សម្តេចតេជោហ៊ុនសែននឹងអវត្តមានពីកម្ពុជារយៈពេល៨ថ្ងៃក្នុងសប្តាហ៍នេះ ដោយសារដឹក នាំគណៈប្រតិភូបំពេញទស្សនកិច្ចនៅក្រៅប្រទេស។ តើសម្តេចនឹងអញ្ជើញបំពេញទស្សនកិច្ច នៅទីណាខ្លះរវាងពីថ្ងៃទី២១ដល់២៨កញ្ញា? អប្សរាណិតធ្វើសេចក្តីរាយការណ៍

ប្រទេសវៀតណាមក្នុងរយៈពេល២៤ម៉ោងចុងក្រោយនេះ នៅតែជាប្រទេសដែលមានការឆ្លង ច្រើនជាងគេបំផុតក្នុងអាស៊ាន។ ប្រទេសមានវៀតណាមមានការឆ្លង២ពាន់ ៩៦៣ករណី, ចំណែកប្រទេសដែលមានការឆ្លងតិចជាងគេ គឺកម្ពុជាដែលមានតែចំនួន ៧ករណីទេ។ នៅក្នុងប្រទេសអាស៊ានថ្ងៃនេះ ការឆ្លងសរុបមានចំនួន ១ម៉ឺន ៣ពាន់ ៩០០ករណី និងការស្លាប់ថ្មីមានចំនួន ៧៣នាក់ ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុង រយៈពេល ២៤ម៉ោងចុងក្រោយ

តួលេខឆ្លងកូវីដ១៩ ក្នុងរយៈពេល២៤ម៉ោង កន្លងមកនេះមានកើនឡើងចំនួន ១ករណី បើប្រៀបធៀបនឹងម្សិលមិញ។ តួលេខឆ្លង ២៤ម៉ោងកន្លងមកនេះ មានចំនួន ៧នាក់ ដែលសុទ្ធ ជាករណីឆ្លងនៅក្នុងសហគមន៍ទាំងអស់។ កម្ពុជាក្នុងរយៈពេល ៨០ថ្ងៃ ដែលបានរកឃើញ ការឆ្លងសាជាថ្មីនេះ មានអ្នកឆ្លងសរុបចំនួន ១ពាន់ ៣៥២នាក់ ហើយ ។

គម្រោងសាងសង់អាកាសយានដ្ឋានខេត្តមណ្ឌលគិរី តម្លៃជាង៨០លានដុល្លារ បានជាប់គាំង មិនអាចសាងសង់បាន សម្រេចឡើយដោយសារតែក្រុមហ៊ុនបណ្តាក់ទុនបានក្ស័យធន ក្នុងពេលដែលពិភពលោក បានរងនឹងវិបត្តិជម្ងឺកូវីដ១៩។ មន្ត្រីនាំពាក្យលេខាធិការដ្ឋានអាកាសចរណ៍ស៊ីវិល លោក ស៊ិន ចាន់សិរីវុត្ថា ក្នុងសន្និសីទកាសែតថ្ងៃទី១៦កញ្ញាបានថ្លែងបញ្ជាក់យ៉ាងនេះ។ (សម្លេង ស៊ិន ចាន់វុត្ថា)

កម្ពុជា និងថៃ បានឯកភាពគ្នា ក្នុងការពន្លឿនដំឡើង និងបើកដំណើរការច្រកទ្វារព្រំដែន អន្ដរជាតិចំនួន៣ទៀត តាមបណ្តោយព្រំដែននៃប្រទេសទាំង២។ ច្រកទ្វារទាំងបីនោះ គឺស្ថិតនៅខេត្តព្រះវិហារ ខេត្តពោធិ៍សាត់ និងខេត្តឧត្ដរមានជ័យ។

លំហាត់សង្គ្រោះគ្រោះមហន្តរាយដោយកងទ័ព៣ប្រទេសកម្ពុជា, វៀតណាមនិង ឡាវ រយៈពេល៧ថ្ងៃ នៅលើទឹកដីឡាវត្រូវបានបិទបញ្ចប់។ មន្ត្រីរៀបចំបានថ្លែងថាលំហាត់ហ្វឹកហ្វឺនសង្រ្គោះគ្រោះមហន្តរាយរវាងកងទ័ពទាំង៣ប្រទេសរវាងពីថ្ងៃទី៩ដល់១៦កញ្ញា បានបញ្ចប់ទៅដោយជោគជ័យ ។

សម្តេចនាយករដ្ឋមន្រ្តី បានស្នើនាយកអង្គការកម្មសិទ្ធិបញ្ញាពិភពលោកជួយដល់កម្ពុជា ក្នុងការចុះបញ្ជីដំណាំភូមិសាស្ត្ររបស់កម្ពុជា។ ការស្នើនេះបានធ្វើឡើងឱកាសដែល សម្ដេចតេ ជោ ហ៊ុនសែន បានអនុញាតឱ្យនាយកអង្គការកម្មសិទ្ធិបញ្ញាពិភពលោក លោក ដារ៉េន តាំង Daren Tang ចូលជួបសម្តែងការគួរសម និងពិភាក្សាការងារ នៅវិមានសន្តិភាព រាជធានីភ្នំពេញ នាព្រឹកថ្ងៃ ទី១៦ ខែកញ្ញា ឆ្នាំ២០២២។

ប្រទេសតួកគីបានប្ដេជ្ញាជំរុញឱ្យមានជើងហោះហើរត្រង់មកកាន់កម្ពុជា។ ការសន្យានេះធ្វើឡើងដោយឯកអគ្គរដ្ឋទូតថ្មីតួកគីប្រចាំកម្ពុជា លោកស្រី អ៊ូលឃូ កូខេអ៊ែ័រហ្វេ ក្នុងឱកាសជួបសម្ដែងការគួរសមជាមួយរដ្ឋមន្ត្រីក្រសួងទេសចរណ៍លោកថោងខុន។

ជនសង្ស័យម្នាក់ដែលបាញ់សម្លាប់គូដណ្តឹងរបស់ខ្លួនជានិស្សិតសាលាពេទ្យកាលពីឆ្នាំ២០២០នោះ ត្រូវបានគេចាប់ខ្លួននៅលើទឹកដីថៃ។

សម្តីរិះគន់របស់ សម រង្ស៊ី វាយប្រហារដាក់មកលើបណ្ឌិត ហ៊ុន ម៉ាណែត បានជំរុញឱ្យក្រុមបញ្ញវ័ន្តនៅក្រៅប្រទេស បានធ្វើសេចក្តីប្រកាសមួយបញ្ជាក់ការពិត។ សម រង្ស៊ី អ្នកនយោបាយចាស់វស្សា នាវេលាចុងក្រោយនេះ បានប្រើសម្តីប្រឌិតនូវបញ្ហាជាច្រើន ក្នុងបំណងចង់ធ្វើឱ្យដុំគ្រាប់ពេជ្រ របស់គណបក្សប្រជាជនកម្ពុជាដ៏ភ្លឺចិញ្ចាច មានពណ៌ស្រអាប់។ អប្សរាណិតធ្វើសេចក្ដីរាយការណ៍