ក្រសួងវប្បធម៌ បានថ្លែងថាគេនឹងបើកទ្វារឲ្យចូលទស្សនាវត្ថុសិល្បៈ ក្នុងទីអភិរក្សដ្ឋានអង្គរ សៀមរាបដោយសេរី នៅថ្ងៃទី១៧ ខែកញ្ញានេះ ដើម្បីអបអរសាទរ ទិវាបេតិកភណ្ឌអឺរ៉ុប។

សម្តេចអគ្គមហាពញាចក្រី ហេង សំរិន និងគណៈប្រតិភូសភានៃប្រទេសកម្ពុជា បានវិលត្រឡប់មកកម្ពុជាវិញហើយ ក្រោយដំណើរបំពេញទស្សនកិច្ចក្នុងប្រទេសវៀតណាម និងប្រទសឡាវ។

សម្តេចនាយករដ្ឋមន្ត្រី ហ៊ុន សែន ដែលជាប្រធានអាស៊ាន បានថ្លែងចូលរួមតាមប្រព័ន្ធវីដេអូ ពីប្រទេសកម្ពុជានៅថ្ងៃទី១៦ កញ្ញា ឆ្នាំ២០២២ អបអរពិធីបើកសម្ពោធពិព័រណ៍ចិនអាស៊ានលើកទី១៩ក្នុងក្រុងណាននីង។

ស្នងការដ្ឋាននគរបាលរាជធានី បានដាក់ចេញនូវការពង្រឹងបន្ថែមនៃបទបញ្ជាទប់ស្កាត់អំពើ ជួញដូរមនុស្សនិងការទប់ស្កាត់រាល់អំពើឧក្រិដ្ឋនានា។ ការដាក់ចេញបទបញ្ជានេះ បានធ្វើឡើងដោយស្នងការនគរបាលរាជធានីភ្នំពេញលោកឧត្តមសេនីយ៍ឯក ស ថេត។ អប្សរាណិតធ្វើសេចក្ដីរាយការណ៍

រដ្ឋលេខាធិការក្រសួងសុខាភិបាលលោកស្រី ឱ វណ្ណឌីន បានថ្លែងនៅថ្ងៃនេះថា កម្ពុជានៅមិនទាន់មានគំរោងរៀបចំការចាក់វ៉ាក់សាំងដូសទី៦នោះទេ ខណៈការចាក់វ៉ាក់ដូស ទី៤និងដូស ទី៥នៅមានសភាពទាបនៅឡើយ។

សម្តេចតេជោ ហ៊ុន សែន បានថ្លែងថា រឿងសម្ងាត់ក្នុងជីវិតដឹកនាំប្រទេសជាតិ ក៏ដូចជា រឿងនយោបាយប្រមាណពី៧០ ទៅ៨០ភាគរយ ដែលមិនធ្លាប់មាននរណាដឹងនោះ នឹងត្រូវ លាតត្រដាងតាមរយៈសៀវភៅមួយក្បាលមានចំណងជើងថា «សម្តេចតេជោ ហ៊ុន សែន អ្នកគូសវាសជោគវាសនាកម្ពុជា»។

សម្តេចតេជោ ហ៊ុន សែន បានពន្យល់ប្រាប់ប្រជាពលរដ្ឋនូវមូលហេតុដែលរាជរដ្ឋាភិបាលបន្ត ការផ្អាកពិធីបុណ្យអុំទូកក្នុងរាជធានីភ្នំពេញ។ នេះគឺជាការផ្អាកលើកទី៣ហើយចាប់តាំងពីឆ្នាំ ២០២០នោះមក។ ពិធីបុណ្យអុំទូកឆ្នាំ២០២២នេះ តាមគម្រោងនឹងមកដល់នៅក្នុងខែវិច្ឆិការយៈ ពេល៣ថ្ងៃគឺថ្ងៃទី៧, ៨និង៩វិច្ឆិកា។

កិច្ចប្រជុំរដ្ឋមន្ត្រីថាមពលអាស៊ានលើកទី៤០, កិច្ចប្រជុំពាក់ព័ន្ធនិងវេទិកាធុរកិច្ចថាមពល អាស៊ាន បានប្រព្រឹត្តទៅនៅថ្ងៃទី១៥កញ្ញានៅក្នុងរាជធានីភ្នំពេញ ខណៈដែលពិភពលោកកំពុង តែរងនឹងវិបត្តិកើនឡើងនៃតម្លៃថាមពលប្រេងនិងឧស្ម័ន។