តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ៧២ម៉ោងចុងក្រោយនេះ មានចំនួន ៣ម៉ឺន៧ពាន់ ៩៦៥ករណី ដែលកើនឡើងចំនួន ២ពាន់ ៩២០ករណី បើប្រៀបធៀបតួលេខឆ្លង កាលពីសប្តាហ៍មុន ។ នៅក្នុងអាស៊ាន ក្នុងរយៈពេល ៧២ម៉ោងកន្លងមកនេះ មានប្រទេស ចំនួន ៩ ដែលមានករណីឆ្លងថ្មីកូវីដ១៩ ដែលរួមមានប្រទេសឥណ្ឌូនេស៊ី, ម៉ាឡេស៊ី, វៀតណាម, មីយ៉ាន់ម៉ា, សឹង្ហបុរី, ហ្វីលីពីន, ឡាវ, ថៃ និងប្រទេសកម្ពុជា ។ ប្រទេសឥណ្ឌូនេស៊ី នៅតែជាប្រទេសដែលមានតួលេខឆ្លងច្រើនផ្តាច់គេដដែល ដែលមានចំនួន ១ម៉ឺន ៥ពាន់ ៥៩៦ករណី ស្មើនឹងប្រមាណ ៤១ភាគរយ នៃតួលេខឆ្លងសរុបក្នុងចំណោមប្រទេសដែល រកឃើញឆ្លងក្នុងរយៈពេល៣ថ្ងៃនេះ នៅអាស៊ាន។ តួលេខឆ្លងតិចជាងគេ គឺប្រទេសកម្ពុជា ដែលមានចំនួនតែ ១៨ករណីប៉ុណ្ណោះ ។ ប្រទេសព្រុយណេ ជាប្រទេសដែលគ្មានការឆ្លង និងស្លាប់ឡើយ ក្នុងរយៈពេល ៧២ម៉ោងចុងក្រោយនេះ ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ៧២ម៉ោងចុងក្រោយនេះ មាន…

តួលេខឆ្លងថ្មីកូវីដ១៩ នៅតែមានបន្តបើទោះបីជាស្ថិតក្នុងករណីតិចតួច។ ក្នុងរយៈពេល៧២ ម៉ោងចុងក្រោយនេះ ការឆ្លងមាន១៨ករណី ដែលកើនឡើងចំនួន ៥ បើប្រៀបធៀបនឹង សប្តាហ៍មុន ។ យោងតាមក្រសួងសុខាភិបាល កាលពីថ្ងៃសៅរ៍មានការឆ្លងចំនួន៤ករណី, ថ្ងៃអាទិត្យមាន៤ករណី និងនៅថ្ងៃច័ន្ទនេះ កើនដល់១០ករណីផងទៀត ។ កម្ពុជាបានបាត់តួលេខឆ្លងមួយរយៈ ប៉ុន្តែបានកើតឡើងតិចតួចខ្លះឡើងវិញ ប្រមាណ២ សប្តាហ៍មកនេះ ក្រោយសប្តាហ៍ដែលកម្ពុជាបញ្ចប់កិច្ចប្រជុំកំពូលអាស៊ាន លើកទី៤០និង៤១ និងកិច្ចប្រជុំំពូលពាក់ព័ន្ធ។ យោងតាមក្រសួងសុខាភិបាល ការឆ្លងទាំង១៨ករណី វេលា៧២ម៉ោងចុងក្រោយនេះ គឺកើត ឡើងក្នុងរង្វង់សហគមន៍ទាំងអស់ ។ កម្ពុជានៅតែបន្តការចាក់វ៉ាក់សាំងកូវីដ១៩ ជាដដែល ដើម្បីជម្រុញភាពស៊ាំក្នុងសហគមន៍ ។ តួលេខអ្នកចាក់វ៉ាក់សាំងដូសមូលដ្ឋានទូទាំងប្រទេស គិតត្រឹមថ្ងៃទី២៨ វិច្ឆិកា បានកើនដល់ចំនួន ១៥លាន ២២ម៉ឺន ៦ពាន់ ៧៧៣នាក់ ដែលស្មើនឹង ៩៥,១៧ភាគរយ ។

ដីឡូតិ៍ និងផ្ទះចំនួន១០០ខ្នង ត្រូវបានប្រគល់ជូនដល់អតីតយុទ្ធជន និងក្រុមគ្រួសារ នៅក្នុងខេត្តកំពង់ឆ្នាំងក្នុងពិធីមួយនាថ្ងៃទី២៨ វិច្ឆិកា ក្រោមអធិបតីភាពកិតិ្តសង្គហៈបណ្ឌិត គន់ គីម នៅឃុំក្រាំងល្វា នៃស្រុកសាមគ្គីមានជ័យ ។ អប្សរាណិតរាយការណ៍

