ប្រទេសមួយចំនួននៅអាស៊ាននៅតែមានករណីឆ្លង និងស្លាប់ដោយសារកូវីដ១៩ ក្នុងនោះកម្ពុជាក៏បន្តមានការឆ្លងថ្មី ១ករណី ថែមទៀតផងដែរ ក្នុងរយៈពេល២៤ម៉ោងចុងក្រោយនេះ។ តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ២៤ម៉ោងចុងក្រោយនេះ មានចំនួន ៣ពាន់ ៦២៩ករណី ដែលជាតួលេខឆ្លងកើនឡើងមកវិញចំនួន ៣៣៤ករណី ធៀបនឹងការឆ្លង កាលពីថ្ងៃម្សិលមិញ។ ការឆ្លងក្នុងរយៈពេល ២៤ម៉ោង កន្លងមកនេះ បានកើតលើប្រទេសចំនួន ៦ នៅអាស៊ាន រួមមានប្រទេសឥណ្ឌូនេស៊ី, ហ្វីលីពីន, វៀតណាម, មីយ៉ាន់ម៉ា, កម្ពុជា និងប្រទេសឡាវ។ ប្រទេសវៀតណាម គឺជាប្រទេសដែលមានតួលេខឆ្លងច្រើនជាងគេ ដែលមានការឆ្លងចំនួន ១ពាន់ ៤៣៨ករណី។ តួលេខឆ្លងតិចជាងគេ គឺប្រទសកម្ពុជា ដែលមានការឆ្លងចំនួន ១ករណី។ ប្រទេសសឹង្ហបុរី, ម៉ាឡេស៊ី, ថៃ និងប្រទេសប្រុយណេ គឺជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយ ក្នុងរយៈពេល ២៤ ម៉ោងចុងក្រោយនេះ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ២៤ម៉ោងចុងក្រោយនេះ មានចំនួន ១៩នាក់ ដែលជាពលរដ្ឋនៃប្រទេសឥណ្ឌូនេស៊ី និងប្រទេសវៀតណាម។ គិតសរុបរួមនៃប្រទេសទាំង១០ អាស៊ាននាពេលនេះ…

កម្ពុជាបានស្នើប្រទេសស្វីស ជំរុញឱ្យមានការតភ្ជាប់ជើងហោះហើររវាងប្រទេសទាំងពីរ នៅពេលអាកាសយានដ្ឋានអន្តរជាតិតេជោនឹងដំណើរការនៅដើមឆ្នាំ២០២៥។ សំណើនេះបានធ្វើឡើងក្នុងឱកាសរដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល លោក ម៉ៅ ហាវណ្ណាល់ បានជួបជាមួយអគ្គនាយកគោលនយោបាយ និងយុទ្ធសាស្ត្រ នៃរដ្ឋបាលអាកាសចរសហព័ន្ធស្វីស លោកស្រី ហ្វ្រង់ស៊ីន ហ្ស៊ីម៉ឺម៉ាន់ Francine Zimmermann កាលពីថ្ងៃទី២៣ ខែឧសភា ឆ្នាំ២០២៣។ អាជ្ញាធរអាកាសចរស៊ីវិល នៃប្រទេសទាំងពីរ បានឯកភាពចុះហត្ថលេខាអនុស្សរណៈយោគយល់គ្នា ដែលបន្ថែមលើកិច្ចព្រមព្រៀងសេវាកម្មដឹកជញ្ជូន តាមផ្លូវអាកាសរវាងប្រទេសទាំងពីរ ដែលធ្លាប់បានចុះហត្ថលេខា និងចូលជាធរមានរួចមកហើយ កាលពីថ្ងៃទី៦ ខែមករា ឆ្នាំ២០០៧។ អនុស្សរណៈយោគយល់គ្នានេះ នឹងជួយដល់ក្រុមហ៊ុនអាកាសចរណ៍ នៃប្រទេសទាំងពីរ មានលទ្ធភាពបើកជើងហោះហើរ និងប្រើប្រាស់សិទ្ធិទី៥ ដែលជាសិទ្ធិមួយអាចចុះចត និងដាក់អ្នកដំណើរបន្ថែមនៅប្រទេសទី៣ មុននឹងមកដល់ប្រទេសកម្ពុជា ដោយសារតែសេចក្តីត្រូវការ នៃអ្នកដំណើរតាមផ្លូវអាកាស លើការហោះហើរត្រង់រវាងប្រទេសទាំងពីរ នៅមានកម្រិតនៅឡើយ។

