ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២២ នឹងចាប់ផ្តើមនៅថ្ងៃស្អែកនេះ នៅតាមការទូទាំងឃុំ-សង្កាត់ ទូទាំងប្រទេស។ គណៈកម្មាធិការជាតិរៀបចំការបោះឆ្នោត នៅ ថ្ងៃទី១៩ ខែតុលា ឆ្នាំ២០២២នេះ បានអោយដឹងថា ដំណើរការពិនិត្យបញ្ជីឈ្មោះនិងការ ចុះ ឈ្មោះបោះឆ្នោត នឹងត្រូវធ្វើជារៀងរាល់ថ្ងៃរួមទាំងថ្ងៃសៅរ៍ និងថ្ងៃអាទិត្យផងដែរ ដោយចាប់ ផ្តើមពីម៉ោង ៧ ព្រឹកដល់ ម៉ោង១១កន្លះថ្ងៃត្រង់ និងពេលរសៀលចាប់ផ្តើមពីម៉ោង២រសៀល ដល់ម៉ោង ៥កន្លះនាទីល្ងាច ។

អាជ្ញាធរក្រុងមួយក្នុងប្រទេសកូរ៉េខាងត្បូង បានបង្ហាញបំណងចង់ទទួលយកពលករកម្ពុជា បន្ថែមទៀត ខណៈកម្លាំងពលកម្មនៅទីនោះធ្លាក់ចុះ។

ស្រូវពូជជាង ២០០តោនត្រូវបានប្រគល់ ជូនកសិករក្នុងខេត្តក្រចេះដែលរងគ្រោះដោយសារ ទឹកជំនន់។ ការចែកស្រូវពួជដល់កសិករដែលមានដំណាំស្រូវបានខូចខាតដោយសារជំនន់ទឹក ភ្លៀងក្នុងខេត្តក្រចេះនេះ បានធ្វើដោយអនុប្រធានទី១ គណៈកម្មាធិការជាតិគ្រប់គ្រងគ្រោះ មហន្តរាយទេសរដ្ឋមន្ត្រី គន់ គីម រួមជាមួយនឹងរដ្ឋមន្ត្រីនៃក្រសួងកសិកម្ម រុក្ខាប្រមាញ់និង នេសាទលោក ឌិត ទីណា នៅព្រឹកថ្ងៃពុធ ទី១៩ ខែតុលា ឆ្នាំ២០២២នេះ បានធ្វើដំណើររួមគ្នា ចុះទៅចែកស្រូវពូជជូនប្រជាកសិករ រងគ្រោះដោយទឹកជំនន់នៅក្នុងខេត្តក្រចេះ។

ព្រះរាជអំណោយរបស់ព្រះមហាក្សត្រខ្មែរនឹងសម្តេចម៉ែ ត្រូវបានចែកជូនដល់ប្រជាពលរដ្ឋ រងគ្រោះដោយទឹកជំនន់ចំនួន៣០០គ្រួសារ នៅក្នុងខេត្តកំពង់ឆ្នាំ។

ចំណូលរបស់កំពង់ផែស្វយ័តភ្នំពេញ បានកើនឡើង២១% ក្នុងរយៈពេល៩ខែដើមឆ្នាំនេះដែល បង្ហាញនូវការស្តារឡើងវិញក្នុងដំណើរសេដ្ឋកិច្ចតាមកំពង់ផែដ៏តូចមួយនេះបន្ទាប់ពីជាប់គាំង កន្លងមកដោយសារតែវិបត្តិកូវីដ១៩។

សមត្ថកិច្ចកម្ពុជាបានបន្តទទួលបានបណ្តឹង១៦ទៀត ដែលស្នើឱ្យជួយសង្គ្រោះជនបរទេស ៦២នាក់ក្នុងរយ:ពេល២៤ម៉ោងកន្លងមកនេះ។ កម្ពុជាកំពុងស្ថិតក្នុងយុទ្ធការបង្ក្រាបអំពើ ជួញដូរមនុស្ស ក្រោយ មានសេចក្តីរាយការណ៍ថា មានក្រុមទុច្ចរិតដែលមានប្រ ភពមកពីក្រៅ ប្រទេស បានសហការជាមួយនឹងបក្ខពួកក្នុងប្រទេសកម្ពុជា បង្កនូវអំពើចាប់ បង្ខាំងមនុស្ស ក្រោមរូបភាពល្បួងមកធ្វើការក្នុងប្រទេសកម្ពុជាដោយសន្យាឱ្យកម្រៃពលកម្មច្រើន។

តុលាការបានបិទបញ្ចប់នីតិវិធីសួរដេញដោលលោក កឹម សុខា លើបទចោទ «សន្ទិដ្ឋិភាពជា មួយរដ្ឋបរទេស» ហើយ។ សេចក្តីសម្រេចធ្វើសេចក្តីសន្និដ្ឋានរបស់តុលាការនឹងធ្វើនៅថ្ងៃទី២១ ខែធ្នូ ឆ្នាំ២០២២ ។

តុលាការបានកាត់ទោស សម រង្ស៊ី ឱ្យជាប់គុកអស់មួយជីវិត ក្នុងសំណុំរឿងចុះកិច្ចព្រមព្រៀង កាត់ខេត្តខ្មែរចំនួន៤ ឱ្យទៅក្រុមម៉ុងតាញ៉ាវៀតណាម។ សាលក្រមផ្តន្ទាទោសជាប់គុកមួយជី វិតនេះ ត្រូវបានប្រកាសនាព្រឹកថ្ងៃទី១៩ ខែតុលា ជាមួយនឹងការហាមឃាត់មិនឱ្យធ្វើ នយោ បាយ អស់មួយជីវិត។

កិច្ចប្រជុំកំពូលលើកទី២ស្តីពីការប្រែប្រួលអាកាសធាតុកម្ពុជាឆ្នាំ ២០២២ ដែលកម្ពុជាបានធ្វើ ជាម្ចាស់ផ្ទះ បានរៀបចំធ្វើនៅទីក្រុងសៀមរាប។ រដ្ឋមន្ត្រីក្រសួងបរិស្ថានកម្ពុជាលោកសាយ សំអាល់បានថ្លែងថា វិស័យឯកជន រួមទាំងវិស័យធនាគារនៅកម្ពុជានាពេលនេះ កាន់តែ យល់ពីហានិភ័យនៃការប្រែប្រួលអាកាសធាតុ រួមនិងតួនាទីក្នុងការរួមចំណែកដោះស្រាយ បញ្ហាប្រឈម។ អប្សរាណិតធ្វើសេចក្តីរាយការណ៍

អគារទំនើបហ្វឹកហាត់បាញ់អាវុធខ្លីត្រូវបានសម្ពោធដាក់ឲ្យប្រើប្រាស់ហើយក្រោមអធិបតីភាពសម្តេចក្រឡាហោម ស ខេងឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ។ ពិធីសម្ភោធនេះ បានធ្វើឡើង នៅព្រឹកថ្ងៃទី១៩ ខែតុលា ឆ្នាំ២០២២ នៅបណ្ឌិត្យសភានគរបាលកម្ពុជា។