ថ្នាំបុរាណចិន៩ម៉ឺន៥ពាន់ប្រអប់និងម៉ាស៊ីនផលិតអុកស៊ីហ្សែន ចំនួន១៣គ្រឿងត្រូវបានស្ថានទូតចិន និងទីក្រុង-ខេត្តសម្ព័ន្ធមេត្រីចំនួន៨ បានផ្តល់ជូនដល់ដ្ឋបាលរាជធានីភ្នំពេញនៅថ្ងៃនេះ ដើម្បីចូលរួមទប់ស្កាត់ការរីករាល ដាលជំងឺកូវីដ១៩។  ពិធីប្រគល់ និងទទួល បានធ្វើឡើង នារសៀលថ្ងៃទី១១ ខែសីហា ឆ្នាំ២០២១ ក្រោមវត្តមាន អភិបាលរាជធានីភ្នំពេញលោក ឃួង ស្រេង និងអគ្គរដ្ឋទូតចិនប្រចាំនៅកម្ពុជា លោក វ៉ាង វិនធាន នៅសាលារាជ ធានីភ្នំពេញ។អំណោយជាថ្នាំពេទ្យ និងឧបករណ៍សំខាន់ដែលភាគីចិនបានផ្តល់នាពេលនេះ បានទន្ទឹមនឹងការ រកឃើញថ្មីជាបន្តបន្ទាប់នូវវីរុសបំប្លែងថ្មី Delta ដែលជាវីរុសឆ្លងលឿននិងកាចសាហាវ។ អំណោយថ្នាំពេទ្យបុរាណចិន និងឧបករណ៍សុខាភិបាលដែលបានផ្តល់ដោយភាគីចិនថ្ងៃនេះ រួមមានពី ទីក្រុង ក្វាងចូវ ថ្នាំបុរាណចិន១ម៉ឺនប្រអប់, ពីទីក្រុងប៉េកាំង ថ្នាំបុរាណចិន ១ម៉ឺនប្រអប់, ពីខេត្តហ៊្វជៀន ថ្នាំបុរាណចិន ៣ម៉ឺនប្រអប់,ពីទីក្រុងគុនមិញ ថ្នាំបុរាណចិន ៥ពាន់៤០០ប្រអប់ និងម៉ាស៊ីនផលិតអុកស៊ីហ្សែន ១០គ្រឿង , ពីទី ក្រុងសៀងហៃ ថ្នាំបុរាណចិន ២ពាន់៤០០ប្រអប់ ,ពីទីក្រុងហឺហ្វេ ថ្នាំបុរាណចិន ២ម៉ឺនប្រអប់, ពីទីក្រុងវូហាន ថ្នាំ បុរាណចិន ៩ពាន់២០០ប្រអប់,…

អង្គការ OXFARM បានថ្លែងថា កម្ពុជាគ្រោងនឹងទទួលបានថវិកាចំនួន២៤០លានដុល្លារពីអង្គការ IMF ដើម្បី ដោះស្រាយបញ្ហាកូវីដ១៩ និងការ ស្ដារសេដ្ឋកិច្ចឡើងវិញ ។ សេចក្តីប្រកាសព័ត៌មានមួយរបស់អង្គការ OXFAM ថវិកាដែលកម្ពុជាទទួលបាននេះ គឺជាផ្នែកមួយក្នុងរង្វង់ថវិកាសរុបចំនួន៦៥០ពាន់លានដុល្លារ ដែលអង្គការ IMF បានអនុម័តការវិភាជ ថវិកា ទូទៅមួយចេញពីគណនីមូលនិធិពិសេស SDRs ជាប្រវត្តិសាស្ត្រ ដើម្បីជំរុញលទ្ធ ភាពទូទាត់ ការចំណាយរបស់ សកលលោក។ នាយិកាប្រចាំប្រទេសនៃអង្គការអុកស្វាមលោកស្រី លីម សូលីន បានបញ្ជាក់ក្នុងសេចក្តី ប្រកាស ព័ត៌មានថា «ថវិកាពីមូលនិធី SDRs ថ្មីនេះ នឹងជួយប្រទេសកំពុងអភិវឌ្ឍន៍ រួមទាំងកម្ពុជាផងដែរ ដើម្បីដោះ ស្រាយផលប៉ះពាល់នៃជំងឺកូវីដ១៩ និងស្តារសេដ្ឋកិច្ចរបស់ខ្លួនឡើងវិញ»។

