អភិបាលខេត្តបាត់ដំបងបានថ្លែងថា គេកំពុងរៀបចំខេត្តភាគពាយព្យ នៃប្រទេសកម្ពុជានេះ ជាខេត្តដែលសក្តិសមនឹងការទទួលបានចំណាត់ជា Smart City។ ខេត្តបាត់ដំបង, រាជធានីភ្នំពេញ និងខេត្តសៀមរាប បានក្លាយជាផ្នែកមួយនៃបណ្តាញ Smart City របស់អាស៊ានចាប់តាំងពីឆ្នាំ ២០១៨។ Smart City គឺជាទីក្រុងដែលប្រើប្រាស់បច្ចេកវិទ្យា នៃការបំរើកិច្ចការទូទៅ និងការប្រើប្រាស់បច្ចេកវិទ្យានោះ ដើម្បីការជួយដោះស្រាយលើបញ្ហានានាផងដែរ។ អភិបាលខេត្តបាត់ដំបងលោក សុខ លូ ក្នុងសន្និសីទកាសែតមួយនាទីស្តីការគណរដ្ឋមន្ត្រីនៅថ្ងៃទី២៤ មករា ឆ្នាំ២០២៣ បានរៀបរាប់នូវគម្រោងជាច្រើន ដែលបានរៀបចំបញ្ចូលនូវបច្ចេកវិទ្យាសម្រាប់ ប្រើប្រាស់ក្នុងខេត្តបាត់ដំបងដែលជាខេត្ត Smart City របស់អាស៊ាន។ គំនិតបង្កើត Smart City គឺជាគំនិតផ្តួចផ្តើមដំបូងរបស់នាយករដ្ឋមន្ត្រីឥណ្ឌាលោកនរិន្ទដ្រាម៉ូឌី និងក្រោយមកគំនិតនេះ ត្រូវបានបណ្តាប្រទេសជាច្រើនបានយកទៅអនុវត្តក្នុងប្រទេសរបស់ខ្លួន ជាពិសេសក្នុងប្រទេសអាស៊ាន។ បច្ចុប្បន្នក្នុងប្រទេសទាំង១០របស់អាស៊ាន, ក្រុងនិងខេត្តធំៗ ដែលគេចាត់ទុកថាជាទីក្រុង Smart នោះរួមមានសរុបចំនួន២៦ ក្នុងនោះ មានបីនៅ កម្ពុជា, មួយនៅប្រុយណេ, ៣នៅឥណ្ឌូណេស៊ី, ២នៅប្រទេសឡាវ, បួននៅម៉ាឡេស៊ី, បីនៅ មីយ៉ាន់ម៉ា, បីនៅហ្វីលីពីន, មួយនៅសឹង្ហបុរី,…

បញ្ជាការដ្ឋានកងទ័ពជើងគោកបានថ្កោលទោសចំពោះបុគ្គល ឡុង សុគន្ធារៈ ដែលបានប្រើប្រាស់ដោយក្លែងបន្លំនូវឯកសណ្ឋានយោធា និងឋានន្តរស័ក្តិនាយទាហានជាន់ខ្ពស់ នៃកងយោធពលខេមរភូមិន្ទ។ ឈ្មោះ សុគន្ធារៈ ឡុង ដែលគេស្គាល់ថាជាមនុស្សរបស់ទណ្ឌិត សម រង្ស៊ី ក្នុងសម្លៀកបំពាក់គ្រងបន្លំជាឧត្តមសេនីយ៍ឯក នៃកងយោធពលខេមរភូមិន្ទ បានបង្ហោះវីដេអូមួយតាមបណ្តាញសង្គមនាពេលថ្មីៗនេះ ប្រើប្រាស់ពាក្យសម្តី វាយប្រហារដាក់ មកលើលោកឧត្តមសេនីយ៍ឯក ហ៊ុន ម៉ាណែត និងនិយាយប្រមាថដល់ក្រុមគ្រួសារសម្តេចតេជោ ហ៊ុន សែន។ ញ្ញតិរបស់បញ្ជាការដ្ឋានកងទ័ពជើងគោកចុះថ្ងៃទី២៤ មករា បានសរសេរថា «ថ្កោលទោសយ៉ាងដាច់អហង្ការចំពោះបុគ្គលឈ្មោះ ឡុង សុគន្ធារៈ ដែលបានប្រើប្រាស់ ដោយក្លែងបន្លំនូវឯកសណ្ឋានយោធា និងឋានន្តរស័ក្តិនាយទាហានជាន់ខ្ពស់ នៃកងយោធពលខេមរភូមិន្ទ ហើយថែមទាំងបានចេញវីដេអូ ដែលមានខ្លឹមសារប្រមាថយ៉ាងធ្ងន់ធ្ងរដល់កិត្តិយស របស់ឯកឧត្តមឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក និងសម្តេចអគ្គមហាសេនាបតីតេជោ ហ៊ុន សែន ព្រមទាំងថ្នាក់ដឹកនាំដទៃផ្សេងទៀត»។ ញ្ញត្តិបានបន្តថាការប្រើប្រាស់ឯកសណ្ឋានយោធាដោយខុសច្បាប់ និងអំពើញុះញង់ដ៏គឃ្លើននេះ គឺជាអំពើល្មើស ដែលធ្វើឱ្យប៉ះពាល់ធ្ងន់ធ្ងរដល់កិត្តិយស និងសេចក្តីថ្លៃថ្នូររបស់កងយោធពលខេមរភូមិន្ទ ព្រមទាំងសណ្ដាប់ធ្នាប់សាធារណៈ និងស្ថិរភាពជាតិទាំងមូល ដោយមិនអាច អត់ឱនអនុគ្រោះឱ្យបានឡើយ។ បញ្ជាការដ្ឋានកងទ័ពជើងគោកបានថ្លែងថា…

សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នាព្រឹកថ្ងៃទី២៤ ខែមករា ឆ្នាំ២០២៣នេះ បានអនុញ្ញាតឱ្យឯកអគ្គរាជទូតកម្ពុជា ទើបតែងតាំងថ្មីចំនួន៨រូប ចូលជួបសម្តែងការគួរសម និងទទួលអនុសាសន៍ មុនពេលចេញទៅបំពេញបេសកកម្មការទូតប្រចាំប្រទេសឥណ្ឌា, ថៃ, អូស្រ្តាលី, គុយបា, រុស្ស៊ី, មីយ៉ាន់ម៉ា, ប្រ៊ុយណេ និងម៉ាឡេស៊ី។ ឯកអគ្គរាជទូតថ្មីទាំង៨រូប នោះរួមមាន លោក កុយ គួង ឯកអគ្គរាជទូត ប្រចាំនៅប្រទេសឥណ្ឌា, លោក ហ៊ុន សារឿន ឯកអគ្គរាជទូត ប្រចាំនៅប្រទេសថៃ, លោក ជឺនបូរាណ ច័ន្ទបូរី ឯកអគ្គរាជទូត ប្រចាំនៅ អូស្រ្តាលី, លោក ជា ធីរៈ ឯកអគ្គរាជទូត ប្រចាំនៅប្រទេសគុយបា, លោក ពេជ្រឃុន បញ្ញា ឯកអគ្គរាជទូតប្រចាំនៅប្រទេសរុស្ស៊ី, លោក ជុំ អង្គវិចិត្រ ឯកអគ្គរាជទូត ប្រចាំនៅប្រទេស មីយ៉ាន់ម៉ា, លោក លឹម ហុកសេង…

តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ៧២ម៉ោងចុងក្រោយនេះ បានបន្តថយចុះចំនួន ៣ពាន់ ៥០២ករណី ដែលថយចុះជិតពាក់កណ្តាល បើប្រៀបធៀបនឹងតួលេខឆ្លងសរុបរយៈពេល៣ថ្ងៃដូចគ្នាកាលពីសប្តាហ៍មុន ។ តួលេខឆ្លងថ្មីកូវីដ១៩ នៅអាស៊ានរយៈ ពេលបីថ្ងៃមកនេះ មានចំនួន ៤ពាន់ ២៥៩ករណី ។ ប្រទេសម៉ាឡេស៊ី គឺជាប្រទេសដែលមាន តួលេខឆ្លងច្រើនជាងគេ ដែលមានចំនួន ៨៨៧ករណី។ តួលេខឆ្លងតិចជាងគេគឺប្រទេសឡាវ ដែលមានចំនួនអ្នកឆ្លងតែ ៣ករណីប៉ុណ្ណោះ ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ៧២ម៉ោងចុងក្រោយនេះ មានចំនួន ៨៨នាក់ ក្នុងនោះប្រទេសហ្វីលីពីន មានមនុស្សស្លាប់ចំនួន ៤០នាក់ ដែលជាតួលេខស្លាប់ច្រើនជាងគេ ។ គិតសរុបរួមនៃប្រទេសទាំង១០ អាស៊ាននាពេលនេះ ការឆ្លងសរុបមានចំនួន ៣៥លាន ៥៦ម៉ឺន ៦ពាន់ ៥៧២ករណី, និងការស្លាប់សរុបមានចំនួន ៣៦ម៉ឺន ៥ពាន់ ៦៧៤នាក់ ។ បើគិតសរុបនៅលើសាកលលោកនោះវិញ ការឆ្លងវីរុសកូវីដ១៩ សរុបមានចំនួនជាង ៦៧៣លានករណី, និងការស្លាប់មានជាង ៦លាន ៧៤ម៉ឺននាក់ ៕

