គណៈកម្មាធិការជាតិរៀបចំការបោះឆ្នោតដែលអំពាវនាវពលរដ្ឋចូលរួមការបោះឆ្នោតឱ្យបានគ្រប់គ្នានៅទូទាំងប្រទេសនោះ បានព្យួរសិទ្ធិការបោះឆ្នោតចំពោះមនុស្ស៩នាក់។ យោងតាមសេចក្តីប្រកាសគ.ជ.ប ថ្ងៃទី១៣មិថុនា, មនុស្សទាំង៩នាក់ដែលត្រូវបានព្យូរសិទ្ធិបោះឆ្នោត ជាបណ្តោះអាសន្ននោះ រួមមានប្រធាន អនុប្រធាន និងសមាជិកគណៈកម្មាធិការជាតិរៀបចំការបោះឆ្នោត ដើម្បីការ «រក្សាអព្យាក្រិតភាព» ខណៈដែលកំពុងបំពេញតួនាទីរៀបចំការបោះឆ្នោត និងការពិនិត្យអំពីជោគវាសនា នៃគណបក្សនយោបាយនានា តាមរយៈសម្លេងបោះឆ្នោតរបស់ប្រជាពលរដ្ឋនៅទូទាំងប្រទេស។ ការបោះឆ្នោតជ្រើសរើសតំណាងរាស្រ្ត នីតិកាលទី៧ នឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ ដោយមានចំនួន១៨ គណបក្សនយោបាយដែលនឹងត្រូវចូលរួមខណៈតួលេខ នៃប្រជាពលរដ្ឋ មានសិទ្ធិនឹងបោះឆ្នោត ដែលត្រូវចូលរួមមានជាង ៩ លាន៧សែននាក់, រីឯការិយាល័យដែល ត្រូវបម្រើដល់ការបោះឆ្នោតនៅទូ ឮទាំងប្រទេសមានជាង២ម៉ឺនការិយាល័យ៕

ប្រទេសភាគច្រើនក្នុងអាស៊ាននៅតែមានករណីឆ្លង និងស្លាប់ដោយសារកូវីដ១៩ ក្នុងនោះប្រទេសកម្ពុជាផងដែរ ក៏មានករណីឆ្លងថ្មីចំនួន ៧ករណីថែមទៀត ក្នុងរយៈពេល ៧២ ម៉ោងចុងក្រោយនេះ។ នេះជាករណីឆ្លងថយចុះមកវិញចំនួន ៥ករណី នៅកម្ពុជា បើប្រៀបធៀបនឹងសប្តាហ៍មុន។ សេចក្តីរាយការណ៍ពីក្រសួងសុខាភិបាលបានឲ្យដឹងថា ការឆ្លងទាំង ៧ករណីនោះ បានរកឃើញនៅថ្ងៃសៅរ៍ចំនួន ២ករណី, ថ្ងៃអាទិត្យមាន ៣ករណី និងនៅថ្ងៃច័ន្ទនេះ មាន ២ករណីផងដែរ។ តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ៧២ម៉ោងចុងក្រោយនេះ មានចំនួន ៧ពាន់ ៣៧១ករណី ដែលជាតួលេខឆ្លងបន្តថយចុះមកវិញច្រើនដល់ ៦ពាន់ ៧៩៥ករណី ធៀបនឹងការឆ្លងរយៈពេល ៣ថ្ងៃដូចគ្នាកាលពីសប្តាហ៍មុន។ ការឆ្លងក្នុងរយៈពេល ៧២ ម៉ោងកន្លងមកនេះ បានកើតលើប្រទេសចំនួន ៨ប្រទេសនៅអាស៊ាន រួមមានប្រទេសឥណ្ឌូនេស៊ី, ហ្វីលីពីន, ម៉ាឡេស៊ី, ថៃ, វៀតណាម, មីយ៉ាន់ម៉ា, កម្ពុជា និងប្រទេសឡាវ។ ប្រទេសហ្វីលីពីន គឺជាប្រទេសដែលមានតួលេខឆ្លងច្រើនជាងគេ ដែលមានការឆ្លងចំនួន ២ពាន់ ៨២១ករណី។ តួលេខឆ្លងតិចជាងគេ គឺប្រទេសកម្ពុជា ដែលប្រទេសនីមួយៗមានការ ឆ្លងចំនួន…

