កម្ពុជាដែលជាប្រធានអាស៊ានបានអបអរសាទរចំពោះសកម្មភាពដោះលែងអ្នកទោសមីយ៉ាន់ម៉ាមួយចំនួនធំ និងបានចាត់ទុកថាជាការវិវត្តន៍វិជ្ជមាន។

អាជ្ញាធរអាមេរិកបានចាប់ខ្លួនមន្ត្រីក្រសួងកសិកម្មខ្មែរ២រូប និងមនុស្ស៦នាក់ផ្សេងទៀត ដោយចោទថាបានរត់ពន្ធនាំយកស្វាព្រៃកន្ទុយវែង ឬសត្វស្វាក្តាម ចូលក្នុងទឹកដីអាមេរិក។

បណ្ឌិត ហ៊ុន ម៉ាណែត បានប្តេជ្ញាប្រែក្លាយ «ដីមីន» ទៅជា «ដីមាស» ដែលការប្តេជ្ញានេះ បានធ្វើឡើងខណៈដែលមានសប្បុរសជននានាបន្តផ្តល់ថវិកាគាំទ្រ «គម្រោងសម្តេចតេជោសម្រាប់សកម្មភាពមីន»។

ប្រធានរដ្ឋសភា នៃសាធារណរដ្ឋសង្គមនិយមវៀតណាមលោក វឿង ឌីញហ្វេ (VUONG DINH HUE) គ្រោងនឹងដឹកនាំគណៈប្រតិភូជាន់ខ្ពស់រដ្ឋសភាវៀតណាម មកបំពេញទស្សនកិច្ចជាផ្លូវការ និងមិត្តភាព នៅព្រះរាជាណាចក្រកម្ពុជា រវាងពីថ្ងៃទី១៩វិច្ឆិកានេះ ដល់ថ្ងៃទី២៣ វិច្ឆិកា ឆ្នាំ២០២២។

ព្រះបរមរាជវាំងដែលបានបិទការទទួលភ្ញៀវទេសចរប្រមាណជិត៣ឆ្នាំដោយការបារម្ភឆ្លង រាលដាលជម្ងឺកូវីដ-១៩ នឹងចាប់បើកសាឡើងវិញចាប់ពីដើមខែក្រោយនេះទៅ។

ការឆ្លងកូវីដ១៩នៅក្នុងប្រទេសអាស៊ានទាំង១០ ក្នុងរយៈពេល២៤ម៉ោងមកនេះ មានតែ ៨ប្រទេសទេ។ ប្រទេសទាំង៨ ដែលរកឃើញករណីឆ្លងថ្មីកូវីដ១៩ រួមមានប្រទេស ឥណ្ឌូនេស៊ី, ម៉ាឡេស៊ី, វៀតណាម, មីយ៉ាន់ម៉ា, សឹង្ហបុរី, ហ្វីលីពីន, ឡាវ និងប្រទេសកម្ពុជា ។

កម្ពុជាមានការឆ្លងថ្មីកូវីដ១៩ថ្ងៃនេះចំនួន ៣ករណី ដែលជាតួលេខឆ្លងថយចុះជាងម្សិលមិញ ចំនួន ១ករណី ។ ការឆ្លង ៣ករណី រយៈពេល២៤ម៉ោងកន្លងមកនេះ គឺជាការឆ្លងក្នុងសហគមន៍ ។

អំណាចសាលដីកាតុលាការកំពូលរយៈពេល៥ឆ្នាំដែលផ្អាកសកម្មភាពការធ្វើនយោបាយ របស់ថ្នាក់ដឹកនាំក្រុមប្រឆាំងចំនួន១១៨រូប ត្រូវគេរាយការណ៍ថាបានផុតសុពលភាពហើយ។ គួររំលឹកថាកាលពីថ្ងៃទី១៦ ខែវិច្ឆិកាឆ្នាំ២០១៧ តុលាការកំពូលបានសម្រេចរំលាយគណបក្ស សង្គ្រោះជាតិដែលពាក់ ព័ន្ធនឹងបទល្មើសក្បត់ជាតិ និងតុលាការបានផ្អាកសកម្មភាពនយោបាយរបស់បុគ្គលថ្នាក់ដឹកនាំគណបក្សសង្គ្រោះជាតិចំនួន១១៨រូប។

ដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោតបានឈានចូលដល់ថ្ងៃទី២៧ហើយ និងមានពលរដ្ឋមកចុះឈ្មោះថ្មីជាង៣៩ម៉ឺននាក់ គិតត្រឹមសប្តាហ៍ទី២នៃវិច្ឆិកានេះ។ សេចក្តីរាយការណ៍របស់គជបបានបង្ហាញថា ក្នុងរយៈពេល២៤ម៉ោងចុងក្រោយ នេះ ពលរដ្ឋដែលបានមកចុះបញ្ជីឈ្មោះមានចំនួន ១ម៉ឺន៩៧២នាក់។

អាជ្ញាធរបានពង្រាយកម្លាំងចម្រុះជាង២ពាន់នាក់នៅក្នុងខេត្តសៀមរាប ដើម្បីការកិច្ចប្រជុំរដ្ឋមន្រ្តីក្រសួងការពារជាតិអាស៊ាន និងកិច្ចប្រជុំពាក់ព័ន្ធដែលនឹងប្រព្រឹត្តទៅសប្តាហ៍ក្រោយ។