ការដាច់ភ្លើងថ្ងៃចុងសប្តាហ៍ បានមកដល់ទៀតហើយក្នុងរយៈពេល៤ថ្ងៃ គឺមាននៅថ្ងៃ ព្រហស្បតិ៍, ថ្ងៃសុក្រ ថ្ងៃសៅរ៍ និងថ្ងៃអាទិត្យ ។ ការដាច់ភ្លើងនេះ បានកើតឡើងនៅក្នុងរាជធានីភ្នំពេញ និងខេត្ដកណ្ដាល ដែលនឹងមានរយៈពេលពី៦ម៉ោង ទៅ៩ម៉ោង។ តើការដាច់ភ្លើងប្រចាំសប្តាហ៍នេះមាននៅទីណាខ្លះ? សូមស្ដាប់សេចក្ដីរាយការណ៍

រដ្ឋាភិបាលជប៉ុន បានផ្តល់ឥណទានសម្បទានប្រមាណជាង ៥៥លានដុល្លារអាមេរិក ដើម្បីជួយកម្ពុជាលើហេដ្ឋានរចនាសម្ព័ន្ធ និងវិស័យអប់រំ។ ពិធីចុះហត្ថលេខាប្រគល់ និងទទួលឥណទានរបស់ជប៉ុននេះ បានធ្វើឡើងនៅថ្ងៃទី២៤ ខែឧសភា រវាងរដ្ឋមន្ត្រីក្រសួងការបរទេសលោក ប្រាក់ សុខុន និងឯកអគ្គរាជទូតជប៉ុន លោក អ៊ីអ៊ីណុ អាត់ស៊ីស្ហ៊ី។ លោក ប្រាក់ សុខុន ដែលជាឧបនាយករដ្ឋមន្រ្តី បានថ្លែងក្នុងពេលនោះថា ទំនាក់ទំនងទ្វេភាគីរវាងកម្ពុជា និងជប៉ុន បានឈានដល់កម្រិតខ្ពស់បំផុត ខណៈពេលដែលកម្ពុជា និងជប៉ុន កំពុងអបអរសាទរខួបអនុស្សាវរីយ៍លើកទី៧០ នៃការបង្កើតទំនាក់ទំនងការទូតរវាងប្រទេសទាំងពីរ។ លោករដ្ឋមន្ត្រីការបរទេសកម្ពុជា បានថ្លែងអំណរគុណយ៉ាងជ្រាលជ្រៅចំពោះរដ្ឋាភិបាល និងប្រជាជនជប៉ុន ដែលបានផ្ដល់ជំនួយជាបន្តបន្ទាប់មកកាន់ព្រះរាជាណាចក្រកម្ពុជា ទាំងតាមរយៈជំនួយ និងកិច្ចសហប្រតិបត្តិការជាច្រើន រួមចំណែកដល់កិច្ចខិតខំប្រឹងប្រែងរបស់កម្ពុជា ក្នុងការអភិវឌ្ឍសេដ្ឋកិច្ច-សង្គមរបស់ខ្លួន រួមមានការអភិវឌ្ឍហេដ្ឋារចនាសម្ពន្ធ័, សុខាភិបាល, អប់រំ, ការផ្គត់ផ្គង់ទឹក, សន្តិសុខ និងការពារជាតិ, ប្រតិបត្តិការរក្សាសន្តិភាព, តភ្ជាប់រវាងប្រជាជននិងប្រជាជន និងការដោះមីនជាដើម។ ឥណទានសម្បទានលើ គម្រោងទាំងពីរ រួមមាន៖ ឥណទានសម្បទានប្រាក់យ៉េនដែលមាន ទឹកប្រាក់ចំនួន ៧ពាន់ ២០៥លានយ៉េន ដែលស្មើនឹងប្រមាណ ៥២លាន៦សែនដុល្លារ សម្រាប់អនុវត្ត…