រដ្ឋមន្ត្រីក្រសួងការបរទេសកម្ពុជាបានថ្លែងគាំទ្រប្រេសិតពិសេសរបស់ប្រធានអាស៊ានសម្រាប់បេសកកម្មប្រ ទេសមីយ៉ាន់ម៉ាដែលកំពុងមានទំនាស់និងវិបត្តិផ្ទៃក្នុងមិនអាចដោះស្រាយបាន។ លោកដាតូ អ៊ីរីវ៉ាន់ ពើហ៊ីន យូស៊ូហ៍ រដ្ឋមន្ត្រីទី២នៃក្រសួងការបរទេសប្រុយណេ ត្រូវរដ្ឋមន្ត្រីការបរទេសអាស៊ានទាំងអស់កាលពីសប្តាហ៍មុន បានតែងតាំងជាប្រេសិតពិសេសរបស់ប្រធានអាស៊ាន សម្រាប់ប្រទេសមីយ៉ាន់ម៉ា។ រដ្ឋមន្ត្រីការបរទេសកម្ពុជា លោកប្រាក់សុខុន នាព្រឹកថ្ងៃទី១១សី ហា នេះ បានសរសេរបង្ហាញនូវជំហររបស់កម្ពុជាដែលគាំទ្រប្រេសិត ពិសេសនេះ ក្រោយការជួបពិភាក្សាទ្វេភាគីរវាងគ្នាតាមរយៈប្រព័ន្ធវីដេអូ Online។ លោកប្រាក់សុខុនបានសរសេរក្នុងហ្វេសប៊ុកថា លោកសូមគាំទ្រយ៉ាងមុតមាំ ចំពោះ បេសកកម្មរបស់ប្រេស៊ិត ពិសេសរបស់ប្រធានអាស៊ានរូបនេះនិងគាំទ្រលើកិច្ចខិតខំប្រឹងប្រែងរួមរបស់អាស៊ាន ដើម្បីធានាឱ្យបាន នូវសន្តិ ភាព, ស្ថិរភាព និងការវិលទៅរកជីវភាពធម្មតាវិញរបស់មីយ៉ាន់ម៉ា ក៏ដូចជាផលប្រយោជន៍រួមនៃគ្រួសារអាស៊ាន។

ខេត្តកែប បានបន្តរកឃើញអ្នកឆ្លងជំងឺកូវីដ១៩ ចំនួ ១១នាក់ ថ្មីទៀត ក្នុងរយៈពេល ២៤ម៉ោង ចុងក្រោយនេះ ដែលជាតួលេខឆ្លងខ្ពស់ជាងម្សិលមិញចំនួន៥នាក់ ។ យោងតាមរដ្ឋបាលខេត្ត ការរកឃើញឆ្លងថ្មីនៅថ្ងៃនេះ បាន កើតលើពលរដ្ឋនៅក្នុងក្រុងកែប ចំនួន ២នាក់, នៅស្រុកដំណាក់ចង្អើរ ៨នាក់ និងឆ្លងលើអ្នកដំណើរមកពីខេត្ត កំពតចំនួន ម្នាក់ ៕

ខេត្តកំពង់ស្ពឺ បានរកឃើញមេរោគកូវីដ-១៩បំប្លែងថ្មី Delta ចំនួន៤ករណីដែលជាការរកឃើញលើកដំបូងនៃវីរុស ឆ្លងលឿននិងកាចសាហាវនេះ។ យោងតាមរដ្ឋបាលខេត្ត អ្នកឆ្លងទាំង៤នាក់នោះ រួមមាន២នាក់ជាពលរដ្ឋមកពី រាជធានីភ្នំពេញ, និង២នាក់ដទៃទៀតជាអ្នកស្រុកបសេដ្ឋនៃខេត្តកំពង់ស្ពឺ។ ការរកឃើញវីរុស Delta ថ្មី៤ករណីនេះ បាននាំឲ្យអ្នកឆ្លងវីរុស Delta ក្នុងប្រទេសកម្ពុជាបានកើនដល់៤២៩នាក់ហើយ។

