តម្លៃប្រេងសាំង បានថយចុះមកវិញសម្រាប់ការលក់រយៈពេល១០ថ្ងៃខាងមុខនេះ។ យោង តាមក្រសួងពាណិជ្ជកម្ម តម្លៃប្រេងឥន្ធនៈ សម្រាប់ការ លក់ចាប់ពីថ្ងៃទី១១ រហូតដល់ថ្ងៃទី២០ ខែកញ្ញា ឆ្នាំ២០២២នេះ គឺប្រេងសាំងធម្មតាមានតម្លៃ៤ពាន់៤០០រៀលក្នុង១លីត្រ ដែលតម្លៃ នេះ បានថយចុះចំនួន៣០០រៀល បើធៀបទៅការលក់រយៈពេល១០ ថ្ងៃមុន..ចំណែកប្រេង ម៉ាស៊ូត មានតម្លៃចំនួន៥ពាន់២០០ រៀល ក្នុង១លីត្រ ដែលតម្លៃនេះបានធ្លាក់ចុះចំនួន៣០០ រៀល បើធៀបទៅនឹងការលក់រយៈពេល១០ថ្ងៃមុន។

តួលេខឆ្លងកូវីដ១៩ក្នុងប្រទេសអាស៊ានទាំង១០ នៅតែមានចំនួនច្រើនតាមប្រទេសខ្លះ និងការស្លាប់ផងទៀត។ ក្នុងរយៈពេល៧២ម៉ោងចុងក្រោយនេះ ប្រទេសវៀតណាម គឺជាប្រទេសដែលមានការឆ្លងច្រើនជាងគេបំផុតជាដដែល។ ក្នុងរយៈពេល ៣ថ្ងៃមកនេះ ប្រទេសអាស៊ាន មានការឆ្លងចំនួន ៣ម៉ឺន ៧ពាន់ ១៦៤ករណី និងការស្លាប់ថ្មីមានចំនួន ២០៩នាក់ ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ៧២ម៉ោងចុងក្រោយ

អ្នកតំណាងរាស្ត្រមណ្ឌលរតនគិរីលោក ប៊ូ ឡាំ បានទទួលមរណភាពនៅថ្ងៃច័ន្ទទី១២កញ្ញានេះ ដោយរោគាពាធ។ សេចក្តីជូនដំណឹងរបស់អគ្គលេខាធិការដ្ឋានរដ្ឋសភា បានបញ្ជាក់ថាអ្នក តំណាងរាស្ត្រលោក ប៊ូ ឡាំ ដែលជាសមាជិកគណៈកម្មការក្រសួងមហាផ្ទៃ ការពារជាតិ និងមុខងារសាធារណៈ បានទទួលមរណភាពវេលាម៉ោងនិង១២និង១២នាទីថ្ងៃត្រង់ទី១២កញ្ញាក្នុង ជន្មាយុ៦៧ឆ្នាំ។ សពរបស់លោកនឹងត្រូវតម្កល់ធ្វើបុណ្យទក្ខិណានុប្បទានតាមប្រពៃណី សាសនានៅគេហស្ថានភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី។

អនាគតនាយករដ្ឋមន្រ្តីរបស់គណបក្សប្រជាជនកម្ពុជាបណ្ឌិត ហ៊ុន ម៉ាណែត បានថ្លែងប្រាប់ យុវជនក្នុងគណបក្សថាគេមិនត្រូវមើលសិទ្ធិធំជាងកាតព្វកិច្ចទេក្នុងពេលបំរើការងារជូនប្រជាពលរដ្ឋ។ ប្រសាសន៍បញ្ជាក់របស់ បណ្ឌិត ហ៊ុន ម៉ាណែត បានធ្វើឡើងក្នុងឱកាសអញ្ជើញជួប សំណេះសំណាលជាមួយសមាជិក-សមាជិកា នៃក្រុមការងាររៀបចំអង្គការចាត់តាំងយុវជន គណបក្សប្រជាជនកម្ពុជានៅទ្វីបអាស៊ីខាងកើតនិងអាគ្នេយ៍នៅថ្ងៃទី១០ខែកញ្ញា ឆ្នាំ ២០២២។