តម្លៃប្រេងសាំង បានកើនថែមទៀតសម្រាប់ក្នុងការលក់រយៈពេល១០ថ្ងៃខាងមុខនេះ។ យោងតាមក្រសួងពាណិជ្ជកម្ម តម្លៃប្រេងឥន្ធនៈ សម្រាប់ការលក់រវាងពី់ថ្ងៃទី១១ រហូតដល់ថ្ងៃទី២០ ខែមិថុនា ឆ្នាំ២០២៣ គឺប្រេងសាំងធម្មតា មានតម្លៃ៤ពាន់២០០រៀលក្នុង១លីត្រ ដែលតម្លៃនេះគឺកើនឡើងចំនួន១៥០រៀល បើធៀបទៅការលក់រយៈពេល១០ថ្ងៃមុន… ចំណែកប្រេងម៉ាស៊ូតមានតម្លៃចំនួន៣ពាន់៩០០រៀលក្នុង១លីត្រ ដែលតម្លៃនេះ បានកើនឡើង ចំនួន ៥០រៀលបើធៀបទៅនឹងការលក់រយៈពេល១០ថ្ងៃមុន។ ដោយឡែកតម្លៃប្រេងស៊ុបពែ័រវិញ គឺមិនបានកំណត់ក្នុងតារាងក្រសួងពាណិជ្ជកម្មនោះទេ ប៉ុន្តែតម្លៃលក់តែង តែខ្ពស់ជាងតម្លៃប្រេងសាំងធម្មតា។ នៅថ្ងៃនេះប្រេងសាំងស៊ុបពែ័រ តាមស្ថានីយ៍ខ្លះគឺមានតម្លៃចំនួន៤ពាន់ ៨៥០រៀល និងកន្លែងខ្លះមានតម្លៃចំនួន៤ពាន់៩០០រៀល ក្នុងមួយលីត្រ។ សូមជម្រាបថា រាជរដ្ឋាភិបាលតែងតែចំណាយប្រាក់ ជួយខាតយ៉ាងហោច ៦ចុច៥សេន ក្នុងមួយលីត្រ ដើម្បី ជាការទប់ស្កាត់តម្លៃប្រេង ក្នុងការជួយសម្រាលបន្ទុកដល់ពលរដ្ឋ។

អនុប្រធានក្រុមការងាររាជរដ្ឋាភិបាលចុះជួយស្រុកស្វាយអន្ទរ និងស្រុកកញ្ជ្រៀច ខេត្តព្រៃវែង បានអំពាវនាវពលរដ្ឋរួមគ្នាបន្តថែរក្សាសន្តិភាព ពីព្រោះសន្តិភាពបានផ្តល់ឱកាសដល់ពលរដ្ឋ មានលំនឹងក្នុងការប្រកបមុខរបរជំនួញសេដ្ឋកិច្ចដែលជាការរួមចំណែកជម្រុញការអភិវឌ្ឍន៍ ប្រទេសជាតិ។ ប្រសាសន៍អំពាវនាវការរួមគ្នាថែរក្សាសន្តិភាពនេះ បានធ្វើឡើងក្នុងឱកាសជួបសំណេះសំណាលមួយជាមួយពលរដ្ឋក្នុងស្រុកទាំង២កាលពីថ្ងៃសុក្រទី៩ មិថុនា ឆ្នាំ២០២៣។ សូមទស្សនាសេចក្តីរាយការណ៍

ក្រសួងរ៉ែ និងថាមពល បានថ្លែងថាការចម្រាញ់រ៉ែមាសពីតំបន់អូរខ្វាវនៃខេត្តមណ្ឌលគិរី ក្នុងរយៈពេល២ឆ្នាំមកនេះ បានចំនួន៦ពាន់៧២៧ គីឡូក្រាម។ បើបូកសរុបការទទួល បានចំណូលសួយសារពីក្រុមហ៊ុនរកស៊ីអាជីវកម្មមាសនោះ កម្ពុជាបានប្រាក់ចំណូលប្រមាណជាង ១០លានដុល្លារអាមេរិក ក្នុងរយៈពេល២ឆ្នាំ នៃប្រតិបត្តិការ គិតត្រឹមពាក់កណ្តាលខែមិថុនា ឆ្នាំ២០២៣។ យោងតាមសេចក្ដីប្រកាសព័ត៌មានរបស់ក្រសួងរ៉ែ និងថាមពល រោងចក្រចម្រាញ់ «រ៉ែមាស» ក្នុងតំបន់អូរខ្វាវខេត្តមណ្ឌលគិរីនោះ គឺជាអាជីវកម្មរកស៊ីរបស់ក្រុមហ៊ុន Renaissance Minerals (Cambodia) Limited របស់ប្រទេសអូស្ត្រាលី ក្រោមទុនវិនិយោគ ១២០លានដុល្លារ។ ក្រសូងរ៉ែ និងថាមពល បានថ្លែងថាសមិទ្ធផល នៃដំណើរការឧស្សាហកម្មចម្រាញ់រ៉ែមាសរបស់កម្ពុជានេះ គឺជាសក្ខីភាពយ៉ាងជាក់ច្បាស់នូវការខិតខំប្រឹងប្រែងរបស់រាជរដ្ឋាភិបាល ក្នុងការបង្កើតបាននូវបរិស្ថានវិនិយោគ សមប្រកបសម្រាប់ទាក់ទាញវិនិយោគទុនពីក្រៅប្រទេស និងការបង្កើតបាននូវខឿនឧស្សាហកម្មថ្មីមួយ ប្រកបដោយការទទួលខុសត្រូវលើបរិស្ថាន និងសង្គមតាមស្តង់ដារអន្តរជាតិ។

