បណ្តាខេត្តដែលរងគ្រោះដោយសារជំនន់ទឹកភ្លៀង បានទទួលអំណោយរាជរដ្ឋាភិបាលខណៈ ពេលដែលសម្តេចតេជោកំពុងស្ថិតក្នុងដំណើរចុះពិនិត្យស្ថានភាពពលរដ្ឋនិងបណ្តាខេត្តភាគ ពាយព្យដែលរងនឹងទឹកជំនន់។ សេចក្តីរាយការណ៍ពីខេត្តកំពង់ធំ ដែលជាខេត្តមានតំបន់ជា ច្រើនរងគ្រោះនឹងទឹកជំនន់ បានឱ្យដឹងថាមនុស្ស៨៧១គ្រួសារក្នុងឃុំផាត់សណ្តាយ នៃស្រុក កំពង់ស្វាយ បានទទួលអំណោយរបស់សម្តេចតេជោហ៊ុនសែននិងសម្តេចកិត្តិព្រឹទ្ធបណ្ឌិត។ អប្សរាណិតរាយការណ៍

កម្ពុជាមិនមានការឆ្លងកូវីដ១៩ទេនៅថ្ងៃនេះ ដែលជាថ្ងៃលើកដំបូងក្នុងរយៈពេល១១៥ថ្ងៃចុង ក្រោយនេះ។ កម្ពុជាធ្លាប់គ្មានករណីឆ្លងកូវីដ១៩សោះក្នុងរយៈពេលពីខែមេសាដល់ចុងខែ មិថុនាឆ្នាំ២០២២ ប៉ុន្តការឆ្លងដែលបានវិលត្រឡប់មកវិញចាប់តាំងពីថ្ងៃទី២៨មិថុនាឆ្នាំ ២០២២ នោះមក ត្រូវបាន ធ្លាក់មកចំនួនសូន្យវិញ នៅថ្ងៃសុក្រទី២១តុលានេះ។ សម្តេចតេជោ ហ៊ុន សែន ដែលកំពុងទស្សនកិច្ចក្នុងខេត្តសៀមរាបបានមានប្រសាសន៍បញ្ជាក់ យ៉ាងនេះ។

ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២២ បានឈានចូលដល់ថ្ងៃទី២ ដែល សេចក្តីរាយការណ៍បានបង្ហាញនូវស្ថានការណ៍ប្រក្រតីល្អ។ ដំណើរការរៀបចំបោះឆ្នោតសកលរបស់កម្ពុជាគ្រោងនឹងធ្វើក្នុងឆ្នាំ២០២៣ ដែលជាឆ្នាំនៃការបោះពាក្យសម្តីរបស់មេខ្លោង ក្រុមឧទ្ទាមក្រៅច្បាប់សមរង្ស៊ីដែលនិយាយអំពីគំរោងចង់បង្កចលាចល។

សម្តេចតេជោ ហ៊ុន សែន បានថ្លែងប្រាប់ពលរដ្ឋនូវការប្តេជ្ញាចិត្តរបស់រដ្ឋាភិបាលរបស់សម្តេច ក្នុងការបំផ្លាញចោលនូវមនោគមវិជ្ជាទុច្ចរិតរបស់មេខ្លោង សម រង្ស៊ី ដែលចង់បង្កភាពអុកឡុក ក្នុងឆ្នាំ២០២៣ ដែលកម្ពុជារៀបចំការបោះឆ្នោត។ សម្តេចតេជោ ហ៊ុន សែន បានថ្លែងប្រាប់មនុស្សដែលជាប់ពាក់ព័ន្ធនឹងមេខ្លោងឧទ្ទា មសម រង្ស៊ី ត្រូវប្រញាប់ផ្តាច់ខ្លួនចេញពីបុគ្គល សម រង្ស៊ី នោះជាបន្ទាន់។

សម្តេចប្រធានព្រឹទ្ធសភាកម្ពុជាសម្តេចវិបុលសេនាភក្តីសាយឈុំ គ្រោងនឹងដឹកនាំគណៈ ប្រតិភូជាន់ខ្ពស់ អញ្ជើញទៅបំពេញទស្សនកិច្ចជាផ្លូវការ នៅប្រទេសវៀតណាមនាសប្តាហ៍ ក្រោយនេះ។ ដំណើរបំពេញទស្សនកិច្ចរយៈពេល៣ថ្ងៃ គឺតបតាមការអញ្ជើញរបស់លោក វឿង ឌិញហ្វេ ប្រធានរដ្ឋសភានៃសាធារណរដ្ឋសង្គមនិយមវៀតណាម។

ថ្ងៃទី២៣ តុលា ឆ្នាំ២០២២ ដែលមកដល់នៅថ្ងៃអាទិត្យចុងសប្តាហ៍នេះ គឺជាខួបលើកទី៣១ឆ្នាំ នៃការចុះហត្ថលេខាលើកិច្ចព្រមព្រៀងសន្តិភាពក្រុងប៉ារីសនៃប្រទេសបារាំង។ តើអ្វីទៅជាកិច្ច ព្រមព្រៀងសន្តិភាពនោះ? អប្សរាណិតមានអត្ថបទវិចារណកថាមួយដែលឆ្លុះបញ្ចាំងពីអត្ថន័យ និងប្រវត្តិដែលជាប់ពាក់ព័ន្ធ ជាមួយខ្លឹមសារដូចតទៅនេះ

នាយករដ្ឋមន្ត្រីអង់គ្លេសបានប្រកាសលាលែងចេញពីតំណែង ខណៈដែលចំណាត់ការ លើ ថវិកាខ្នាតតូចមួយដែលទើបបញ្ចេញដំបូងរបស់រដ្ឋាភិបាលលោកស្រី បានធ្វើទីផ្សារអង់គ្លេស រងភាពរង្គោះរង្គើ និងប៉ះពាល់ការខាតបង់ទឹកប្រាក់ច្រើនដល់៧២ពាន់លានផោន។ លុយផោន របស់អង់គ្លេស បានធ្លាក់ចុះជាខ្លាំង ដោយសារតែផែនការដាក់ចេញដោយរដ្ឋាភិបាលថ្មីរបស់ លោកស្រី Liz Truss ។ ដោយការរិះគន់មិនអាចទ្រាំទ្របាន លោកស្រី Liz Truss បានប្រកាស ការលាសុំចេញពីតំណែង។ នាយករដ្ឋមន្ត្រីថ្មីនឹងត្រូវគេប្រកាសឈ្មោះ នៅថ្ងៃទី២៨តុលាឆ្នាំ ២០២២ គ្រាដែលមានបេក្ខជនស្នើរកជំនួសកន្លែងនេះជាច្រើន ក្នុងនោះរួមមានទាំងអតីត នាយករដ្ឋមន្ត្រី លោក បូរីសចនសុន ដែលបានលាលែងចេញតំណែងមុននេះ ដោយសារតែ រងនឹងភាពអាស្រូវផ្ទាល់ខ្លួនផងដែរ។ លោក ម៉ារ យ៉ារិទ្ធិ មានសេចក្តីរាយការណ៍នេះ