ក្តីអាណិតអាសូរដល់កុមារីខេត្តព្រះវិហារ នៃបេក្ខជនប្រឡងកម្មវិធី Cambodian Idol Junior បានជម្រុញឱ្យអង្គភាពយោធាធំចំនួន២ ក្នុងខេត្តព្រះវិហារ បានផ្តល់ជំនួយនិងថវិកា។ កុមារី សោ ស្រីម៉ី អាយុ ១០ឆ្នាំដែលក្រីក្រលំបាក, ម្តាយជួបគ្រោះថ្នាក់ចរាចរណ៍ និងផ្ទះត្រូវភ្លើងឆេះ នៅក្នុងខេត្តទៀតនោះ ត្រូវបានបញ្ជាការដ្ឋានតំបន់ប្រតិបត្តិការសឹករងព្រះវិហារ និងអង្គភាពបញ្ជាកងរាជអាវុធហត្ថខេត្តព្រះវិហារ បាននាំជំនួយ និងថវិកាផ្តល់ទៅឱ្យគ្រួសាររបស់កុមារី។ អប្សរាណិតធ្វើសេចក្តីរាយការណ៍

ទំនាស់ក្នុងរង្វង់ថ្នាក់ដឹកនាំសង្ឃគណៈមហានិកាយ បានប្រញាប់ឱ្យសម្តេចតេជោនាយករដ្ឋមន្ត្រីប្រញាប់ធ្វើអន្តរាគមន៍រកការបញ្ចប់អធិករណ៍នេះ។ សម្តេចព្រះធម្មលិខិតបណ្ឌិត សៅរ៍ ច័ន្ទថុល្ល ត្រូវបានគណៈសង្ឃនាយក នៃព្រះរាជាណាចក្រកម្ពុជាបានចោទថា មិនអនុវត្តតាមចំណាររបស់សម្តេចតេជោ ហ៊ុន សែន និងមិនគោរពតាមព្រះរាជក្រឹត្យរបស់ព្រះមហាក្សត្រ ពាក់ព័ន្ធនឹងសេចក្តីសម្រេច និងវាយតម្លៃលើសំណើសុំតែងតាំងគោរមងារសម្តេច និងព្រះរាជាគណៈ គណៈមហានិកាយ នៃព្រះរាជាណាចក្រកម្ពុជា។ ការបង្ហោះតាមបណ្តាញសង្គមនូវជម្លោះ ក្នុងរង្វង់ថ្នាក់ដឹកនាំគណៈសង្ឃនេះ បានជម្រុញឱ្យសម្តេចតេជោបានថ្លែងនៅថ្ងៃទី២៤ឧសភា ដើម្បីការសុំបញ្ចប់ទំនាស់នោះ។

សម្តេចតេជោបានព្រមានក្រុមហ៊ុនរកស៊ីលើប្រព័ន្ធបណ្តាញ Internet ជាពិសេស សេវាតាមលំនៅដ្ឋានបុរី ដែលមិនសូវទទួលបានការផ្គត់ផ្គង់សេវាបានល្អត្រឹមត្រូវឡើយ។ អ្នកធ្វើការបំរើក្នុងប្រព័ន្ធសេវា ថែមជាមនុស្សមិនទទួលខុសត្រូវ…និងសេវាក្រុមហ៊ុនតាមបុរី បានព្យាយាមបង្កឧបសគ្គ និងរារាំងប្រព័ន្ធសេវាក្រុមហ៊ុនដទៃ មិនឱ្យមានដំណើរការបំរើអតិថិជនដែលគេត្រូវការផងដែរ។ សម្តេចតេជោ ហ៊ុន សែន បានថ្លែងព្រមាននៅថ្ងៃទី២៤ ឧសភា មិនឱ្យមានការធ្វើអាជីវកម្មផ្តាច់មុខផ្នែកសេវា Internet នៅតាមបុរី និងចាត់ទុកការចុះហត្ថលេខាធ្វើអាជីវកម្មផ្តាច់ មុខតាមបុរី នោះគឺជាអំពើខុសច្បាប់។ សម្តេចបានថ្លែងថាសេវាបំរើសោតទៀតមានភាពយឺតយ៉ាវ។ ក្នុងចំណោមក្រុមហ៊ុនរកស៊ីប្រព័ន្ធ Internet នោះ, ប្រព័ន្ធក្រុមហ៊ុន Interniet មួយឈ្មោះ Home Internet បានរងនឹងការរិះគន់ជាខ្លាំង។ សម្តេចតេជោ ហ៊ុន សែន បានព្រមានឱ្យក្រុមហ៊ុនរកស៊ីលើប្រព័ន្ធបណ្តាញ Internet ត្រូវបញ្ឈប់អំពើរកស៊ីផ្តាច់មុខនេះ ដោយអនុញ្ញាតឱ្យក្រុមហ៊ុនដទៃអាចតភ្ជាប់សេវារបស់គេតាមសេចក្តី ត្រូវការរបស់អតីថិជន។