ស្ពានឆ្លងទន្លេមេគង្គ និងផ្លូវតភ្ជាប់ពីផ្លូវជាតិលេខ៧តម្លៃជាង១១១លានដុល្លារក្នុងខេត្តក្រចេះ គ្រោងបើកការដ្ឋានសាងសង់នាវេលាឆាប់ៗខាងមុខនេះ។ គម្រោងសំណង់ស្ពាននិងការធ្វើ ផ្លូវនេះ ត្រូវបានលើកយកមកពិភាក្សានៅថ្ងៃទី២៨វិច្ឆិកានេះ ក្នុងកិច្ចប្រជុំមួយអញ្ជើញចូលរួម ដោយរដ្ឋលេខាធិការក្រសួងសាធារណការនិងដឹកជញ្ជួន លោក លឹម ស៊ីដេនីន។ យោងតាមកិច្ចប្រជុំ…គម្រោងសាងសង់ស្ពានឆ្លងទន្លេមេគង្គ និងផ្លូវតភ្ជាប់នេះ មានប្រវែង សរុប៣៣,៤៥ គីឡូម៉ែត្រ តភ្ជាប់ពីផ្លូវជាតិលេខ៧ នៃចំណុច «រង្វង់មូលខ្លាស្ទុះ» ទៅផ្លូវជាតិ លេខ៦០បេ។ សំណង់ស្ពានដែលត្រូវឆ្លងកាត់ទន្លេមេគង្គប្រវែង ១ពាន់៧៦១ម៉ែត្រ ដែលស្ថិត ត្រង់ភូមិបុស្សលាវលើ ឃុំបុសលាវ ស្រុកចិត្របុរី…ចំណែកត្រើយខាងលិច ស្ថិតនៅត្រង់ភូមិ ព្រែកព្រលូង ឃុំសោប ស្រុកព្រែកប្រសព្វ ខេត្តក្រចេះ។ កិច្ចពិភាក្សា បានបញ្ជាក់ថា ការបើកការដ្ឋាននឹងធ្វើក្នុងពេលឆាប់ៗខាងមុខនេះ ជាមួយការចំណាយថវិកាសរុបប្រមាណ ១១១លាន៩៨ម៉ឺនដុល្លារ ដែលជាហិរញ្ញប្បទានពីសាធារណរដ្ឋប្រជាមានិតចិន។ គម្រោង សាងសង់នឹងមានថិរៈវេលា៤២ខែ។

ពលរដ្ឋចំនួន១ពាន់៣៩៥នាក់ក្នុងសហគមន៍នៅសង្កាត់ឃ្មួញ នៃខណ្ឌសែនសុខជាយរាជធានីភ្នំពេញ បានទទួលការពិនិត្យព្យាបាល ដោយក្រុមការងារសមាគមគ្រូពេទ្យស្ម័គ្រចិត្ត យុវជន សម្ដេចតេជោ(TYDA)។ ការចុះពិនិត្យពលរដ្ឋក្នុងសហគមន៍ក្រីក្រកាលពីចុងសប្តាហ៍កន្លងមកនេះ ដឹកនាំដោយលោកជំទាវបណ្ឌិត ពេជ ចន្ទមុន្នី។ ការពិនិត្យព្យាបាលបានផ្តោតលើជម្ងឺទូទៅ និងជំងឺមាត់ធ្មេញ ដែលប្រព្រឹត្តទៅក្នុងបរិវេណសាលាបឋមសិក្សាសែនសុខ។ លោកជំទាវបណ្ឌិត ពេជ ចន្ទមុន្នី បានថ្លែងថាសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិតតែងតែយកចិត្តទុកដាក់គិតគូរអំពីសុខភាពប្រជាពលរដ្ឋ តាមរយៈការបង្ខិតសេវា ព្យាបាលប្រជាពលរដ្ឋដោយឥតគិតថ្លៃ ដោយបញ្ជូនក្រុមគ្រូពេទ្យ TYDA ចុះព្យាបាលប្រជាពលរដ្ឋនៅតាមបណ្ដាខេត្តតាមសហគមន៍, អង្គការមជ្ឈមណ្ឌលកុមារកំព្រា និងសាលារៀនជាដើម។ យោងតាមរបាយការណ៍ ក្នុងចំណោមអ្នកព្យាបាលចំនួន១ពាន់៣៩៥នាក់ គេបាន បញ្ជូនអ្នកជម្ងឺ៥៩នាក់មកបន្តព្យាបាលបន្ថែមទៀត។ សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) គិតត្រឹមឆ្នាំ២០២២នេះ មានអាយុ ១០ឆ្នាំហើយជាមួយនឹងសមាជិកសរុបជាង ៨ពាន់នាក់។ សមាគម TYDA គិតមកទល់ពេល នេះ បានព្យាបាលប្រជាពលរដ្ឋបានចំនួនជិត៣៥ ម៉ឺននាក់ ក្នុងនោះអ្នកជំងឺធ្ងន់ធ្ងរជាង ០៦ ពាន់នាក់ត្រូវបានបញ្ជូនមកព្យាបាលបន្តនៅរាជធានីភ្នំពេញ និងអ្នកជំងឺបេះដូងធ្ងន់ធ្ងរចំនួន ៥៨នាក់ត្រូវបានវះកាត់ដោយជោគជ័យក្រោមការឧបត្ថម្ភដ៏ថ្លៃថ្លារបស់ សម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។