សម្តេចតេជោហ៊ុនសែនបានស្ថិតក្នុងខេត្តពោធិ៍សាត់នៅថ្ងៃទី២៥តុលានេះ ដែលជាខេត្តមាន ពលរដ្ឋប្រមាណជាងមួយម៉ឺន៣ពាន់គ្រួសាររងភាពប៉ះពាល់នឹងទឹកជំនន់។

នៅក្នុងខេត្តពោធិ៍សាត់នោះវិញ, ជំនួយនៃស្បៀងអាហាររបស់សម្តេចតេជោហ៊ុនសែន ត្រូវ បានចែកជួនពលរដ្ឋដែលរងគ្រោះដោយសារជំនន់ទឹកភ្លៀងក្នុងស្រុកបាកាន។ ជំនួយជា ស្បៀងដែលបានចែកចាយជួនពលរដ្ឋក្នុងស្រុកបាកាន មានសរុបជាង៨០០គ្រួសារហើយ នៅក្នុងឃុំបឹងបត់កណ្ដោល, ឃុំអូរតាប៉ោង, ឃុំរំលេច, ឃុំមេទឹក និងឃុំស្វាយដូនកែវ ។

ពលរដ្ឋរងគ្រោះដោយជំនន់ទឹកភ្លៀងចំនួន៥០គ្រួសារក្នុងខេត្តកំពង់ឆ្នាំងបានទទួលអំណោយ និងការចុះសាកសួរសុខទុក្ខនៅថ្ងៃទី២៤តុលារតាមរយៈរដ្ឋលេខាធិការក្រសួងបរិស្ថានលោក សាបូ អូស្សាណូ។

សមត្ថកិច្ចកម្ពុជា បន្តទទួលបានបណ្តឹង ១១ទៀត ដែលស្នើឱ្យជួយសង្គ្រោះជនបរទេស ១៦នាក់ ក្នុងរយ:ពេល២៤ម៉ោងកន្លងមកនេះ។ កម្ពុជាកំពុងស្ថិតក្នុងយុទ្ធការបង្ក្រាបអំពើ ជួញ ដូរមនុស្ស ក្រោយមានសេចក្តីរាយការណ៍ថា មានក្រុមទុច្ចរិតដែលមានប្រភពមកពីក្រៅ ប្រទេស បានសហការជាមួយនឹងបក្ខពួកក្នុងប្រទេសកម្ពុជា បង្កនូវអំពើចាប់ បង្ខាំងមនុស្ស ក្រោមរូបភាពល្បួងមកធ្វើការក្នុងប្រទេសកម្ពុជាដោយសន្យាឱ្យកម្រៃពលកម្មច្រើន។

តួលេខមនុស្សស្លាប់ដោយសារកូវីដ១៩ក្នុងប្រទេសនៅអាស៊ាននារយៈពេល ៧២ម៉ោង ចុង ក្រោយនេះ មានចំនួន ២០៩នាក់។ តួលេខឆ្លងថ្ងៃនេះមានចំនួន ៤ម៉ឺន ១៧៣ករណី។ ប្រទេស សឹង្ហបុរី គឺជាប្រទេសដែលមានករណីឆ្លងកូវីដ១៩ថ្មីច្រើនជាងគេបំផុត។ អប្សរាណិតរាយការណ៍

ក្នុងរយៈពេល ៧២ម៉ោង កន្លងមកនេះ មិនមានករណីឆ្លងកូវីដ១៩ទេ ដែលនាំឲ្យការមិនមាន ករណីឆ្លងសោះមានរយៈពេល ៤ថ្ងៃជាប់គ្នាហើយ ។ កម្ពុជាមានករណីឆ្លងឡើងវិញរយៈពេល ១១៥មកហើយ បន្ទាប់ពីធ្លាប់មិនមានករណីឆ្លងសោះរយៈពេល ជិត២ខែ កាលពីដើមខែមេសា រហូតដល់ចុងខែ មិថុនា ឆ្នាំ២០២២ ។ កម្ពុជាការឆ្លងធ្លាក់មកចំនួនសូន្យវិញ កាលពីថ្ងៃសុក្រ ទី២១ តុលា ចុងសប្តាហ៍មុននេះ។

ការពិនិត្យបញ្ជីឈ្មោះនិងការចុះឈ្មោះបោះឆ្នោតឆ្នាំ២០២២ បានឈានចូលដល់ថ្ងៃទី៤ហើយ ។ យោងតាមគជប, ក្នុងរយៈពេល២៤ម៉ោងចុងក្រោយនេះ, ចំនួនប្រជាពលរដ្ឋដែលបានមក ពិនិត្យបញ្ជីឈ្មោះ និងធ្វើការចុះឈ្មោះបោះឆ្នោតមានចំនួនជាង២ម៉ឺននាក់។

សម រង្ស៊ី បានបន្តសម្តីប្រមាថដល់ព្រះមហាក្សត្រខ្មែរទៀតហើយ ក្រោយការបង្ហើបនូវផែន ការពិសពុលចង់អុកឡុកស្ថានការណ៍ក្នុងឆ្នាំ២០២៣ដែលមានការបោះឆ្នោត។ ជំពូកទី២ នៃ មាត្រា៧ បានសរសេរក្នុងឃ្លាដែលបញ្ជាក់ថា «អង្គព្រះមហាក្សត្រមិនអាចនរណារំលោភ បំពានបានឡើយ»។ ប៉ុន្តែសមរង្ស៊ី នៅក្នុងវេទិកាសាធារណមួយនៅក្រៅប្រទេសបានប្រើ ពាក្យប្រមាថព្រះមហាក្សត្រខ្មែរ។

សម្តេចតេជោ ហ៊ុនសែន បានធ្វើលិខិតអបអរសាទរមួយដល់ប្រធានាធិបតីចិន លោកស៊ីជីន ពីងដែលត្រូវបានសមាជគណបក្សកុម្មុយនីស្តចិន បានជ្រើសតាំងសាជាថ្មីជាអគ្គលេខាធិការ គណបក្សកុម្មុយនីស្តចិន។

សម្តេចតេជោហ៊ុនសែនកំពុងស្ថិតក្នុងខេត្តភាគពាយព្យនៃប្រទេសកម្ពុជាដើម្បីជួយដោះ ស្រាយបញ្ហាដល់ប្រជាពលរដ្ឋរងគ្រោះនឹងជំនន់ទឹកភ្លៀង។ ភាពប្រែប្រួលអាកាសធាតុក្នុង ឆ្នាំ២០២២ បានធ្វើឱ្យកម្ពុជាបានទទួលនូវការធ្លាក់ភ្លៀងច្រើនគួរឱ្យកត់សម្គាល់ ជាពិសេស ខេត្តតាមបណ្តាភាគឧត្តរនិងភាពពាយព្យនៃប្រទេសកម្ពុជា។ សម្តេចតេជោហ៊ុនសែនដែល បានស្ថិតក្នុងខេត្តបាត់ដំបង បានថ្លែងថាក្នុងឆ្នាំ២០២២នេះ ខេត្តចំនួន២០ដែលបានជួបប្រទះ នឹងករណីជំនន់ទឹកភ្លៀង។