អនាគតបេក្ខភាពនាយករដ្ឋមន្ត្រីរបស់គណបក្សប្រជាជនកម្ពុជា បណ្ឌិត ហ៊ុន ម៉ាណែត បានបើករបាំងមុខនូវអំពើលាក់ពុតត្បុតរបស់អ្នកនយោបាយចាស់វស្សា សម រង្ស៊ី ដែលតែងនិយាយវាយប្រហារថា លោក ហ៊ុន ម៉ាណែត មានវ័យក្មេងមិនអាចគ្រប់គ្រងមនុស្សបានទេ។ តើបណ្ឌិត ហ៊ុន ម៉ាណែត ដែលមានអាយុ៤៤ឆ្នាំទៅហើយនេះ ពិតជាមនុស្សវ័យក្មេងមិនអាចគ្រប់គ្រង មនុស្សដូច សម រង្ស៊ី និយាយមែនដែរឬយ៉ាងណា? សូមទស្សនាសេចក្តីរាយការណ៍របស់អប្សរាណិត

សម្ដេចតេជោ ហ៊ុន សែន អនុញ្ញាតឱ្យប្រតិភូរដ្ឋមន្ត្រីសេដ្ឋកិច្ចអាស៊ាន ចូលជួបសម្ដែង ការគួរសមនៅថ្ងៃទី១៤ កញ្ញា ខណៈដែលសម្តេចកំពុងបំពេញទស្សនកិច្ចការងារក្នុងក្រុងអង្គរ ខេត្តសៀមរាប។

សម្តេចតេជោ ហ៊ុន សែន បានថ្លែងជំរុញអាស៊ានត្រូវប្រញាប់ឆ្លើយតបឱ្យបានលឿនទាន់ពេល វេលាចំពោះនិន្នាការថ្មីៗដែលបាននិងកំពុងកើតឡើងក្នុងដំណើរពាណិជ្ជកម្មសកល។ ប្រសាសន៍ថ្លែងជំរុញរបស់សម្តេចតេជោ ហ៊ុន សែន ប្រធានអាស៊ានប្តូរវេនឆ្នាំ២០២២ បានធ្វើឡើង ក្នុងឱកាសដែលកម្ពុជាកំពុងធ្វើជាម្ចាស់ផ្ទះ នៃកិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី៥៤និងកិច្ចប្រជុំពាក់ព័ន្ធ។ អប្សរាណិតធ្វើសេចក្ដីរាយការណ៍

ប្រទេសហ្វីលីពីន គឺជាប្រទេសដែលមានករណីឆ្លងថ្មីច្រើនជាងគេបំផុតក្នុងអាស៊ាន ក្នុងរយៈ ពេល ២៤ម៉ោងចុងក្រោយនេះ។ គួរបញ្ជាក់ថា កាលពីម្សិលមិញការឆ្លងក្នុងប្រទេសអាស៊ាន គឺប្រទេសវៀតណាមដែលជាប្រទេសដែលមានតួលេខឆ្លងច្រើនជាងញគេ ប៉ុន្តែនៅថ្ងៃនេះ តួលេខឆ្លងច្រើនជាងគេ បានធ្លាក់ទៅលើប្រទេសហ្វីលីពីនវិញ។ ប្រទេសអាស៊ានថ្ងៃនេះ មាន ការឆ្លងមានចំនួន ១ម៉ឺន ១២០ករណី និងការស្លាប់ថ្មីមានចំនួន ៧១នាក់ ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ២៤ម៉ោងចុងក្រោយ

តួលេខឆ្លងកូវីដ១៩ ក្នុងរយៈពេល២៤ម៉ោង កន្លងមកនេះមានការកើនឡើងចំនួន ៧ករណី បើប្រៀបធៀបនឹងម្សិលមិញ ។ តួលេខឆ្លង ២៤ម៉ោងកន្លងមកនេះ មានចំនួន ១៦នាក់ សុទ្ធជា ករណីឆ្លងនៅក្នុងសហគមន៍ទាំងអស់ ។ កម្ពុជាក្នុងរយៈពេល ៧៧ថ្ងៃ ដែលបានរកឃើញការ ឆ្លងសាជាថ្មីនេះ មានអ្នកឆ្លងសរុបចំនួន ១ពាន់ ៣៣៥នាក់ ហើយ ។

