បាងកក៖ ក្រសួងសុខាភិបាលថៃបានអះអាង កាលពីថ្ងៃអាទិត្យថា មនុស្សស្លាប់ដោយសារតែជំងឺដាច់សរសៃឈាមខួរក្បាល ព្រោះតែរលកកម្តៅខ្លាំង បានកើនដល់ ៣៨នាក់ហើយ។ មន្ត្រីជាន់ខ្ពស់សុខាភិបាល វេជ្ជបណ្ឌិត Atthapol Kaewsamrit បាននិយាយថា មនុស្សស្លាប់ភាគច្រើន ស្ថិតនៅភាគឦសាន នៃប្រទេសថៃ ដោយរាប់ចាប់តាំងពីថ្ងៃទី២២ ខែកុម្ភៈ។ បន្ទាប់មក គឺមាននៅតំបន់ភាគកណ្តាល និងភាគខាងកើត ហើយការស្លាប់ភាគច្រើន កើតឡើងចំពោះកម្មករដែលធ្វើការនៅខាងក្រៅ ,មនុស្សចាស់, អ្នកដែលមានជំងឺ ព្រមទាំង ក្រុមអ្នកផឹកស្រាច្រើន ជាប្រចាំ។ មន្ត្រីរូបនេះបាននិយាយទៀតថា រហូតដល់ថ្ងៃចន្ទនេះ រលកកម្តៅនឹងបន្តវាយប្រហាររាជធានី-ខេត្តចំនួន ១២ រួមមានទាំងក្រុងបាងកក ផងដែរ។ វេជ្ជបណ្ឌិត Atthapol Kaewsamrit ក៏បានណែនាំឲ្យប្រជាពលរដ្ឋថៃ គួរចៀសវាងការប៉ះពាល់ ពន្លឺព្រះអាទិត្យយូរ និងចៀសវាងការផឹកគ្រឿងស្រវឹង។ អ្នកនៅតាមខេត្តដែលរងគ្រោះដោយរលកកម្ដៅ ត្រូវបានណែនាំឱ្យស្លៀកសម្លៀកបំពាក់ស្តើងៗ ឬស្រាលៗ និងផឹកទឹក ឱ្យបានច្រើន៕ ប្រភពពី The Nation ប្រែសម្រួល៖ សារ៉ាត

វៀងចន្ទន៍៖ យោងតាមរបាយការណ៍របស់ធនាគារពិភពលោក (WB) បានឱ្យដឹងថា កំណើនសេដ្ឋកិច្ចរបស់ប្រទេសឡាវ កំពុងប្រឈមមុខនឹងបញ្ហាជាបន្តបន្ទាប់ ពោលគឺនៅតែទាបជាងកម្រិតឆ្នាំ ២០១៩ និងឆ្នាំ ២០២៣ ហើយត្រូវបានរំពឹងថា នឹងនៅតែធ្លាក់ចុះសម្រាប់ឆ្នាំ ២០២៤នេះ។ លោក Alex Kremer នាយកធនាគារពិភពលោកប្រចាំប្រទេសឡាវបានកត់សម្គាល់ថា ទោះបីជាប្រាក់ចំណូលជាមធ្យមរបស់គ្រួសារឡាវមានភាពប្រសើរឡើងនៅឆ្នាំ ២០២៣ក៏ដោយ ក៏ប្រហែលមួយភាគបីនៃគ្រួសារឡាវ ជាពិសេសគ្រួសារដែលមានចំណូលទាប បានជួបប្រទះនឹងការធ្លាក់ចុះនៃអំណាចទិញ។ លោក Kremer បាននិយាយនៅក្នុងគេហទំព័ររបស់ធនាគារពិភពលោកថា ការស្ទង់មតិរបស់យើងបង្ហាញថា ជាង ៣០ភាគរយនៃគ្រួសារឡាវ បានកាត់បន្ថយការចំណាយរបស់ពួកគេ ទៅលើវិស័យសុខាភិបាល និងការអប់រំ ខណៈពេលដែលនៅក្នុងតំបន់ទីក្រុងដែលមានមនុស្សរស់នៅតិច វិបត្តិសន្តិសុខស្បៀងកំពុងក្លាយជាបញ្ហាកើនឡើង។ យោងតាមរបាយការណ៍របស់ធនាគារពិភពលោក (WB) ដែលមានចំណងជើងថា “ការបង្កើនល្បឿននៃកំណែទម្រង់សម្រាប់កំណើន” បានបញ្ជាក់ថា ផលិតផលក្នុងស្រុកសរុប (GDP) របស់ប្រទេសឡាវ ត្រូវបានប៉ាន់ប្រមាណថា បានកើនឡើងត្រឹម ៣.៧ភាគរយនៅឆ្នាំ ២០២៣ ថយចុះពីកំណើន ៥.៥ភាគរយដែលបានកត់ត្រាក្នុងឆ្នាំ ២០១៩។ សម្រាប់ឆ្នាំ ២០២៤នេះវិញ ផលិតផលក្នុងស្រុកសរុប (GDP) របស់ប្រទេសឡាវ ត្រូវបានគេព្យាករណ៍ថា នឹងកើនឡើងត្រឹម…