ការឆ្លងថ្មីកូវីដ១៩ ក្នុងរយៈពេល ៧២ម៉ោងចុងក្រោយនេះ បានថយចុះចំនួន ១ករណី បើប្រៀបធៀបនឹងតួលេខឆ្លង ៧២ម៉ោងដូចគ្នាកាលពីសប្តាហ៍មុន ។ យោងតាមក្រសួងសុខាភិបាលតួលេខឆ្លងថ្មី នៃ៧២ម៉ោងចុងក្រោយ មានចំនួនតែ ៤ករណីប៉ុណ្ណោះ ដោយកាលពីថ្ងៃសៅរ៍ការឆ្លងមានចំនួន ៣ករណី, ថ្ងៃអាទិត្យមាន ០ករណី និងនៅថ្ងៃច័ន្ទនេះ មានការឆ្លងថ្មីចំនួន ១ករណី ។ តួលេខឆ្លងថ្មីទាំង ៤ករណី នាវេលា ៧២ម៉ោងចុងក្រោយនេះ គឺកើតឡើងក្នុងរង្វង់សហគមន៍ទាំងអស់ ។ កម្ពុជាបានចាប់ផ្តើមចាក់ដូសជំរុញទី៦ តាំងពីដើមខែមករាដែលរហូតមកទល់ពេលនេះ មានពលរដ្ឋទៅចាក់បានចំនួន៥ម៉ឺន ៣ពាន់ ៧១៦នាក់ហើយ ខណៈពិភពលោកកំពុងប្រុងប្រយ័ត្ន នូវវីរុសបំបែ្លងថ្មីម្យ៉ាងឈ្មោះ XBB ។ វីរុសនេះ នៅមិនទាន់មានសេចក្តីរាយការណ៍អំពីការឆ្លងចូលមកដល់ប្រទេសកម្ពុជានៅឡើយទេ។ កម្ពុជាបច្ចុប្បន្នកំពុងរៀនរស់នៅជាមួយនឹងជម្ងឺកូវីដ១៩ ខណៈដែលការចាក់វ៉ាក់សាំងដូសមូល ដ្ឋានទូទាំងប្រទេសមានប្រមាណជាង ៩៥ភាគរយ រួចមកនេះ។

ក្រសួងការពារជាតិ បានចេញសេចក្តីថ្លែងការណ៍មួយនៅថ្ងៃច័ន្ទ ទី២៣ មករា ឆ្នាំ២០២៣ ថ្កោលទោសឈ្មោះ សុគន្ធារៈ ឡុង «ដែលបានក្លែងបន្លំឯកសណ្ឋានយោធា និងឋានន្តរស័ក្តិនាយទាហានជាន់ខ្ពស់កម្ពុជា ហើយចេញវីដេអូប្រមាថ ធ្វើឱ្យប៉ះពាល់យ៉ាងធ្ងន់ធ្ងរដល់កិត្តិយសឯកឧត្តមឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង និងជាមេបញ្ជាការកងទ័ពជើងគោក និងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ព្រមទាំងថ្នាក់ដឹកនាំដទៃទៀត»។ លិខិតរបស់ក្រសួងការពារជាតិចោទថា «ទង្វើរបស់បុគ្គលពាលរូបនេះ តាមរយៈការញុះញង់, ការគ្រោងឯកសណ្ឋានយោធាដោយខុសច្បាប់, ការធ្វើឲ្យប៉ះពាល់ដល់សន្តិសុខ និងសេចក្ដីថ្លៃថ្នូររបស់កងយោធពលខេមរភូមិន្ទ គឺជាអំពើល្មើសច្បាប់ដ៏ធ្ងន់ធ្ងរបំផុតមិនអាចលើកលែងបាន»។ សេចក្តីថ្លែងការណ៍ដដែលបានសរសេរថា «ក្រសួងការពារជាតិ សូមប្រកាសប្រឆាំងដាច់ខាត ចំពោះជនណា ដែលព្យាយាមធ្វើឱ្យប៉ះពាល់ដល់កិត្តិយស និងសេចក្ដីថ្លៃថ្នូររបស់កងយោធពលខេមរភូមិន្ទ និងសូមប្ដេជ្ញាការពាររដ្ឋធម្មនុញ្ញ ការពាររាជរដ្ឋាភិបាលស្របច្បាប់ និងសុខសន្តិភាពប្រទេសកម្ពុជា ដោយមិនឱ្យជនណាមួយ មករំលោភបំពានបានឡើយ»។ សេចក្តីថ្លែងការណ៍ដដែលបានអំពាវនាវកុំឱ្យចែកចាយបន្ត នូវវីដេអូរបស់បុគ្គលពាលក្រៅសង្គមរូបនេះ និងបានអំពាវនាវដល់ស្ថាប័នមានសមត្ថកិច្ច ចាត់វិធានការ ដើម្បីផ្ដន្ទាទោសជននោះតាមផ្លូវច្បាប់។