សមាជិកអន្តរសភាអាស៊ានអាយប៉ាបានបង្ហាញការព្រួយបារម្ភជុំវិញស្ថានការណ៍ដែល បាននិងកំពុងកើតឡើងក្នុងតំបន់និងលើសកលលោករួមនិងបញ្ហាមួយចំនួនទៀតក្នុងពេល មានកិច្ចប្រជុំទល់ មុខគ្នារវាងស្ថាប័ននីតិបញ្ញត្តិនិងស្ថាប័ននីតិប្រតិបត្តិរបស់ប្រទេស ទាំង ១០ក្នុងអាស៊ាន។

កិច្ចប្រជុំកំពូលអាស៊ាន-ចិន លើកទី២៥ បានប្រព្រឹត្តទៅនៅថ្ងៃទី១១វិច្ឆិកាឆ្នាំ២០២២ ដោយ មានការអញ្ជើញចូលរួមជាអធិបតីដោយនាយករដ្ឋមន្ត្រីចិនលោកលីខឺឈាង និងសម្តេចតេ ជោហ៊ុនសែនប្រធានប្តូរវេនអាស៊ាន ជាសហប្រធាន។ បណ្តាថ្នាក់ដឹកនាំនៃប្រទេសអាស៊ាន ជាសមាជិកទាំងអស់បានអញ្ជើញចូលរួមក្នុងឱកាសនោះ។

ប្រទេសទីម័រខាងកើត ឬ ទីម័រឡេស្តេ ត្រូវបានអនុញ្ញាតក្លាយជាសមាជិកអាស៊ានទី១១ហើយ យោងតាមសេចក្តីថ្លែងការណ៍របស់ប្រទេសអាស៊ាននៅថ្ងៃទី១១វិច្ឆិកាឆ្នាំ២០២២។ នេះជាការ រង់ចាំរយៈពេល១១ឆ្នាំហើយ គិតចាប់តាំងពីប្រទេសទីម័រខាងកើត បានបានដាក់សុំចូលជាស មាជិកអាស៊ានតាំងពីខែមីនាឆ្នាំ២០១១នោះមកមក។

កិច្ចប្រជុំកំពូលអាស៊ានលើកទី៤០-៤១ និងកិច្ចប្រជុំពាក់ព័ន្ធ បានចាប់ផ្តើមនៅថ្ងៃទី១១វិច្ឆិកា នេះហើយក្នុងរាជធានីភ្នំពេញ។ ប្រទេសមីយ៉ាន់ម៉ា មិនបានអញ្ជើញចូលរួមក្នុងកិច្ចប្រជុំកំពូល នេះឡើយ ដោយសារតែមិនអនុវត្តតាមចំណុចកុងសង់ស៊ុសដាក់ចេញដោយមេដឹកនាំ អាស៊ានកាលពីខែមេសាឆ្នាំ២០២១។ អប្សរាណិតរាយការណ៍

ទិវាបុណ្យឯករាជ្យជាតិបានបញ្ចប់នៅថ្ងៃសុក្រទី១១វិច្ឆិកានេះ និងព្រះមហាក្សត្សខ្មែរបាន យាងពន្លត់ទៀនជ័យនៅព្រះវិមានឯករាជ្យ។ ទៀនជ័យដែលបានអុជនិងឆេះជាប់គ្នារយៈពេល ៣ថ្ងៃជាប់គ្នាមកនេះ បានប្រោសព្រះរាជប្រទានដោយព្រះមហាក្សត្រខ្មែរសម្តេចព្រះបរមនាថ នរោត្តមសីហមុនីកាលពីថ្ងៃទី៩វិច្ឆិកាឆ្នាំ២០២២។

ប្រទេសចំនួន ៧ នៅក្នុងអាស៊ានថ្ងៃនេះ បាននៅបន្តរកឃើញតួលេខឆ្លង និងស្លាប់ថ្មីដោយ សារកូវីដ១៩ ខណៈប្រទេស ៣ផ្សេងទៀត មិនមានសេចក្តីរាយការណ៍ពីករណីឆ្លង និងស្លាប់ ថ្មីឡើយ ។ ប្រទេសទាំង ៧ ដែលរកឃើញករណីឆ្លងថ្មីកូវីដ១៩ ក្នុងរយៈពេល ២៤ម៉ោង ចុងក្រោយនេះ រួមមាន ៖ ប្រទេសឥណ្ឌូនេស៊ី, ហ្វីលីពីន, ម៉ាឡេស៊ី, វៀតណាម, មីយ៉ាន់ម៉ា, សឹង្ហបុរី នឹងប្រទេសឡាវ ។

កម្ពុជាមិនមានករណីឆ្លងឡើយ ក្នុងរយៈពេល២៤ម៉ោងនេះ។ ការមិនឆ្លងនេះ មានរយៈ ពេល ៥ថ្ងៃ ជាប់គ្នាមកហើយ ជាពិសេសក្នុងពេលដែលកម្ពុជាកំពុងរៀបចំកិច្ចប្រជុំកំពូល អាស៊ាន និងកិច្ចប្រជុំពាក់ព័ន្ធក្នុងរាជធានីភ្នំពេញ។

សិស្សស្រី៤នាក់នសសាលាបឋមសិក្សាមួយកន្លែងក្នុងស្រុកទឹកផុស ខេត្តកំពង់ឆ្នាំង បានរងនឹងជម្ងឺដែលគេមិនស្គាល់ ដោយមានអាការៈទន់ដៃនិងរវើរវាយ។ ហេតុការណ៍កើតឡើងលើ សិស្សសាលានេះ គឺនៅថ្ងៃទី១០វិច្ឆិកាឆ្នាំ២០២២ ក្នុងពេលដែលសិស្សស្រីទាំង៤នាក់កំពុង ស្ថិតក្នុងបន្ទប់រៀននៅសាលាបឋមសិក្សាក្រាំងស្គា នៃឃុំក្រាំងស្គា។

បញ្ជាការដ្ឋានតំបន់ប្រតិបត្តិការសឹករងកំពង់ឆ្នាំងបានចុះហត្ថលេខាជាមួយនឹងក្រុមការងារ ទាហានវៀតណាមលើកិច្ចសហការបន្តស្រាវជ្រាវរុករកជីកលើកនឹងធ្វើមាតុភូមិនិវត្តន៍អដ្ឋិធាតុ របស់កងទ័ពស្ម័គ្រចិត្តនិងជំនាញការវៀតណាម ដែលបានបាត់បង់ជីវិតក្នុងសង្គ្រាមអតីតកាល លើទឹកដីកម្ពុជា។ ការចុះហត្ថលេខាដើម្បីបន្តរកអដ្ឋិធាតុទាហានវៀតណាម នេះបានធ្វើឡើង នៅថ្ងៃទី១០វិច្ឆិកាឆ្នាំ២០២២។ អប្សរាណិតរាយការណ៍