ក្រសួងបរិស្ថានបានព្រមានថា អ្នកដែលចូលរួមធ្វើសកម្មភាពជាមួយក្រុមចលនាមាតាធម្មជាតិ របស់ជនបរទេសឈ្មោះអាឡិច នឹងត្រូវទទួលខុសត្រូវចំពោះមុខច្បាប់។ ជនបរទេសសញ្ជាតិអេស្ប៉ាញឈ្មោះ អាឡិចហ្សង់ដ្រូ ហ្គុងហ្សាឡេ ដាវីដសុន ត្រូវសមត្ថកិច្ចកម្ពុជាបកមុខមាត់ក្លែងក្លាយរបស់ខ្លួនបំរើក្នុងក្រុមចលនាមាតាធម្មជាតិ។ ក្រសួងបរិស្ថាន បានរកឃើញថា បណ្តាញអង្គការចាត់តាំងខុសច្បាប់ដែលប្រើឈ្មោះ «មាតាធម្មជាតិ» ដឹកនាំដោយបុគ្គលសញ្ជាតិអេស្ប៉ាញឈ្មោះអាឡិចនោះ គ្មានលក្ខណៈសម្បត្តិជាអង្គការមិនមែនរដ្ឋាភិបាលឡើយ។ ក្រសួងបរិស្ថានកម្ពុជា នៅថ្ងៃទី២៤ ខែឧសភា ឆ្នាំ២០២៣នេះ បានចេញសេចក្តីប្រកាសបញ្ជាក់ថា ជនណាដែលចូលរួមធ្វើសកម្មភាពជាមួយក្រុមចលនាមាតាធម្មជាតិ របស់ជនជាតិអេស្ប៉ាញឈ្មោះ អាឡិច នោះត្រូវទទួលខុសត្រូវចំពោះមុខច្បាប់។ ក្រុម«ចលនាមាតាធម្មជាតិ»នេះ គឺជាក្រុមមិនបានធ្វើការចុះបញ្ជីជាសមាគម ឬអង្គការមិនមែនរដ្ឋាភិបាល តាមការកំណត់របស់ច្បាប់ស្ដីពីសមាគម និងអង្គការមិនមែនរដ្ឋាភិបាលនោះឡើយ។ កាលពីឆ្នាំ២០១៧ ប្រធានអង្គការនេះបានដាក់លិខិតស្នើសុំរំលាយអង្គការនេះ មកក្រសួងមហាផ្ទៃ ហើយក្រសួងមហាផ្ទៃបានចេញប្រកាសលេខ ៤៥៧១ ប្រក ចុះថ្ងៃទី១៥ ខែកញ្ញា ឆ្នាំ២០១៧ សម្រេចលុបឈ្មោះ «អង្គការមាតាធម្មជាតិ» ចេញពីបញ្ជីអង្គការមិនមែនរដ្ឋាភិបាលជាស្ថាពរ។ សេចក្តីប្រកាសរបស់ក្រសួងបរិស្ថាន បានបញ្ជាក់ទៀតថា៖ «រាល់សកម្មភាពដែលបក្ខពួក និងក្រុមនេះបានប្រព្រឹត្ត គឺប្រាសចាកនឹងឧត្តមប្រយោជន៍ នៃសង្គមជាតិកម្ពុជា និងផ្ទុយពីបទប្បញ្ញត្តិ នៃក្រមរដ្ឋប្បវេណីក្រមព្រហ្មទណ្ឌ និងច្បាប់ស្តីពីសមាគម និងអង្គការមិនមែនរដ្ឋាភិបាល ។ ក្រសួងបរិស្ថានបានថ្លែងព្រមានថា ដូច្នេះអ្នកដែលចូលរួមធ្វើសកម្មភាពជាមួយក្រុមនេះ ត្រូវទទួលខុសត្រូវចំពោះមុខច្បាប់»។…