ខេត្តប៉ៃលិន ក្នុងរយៈពេល ២៤ម៉ោង ចុងក្រោយនេះបានរកឃើញអ្នកឆ្លងជំងឺកូវីដ១៩ ចំនួន ៣៧នាក់ ថែមទៀត ដែលជាតួលេខបានថយចុះចំនួន ៦៩នាក់ ធៀបនឹងម្សិលមិញ ។ យោងតាមរដ្ឋបាល ការរកឃើញឆ្លងថ្មីនៅថ្ងៃ នេះ ជាករណីឆ្លងលើពលករខ្មែរទើបត្រឡប់មកពីប្រទេសថៃ ដែលកំពុងធ្វើចត្តាឡីស័កទាំងអស់ ។ ពលករ ទាំងនោះ គឺជាពលរដ្ឋមានមានទីលំនៅនៅក្នុងស្រុកសាលាក្រៅចំនួន ២នាក់ និងជាពលរដ្ឋមកពីខេត្តបន្ទាយ មានជ័យ ១៣នាក់, ខេត្តសៀមរាប ៤នាក់, ខេត្ត បាត់ដំបង ១២នាក់ និងខេត្តឧត្តរមានជ័យចំនួន ៦នាក់ ។ ខេត្ត ប៉ៃលិន នៅថ្ងៃនេះ បានព្យាបាលអ្នកជំងឺកូវីដ១៩ អោយជាសះស្បើយចំនួន ១៦នាក់ ៕

ខេត្តព្រះវិហារ បានបន្តរកឃើញអ្នកឆ្លងជំងឺកូវីដ១៩ ចំនួន ១១នាក់ ក្នុងរយៈពេល ២៤ម៉ោង ចុងក្រោយនេះ ដែល ជាតួលេខកើនខ្ពស់៣នាក់ប្រៀបធៀបនឹងម្សិលមិញ ។ ខេត្តបន្ទាយមានជ័យថ្ងៃនេះ ក៏បានរកឃើញការឆ្លង វីរុស បំប្លែងថ្មី Delta ចំនួន៤ករណីផងដែរ។ យោងតាមរដ្ឋបាលខេត្តអ្នកឆ្លងថ្មីទាំង៨នាក់នៅថ្ងៃនេះ បានកើតលើពលរដ្ឋនៅក្នុងស្រុកជាំក្សាន្ត ៨នាក់, និងក្រុងព្រះវិហារចំនួន ៣នាក់ ។ ខេត្តព្រះវិហារបច្ចុប្បន្ន មានអ្នកឆ្លងជំងឺកូវីដ១៩សរុបចំនួន ៧៧៣នាក់, ព្យាបាលជាសះស្បើយចំនួន ៤៥៣នាក់ និងមានអ្នកស្លាប់ចំនួន ២នាក់ ៕

ខេត្តឧត្តរមានជ័យ បានបន្តរកឃើញអ្នកឆ្លងជំងឹកូវីដ១៩ ចំនួន ៥៤នាក់ ថែមទៀត ក្នុងរយៈពេល ២៤ម៉ោង ចុង ក្រោយនេះ ដែលជាតួលេខបានកើនខ្ពស់ជាងម្សិលមិញចំនួន ២០នាក់ ។ ខេត្តឧត្តរមានជ័យនៅថ្ងៃនេះ ក៏បានប្រ កាសការរកឃើញវីរុសបំប្លែងថ្មី Delta ចំនួន១៤ករណីផងដែរ។ យោងតាមរដ្ឋបាលខេត្ត អ្នកឆ្លងថ្មីទាំង៥៤ថ្ងៃនេះ គឺជាករណីឆ្លងលើពលករដែលកំពុងធ្វើចត្តាឡីស័កចំនួន ៥នាក់ និង ៤៩នាក់ ដទៃទៀត ជាករណីឆ្លងនៅក្នុង សហគមន៍ ។ ការឆ្លងនៅក្នុងសហគមន៍ក្នុងខេត្តឧត្តរមានជ័យនៅថ្ងៃនេះ បានកើតលើពលរដ្ឋនៅក្នុងក្រុងសំរោង ៤២នាក់, ស្រុកអន្លង់វែង ៦នាក់, និងឆ្លងលើពលរដ្ឋនៅក្នុងស្រុកជាំក្សាន្តម្នាក់ ។ ខេត្តឧត្តរមានជ័យគិតត្រឹម ថ្ងៃនេះមានអ្នកឆ្លងជំងឺកូវីដ១៩ សរុបចំនួន ៥ពាន់ ៣៥០នាក់, ព្យាបាលជាសះស្បើយចំនួន ៤ពាន់ ៦១៤នាក់ និងមានអ្នកស្លាប់ចំនួន ៩នាក់ ៕

