គណរដ្ឋមន្ត្រីបានអនុម័តសេចក្តីព្រាងច្បាប់ថវិកាឆ្នាំ២០២៣ដែលមានទំហំជាង៣៩ទ្រីលាន រៀល ឬស្មើនឹងប្រមាណ៩ពាន់៦០០លានដុល្លារអាមេរិក។ ទំហំថវិកាសម្រាប់ឆ្នាំ២០២៣នោះ ត្រូវគេរាយការណ៍ថាមានទំហំកើន១៣ភាគរយបើប្រៀបធៀបនឹងឆ្នាំមុន។ មន្ត្រីរាជរដ្ឋាភិបាល បានថ្លែងថាទំហំចំណាយនេះ គឺស្មើនឹង២៩.៨៧% នៃផលិតផលក្នុងស្រុកសរុបរបស់កម្ពុជា។

សម្តេចតេជោហ៊ុនសែន នឹងអញ្ជើញចូលរួមក្នុងពិធីចែកស្រូវពូជដល់ពលរដ្ឋក្នុងខេត្តកំពង់ធំ វេលាថ្ងៃទី២៩តុលាស្អែកនេះ ដែលជាដំណើរទស្សនកិច្ចបន្តចុះសាកសួរសុខទុក្ខពលរដ្ឋដែល រងគ្រោះដោយសារជំនន់ទឹកភ្លៀង។

ជនសង្ស័យចំនួន០៥នាក់ ដែលជំនាញខាងលួចផ្លាកលេខរថយន្ត, ផលិតក្លែងវីញ៉ែតបង់ពន្ធ ផ្លូវ, ក្លែងវីញ៉ែតត្រួតពិនិត្យបច្ចេកទេសរថយន្ត និងក្លែងវីញ៉ែតពន្ធគយ ត្រូវបានសមត្ថកិច្ច ចាប់ ឃាត់ខ្លួន និងបញ្ជូនទៅតុលាការ។ អប្សរាណិតធ្វើសេចក្តីរាយការណ៍

គណៈកម្មាធិការជាតិរៀបចំការបោះឆ្នោត បានឱ្យដឹងថាចំនួនភ្នាក់ងារគណបក្សនយោបាយ ដែលបានស្នើសុំសង្កេតមើលដំណើរការពិនិត្យបញ្ជីឈ្មោះនិងចុះឈ្មោះបោះឆ្នោតឆ្នាំ២០២២ មានចំនួន៦ពាន់៩៧១នាក់ ក្នុងនោះស្រ្តីមានចំនួន ១ពាន់៤៨៦នាក់។

តួលេខឆ្លងកូវីដ១៩នៅអាស៊ាន មានការធ្លាក់ចុះគួរឱ្យកត់សម្គាល់។ ប្រទេសនៅក្នុង អាស៊ានថ្ងៃនេះ មានតែ ៧ប៉ុណ្ណោះ ដែលមានករណីឆ្លងកូវីដ១៩ ។ ក្នុងចំណោមប្រទេសដែល មានឆ្លងទាំងនោះ ប្រទេឥណ្ឌូនេស៊ីជាប្រទេសដែលមានករណីឆ្លងកូវីដច្រើនជាងគេនៅថ្ងៃនេះ ខណៈកាលពីម្សិលមិញ គឺសឹង្ហបុរីជានោះទេជាប្រទេសដែលមានតួលេខឆ្លងច្រើន ។ អប្សរា ណិត មានសេចក្តីរាយការណ៍

តួលេខឆ្លងកូវីដ១៩របស់កម្ពុជា បានបាត់ទាំងស្រុងរយៈពេល៦ថ្ងៃជាប់គ្នារួចមកហើយក្នុង ចំណាត់ការទប់ស្កាត់ដល់មានប្រសិទ្ធភាពបំផុតរបស់រាជរដ្ឋាភិបាលកម្ពុជា។ សម្តេចតេជោ ហ៊ុនសែន បានមានប្រសាសន៍បញ្ជាក់នៅថ្ងៃទី២៦តុលានេះ ប្រាប់ពលរដ្ឋក្នុងពិធីចែកពួជស្រូវ ដល់ប្រជាកសិកររងគ្រោះនៅក្នុងខេត្តកំពង់ឆ្នាំង។

ជំទប់ទី២ម្នាក់នៃគណបក្សភ្លើងទៀន ក្នុងខេត្តឧត្តរមានជ័យ បាន ចេញសេចក្តីថ្លែងការណ៍ ថ្កោលទោសប្រឆាំងទណ្ឌិតសមរង្ស៊ីដែលប្រមាថព្រះមហាក្សត្រខ្មែរជាទីគោរព សក្ការៈ។

សម្តេចតេជោហ៊ុនសែន បានស្នើឱ្យមេដឹកនាំគណបក្សភ្លើងទៀនធ្វើការពន្យល់បញ្ជាក់តប មកវិញជុំវិញសម្តីសមរង្ស៊ីដែលប្រមាថព្រះមហាក្សត្រ។ គណបក្សភ្លើងទៀននឹងអាចក្លាយជា គណបក្សប្រឈមនឹងការរំលាយថែមទៀតបើសិនជារកឃើញថាបានជាប់ពាកព័ន្ធនឹងទណ្ឌិត សមរង្ស៊ីដែលប្រមាថព្រះមហាក្សត្រ។ អប្សរាណិតរាយការណ៍

រថយន្តមួយគ្រឿងដែលបានដឹកពលករខ្មែរក្នុងទឹកដីថៃ ត្រូវបានក្រឡាប់បណ្តាលឱ្យមាន មនុស្សស្លាប់និងរបួស។ ហេតុការណ៍បានកើតឡើងកាលពីវេលាម៉ោង ៧ និង៥០ នាទីយប់ ថ្ងៃទី២៥ ខែតុលា ឆ្នាំ២០២២ នៅត្រង់ចំណុច បានខ្លងវួ ឃុំខ្លងថាប់ចាន់ថន ស្រុកអារញ្ញប្រាថេត នៃខេត្តស្រះកែវ។

ការពិនិត្យបញ្ជីឈ្មោះ និងការចុះឈ្មោះបោះឆ្នោតថ្មីបានឈានចូលដល់ថ្ងៃទី៦ហើយ ។ សេចក្តីរាយការណ៍បានបង្ហាញថាក្នុងរយៈពេល២៤ម៉ោងចុងក្រោយនេះ ពលរដ្ឋដែលបាន មកចុះបញ្ជីឈ្មោះមានចំនួន១ម៉ឺន៣ពាន់១០២នាក់ ដែលនាំឲ្យ ចំនួនអ្នកមកចុះឈ្មោះក្នុង រយៈពេល៦ថ្ងៃមកនេះ បានកើន ដល់ជាង៩ម៉ឺននាក់ហើយ។ ការពិនិត្យបញ្ជីឈ្មោះ និងការ ចុះឈ្មោះបោះឆ្នោតរយៈពេល៥០ថ្ងៃ បានចាប់ផ្តើម តាំងពីថ្ងៃទី ២០ខែតុលា និងគ្រោងបញ្ចប់ នៅថ្ងៃទី៨ខែធ្នូឆ្នាំ២០២២។