ប្រទេសសឹង្ហបុរី គឺជាប្រទេសដែលមានតួលេខឆ្លងកូវីដ១៩ច្រើនជាងគេដដែលក្នុងរយៈពេល ២៤ម៉ោងកន្លងមកនេះ។ នៅថ្ងៃនេះមានប្រទេសចំនួន នៅអាស៊ាន ដែលមាន ករណី ឆ្លង និងស្លាប់ថ្មី។ អប្សរាណិតរាយការណ៍ជុំវិញការឆ្លងក្នុងប្រទេសអាស៊ាន ក្នុង រយៈ ពេល ២៤ ម៉ោងចុងក្រោយ

តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ២៤ម៉ោងចុងក្រោយនេះ នៅកម្ពុជា មានការកើន ឡើងចំនួន ៥នាក់ បើប្រៀបធៀបនឹងម្សិលមិញ ។ តួលេខឆ្លងក្នុងរយៈពេល ២៤ម៉ោង មកនេះ មាន ៧នាក់ ដែលជាការឆ្លងនៅក្នុងសហគមន៍ទាំងអស់។

ទណ្ឌិត ៦៨៣នាក់ ត្រូវបានស្ថិតក្នុងបញ្ជីសុំបន្ធូរបន្ថយទោស និងលើកលែងទោស ក្នុង ឱកាសពិធីបុណ្យអុំទូក និងពិធីបុណ្យឯករាជ្យជាតិ។ រដ្ឋលេខាធិការ ក្រសួងយុត្តិធម៌លោក គឹម សន្តិភាព បានថ្លែងប្រាប់បណ្តាញសារព័ត៌មានជុំវិញកិច្ចប្រជុំថ្ងៃនេះពាក់ព័ន្ធនឹងសំណើ សុំបន្ធូរបន្ថយទោស និងលើកលែងទោសនោះ។

មនុស្ស៦នាក់បានស្លាប់និងរងរបួសធ្ងន់ ក្នុងហេតុការណ៍គ្រោះធម្មជាតិរន្ទះបាញ់នៅ ខេត្ត ស្វាយរៀង។ ហេតុការណ៍នោះបានកើតឡើងកាលពីថ្ងៃទី៥ខែតុលា ឆ្នាំ២០២២ ស្ថិតនៅភូមិ រោទ៍ ឃុំញរ ស្រុកកំពង់រោទ៍ ខេត្តស្វាយរៀង។

សម្តេចនាយករដ្ឋមន្ត្រីបានថ្លែងរំពឹងថាបន្ទុកនៃការជួយឧបត្ថម្ភរបស់រាជរដ្ឋាភិបាលចំពោះ ពលរដ្ឋក្រីក្រនិងងាយរងគ្រោះដោយសារវិបត្តិកូវីដ១៩ នឹងត្រូវបន្តយ៉ាងហោចប្រមាណជាង ១ឆ្នាំ ទៅមុខទៀតបើទោះបីជាស្ថានការណ៍កូវីដ១៩ក្នុងប្រទេសមានភាពធូរស្រាលខ្លះ ក៏ ដោយ។

កម្ពស់ទឹកទន្លេក្នុងខេត្តកំពង់ឆ្នាំង បានបន្តកើនឡើង និងសេចក្តីរាយការណ៍ថ្ងៃទី៦តុលានេះ បានឱ្យដឹងថាទឹកបានប៉ះពាល់ពលរដ្ឋចំនួន៣៣៧គ្រួសារ។ យោងតាមរដ្ឋបាលខេត្ត ស្រុក ចំនួន២ដែលបង្កការប៉ះពាល់ដល់ពលរដ្ឋគឺស្រុកកំពង់លែង និងស្រុកបរិបូណ៍ ។

កម្ពស់ទឹកក្នុងស្ទឹងពោធិ៍សាត់ បានកើនឡើងលើសកម្រិតប្រកាសអាសន្ន។ មន្ទីរធនធានទឹក និងឧតុនិយមខេត្ត បានដាស់តឿនប្រជាពលរដ្ឋត្រូវបង្កើនការប្រុងប្រយ័ត្នខ្ពស់ចំពោះទឹកដែល បានកើនឡើងជាបន្តបន្ទាប់ទៀតនេះ។

រដ្ឋបាលខេត្តកំពង់ធំ ជូនដំណឹងដល់ពលរដ្ឋទាំងអស់ដែលរស់នៅតាមដងស្ទឹងសែន ត្រូវ បង្កើនការប្រុង ប្រយ័ត្នខ្ពស់ ចំពោះទឹកជំនន់ទឹកភ្លៀង ខណៈកម្ពស់ទឹកបានឡើងលើសកម្រិត ប្រកាសអាន្នខ្ពស់។

ប្រជាពលរដ្ឋរងគ្រោះដោយជំនន់ទឹកភ្លៀង នៅខេត្តព្រះវិហារ ទទួលបាន អំណោយ សង្គ្រោះ បន្ទាន់ពីរដ្ឋាភិបាល ខណៈដែលជំនន់ទឹកភ្លៀងនៅមិនទាន់បានស្រាកស្រាននៅឡើយទេក្នុង ខេត្តភាគឧត្តរប្រទេសនោះ។ ការចែកជូនអំណោយនេះបានធ្វើនៅក្នុងសង្កាត់ ប៉ាលហាល នៃក្រុងព្រះវិហារ ។ យោងតាមរបាយការណ៍របស់ មន្ទីរកសិកម្ម មានពលរដ្ឋចំនួនជិត២ពាន់ គ្រួសារហើយដែលបានរងគ្រោះដោយសារគ្រោះទឹកជំនន់នេះ។ អប្សរាណិតរាយការណ៍

សវនាការកាត់ទោសសមរង្ស៊ីនិងបក្ខពួកលើសំណុំរឿង «រូមគំនិតក្បត់» កើតឡើងក្នុងអំឡុង ឆ្នាំ ២០២០ ត្រូវបានលើកយកមកធ្វើសវនាការថ្ងៃនេះ។ ប៉ុន្តែសវនាការនឹងត្រូវលើកបន្តដល់ថ្ងៃទី ១៣តុលាសប្តាហ៍ក្រោយ។