ខេត្តបាត់ដំបង បានរកឃើញការឆ្លងកូវីដ១៩ ចំនួន៧៦នាក់និងមានមនុស្សស្លាប់ម្នាក់ផងដែរនៅថ្ងៃនេះ។ នេះ ជាតួលេខកើនឡើង១៧នាក់បើប្រៀបធៀបនឹងម្សិលមិញ។ យោងតាមរដ្ឋបាលខេត្ត, ការឆ្លងថ្ងៃនេះ គឺជាករណី ឆ្លងក្នុងសហគមន៍ចំនួន៧៤នាក់និងការឆ្លងលើពលករដែលវិលត្រឡប់មកពីប្រទេសថៃចំនួន២នាក់។ ការឆ្លងថ្ងៃ នេះ បានកើតលើពលរដ្ឋក្នុងក្រុងបាត់ដំបង១៤នាក់, ស្រុកសំពៅលូនម្នាក់, ស្រុកកំរៀង២៣នាក់, ស្រុករតន មណ្ឌល៣នាក់, ស្រុកឯកភ្នំ៣នាក់, ស្រុកមោងឫស្សី២១នាក់, ស្រុកថ្មគោល៧នាក់, ស្រុកសង្កែម្នាក់, ឆ្លងលើពល រដ្ឋមកពីរាជធានី ម្នាក់ និងមកពីខេត្តកណ្តាលម្នាក់។ ចំណែកអ្នកស្លាប់ថ្មី គឺជាស្ត្រីអាយុ៥៧ឆ្នាំនៃស្រុករតន មណ្ឌល។ ខេត្តបាត់ដំបង មានអ្នកឆ្លងកូវីដ១៩សរុប៤ពាន់៤០៥នាក់, ព្យាបាលជាសះស្បើយ២ពាន់៨៦២នាក់ និងមានមនុស្សស្លាប់ចំនួន៥២នាក់។

ខេត្តបន្ទាយមានជ័យ បានបន្តរកឃើញអ្នកឆ្លងជំងឺកូវីដ១៩ ចំនួន ១៣៦នាក់ ថែមទៀត នៅថ្ងៃនេះ ដែលជាតួ លេខឆ្លងកើនឡើងចំនួន ៥នាក់ ធៀបនឹងការរកឃើញកាលពីម្សិលមិញ ។ ខេត្តបន្ទាយមានជ័យនៅថ្ងៃនេះ បាន ប្រកាសរកឃើញវីរុសបំប្លែងថ្មី Delta ចំនួនមួយករណីផងដែរ។ យោងតាមរដ្ឋបាលខេត្ត ការរកឃើញឆ្លងថ្មី១៣៦នាក់នៅថ្ងៃនេះ បានឆ្លងលើពលករដែលទើបត្រលប់មកពី ប្រទេសថៃចំនួន ៦៨នាក់ និងជាករណីឆ្លងនៅក្នុងសហគមន៍ចំនួន ៦៦នាក់ ។ ការឆ្លងនៅថ្ងៃនេះ បានកើត លើពលរដ្ឋនៅក្នុងស្រុកថ្មពួក, ស្រុកម៉ាឡៃ, ក្រុងប៉ោយប៉ែត, ស្រុកព្រះនេត្រព្រះ, ស្រុកមង្គលបុរី, ស្រុកអូរជ្រៅ, ស្រុកស្វាយចេក, ស្រុកភ្នំស្រុក, ក្រុងសិរីសោភ័ណ,  និងឆ្លងលើពលរដ្ឋមកពីខេត្តបាត់ដំបង, ខេត្តសៀមរាប, ខេត្តតាកែវ, ខេត្តកំពង់ធំ, ខេត្តកំពង់ចាម, ខេត្តព្រៃវែង, ខេត្តត្បូងឃ្មុំ, ខេត្តស្វាយរៀង, ខេត្តកំពត, ខេត្តប៉ៃលិន, និងពលរដ្ឋមកពីខេត្តកណ្តាល។ ខេត្តបន្ទាយមានជ័យនៅថ្ងៃនេះ បានព្យាបាលជាសះស្បើយមនុស្ស៤០៨នាក់ ផងដែរ។