គណបក្សប្រជាជនកម្ពុជា បានសម្រេចបញ្ចប់ភារកិច្ចលោក សួន សេរីរដ្ឋា ពីសមាជិកក្រុម ការងារគណបក្សចុះជួយមូលដ្ឋានខេត្តកំពង់ឆ្នាំង ក្រោយការផ្សាយព័ត៌មានរបស់លោកដែល រដ្ឋបាលខេត្តកំពង់ឆ្នាំងបញ្ជាក់ថាជាការផ្សាយព័ត៌មានមិនពិត។ អប្សរាណិតធ្វើសេចក្ដីរាយការណ៍

ក្រសួងមហាផ្ទៃបានសម្រេចលុបឈ្មោះគណបក្សអនាគតជាតិចេញពីបញ្ជីគណបក្សនយោបាយចូលរួមប្រកួតប្រជែងការបោះឆ្នោតហើយ ក្រោយការមិនអនុវត្តតាមមាត្រាច្បាប់ របស់ គណបក្សនយោបាយ។ គណបក្សអនាគតជាតិ គឺជាគណបក្សបង្កើត ដោយឈ្មោះ ឃីម ឡាគី។ 

សវនាការកាត់ទោសលើសំណុំរឿងមេខ្លោងប្លន់ប្រដាប់អាវុធ លោក វីលៀមហ្គ័ង ត្រូវបាន ធ្វើនៅថ្ងៃទី៧កក្កដានេះ ប៉ុន្តែការប្រកាសសាលក្រមដាក់ទោសនឹងត្រូវធ្វើនាដើមខែសីហា។

ក្រសួងមហាផ្ទៃ បានព្រមានគណបក្សភ្លើងទៀនសាជាថ្មីម្តងទៀតជុំវិញការអនុវត្តឱ្យបានត្រឹម ត្រូវតាមច្បាប់ស្តីពីគណបក្សនយោបាយ។

រដ្ឋមន្ត្រីការបរទេសឡាវលោកសាលើមសៃ គុំម៉ាស៊ីត ដែលកំពុងបំពេញទស្សនកិច្ចការងារ ក្នុងរាជធានីភ្នំពេញ បានថ្លែងរកការជម្រុញការពង្រឹងកិច្ចសហប្រតិបត្តិការទ្វេភាគីបន្ថែមទៀត ជាមួយនឹងរាជរដ្ឋាភិបាលកម្ពុជា។ ឡាវគឺជាប្រទេសដែលកម្ពុជាបានផ្តល់ជំនួយវ៉ាក់សាំងនិង សម្ភារៈបរិក្ខាពេទ្យប្រឆាំងកូវីដ១៩ ចំនួន៤លើករួចមកហើយចាប់តាំងពីមានការផ្ទុះការឆ្លង ជម្ងឺរាតត្បាតគួរឱ្យខ្លាចលើពិភពលោកនោះមក។ អប្សរាណិតធ្វើសេចក្ដីរាយការណ៍

បេក្ខជននៃអនាគតនាយករដ្ឋមន្ត្រីរបស់គណបក្សប្រជាជនកម្ពុជា បានថ្លែងថាគណបក្សប្រជាជនកម្ពុជា ប្តេជ្ញាបន្តពង្រឹងសមត្ថភាព ឆន្ទៈ និងស្នាដៃបន្ថែមទៀត ដើម្បីឆ្លើយតបទៅ នឹងទំនុកចិត្តរបស់ប្រជាពលរដ្ឋ។ ប្រសាសន៍ថ្លែងរបស់បណ្ឌិត ហ៊ុន ម៉ាណែត បានធ្វើក្នុងឱកាសសម្ពោធងសមិទ្ធផលនានាប្រព្រឹត្តទៅនៅក្នុងវត្តស្លែង ស្ថិតនៅភូមិស្លែង ឃុំគោកព្រេច ស្រុកគិរីវង់ ខេត្តតាកែវ។ អប្សរាណិតធ្វើសេចក្ដីរាយការណ៍

សម្តេចតេជោ ហ៊ុន សែន បានលើកឡើងនូវការខាតបង់ការចំណាយលើតម្លៃអគ្គិសនី ដោយ សារតែវិបត្តិនៃសង្គ្រាមក្នុងប្រទេសអ៊ុយក្រែន។ វិ​បត្តិនៃសង្គ្រាមអ៊ុយក្រែន គឺជាវិបត្តិមួយដែល បានជះជាចំណោទបញ្ហាប្រេងឥ​ន្ធនៈឡើងថ្លៃដែលគ្មានប្រទេសណាលើសកលលោកនេះបាន ចៀសផុតឡើយ។ នាពេលនេះវិបត្តិនៃបាននិងកំពុងជះឥទ្ធិពលហើយមកលើតម្លៃអគ្គិសនីប្រើ ប្រាស់ក្នុងប្រទេសកម្ពុជា។