តួលេខមនុស្សឆ្លងច្រើនដោយសារកូវីដ១៩ បានលោតមកប្រទេសសឹង្ហបុរីវិញហើយ។ តួលេខ ឆ្លងរបស់សឹង្ហបុរីរយៈពេលបីថ្ងៃចុងក្រោយនេះ មានចំនួនជិតមួយម៉ឺនករណី។ នៅក្នុងប្រទេស អាស៊ាន រយៈពេល ៧២ម៉ោង ចុង ក្រោយនេះ មានមនុស្សស្លាប់ដោយសារកូវីដ១៩ ចំនួន ២២៩នាក់។ អប្សរាណិតរាយការណ៍

តួលេខឆ្លងថ្មីកូវីដ១៩នៅកម្ពុជា មានចំនួន១០ករណី ក្នុងរយៈពេល ៧២ម៉ោងចុងក្រោយ មកនេះ ។ សេចក្តីរាយការណ៍ក្រសួងសុខាភិបាលបានបង្ហាញថា កាលពីថ្ងៃសៅរ៍មានការ ឆ្លងចំនួន ៤ករណី, ថ្ងៃអាទិត្យមាន ៣ករណី និងនៅថ្ងៃច័ន្ទនេះ មាន៣ករណីផងដែរ ។

អនុប្រធានក្រុមការងាររាជរដ្ឋាភិបាលចុះជួយមូលដ្ឋានខណ្ឌមានជ័យរាជធានីភ្នំពេញ បាន ប្រាប់ ពលរដ្ឋក្នុងមូលដ្ឋានថាការជឿទុកចិត្តលើការដឹកនាំរបស់គណបក្សប្រជាជនកម្ពុជាដឹក នាំរាជ រដ្ឋាភិបាល គឺជាការសម្រេចដ៏ត្រឹមត្រូវនិងឆ្លាតវៃបំផុត។

ដំណើរការពិនិត្យបញ្ជីឈ្មោះនិងការចុះឈ្មោះបោះឆ្នោត បានប្រព្រឹត្តទៅដោយរលូននា ប៉ុន្មានថ្ងៃកន្លងមកនេះ។ យោងតាមមន្ត្រីគជប ក្នុងរយៈ១១ថ្ងៃនៃការពិនិត្យបញ្ជីឈ្មោះ និង ការចុះឈ្មោះបោះឆ្នោតថ្មីឆ្នាំ២០២២នេះ មានពលរដ្ឋបានចូលរួមចំនួនជាង១៥ម៉ឺននាក់ ។

បុណ្យកឋិនទានប្រពៃណីជាតិ បានឈានចូលដល់ថ្ងៃទី២១ហើយ។ នៅសល់តែ៨ថ្ងៃ ទៀត ទេ គិតត្រឹមថ្ងៃច័ន្ទទី៣១តុលានេះ ដែលបុណ្យកឋិនទានសម្រាប់ឆ្នាំ២០២២នេះ នឹងត្រូវ បញ្ចប់ សព្វគ្រប់តាមពេលវេលាកំណត់។ អប្សរាណិតរាយការណ៍ជុំវិញពិធីបុណ្យកឋិនទាន មួយដែលរៀបចំធ្វើក្នុងវត្តបារមីវង្កតបុរី ស្ថិតនៅសង្កាត់ទឹកថ្លា ខណ្ឌសែនសុខ រាជធានីភ្នំពេញ

ជនសង្ស័យពាក់ព័ន្ធនឹងអំពើប្លន់ប្រដាប់អាវុធក្នុងខណ្ឌកំបូល ត្រូវបានសមត្ថកិច្ចបើកបង្ហាញ មុខ ក្រោយការស្រាវជ្រាវនិងតាមចាប់ខ្លួនតែក្នុងរយៈពេលមិនដល់មួយថ្ងៃនោះឡើយ។ ជន សង្ស័យពាក់ព័ន្ធនឹងអំពើប្លន់ប្រដាប់អាវុធដែលសមត្ថកិច្ចបានបង្ក្រាបមានចំនួន៧នាក់។ អប្សរាណិតរាយការណ៍

សម្ភារៈ និងបរិក្ខាសម្រាប់ប្រើប្រាស់ជាច្រើនប្រ ភេទ ត្រូវបានផ្តល់ជួនបញ្ជាការដ្ឋានសឹករង ខេត្តព្រះវិហារនិងខេត្តបន្ទាយមានជ័យ ដើម្បីការរក្សាទុកប្រើប្រាស់ក្នុងអង្គភាពដែលកំពុងការ ពារប្រទេសតាមបណ្តោយព្រំដែនកម្ពុជាថៃ។

និស្សិតជាង៦ពាន់នាក់នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច នឹង ត្រៀមស្តាប់អនុសាសន៍របស់សម្តេចតេជោហ៊ុនសែនវេលាថ្ងៃស្អែកទី១វិច្ឆិកានេះក្នុងពិធីមួយ នៃការប្រគល់សញ្ញាបត្រជួននិស្សិតទាំងឡាយនោះ។ ក្នុងពិធីចែកសញ្ញាបត្រនោះ មានការរំ ពឹងថា សម្តេចនឹងបង្ហាញនូវព័ត៌មានថ្មីៗជាច្រើនទៀតជាមួយនឹងអនុសាសន៍នានាពាក់ព័ន្ធ នឹងស្ថានការណ៍ជាតិនិងអន្តរជាតិ។

សកម្មជនអតីតគណបក្សសង្រ្គោះជាតិជាង២ពាន់នាក់ ក្នុងរាជធានីភ្នំពេញ បានចូលរួមជីវ ភាពនយោបាយជាមួយគណបក្សប្រជាជនកម្ពុជា។ សកម្មជនទាំងជាង២ពាន់ដែលសុទ្ធសឹង ជាកម្មករនិងកម្មការីនីរោងចក្រ បានទទួលជួបសំណេះសំណាលក្នុងពិធីមួយកាលពីរសៀល ថ្ងៃទី៣០តុលាឆ្នាំ ២០២២ជាមួយនឹងប្រធានគណៈកម្មាធិការគណបក្សរាជធានីភ្នំពេញលោក ឃួងស្រេង។

ចំណាត់ការនយោបាយការទូតដ៏ប៉ិនប្រសប់របស់រាជរដ្ឋាភិបាលកម្ពុជា បានធ្វើឱ្យប្រមុខដឹក នាំនៃបណ្តាប្រទេសនានាបានបង្ហាញការពេញចិត្តអញ្ជើញចូលរួមក្នុងកិច្ចប្រជុំកំពូលអាស៊ាន ដែលកម្ពុជានឹងធ្វើជាម្ចាស់ផ្ទះក្នុងខែវិច្ឆិកាឈានមកដល់ខាងមុខនេះ។