ប្រមុខដឹកនាំនៃប្រទេសកម្ពុជាសម្តេចតេជោ ហ៊ុន សែន បានថ្លែងនៅថ្ងៃទី១១កក្កដាឆ្នាំ២០២២ ដោយការ​ប្តេជ្ញាការរៀបចំព្រឹត្តិការណ៍កីឡាស៊ីហ្គេម និងកីឡាអាស៊ានប៉ារ៉ាហ្គេមឆ្នាំ២០២៣ ឱ្យទទួលបានជោគជ័យ។

តួលេខមនុស្សស្លាប់និងរងរបួសដោយចរាចរណ៍នៅតែច្រើនគួរឱ្យកត់សម្គាល់។ យោងតាម អគ្គស្នងការដ្ឋាននគរបាលជាតិ រយៈ៦ខែដើមឆ្នាំនេះ តួលេខមនុស្សស្លាប់ និងរងរបួសមានចំនួន៣ពាន់១៧៧នាក់។

ប្រទេសអាស៊ានទាំង១០ នៅតែមានតួលេខឆ្លង និងស្លាប់ដោយសារកូវីដ១៩ជាបន្តក្នុងរយៈ ពេល២៤ម៉ោងចុងក្រោយនេះ។ ករណីឆ្លង និងស្លាប់ដោយសារកូវីដ១៩ ក្នុងប្រទេសអាស៊ាន ក្នុងរយៈពេល ២៤ថ្ងៃចុងក្រោយមកនេះ មានចំនួន ២ម៉ឺន១ពាន់ ៨៨៨ករណី និងការស្លាប់ថ្មី មានចំនួន ៤៣នាក់ ។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេ បង្អស់ ដដែល ក្នុងរយៈពេល ២៤ម៉ោងចុងក្រោយនេះ។

កម្ពុជាក្នុងរយៈពេល២៤ ម៉ោងចុងក្រោយនេះ ការឆ្លងថ្មីកូវីដ១៩ មានចំនួន៦នាក់ បន្ថែមទៀត ដែលនាំឲ្យការចាប់ផ្តើមរកឃើញឆ្លងសាជាថ្មីកន្លងមកនេះ មានរយៈ៩ថ្ងៃជាប់គ្នាហើយ។

អគ្គនាយកដ្ឋានគយនិងរដ្ឋាករ បានប្រមូលពន្ធចំណូលពន្ធអាករសរុប ១ពាន់២៩៣លាន ដុល្លារ ក្នុងត្រីឆមាសទី១ឆ្នាំ២០២២ ។ អគ្គនាយកគយ និងរដ្ឋាករកម្ពុជាលោក គុណ ញឹម បានថ្លែងថា ការប្រមូលចំណូលពន្ធនេះ គឺស្មើនឹង៥០.១ភាគរយ នៃផែនការឆ្លុះបញ្ចាំងពី សកម្មភាពនាំចូលនិងនាំចេញទំនិញស្របពេល ដែលកម្ពុជា បានបើកសកម្មភាពសង្គម សេដ្ឋកិច្ចឡើងវិញ។

ផ្ទះប្រជាពលរដ្ឋចំនួន១៨ខ្នងត្រូវបានបំផ្លាញ នៅក្នុងហេតុការណ៍គ្រោះអគ្គិភ័យមួយបានកើត ឡើងនៅកណ្តាលក្រុងបាត់ដំបង ។