រថយន្តពន្លត់អគ្គិភ័យចំនួន៣ គ្រឿង ត្រូវបានប្រគល់ជូនបញ្ជាការដ្ឋានកងទ័ពជើងគោកនៅ ថ្ងៃទី១៣កញ្ញានេះ។ រថយន្តពន្លត់អគ្គិភ័យទាំង៣ គ្រឿងនោះ គឺជាអំណោយពីសប្បុរសជន ជប៉ុន និងស្ថានកុងស៊ុលកិត្តិយស កម្ពុជាប្រចាំតំបន់សេនដៃ នៃប្រទេសជប៉ុន។ អប្សរាណិតធ្វើសេចក្ដីរាយការណ៍

សម្តេចតេជោបានថ្លែងនៅថ្ងៃនេះថា សម្តេចនឹងមិនប្រើកម្លាំងតាមការញុះញង់ពីមជ្ឈដ្ឋានខាង ក្រៅឱ្យចាប់លោក ខឹម វាសនា ដែលបានតាំងខ្លួនជាព្រហ្មសង្គ្រោះពិភពលោកនោះឡើយ។ សម្តេចតេជោបានថ្លែងថា សកម្មភាពរបស់លោក ខឹម វាសនា គឺជារឿងដែលពាក់ព័ន្ធនឹងអបីយ៍ជំនឿតែប៉ុណ្ណោះ និងមិនមែនជាការបង្កសកម្មភាពចង់ទម្លាក់ការដឹកនាំរបស់រាជរដ្ឋាភិបាលនោះឡើយ។

ឯកអគ្គរាជទូតថៃ លោកប៉ាន់យ៉ារ៉ាក់ ភូលថុប បានអញ្ជើញជួបមេបញ្ជាការកងទ័ពជើងគោក កម្ពុជា និងបានវាយតម្លៃខ្ពស់ចំពោះទំនាក់ទំនងកិច្ចសហប្រតិបត្តិការដ៏ល្អរវាងប្រទេសទាំងពីរ ដែលបានអនុវត្តកន្លងមក។ ការវាយតម្លៃនេះ បានធ្វើឡើងក្នុងឱកាសជួបសម្តែងការគួរសម ជំរាបលារបស់លោកឯកអគ្គរាជទូតថៃដែលចប់អាណ្ណត្តិចំពោះលោកឧត្តមសេនីយ៍ឯក ហ៊ុន ម៉ាណែត នៅថ្ងៃទី១៣ កញ្ញានេះ។ អប្សរាណិតធ្វើសេចក្ដីរាយការណ៍

សម្តេចតេជោ ហ៊ុន សែន បានបកស្រាយនូវមូលហេតុអ្វីបានជាសម្តេចគាំទ្រលោក ហ៊ុន ម៉ាណែត ក្នុងការធ្វើជាបេក្ខភាពនាយករដ្ឋមន្ត្រីរបស់គណបក្សប្រជាជនកម្ពុជា។ លោក ហ៊ុន ម៉ាណែត ត្រូវបានសន្និបាតគណបក្សប្រជាជនកម្ពុជា បានឯកភាពគាំទ្រជាបេក្ខភាពនាយករដ្ឋមន្ត្រី សម្រាប់ពេលអនាគត ដែលការសម្រេចចិត្តនោះ បានផ្អែកលើលក្ខណៈសម្បត្តិ, សមត្ថភាព និងចំណេះដឹង, បទពិសោធន៍ការងារ និងចក្ខុវិស័យវែងឆ្ងាយរួមទាំងស្នាដៃជាច្រើន ក្នុងវិស័យការពារជាតិ, កិច្ចការសេដ្ឋកិច្ចសង្គម, ការងារយុវជននិងជាពិសេសស្នាដៃដែលលេចធ្លោក្នុងការចូលរួមប្រយុទ្ធប្រឆាំងជំងឺកូវីដ១៩។

សម្តេចតេជោ ហ៊ុន សែន នៅថ្ងៃទី១៣ កញ្ញា បានអញ្ជើញមកខេត្តសៀមរាប ដើម្បីដាក់ចេញនូវគោលនយោបាយជាតិយូរអង្វែង ក្នុងការដោះស្រាយ ផលប៉ះពាល់ប្រជាពលរដ្ឋដែលរស់នៅ ក្នុងបរិវេណតំបន់រមណីយដ្ឋានអង្គរ។