កម្ពុជានិងវៀតណាមបានពិភាក្សាគ្នាលើការតភ្ជាប់ផ្លូវហាយវ៉េអាស៊ាន ក្នុងឳកាសដែលកម្ពុជា កំពុងតែជម្រុញបង្កើនលើវិស័យទេសចរណ៍។ អប្សរាណិតធ្វើសេចក្តីរាយការណ៍

កម្ពុជាបានកំណត់ទិសដៅបង្កើនចំនួនទេសចរណ៍ ក្នុងនោះនឹងគ្រោងឱ្យមាន ទេសចរវៀត ណាមចំនួន៧០ម៉ឺននាក់នៅឆ្នាំ២០២៣ និងរហូតដល់ឆ្នាំ២០២៤ នឹងកើនដល់ ចំនួន១លាន នាក់។

ស្ថាប័នរដ្ឋសភាត្រៀមនឹងបើកកិច្ចប្រជុំពេញអង្គនៅថ្ងៃសុក្រស្អែកនេះហើយ ដើម្បីធ្វើការបោះ ឆ្នោតផ្តល់សេចក្តីទុកចិត្តដល់យុវជននៃទំពាំងស្នងឫស្សីថ្មីមួយរូបគឺលោកឌិត ទីណា ក្នុងការ ក្លាយជារដ្ឋមន្ត្រីនៃក្រសួងកសិកម្ម រុក្ខាប្រមាញ់និងនេសាទ។

កម្ពុជាបានចូលរួមជាមួយនឹងពិភពលោកក្នុងការបោះឆ្នោតគាំទ្រក្នុងអង្គការសហប្រជាជាតិ ថ្កោលទោសរុស្ស៊ីដែលបានធ្វើប្រជាមតិតំបន់៤ភាគកើតអ៊ុយក្រែនជាតំបន់រណបរបស់ខ្លួន។

កិច្ចប្រជុំក្រុមប្រឹក្សាសហគមន៍សង្គម-វប្បធម៌អាស៊ានលើកទី២៨ បានបញ្ចប់ទៅ នារសៀលថ្ងៃដដែលនេះ ជាមួយនឹងសេចក្តីប្រកាសព័ត៌មានមួយស្តីពីលទ្ធផល។ សេចក្តីប្រ កាសព័ត៌មាន២ទំព័រ បានសរសេរថាអង្គប្រជុំបានឯកភាពលើរបាយការណ៍វាយតម្លៃរបស់ សហគមន៍សង្គម-វប្បធម៌អាស៊ាន ដែលត្រូវបានរៀបចំឡើងបន្ទាប់ពីបេសកកម្មស្វែងរកការ ពិតដែលបានធ្វើឡើងក្នុងខែកក្កដាឆ្នាំ២០២២ស្តីពីសំណើបេក្ខភារបស់ប្រទេសទីម័រខាងកើត ចូលជាសមាជិកអាស៊ាន។

កិច្ចប្រជុំក្រុមប្រឹក្សាសហគមន៍សង្គម-វប្បធម៌អាស៊ានលើកទី២៨ ដែលកម្ពុជាធ្វើជាម្ចាស់ផ្ទះ បានប្រព្រឹត្តទៅនៅថ្ងៃទី១៣តុលា ដោយមានការចូលរួមពីបណ្តារដ្ឋមន្ត្រីពាក់ព័ន្ធអាស៊ាន, អគ្គលេខាធិការ អាស៊ាននិងមន្ត្រីជាតិនិងអន្តរជាតិនានាទាំងឡាយ។ សម្តេចនាយករដ្ឋមន្ត្រី ហ៊ុនសែន ដែលជាប្រធានអាស៊ានឆ្នាំ២០២២ បានអញ្ជើញជាអធិបតីក្នុងពិធីបើកនៃកិច្ចប្រជុំ នេះ។ អប្សរាណិតធ្វើសេចក្តីរាយការណ៍

តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ២៤ម៉ោងចុងក្រោយនេះ បានកើនឡើង ៣ករណី បើប្រៀបធៀបនឹងម្សិលមិញ ។ តួលេខឆ្លងនៅថ្ងៃនេះ មានចំនួន ៤ករណី ដែលជាការឆ្លង នៅក្នុងសហគមន៍ទាំងអស់ ។

កម្ពុជាទទួលបានប្រាក់ជាង ១៤លានដុល្លារទេជុំវិញការលក់ប្រេងឆៅជិត៣០ម៉ឺនធុង ខណៈមុននេះមានការរំពឹងថាអាចទទួលបានដល់២០លានដុល្លារឯនោះ។ រដ្ឋលេខាធិការ ក្រសួងរ៉ែនិងថាមពលលោក ម៉េង សក្តិធារ៉ា បានបញ្ជាក់នូវការលក់ប្រេងឆៅចំនួន២៩ម៉ឺន ធុងតម្លៃជាង១៤លានដុល្លារនេះ តាមរយៈសំណេរមួយក្នុងហ្វេសប៊ុកថ្ងៃទី១២តុលានេះ។

សមត្ថកិច្ចកម្ពុជាទទួលបានបណ្តឹងថ្មី ៨ទៀត ដែលស្នើឱ្យជួយសង្គ្រោះជនបរទេស៥៧ នាក់ក្នុងរយ:ពេល២៤ម៉ោងកន្លងមកនេះ។ អ្នកនាំពាក្យក្រសួងមហាផ្ទៃនាយឧត្តមសេនីយ៍ ខៀវ សុភ័គបានឲ្យដឹងនៅថ្ងៃទី១២តុលានេះថាសំណើទាំង៨ករណីនេះរួមមានស្នើឱ្យសង្រ្គោះ ជនជាតិខ្មែរ ១នាក់, វៀតណាម ៣២នាក់, ចិន០២នាក់ ឥណ្ឌូនេស៊ី ២១នាក់ និងហ្វីលីពីន ១នាក់។