ប្រធានាធិបតីទីម័រខាងកើត បណ្ឌិត ហូសេ រ៉ាមូស ហ័រតា (Jose Ramos-Horta) គ្រោងនឹង ដឹកនាំគណៈប្រតិភូ បំពេញទស្សនកិច្ចរយៈពេល៣ថ្ងៃនៅកម្ពុជាចាប់ពីថ្ងៃស្អែកនេះហើយ ដែលក្នុងដំណើរទស្សនកិច្ចនោះ នឹងមានការចុះហត្ថលេខាទ្វេភាគីជាមួយ នឹងប្រមុខដឹកនាំ រាជរដ្ឋាភិបាលកម្ពុជាផងទៀត។

សមាជិកការិយាល័យនយោបាយ និងជាលេខាធិការអចិន្ត្រៃយ៍នៃគណៈលេខាមជ្ឈឹមបក្ស វៀតណាម លោកវ៉ូ វ៉ាន់ធឿង បានអញ្ជើញជួបប្រមុខដឹកនាំរាជរដ្ឋាភិបាលកម្ពុជានៅថ្ងៃអង្គារ៍ ទី១៨តុលាឆ្នាំ២០២២។

ប្រទេសសឹង្ហបុរី គឺជាប្រទេសដែលមានការឆ្លងច្រើនជាងគេបំផុត ក្នុងអាស៊ាននារយៈពេល ៧២ម៉ោងចុងក្រោយនេះ។ តួលេខឆ្លងសរុបនៃប្រទេសអាស៊ាន ក្នុងរយៈពេល ៣ថ្ងៃមកនេះ ៤ម៉ឺន ៤ពាន់ ២៧៥ករណី និងការស្លាប់ថ្មីមានចំនួន ១៩៤នាក់ ប៉ុន្តែគ្រាន់តែប្រទេសសឹង្ហបុរីតែ មួយការឆ្លងមានប្រមាណ ៥៣ភាគរយ នៃតួលេខឆ្លងទាំងអស់នៃរយៈពេល ៣ថ្ងៃមកនេះ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ៧២ម៉ោងចុងក្រោយ

តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ៧២ម៉ោងចុងក្រោយនេះ នៅកម្ពុជា បានថយ ចុះចំនួន ១១ ករណី បើប្រៀបធៀបនឹងសប្តាហ៍មុន ។ តួលេខឆ្លងក្នុងរយៈពេល ៣ថ្ងៃមក នេះ មាន១៣នាក់ ដែលជាការឆ្លងនៅក្នុងសហគមន៍ទាំងអស់។

ពិភពលោកកំពុងចោលក្រសែភ្នែកមកលើសាធារណរដ្ឋប្រជាមានិតចិនដែលបាននិងកំពុង ធ្វើមហាសន្និបាតបក្សកុម្មុយនីស្តលើកទី២០របស់ខ្លួនក្នុងរដ្ឋធានីប៉េកាំង។ នៅថ្ងៃចាប់ផ្តើម ដំបូងនៃមហាសន្និបាតបក្ស ប្រធាធិបតីចិនលោកស៊ីជីនពីង បានបញ្ជាក់នូវការប្តេជ្ញាចិត្តរារាំង ការជ្រៀតជ្រែតពីបរទេសដែលចង់ញុះញង់តៃវ៉ាន់ក្លាយជារដ្ឋឯករាជ្យ។ រដ្ឋបាលចិនតៃវ៉ាន់ បានប្រឆាំងតបមកវិញ និងអំពាវនាវប្រទេសចិន ត្រូវតែបោះបង់ចោលនូវការបង្ខំចិនតៃវ៉ាន់ ឱ្យក្លាយជាទឹកដីរណបរបស់ប្រទេសចិន។ លោក​ ម៉ារ យ៉ារិទ្ធិ មានសេចក្តីរាយការណ៍ពិនិត្យ ស្ថានការណ៍វិវត្តន៍នេះ

កងកម្លាំងយោធពលខេមរភូមិន្ទរួមមានកងកម្លាំងទ័ពជើងគោក, ជើងទឹកនិងជើងអាកាស បានធ្វើញ្ញត្តិរៀងៗខ្លួន ថ្កោលទោសសមរង្ស៊ី និងការប្តេជ្ញាប្រឆាំងមេខ្លោងក្រុមឧទ្ទាមរូបនោះ ជាមួយនិងបក្ខពួកដែលប៉ុនប៉ងផ្តួលរំលំរាជរដ្ឋាភិបាលស្របច្បាប់។

ទណ្ឌិតសមរង្ស៊ី កំពុងតែបង្កើតព្រឹត្តិការណ៍ចង់បង្កភាពចលាចលមួយទៀតហើយ ក្នុងពេល ដែលកម្ពុជាកំពុងត្រៀមរៀបចំការបោះឆ្នោតសកលឆ្នាំ២០២៣។ ទណ្ឌិតសមរង្ស៊ីបានញុះញង់ កងកម្លាំងប្រដាប់អាវុធឱ្យងើបប្រឆាំងនឹងរាជរដ្ឋាភិបាលនិងនិយាយថាគាត់នឹងមកកម្ពុជាវិញ ក្នុងឆ្នាំ២០២៣ដើម្បីរំដោះកម្ពុជា។ សម្តេចតេជោហ៊ុនសែន បានហៅសមរង្ស៊ីថាជាមនុស្សនៃ ត្រកូលក្បត់៣ជំនាន់ និងបានប្តេជ្ញាការត្រៀមចាប់ខ្លួនសមរង្ស៊ីដាកគុកបើសិនជាវិលត្រឡប់ មកវិញ។ អប្សរាណិតធ្វើសេចក្តីរាយការណ៍

សម្តេចតេជោ ហ៊ុន សែន បានអំពាវនាវដល់ប្រជាពលរដ្ឋដែលមិនទាន់បានចុះឈ្មោះបោះ ឆ្នោត ត្រូវនាំគ្នាទៅចុះឈ្មោះខណៈការចុះឈ្មោះបោះឆ្នោតនៅតាមឃុំ សង្កាត់ គ្រោងនឹង ប្រព្រឹត្តទៅចាប់ពីថ្ងៃទី២០ ខែតុលាខាងមុខនេះ។

នៅក្នុងខេត្តសៀមរាបនោះវិញ, ស្រូវពូជជិត ៤០០តោន ក៏ត្រូវបានប្រគល់ ជូនកសិករនៅក្នុង ខេត្តផងដែរ ។ ពូជស្រូវទាំងនេះ ត្រូវបានចែកជួនដោយទេសរដ្ឋមន្ត្រីគន់គីម នៅថ្ងៃទី១៧តុលា នេះខណៈដែលមានការដាក់បញ្ជាពីសម្តេចនាយករដ្ឋមន្ត្រីក្នុងការជួយពលរដ្ឋដែលស្រូវស្រែ បានរងខូចដោយសារជំនន់ទឹកភ្លៀង។

ពូជស្រូវជាង១៣តោន ត្រូវបានចែកជូនដល់ពលរដ្ឋជាង២០០គ្រួសារ នៅស្រុកស្ទោងនៃខេត្ត កំពង់ធំដែលរងនឹងករណីជំនន់ទឹកភ្លៀង។