កង់បេរ៉ា ៖ អាជ្ញាធរបានរាយការណ៍នៅក្នុងថ្ងៃចន្ទនេះថា ស្រ្តីម្នាក់បានបាត់បង់ជីវិត និងមនុស្សច្រើនជាង ១២០,០០០នាក់ទៀតគ្មានអគ្គិសនីប្រើប្រាស់ បន្ទាប់ពីខ្យល់បោកបក់ខ្លាំង និងភ្លៀងធ្លាក់យ៉ាងសន្ធប់វាយប្រហារភាគខាងត្បូងនៃប្រទេសអូស្រ្តាលី។ សេវាសង្គ្រោះបន្ទាន់រដ្ឋ Victory បានទទួលការ ស្នើសុំជំនួយជាង ២,៨០០លើកក្នុងមួយយប់ ដែលភាគច្រើនពាក់ព័ន្ធនឹងបញ្ហាដើមឈើដួលរលំ និងការខូចខាតអគារ។ គិតមកទល់ពេលនេះ ការព្រមានពីហានិភ័យផ្នែកអាកាសធាតុនៅតែបន្តធ្វើឡើងនៅតំបន់ឆ្នេរភាគអាគ្នេយ៍របស់រដ្ឋ Victory ខណៈដែលកម្លាំងខ្យល់ព្យុះប្រហែល ១៥០គីឡូម៉ែត្រក្នុងមួយម៉ោង បានវាយលុករដ្ឋនេះពេញមួយយប់។ ទីប្រឹក្សារដ្ឋាភិបាលរដ្ឋ Victoria នៅថ្ងៃចន្ទនេះ បានប្រាប់ប្រជាជនឱ្យជៀសវាងធ្វើដំណើរទៅកាន់តំបន់ឆ្នេរ ដោយសារតែទឹករលកដ៏គ្រោះថ្នាក់ ហានិភ័យបាក់ដីនៅតំបន់ច្រាំងថ្មចោទ និងទឹកជំនន់នៅតំបន់វាលទំនាប។ កោះភាគខាងត្បូងនៃរដ្ឋ Tasmania របស់អូស្រ្តាលី ក៏បានរងគ្រោះដោយសារអាកាសធាតុអាក្រក់ផងដែរ ដោយមនុស្សរាប់ពាន់នាក់មិនមានអគ្គិសនីប្រើប្រាស់នោះទេកាលពីថ្ងៃអាទិត្យម្សិលមិញ។ ខ្យល់ព្យុះនេះកើតឡើងបន្ទាប់ពីអូស្រ្តាលីទើបទទួលរងការវាយប្រហារពីរលកកំដៅរហូតជិត ៣០អង្សាសេនៅក្នុងទីក្រុង Sydney នៃរដ្ឋ New South Wales ៕ ប្រភព៖ AFP ប្រែសម្រួលដោយ៖ ឈឹម ទីណា

បរទេស៖ បុគ្គលិកសណ្ឋាគារអាមេរិក ចំនួន១ម៉ឺននាក់បានធ្វើកូដកម្ម នៅថ្ងៃពលកម្ម កាលពីចុងសប្តាហ៍ នៅក្នុងទីក្រុងចំនួនប្រាំបី របស់សហរដ្ឋអាមេរិក ដើម្បីទាមទារប្រាក់ឈ្នួល និងលក្ខខណ្ឌល្អប្រសើរ ខណៈដែលសណ្ឋាគារទាំងនោះ ចំណេញខ្លាំងបំផុត តែមិនប្តូរវិធានការកាត់បន្ថយចំណាយ កាលពីជំនាន់កូវីដ១៩។ កាលពីថ្ងៃអាទិត្យ បុគ្គលិកសណ្ឋាគារបានដើរចេញពីការងារ នៅក្នុងទីក្រុងនានា រួមមានទាំង Boston, Honolulu, San Francisco, San Diego និង Seattle បន្ទាប់ពីសហជីព UNITE HERE និងខ្សែសង្វាក់សណ្ឋាគារធំៗ មានដូចជា Hilton, Hyatt និង Marriott បរាជ័យក្នុងការឈានដល់កិច្ចព្រមព្រៀងក្នុងការចរចារួមគ្នា។ លោកស្រី Gwen Mills ប្រធានអន្តរជាតិនៃ UNITE HERE បាននិយាយថា សហជីពបានប្រកាសពីការធ្វើកូដកម្ម កាលពីថ្ងៃចន្ទមកម្ល៉េះ ដោយសារតែសណ្ឋាគារទាំងនោះ មិនបានផ្លាស់ប្តូរវិធានការកាត់បន្ថយការចំណាយ ដែលបានណែនាំ ក្នុងអំឡុងពេលជំងឺរាតត្បាត COVID-19 បើទោះបីជាទទួលបាន «ប្រាក់ចំណេញ ជាកំណត់ត្រា»។ លោកស្រី Mills បាននិយាយនៅក្នុងសេចក្តីថ្លែងការណ៍មួយថា…

បរទេស៖ ទីភ្នាក់ងារសារព័ត៌មានអារ៉ាប់ Aljazeera នៅថ្ងៃចន្ទនេះ បានចេញផ្សាយថា ត្រីបាឡែនចារកកម្ម របស់រុស្ស៊ី សម្បុរស ប្រវែងជាង៤ម៉ែត្រ ទម្ងន់ជាង១២០០គីឡូក្រាម មានអាយុចន្លោះពី ១៤ ទៅ ១៥ ឆ្នាំ ត្រូវបានប្រទះឃើញងាប់ នៅប្រទេសន័រវេស។ ប្រព័ន្ធផ្សព្វផ្សាយរដ្ឋន័រវេស NRK បានរាយការណ៍ថា សាកសពត្រីបាឡែននេះ ត្រូវបានរកឃើញអណ្តែត ចេញពីឆ្នេរសមុទ្រ នៅតំបន់ Risavika នាភាគខាងត្បូង ប្រទេសន័រវេស កាលពីថ្ងៃសៅរ៍ ដោយក្រុមអ្នកនេសាទ។ ត្រីបាឡែនមួយក្បាលនេះ ត្រូវបានរកឃើញមានខ្សែដ៏ចម្លែកមួយ បំពាក់ជាមួយនឹងឧបករណ៍សម្រាប់ដាក់កាមេរ៉ា ដែលមានពាក្យថា « Equipment St Petersburg » ជាឈ្មោះ ដែលធ្លាប់ត្រូវបានដាក់ ដោយប្រធានាធិបតីរុស្ស៊ី លោកពូទីន ទើបគេសន្មត់ថា ជាត្រីបាឡែន ចារកម្មរុស្ស៊ី។ អង្គការមិនស្វែងរកប្រាក់ចំណេញ Marine Mind ដែលបានតាមដានចលនារបស់ត្រីប្រភេទនេះ ប៉ុន្មានឆ្នាំចុងក្រោយនេះ បាននិយាយ នៅលើបណ្តាញសង្គមថា ត្រីបាឡែនប្រភេទនេះ មានឈ្មោះ Beluga…