បណ្ឌិត ហ៊ុន ម៉ាណែត បានអញ្ជើញចូលរួមសម្ពោធរោងចក្រ ផលិតកេសកាតុង (អូជី) OJI Holding Group នៅថ្ងៃទី១៤ វិច្ឆិកា ឆ្នាំ២០២២ ដោយបានលើកឡើងនូវសុទិដ្ឋិនិយមចំពោះអនាគត នៃប្រទេសកម្ពុជាដែលតែងទទួលបាននូវការរួមចំណែកការបណ្តាក់ទុននៃក្រុមហ៊ុនបរទេសនានា។ បណ្ឌិត ហ៊ុន ម៉ាណែត បានសង្កត់ធ្ងន់លើកត្តាសុខសន្តិភាព សន្តិសុខ សុវត្ថិភាព និងប្រសិទ្ធភាពនៃការគ្រប់គ្រងជំងឺកូវីដ-១៩ ផងទៀត ដែលជាកត្តាគន្លឹះនៃការអូសទាញបរទេស ដើម្បីការបណ្តាក់ទុន។ អប្សរាណិតរាយការណ៍

កិច្ចប្រជុំកំពូលអាស៊ានលើកទី៤០និង៤១ និងកិច្ចប្រជុំពាក់ព័ន្ធរវាងពីថ្ងៃទី៨ដល់១៣វិច្ឆិកា ប្រព្រឹត្តទៅនៅលើទឹកដីនៃប្រទេសកម្ពុជា បានបញ្ចប់ទៅយ៉ាងជោគជ័យ។ ក្រោមមូលបទ «អាស៊ានរួមគ្នាធ្វើ៖ ដោះស្រាយបញ្ហាប្រឈមទាំងអស់គ្នា» បានធ្វើឱ្យកម្ពុជា ដែលជាប្រធានអាស៊ានសម្រេចបាននូវសមិទ្ធផលមួយចំនួនគួរឲ្យកត់សម្គាល់។ អប្សរាណិតមានបទវិចារណកថាមួយថ្ងៃនេះក្រោមចំណងជើងថា « ជោគជ័យនៃកិច្ចប្រជុំ កំពូលអាស៊ានកាន់តែលើកកម្ពស់កិត្យានុភាពនិងឧត្តមភាពកម្ពុជាលើឆាកអន្តរជាតិ»

កីឡារាំកម្ពុជាបានឈ្នះមេដាយសរុប ១៧គ្រឿង ក្នុងនោះរួមមានមេដាយមាស៤គ្រឿងក្នុង ព្រឹត្តិការណ៍រាំជ្រើសរើសជើងឯកពិភពលោក។ ព្រឹត្តិការណ៍រាំជ្រើសរើសជើងឯកពិភពលោក WDSF Superstar Championship 2022 នៅក្រុងហូជីមិញ បានប្រព្រឹត្តទៅរវាងពីថ្ងៃទី ១១ ដល់១៣វិច្ឆិកាឆ្នាំ២០២២។

ក្រដាសប្រាក់២ពាន់រៀល និង២០០រៀល គំរូថ្មីត្រូវបានរាជរដ្ឋាភិបាលកម្ពុជាបានអនុញ្ញាតឲ្យចរាចរជាផ្លូវការចាប់ពីថ្ងៃទី១៤វិច្ឆិកានេះទៅ។

ប្រទេសចំនួន ៦ នៅក្នុងអាស៊ានថ្ងៃនេះ បាននៅបន្តរកឃើញតួលេខឆ្លង និងស្លាប់ថ្មីដោយ សារកូវីដ១៩ ខណៈប្រទេស ៤ផ្សេងទៀត មិនមានសេចក្តីរាយការណ៍ពីករណីឆ្លង និងស្លាប់ ថ្មីឡើយ ។

កម្ពុជាមិនមានករណីឆ្លងឡើយ ក្នុងរយៈពេល២៤ម៉ោងនេះ។ ការមិនមានករណីឆ្លងថ្មីនេះ មានរយៈពេល ៦ថ្ងៃ ជាប់គ្នាមកហើយ ជាពិសេសក្នុងពេលដែលកម្ពុជាកំពុងរៀបចំកិច្ចប្រជុំ កំពូលអាស៊ាន និងកិច្ចប្រជុំពាក់ព័ន្ធក្នុងរាជធានីភ្នំពេញ។

ការពិនិត្យនិងចុះឈ្មោះក្នុងបញ្ជីបោះឆ្នោតថ្មីនៅសល់តែរយៈ២៩ថ្ងៃទៀតនោះទេ។ គណៈកម្មា ធិការជាតិ រៀបចំការបោះឆ្នោតបានអំពាវនាវពលរដ្ឋដែលមិនទាន់បានចុះឈ្មោះក្នុងបញ្ជីថ្មី ត្រូវប្រញាប់ រួសរាន់។សេចក្តីរាយការណ៍បានបង្ហាញថាក្នុងរយៈពេល២៤ម៉ោងចុងក្រោយ នេះពលរដ្ឋដែលបានមកពិនិត្យនិងចុះបញ្ជីឈ្មោះមានចំនួន ១ម៉ឺន៦ពាន់៣២នាក់ ដែលនាំឲ្យ ចំនួនអ្នកមកចុះឈ្មោះក្នុង រយៈពេល២១ថ្ងៃបន្តបន្ទាប់ជាប់គ្នាមកនេះ បានកើន ដល់ជាង៣១ ម៉ឺននាក់ ។

កម្ពុជា-សឹង្ហបុរី បានចុះហត្ថលេខាលើគម្រោងនាំចេញថាមពល១ពាន់មេហ្កាវ៉ាត់ពីកម្ពុជា។ ការចុះហត្ថលេខាលើកិច្ចព្រមព្រៀងនោះ បានធ្វើនៅថ្ងៃទី១១វិច្ឆិកា ដោយឧបនាយករដ្ឋមន្រ្តី លោកអូនព័ន្ធមុនីរ័ត្ន ដែលជា រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ ជាមួយនឹងរដ្ឋមន្ត្រីការបរ ទេសសឹង្ហបុរី លោកវីវៀន បាឡាគ្រីស៊្ហីណាន់ Vivian Balakrishnan ក្នុងអំឡុងពេលនៃកិច្ចប្រ ជុំកំពូលធុរកិច្ចនិងវិនិយោគអាស៊ាន ឆ្នាំ២០២២។

ប្រទេសអាស៊ានបានចេញសេចក្តីសម្រេចចិត្តមួយរបស់ខ្លួនស្តីពីមីយ៉ាន់ម៉ានៅថ្ងៃទី ១១វិច្ឆិ កាឆ្នាំ២០២២ដោយការមិនបោះបង់ចោលប្រទេសមីយ៉ាន់ម៉ាឡើយ។ សេចក្តីសម្រេចចិត្តមួយ របស់អាស៊ានក្នុងកិច្ចប្រជុំកំពូលក្នុងរាជធានីភ្នំពេញថ្ងៃទី១១វិច្ឆិកា បានសរសេរថា «អាស៊ាន ប្ដេជ្ញាចិត្តជួយ មីយ៉ាន់ម៉ាក្នុងការស្វែងរកដំណោះស្រាយដោយសន្តិវិធី និងយូរអង្វែង សម្រាប់ វិបត្តិបច្ចុប្បន្ន»។ អប្សរាណិតរាយការណ៍