អតីតយុទ្ធជន១០០នាក់ នៅរាជធានីភ្នំពេញ ទទួលបានការបំពាក់គ្រឿងឥស្សរិយយស រួមទាំងទទួលបានអំណោយគ្រឿងឧបភោគបរិភោគ និងថវិកាមួយចំនួនពីរាជរដ្ឋាភិបាល។ ការបំពាក់គ្រឿងឥស្សរិយយសនេះ ធ្វើឡើងនៅថ្ងៃទីមិថុនានេះ ក្រោមការចូលរួមពីអភិបាលរាជធានីលោក ឃួង ស្រេង

កម្ពុជាបានសាងសង់វិមានរដ្ឋធម្មនុញ្ញ ដើម្បីជានិមិត្តរូបប្រវត្តិសាស្រ្ត នៃការបង្កើតរដ្ឋធម្មនុញ្ញ។ ពិធីបញ្ចុះបឋមសិលាសាងសង់វិមានរដ្ឋធម្មនុញ្ញ បានប្រព្រឹត្តទៅនៅថ្ងៃទី១២ មិថុនា ឆ្នាំ២០២៣ ក្រោមអធិបតីភាពកិត្តិនីតិកោសលបណ្ឌិត អ៊ឹម ឈុនលឹម ប្រធានក្រុមប្រឹក្សាធម្មនុញ្ញ រួមជាមួយសមាជិក នៃក្រុមប្រឹក្សាធម្មនុញ្ញជាច្រើនរូបទៀត។ កន្លែងបញ្ចុះបឋមសិលាមានទីតាំងនៅជិតវិមានឯករាជរាជ្យ ដែលក្រុមប្រឹក្សាធម្មនុញ្ញបានចាត់ទុកថា «ជានិមិត្តរូបប្រវត្តិសាស្រ្តរម្លឹកដល់ភាពជោគជ័យ នៃការបង្កើតរដ្ឋធម្មនុញ្ញ ដែលមានអាយុកាល ៣០ឆ្នាំ» កន្លងមកនេះ។ លោក អ៊ឹម ឈុនលឹម បានថ្លែងប្រាប់អ្នកសារព័ត៌មានថា «ការសាងសង់វិមានរដ្ឋធម្មនុញ្ញនេះ គឺក្នុងគោលបំណង លើកតម្កើងដល់ការអនុវត្តរដ្ឋធម្មនុញ្ញ តាំងពីឆ្នាំ១៩៩៣ ដែលមានអាយុកាល ៣០ឆ្នាំ»។ លោកបានថ្លែងបន្តថា រដ្ឋធម្មនុញ្ញរបស់កម្ពុជាកាន់តែទទួលបានការអនុវត្តកាន់តែរឹងមាំ និងកាន់មានប្រសិទ្ធភាពថែមទៀត គឺនៅក្រោយដែលមាន ការធ្វើសមាហរណកម្មក្រោមនយោបាយឈ្នះ ឈ្នះ របស់សម្តេចតេជោ ហ៊ុន សែន ដែលធានាបាននូវស្ថិរភាពនយោបាយពេញលេញ។ លោក អ៊ឹម ឈុនលឹម បញ្ជាក់តៀតថា ការសាងសង់វិមានរដ្ឋធម្មនុញ្ញនេះ ក្នុងគោលដៅឲ្យយុវជនជំនាន់ក្រោយបានចងចាំ និងស្វែងយល់ពីតម្លៃរដ្ឋធម្មនុញ្ញ ដែលរដ្ឋធម្មនុញ្ញនេះបង្កើតមកដោយសារសន្ធិសញ្ញាសន្តិភាពទីក្រុងប៉ារីស ភាគីពាក់ព័ន្ធ ជាពិសេសភាពប៉ិនប្រសព្វរបស់រាជរដ្ឋាភិបាល ក្រោមការដឹកនាំដ៏ឈ្លាសវៃរបស់សម្តេចតេជោ ហ៊ុន សែន ទើបអាចធានាឲ្យកម្ពុជាអនុវត្តរដ្ឋធម្មនុញ្ញដោយជោគជ័យ។ វិមានរដ្ឋធម្មនុញ្ញ…