នៅ រុស្ស៊ី កាលពី ខែកក្កដា មុន ចូលកាន់ តំណែង។ នាឱកាសនោះ បប្រធានាធិបតីឥណ្ឌូណេស៊ី…