សម្តេចតេជោ ហ៊ុន សែន បានដឹកនាំគណៈប្រតិភូរាជរដ្ឋាភិបាល អញ្ជើញគោរពព្រះវិញ្ញាណ ក្ខន្ធព្រះមហាក្សត្រីយានី អេលីហ្សាប៊ែតទី២ នៅស្ថានទូតអង់គ្លេស នារសៀលថ្ងៃទី១២កញ្ញា នេះ។ ព្រះមហាក្សត្រីយានី អេលីហ្សាប៊ែតទី២ បានយាងចូលទីវង្គតនៅថ្ងៃព្រហស្បតិ៍ ទី៨ ខែកញ្ញា ឆ្នាំ២០២២ ក្នុងព្រះជន្ម៩៦ព្រះវស្សា។

ក្រុមប្រឹក្សាអភិវឌ្ឍន៍កម្ពុជា CDC បានអនុម័តក្រុមហ៊ុនចំនួន៥ធ្វើវិនិយោគនូវទឹកប្រាក់ជាង ៨៨លានដុល្លារ ដែលនាំអោយចំនួនក្រុមហ៊ុនដែលទទួលបានសិទ្ធិវិនិយោគនៅថ្ងៃទី៨ខែ កញ្ញានេះ មានចំនួន៥ក្រុមហ៊ុនហើយ។ តើក្រុមហ៊ុនវិនិយោគថ្មីទាំង៥ មានទីតាំងនៅទីណា ខ្លះ? អប្សរាណិតធ្វើសេចក្ដីរាយការណ៍

មនុស្ស៤នាក់ត្រូវបានជួយសង្គ្រោះគ្រាដែលទូកនេសាទរបស់ពួកគេបានលិចក្នុងទឹកសមុទ្ទ។ ហេតុការណ៍បានកើតឡើងនាកណ្ដាលផ្ទៃសមុទ្រក្នុងចំណុចកោះវ៉ាង នៃព្រំប្រទល់ខេត្ត ព្រះសីហនុ និងកោះកុង នៅថ្ងៃទី៨កញ្ញានេះ ខណៈទឹករលកធំៗបានបោកពន្លិចទូកនេសាទ ផ្ទុកមនុស្សទាំង៤នាក់នោះ។ សេចក្តីរាយការណ៍ខេត្តបានថ្លែងថា សមត្ថកិច្ច និងក្រុមអូរប័រ របស់ឧកញ៉ា ទៀ វិចិត្រ បានចាត់វិធានការជួយសង្គ្រោះទាន់ពេលវេលា ដោយមិនបណ្ដាល អ្នកណាម្នាក់បានរងគ្រោះថ្នាក់ឡើយ។

រាជរដ្ឋាភិបាល បានចំណាយថវិកាអស់ជិត ៨០០លានដុល្លារ លើការឧបត្ថម្ភសាច់ប្រាក់ជូន ដល់ពលរដ្ឋក្រីក្រ និងងាយរងគ្រោះអំឡុងពេលជួបវិបត្តិជំងឺកូវីដ-១៩។

កម្ពុជាកំពុងតែព្យាយាមប្រឹងប្រែងលាងជំរះការដាក់ឈ្មោះប្រទេសកម្ពុជាចេញពី «បញ្ជីប្រផេះ» និងចេញពីចំណាត់ Tier3 នៃអំពើជួញដូរមនុស្ស។

ប្រទេសវៀតណាម គឺជាប្រទេសដែលមានការឆ្លងច្រើនជាងគេបំផុតក្នុងអាស៊ាននារយៈ ពេល២៤ម៉ោងចុងក្រោយនេះ។ នៅក្នុងប្រទេសអាស៊ានថ្ងៃនេះ ការឆ្លងមានចំនួន ១ម៉ឺន ៥ពាន់ ៥៥៤ករណី និងការស្លាប់ថ្មីមានចំនួន ១១២នាក់ ។ អប្សរាណិតរាយការណ៍ជុំវិញការឆ្លងក្នុង ប្រទេសទាំង១០ ក្នុងរយៈពេល ២៤ម៉ោងចុងក្រោយ