អ្នកទោសចំនួន១៤រូប ដែលតុលាការបានដាក់គុកពីបទរួមគំនិតក្បត់, ញុះញង់បង្កអសន្តិសុខសង្គម និងបទល្មើសមួយចំនួនជុំវិញផែនការផ្តួលរំលំរាជរដ្ឋាភិបាល ត្រូវបានលើកលែងទោសតាមព្រះរាជក្រឹត្យរបស់ព្រះមហាក្សតរខ្មែរ។ ព្រះរាជក្រឹត្យចុះថ្ងៃទី២៣ ខែឧសភា បានលើកលែងទោសចំពោះទណ្ឌិត គង់ សំអាន , ថៃ សុគន្ធា, ឡុង ផារី, ឃឹម ភាណា, សុខ ចាន់ថា, ពៀត ម៉ាប់, កែវ ថៃ, ជុំ ចាន់, ស៊ុន ធន់, ងិន ឃានៈ, យឹម សារ៉េត, ញ៉ែម វាន, ឃុត ច្រិក និង វឿន វាសនា បន្ទាប់ពីពួកគេបានទទួលស្គាល់កំហុសរបស់ខ្លួន ក្នុងផែនការផ្តួលរំលំរាជរដ្ឋាភិបាល ។ អ្នកទោសទាំង១៤នាក់ដែលព្រះរាជក្រឹត្យត្រាស់បង្គាប់ឱ្យដោះលែងនោះ គឺជាទណ្ឌិតដែលត្រូវបានតុលាការ បានកាត់ទោសឱ្យជាប់គុករវាងពីចំនួន៥ឆ្នាំ ទៅ៧ឆ្នាំ។

សម្ដេចតេជោ ហ៊ុន សែន បានបញ្ជាក់ជុំវិញកត្តាសន្តិភាព ដែលជួយជម្រុញការអភិវឌ្ឍប្រទេសលើគ្រប់វិស័យជាពិសេសវិស័យវប្បធម៌។ ប្រសាសន៍ថ្លែងរបស់សម្តេចតេជោ ហ៊ុន សែន បានធ្វើឡើងក្នុងឱកាសបញ្ជាក់ជុំវិញផលប្រយោជន៍នៃការសិក្សាវិជ្ជាជីវៈ «មរតកដូនតា» ក្នុងពិធីសម្ពោធទីតាំងថ្មី នៃសាកលវិទ្យាល័យភូមិន្ទវិចិត្រសិល្បៈ នៅថ្ងៃទី២៤ ឧសភា ឆ្នាំ២០២៣។ ការសិក្សាវិជ្ជាជីវៈ «មរតកដូនតា» ក្នុងប្រយោជន៍ការពារ និងអភិរក្សកេរមរតករបស់បុព្វបុរសខ្មែរ គឺជាផ្នែកមួយ នៃគម្រោងបណ្តុះបណ្តាលរបស់រាជរដ្ឋាភិបាល ដែលនឹងជួយដល់និស្សិតក្រីក្រប្រមាណ១លាន ៥សែននាក់។ វប្បធម៌ជាតិរបស់កម្ពុជា ត្រូវបានរលាយអស់ទាំងស្រុង ក្នុងជំនាន់របបដឹកនាំកម្ពុជាប្រជាធិបតេយ្យខ្មែរក្រហម។ ក្រោយថ្ងៃរំដោះ៧មករាឆ្នាំ១៩៧៩ វិស័យវប្បធម៌បានរស់រានមានជីវិតសាឡើងវិញ ក្រោមការជួយរំដោះរបស់គណបក្សប្រជាជនកម្ពុជា ដែលបានបង្កើតរណសិរ្សសាមគ្គីសង្គ្រោះជាតិកម្ពុជា និងបានវាយផ្តួលរំលំរបបដឹកនាំប៉ុលពតបានទាំងស្រុង។ វិស័យវប្បធម៌កាន់តែត្រូវបានពង្រីក និងពង្រឹងថែមទៀត ក្រោយកម្ពុជាទទួលបានសន្តិភាពទាំងស្រុង តាមរយៈនយោបាយឈ្នះឈ្នះ ដាក់ចេញដោយសម្តេចតេជោ ហ៊ុន សែន ដែលធ្វើឱ្យកម្ពុជាអស់សង្គ្រាមស៊ីវិលទាំងស្រុងនៅថ្ងៃទី២៩ ធ្នូ ឆ្នាំ១៩៩៨។ ការជួយឱ្យកម្ពុជាមានសន្តិភាពចាប់តាំងពី ពេលនោះហើយ នៅបានជួយសង្គ្រោះរបាំសួយរបស់ជនជាតិភាគតិចនាភាគឥសាន្តប្រទេសថែមទៀត។