សម្តេចតេជោ ហ៊ុន សែន បានថ្លែងនៅថ្ងៃទី១១តុលាថាអតីតរដ្ឋមន្ត្រីក្រសួងកសិកម្មលោក វេងសាខុន ត្រូវបានស្នើឱ្យតែងតាំងជារដ្ឋមន្ត្រីប្រតិភូអមនាយករដ្ឋមន្ត្រី។

ឧក្រិដ្ឋជនសង្ស័យជាតិចិនម្នាក់ ពាក់ព័ន្ធនឹងករណីបង្ខាំងនិងការជួញដូរមនុស្ស ត្រូវបាន កម្លាំងកងអាវុធហត្ថរាជធានីភ្នំពេញ បានបញ្ជូនទៅតុលាការនៅថ្ងៃទី១១តុលាឆ្នាំ២០២២។ បុរសជនសង្ស័យឈ្មោះ អ៊ីផឹង អាយុ២៤ឆ្នាំ ត្រូវបានចាប់ខ្លួនកាលពីថ្ងៃទី៧តុលា ក្រោយ សកម្មភាពសង្ស័យចាប់បង្ខាំងមនុស្សដោយខុសច្បាប់ និងជំរិតទារប្រាក់ ជាង១០ម៉ឺនដុល្លារ។

សម្តេចតេជោ ហ៊ុន សែន បានស្នើដល់ក្រសួងអប់រំ ដើម្បីរកការបំពេញចន្លោះប្រហោងមួយ ដើម្បីការជួយកុមារបាន រៀនសូត្រខណៈឳពុកម្តាយរបស់ខ្លួនបានធ្វើចំណាកស្រុកដើម្បីការ បំពេញការងារ។

សម្តេចនាយករដ្ឋមន្ត្រីបានថ្លែងអំណរគុណដល់តុលាការបារាំងក្នុងការរកយុត្តិធម៌ជួនសម្តេច តេជោហ៊ុនសែន ពាក់ព័ន្ធនឹងសម្តីបរិហារកេរ្តិ៍។

ប្រទេសសឹង្ហបុរី គឺជាប្រទេសដែលមានការឆ្លងច្រើនជាងគេបំផុត ក្នុងអាស៊ាននារយៈពេល ៧២ម៉ោងចុងក្រោយនេះបើទោះបីជាប្រទេសខ្លះ មិនមានសេចក្តីរាយការណ៍អំពីការឆ្លងកូវីដ ១៩ក៏ដោយ។ ក្នុងរយៈពេល ៣ថ្ងៃមកនេះ មានប្រទេសតែ ៨ប៉ុណ្ណោះ នៅអាស៊ាន ដែលមានករណីឆ្លងនិងស្លាប់ថ្មី។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុង រយៈពេល ៧២ម៉ោងចុងក្រោយ

តួលេខឆ្លងថ្មីនៃជម្ងឺកូវីដ១៩ ក្នុងរយៈពេល៧២ម៉ោងចុងក្រោយនេះ នៅកម្ពុជាមានការកើនឡើង ៨ករណី បើប្រៀបធៀបនឹងសប្តាហ៍មុន ។ តួលេខឆ្លង ក្នុងរយៈពេល ៣ថ្ងៃមកនេះ មាន២៤នាក់ ដែលជាការឆ្លងនៅក្នុងសហគមន៍ទាំងអស់។ សេចក្តីរាយការណ៍បង្ហាញថាការ ឆ្លងថ្ងៃច័ន្ទនេះមានចំនួន៩នាក់, ចំណែកការឆ្លងកាលពីថ្ងៃអាទិត្យមាន៦នាក់ និងកាលពីថ្ងៃសៅរ៍មានចំនួន៩នាក់។

គ្រឿងញៀនជាង១គីឡូក្រាមរួមនឹងបុរសសង្ស័យជាតិចិនម្នាក់ត្រូវបានសមត្ថកិច្ចបង្ក្រាប ក្នុងអំពើជួញដូរគ្រឿងញៀនឆ្លងដែន។

សម្តេចតេជោ ហ៊ុន សែន បានថ្លែងថាការព្យាយាមចង់បន្ទុចបង្អាក់របស់ក្រុមធ្វើនយោបាយ ប្រឆាំងដោយមិនចង់ឱ្យកូនប្រុសរបស់សម្តេចធ្វើនយោបាយនោះ នឹងមិនបានសម្រេចដូច តាមបំណងរបស់ក្រុមប្រឆាំងឡើយ។

កម្ពុជាបាននាំចេញទាំងស្រូវ និងអង្កររួមគ្នា ទទួលបានចំណូលជិត ៨៥០លានដុល្លារ ក្នុងរយៈពេល៩ខែ ឆ្នាំនេះ។ យោងតាមរបាយការណ៍របស់សហព័ន្ធស្រូវអង្ករកម្ពុជា, ការនាំអង្ករ តែមួយមុខក្នុងរយៈពេល៣ត្រីមាស មានចំនួន៤៤ម៉ឺន៩ពាន់៣២៥ តោន ដែលគិតជាទឹក ប្រាក់មានចំនួន២៨៦លាននិង៩០ម៉ឺនដុល្លារអាមេរិក។ ចំណែកការនាំចេញស្រូវ បានចំនួន ២លាន៣៥ម៉ឺន៧ពាន់៦៧៤តោន តម្លៃប្រមាណ៥៦៣លាននិង៥៤ម៉ឺនដុល្លារអាមេរិក។

សម្តេចតេជោ ហ៊ុន សែន បានវាយតម្លៃខ្ពស់ចំពោះចលនាកាយរឹទ្ធិកម្ពុជាដែលបានជម្រុញចលនារបស់ខ្លួនមានការរីកចំរើនដូចតាមបណ្តាប្រទេសនានាលើសកលលោក។