លោក ខឹម វាសនា បានបន្តនិយាយបន្លាចដល់ពលរដ្ឋ ខណៈដែលមនុស្សជាច្រើន បានចាកចេញពីទីទួលចំការរបស់លោកស្ទើរជិតអស់ទៅហើយ។ លោក ខឹម វាសនា បានសរសេរក្នុង បណ្តាញសង្គម និងបានបង្ហោះនៅថ្ងៃទី៦កញ្ញាថា «ថ្ងៃអវសាននៃភពផែនដីនឹងមកដល់ឆាប់ៗនេះហើយ ចាំមើលសភាពទឹកលិច រញ្ជួយដី និងខ្យល់ ព្យុះជុំវិញពិភពលោក តើមានថ្ងៃណាថយចុះទេ? គឺអត់ដាច់ខាត ទាល់តែរលាយលោក។» កញ្ញា គង់ ចាន់ស្រីដែន ធ្វើសេចក្ដីរាយការណ៍

បុរសម្នាក់ដែលបានបន្លំខ្លួនជាប្អូនជីដូនមួយរបស់សម្តេចតេជោ បានរងការព្រមានត្រូវ បញ្ឈប់នូវអំពើក្លែងបន្លំនោះ។ សម្តេចតេជោ ហ៊ុន សែន បានមានប្រសាសន៍ថា សម្តេចមានប្អូនជីដូនមួយម្នាក់ឈ្មោះ ហ៊ុន វិបុល ប៉ុន្តែប្អូនប្រុសជីដូនមួយនោះ ត្រូវបានប៉ុលពតសម្លាប់តាំងពី៤៤ឆ្នាំមុនមកម្ល៉េះ។

ក្រសួងធនធានទឹក និងឧតុនិយម បានដាសតឿនដល់ពលរដ្ឋទាំងអស់ត្រូវបង្កើន ការប្រុងប្រយ័ត្នខ្ពស់ ខណៈកម្ពុជាបានទទួលរងនូវឥទ្ធិពលពីប្រព័ន្ធសម្ពាធទាប (IICZ) អូសបន្លាយ នៅលើភាគខាងជើង ប្រទេសថៃ ឡាវ និងវៀតណាម ។ នៅថ្ងៃទី ៥កញ្ញានេះ ប្រព័ន្ធសម្ពាធ ទាប រួមជាមួយនឹងសម្ពាធទាប នឹងរំកិលចុះមកក្រោម អូសបន្លាយនឹងគ្របដណ្តប់មកលើ ប្រទេសកម្ពុជា ។

ប្រទេសឥណ្ឌូណេស៊ី គឺជាប្រទេសដែលមានការឆ្លងច្រើនជាងគេបំផុតក្នុងអាស៊ាន នារយៈ ពេល៧២ម៉ោងចុងក្រោយនេះ។ ក្នុងរយៈពេល ៣ថ្ងៃមកនេះ ប្រទេសអាស៊ាន មានការឆ្លង ចំនួន ៣ម៉ឺន ៨ពាន់ ៣០៨ករណី និងការស្លាប់ថ្មីមានចំនួន ២៩៨នាក់ ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ៧២ម៉ោងចុងក្រោយ

តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ៧២ម៉ោងចុងក្រោយនេះ មានតួលេខ ថយចុះ បើប្រៀបធៀបនឹងសប្តាហ៍មុន ។ កាលពីថ្ងៃសៅរ៍ តួលេខឆ្លងមាន ១៣នាក់, នៅថ្ងៃអាទិត្យ ១១នាក់ និងនៅថ្ងៃច័ន្ទនេះមានចំនួន ៧នាក់ នាំឲ្យតួលេខសរុបស្មើនឹង ៣១នាក់ ដែលថយចុះ ពាក់កណ្តាល បើប្រៀបធៀបនឹងសប្តាហ៍មុន ។ កម្ពុជាក្នុងរយៈពេល ៦៩ថ្ងៃ ដែលបានរក ឃើញការឆ្លងសាជាថ្មីនេះ មានអ្នកឆ្លងសរុបចំនួន ១ពាន់ ២១២នាក់ ហើយ។

សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) បានប្រកាសបញ្ចូលសមាជិកថ្មី ចំនួនជាង៨០០នាក់បន្ថែម ដែលនាំឱ្យសមាជិកសរុបបានកើតដល់ប្រមាណជិត៩ពាន់នាក់ ហើយ។ ការប្រកាសបញ្ចូលសមាជិកថ្មីនេះ បានធ្វើកាលពីរសៀលថ្ងៃទី៤កញ្ញាក្រោមអធិបតី ភាពលោកជំទាវបណ្ឌិត ពេជ ចន្ទមុន្នី ដែលជាអនុប្រធានក្រុមប្រឹក្សាភិបាល។

រុស្ស៊ីបានបន្តផ្អាកការផ្គត់ផ្គង់ប្រេង និងឧស្ម័នជាបន្តថែមទៀតក្រោយការប្រកាសថាមានការ លេចធ្លាយប្រេងក្នុងប្រព័ន្ធបំពង់បង្ហូរប្រេងឧស្ម័ន។ ពលរដ្ឋក្នុងអឺរ៉ុបខ្លះ បានបង្ហាញភាពជ្រួល ច្របល់ក្នុងនោះរួមមានពលរដ្ឋក្នុងប្រទេសឆេកផងដែរដោយបានលើកគ្នាធ្វើបាតុកម្មទាមទារ ឱ្យរដ្ឋាភិបាលរបស់ខ្លួនត្រូវចុះចេញពីតំណែង។ លោក ម៉ារ យ៉ារិទ្ធិ មានសេចក្តីរាយការណ៍ ព័ត៌មានពាក់ព័ន្ធនឹងបញ្ហានេះ

អភិបាលរាជធានីភ្នំពេញលោក ឃួង ស្រេង ដែលកំពុងធ្វើទស្សនកិច្ចក្នុងប្រទេសវៀតណាម បានជំរុញឱ្យក្រុមហ៊ុនវៀតណាមធ្វើការបណ្តាក់ទុនបញ្ហាកែច្នៃសំរាម ខណៈដែលបញ្ហាសំរាម កាន់តែកើនឡើងក្នុងប្រទេសកម្ពុជា ដែលមានការអភិវឌ្ឍន៍ខ្លាំង។

យុវជនអាយុ២០ឆ្នាំម្នាក់នៅខេត្ដកំពង់ឆ្នាំង ត្រូវគេរាយការណ៍ថា បានចងកសម្លាប់ខ្លួន ក្រោយមានហេតុការណ៍ ស្តីបន្ទោសរបស់ឳពុកម្តាយដោយសារតែការជឿនឹងអបិយ៍ជំនឿ លោកខឹម វាសនា។ បុរសដែលបានប្រទះឃើញស្លាប់ដោយសារការចងកនោះឈ្មោះ ម៉ាន ម៉ាត ជាខ្មែរឥស្លាម រស់នៅភូមិស្រែចាន ឃុំទួលខ្ពស់ ស្រុកទឹកផុស នៃខេត្តកំពង់ឆ្នាំង។

ថ្ងៃទី៥កញ្ញាឆ្នាំ២០២២នេះ គឺជាថ្ងៃចុងក្រោយនៃការសន្យារបស់ម្ចាស់ចំការលើទីទួលភ្នំគូលែន បានសន្យាការរំសាយមនុស្សចេញដើម្បីបញ្ចប់រឿងអបីយជំនឿ «ព្រះព្រហ្មសង្គ្រោះពិភព លោក»។ ទោះជាយ៉ាងណាក៏ដោយ ភាពសោកសៅដោយសាររឿងអបិយ៍ជំនឿនេះ នៅតែ ដិតដាមនិងលងអារម្មណ៍របស់មាតាមួយចំនួនដែលមានកូនស្រីប្រើអកប្បកិរិយាគំរោះគំរើយ ដាក់មាតាដោយសារតែការលង់នឹងអបីយ៍ជំនឿនោះ។ អប្សរាណិតធ្វើសេចក្ដីរាយការណ៍