កម្ពុជានិងហ្វីលីពីន គ្រោងនឹងរៀបចំបើកវគ្គហ្វឹកហ្វឺនយោធារួមគ្នាក្នុងពេលឆាប់ៗខាងមុខនេះ ដែល វគ្គហ្វឹកហ្វឺននេះ ត្រូវគេចាត់ទុកថា គឺជាផ្នែកមួយនៃការអនុវត្តទិសដៅសហប្រតិបត្តិការ ទ្វេភាគីរវាងកងទ័ពជើងគោកនៃប្រទេសប្រទេសទាំង២។ ប្រទេសហ្វីលីពីន បើគិតក្នុងរង្វង់ ប្រទេសអាស៊ាន ត្រូវគេចាត់ទុកថា ជាប្រទេសលំដាប់ទី៧ក្នុងអំណាចយោធាក្នុងតំបន់។ អប្សរាណិតធ្វើសេចក្តីរាយការណ៍

សម្ដេចតេជោ ហ៊ុន សែន បានអនុញ្ញាតឱ្យគណៈប្រតិភូមជ្ឈិមរណសិរ្សមាតុភូមិវៀតណាម ចូលជួបសម្ដែងការគួរសម និងពិភាក្សាការងារនៅវិមានសន្តិភាពនាថ្ងៃទី២៩កក្កដានេះ។

ប្រទេសអាស៊ានទាំង១០ នៅតែមានតួលេខឆ្លង និងស្លាប់ដោយសារកូវីដ១៩ជាបន្តក្នុងរយៈ ពេល២៤ម៉ោងចុងក្រោយនេះ។ ករណីឆ្លងថ្មីដោយសារកូវីដ១៩ ក្នុងប្រទេសទាំង១០អាស៊ាន ថ្ងៃនេះមានចំនួន ២ម៉ឺន ៧ពាន់ ៨០១ករណី និងការស្លាប់ថ្មីមានចំនួន ៥៦នាក់ ។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់ដដែល ក្នុងរយៈពេល ២៤ម៉ោងចុង ក្រោយនេះ។ អប្សរាណិតរាយការណ៍ជុំវិញការឆ្លងថ្មីកូវីដ១៩ ក្នុងប្រទេសទាំង១០ អាស៊ាន

តួលេខឆ្លងថ្មីនៃជម្ងឺកូវីដ១៩ កាន់តែកើនឡើងក្នុងរយៈពេល ២៤ម៉ោងកន្លងមកនេះ ដោយការ ឆ្លងបានកើនឡើងចំនួន៩ករណី បើធៀបនឹងម្សិលមិញ ។ តួលេខឆ្លង២៤ម៉ោងកន្លងមកនេះ មានចំនួន ២៩នាក់ ដែលក្នុងនោះមានករណីឆ្លងនាំចូលមកពីក្រៅចំនួន ៣នាក់ ។ កម្ពុជាក្នុង រយៈពេល ១ខែ ដែលទើបរកឃើញការឆ្លងសាជាថ្មីនេះ មានអ្នកឆ្លងសរុបចំនួន ៣២៥ នាក់ហើយ។

គណបក្សមួយចំនួន បានប្រកាសគាំទ្រទាំងស្រុងចំពោះការអនុម័តរបស់រដ្ឋសភា លើ វិសោធនកម្មលើកទី១០នៃរដ្ឋធម្មនុញ្ញ។

កងកម្លាំងរុស្ស៊ី បានចូលកាន់កាប់រោងចក្រថាមពលធំបំផុតទីពីររបស់អ៊ុយក្រែននៅ ភាគ ខាងកើតថែមទៀតខណៈពេលដែលសង្គ្រាមបានឈានចូលដល់ថ្ងៃទី១៥៤ហើយ។ កាលពី ថ្ងៃទី២៦កក្កដា ទាហានអ៊ុយក្រែន បានបំផ្លាញស្ពានរបស់ខ្លួនចោលមួយទៀតក្នុងក្រុង Kherson ក្រោមហេតុផលរារាំងការបន្ទុចបង្អាក់សន្ទុះវាយសម្រុករបស់រុស្ស៊ីទៅកាន់ភាគខាង ត្បូង ប៉ុន្តែក្រោយមកមេដឹកនាំអ៊ុយក្រែនលោកហ្សេឡិនស្គី បានបកស្រាយថាគឺជាយុទ្ធ សាស្ត្រដើម្បីផ្តាច់ផ្លូវទាហានរុស្ស៊ីឱ្យឯកោ។ លោក ម៉ារ យ៉ារិទ្ធិ មានសេចក្តីរាយការណ៍ជុំវិញ ព្រឹត្តិការណ៍អន្តរជាតិនេះ

ទំហំការនាំចេញ-ចូលនៅតំបន់សេដ្ឋកិច្ចពិសេសក្រុងព្រះសីហនុសម្រេចបានជិត ១ពាន់៤០០ លានដុល្លារ និងបង្កើតការងារជិត៣ម៉ឺនកន្លែងក្នុងរយ:៦ខែដើមឆ្នាំ២០២២ ។

មន្ត្រីក្រសួងបរិស្ថានរបស់កម្ពុជា ត្រូវបានគេជ្រើសតាំងជាប្រធានក្រុមប្រឹក្សាអង្គការអន្តរ ជាតិភាពជាដៃគូ ក្នុងការគ្រប់គ្រងបរិស្ថាននៅសមុទ្រអាស៊ីបូព៌ា ហៅកាត់ថា (PEMSEA) ។

រោងចក្រផលិតស្រាបៀអ៊ិនធើ-ម៉ាទ្រីដ បេវើរិច (ខេមបូឌា) ដែលជាក្រុមហ៊ុនជួយបង្កើតការងារពលរដ្ឋ និងរួមចំណែកបង្កើនចំណូលពន្ធដល់រដ្ឋ បានសម្ពោធជាផ្លូវការនៅថ្ងៃទី២៨កក្កដា ឆ្នាំ២០២២ ក្រោមអធិបតីភាពអគ្គមេបញ្ជាការរងនៃកងយោធពលខេមរភូមិន្ទលោកឧត្តមសេនីយ៍ឯក ហ៊ុន ម៉ាណែត។

ការសេចក្តីព្រាងច្បាប់លើវិសោធនកម្មមាត្រារដ្ឋធម្មនុញ្ញជាលើកទី១០ បានទទួលជោគជ័យ ទាំងស្រុងដោយរដ្ឋសភាបានអនុម័តនៅក្នុងកិច្ចប្រជុំពេញអង្គថ្ងៃទី២៨កក្កដានេះហើយ។ សេចក្តីព្រាងវិសោធនកម្មមាត្រាទាំង៨នៃច្បាប់រដ្ឋធម្មនុញ្ញ ទទួលបានអនុម័តពីសម្លេង១០៥ ក្នុងចំណោម១០៦សម្លេងដែលចូលរួមក្នុងកិច្ចប្រជុំពេញអង្គរដ្ឋសភាថ្ងៃទី២៨កក្កដាឆ្នាំ២០២២។ អប្សរាណិតធ្វើសេចក្ដីរាយការណ៍