កម្ពុជាបានបន្តសម្រុកការចាក់វ៉ាក់សាំងដូសជំរុញ ដើម្បីជួយជម្រុញកាន់តែប្រសើរបង្កើន ភាពស៊ាំក្នុងសហគមន៍។ កម្ពុជារយៈពេល៤ថ្ងៃចុងក្រោយនេះ មិនមានមនុស្សឆ្លងដោយសារ ជម្ងឺកូវីដ១៩ នោះឡើយ។

សង្គ្រាមក្នុងប្រទេសអ៊ុយក្រែន បានឈានចូលបន្តក្នុងថ្ងៃទី៧៦ ដោយពិភពលោកបាន បង្ហាញក្តីអស់សង្ឃឹមចំពោះការបញ្ចប់សង្គ្រាមនេះតាមរយៈការចរចា។ នាពេលនេះ ខណៈ សង្គ្រាមអ៊ុយក្រែននៅបន្តឆាបឆេះ, សេចក្តីរាយការណ៍បារម្ភមួយទៀតជុំវិញការអាចមាន សង្គ្រាមមួយទៀតកើតឡើងក្នុងតំបន់អាស៊ីខាងកើត ក៏បានលេចឡើងថែមទៀត។

ប័ណ្ណព័ត៌មានអ្នកបោះឆ្នោតចំនួនជាង៧លានសន្លឹក ត្រូវបានចែកនៅតាមភូមិ ក្នុងឃុំ សង្កាត់ ទូទាំងប្រទេសរយៈពេល២៣ថ្ងៃ។ មន្ត្រីគជបថ្លែងថា រយៈពេល២៣ថ្ងៃ គិតត្រឹមថ្ងៃទី៩ ខែឧសភា ឆ្នាំ២០២២ ប័ណ្ណព័ត៌មានអ្នកបោះឆ្នោតដែលបានចែក មានចំនួន៧លាន៦៩ម៉ឺន៨ពាន់២៧ សន្លឹក ដែលស្មើនឹង៨៣,៦២ភាគរយ។

រដ្ឋសភា បានប្រកាសសុពលភាពតំណាងរាស្រ្តថ្មីជំនួសសម្តេចឧត្តមទេពញាណ ហ៊ុន ណេង ដែលបានទទួលមរណភាព។ ការប្រកាសសុពលភាពថ្មី បានធ្វើឡើងក្នុងសម័យប្រជុំរដ្ឋសភា នាព្រឹកថ្ងៃទី១១ឧសភា ក្រោមអធិបតីភាពដ៏ខ្ពង់ខ្ពស់ពីសម្តេចអគ្គមហាពញាចក្រី ហេង សំរិន។

បុរសខ្មែរជាតិអាមេរិកាំងម្នាក់ដែលធ្លាប់ប្រើសម្តីប្រឆាំង និងប្រមាថសម្តេចតេជោ ហ៊ុន សែន បានសារភាពកំហុសនិងធ្វើដំណើរមកសុំទោសចំពោះសម្តេចដែលកំពុងស្ថិតក្នុងសហរដ្ឋអាមេរិក។

កម្ពុជានិងវៀតណាម បានឯកភាពគ្នាក្នុងការ បង្កលក្ខណ:ធ្វើការបោះបង្គោលព្រំដែនឱ្យបាន ឆាប់ចប់ជាស្ថាពរ ស្របទៅតាមផែនការការងាររបស់រដ្ឋាភិបាលនៃប្រទេសទាំងពីរ។

សម្តេចនាយករដ្ឋមន្ត្រី ហ៊ុន សែន បានអនុញ្ញាតឱ្យមន្ត្រីអាមេរិកចំនួន៣រូប ដើម្បីការចូលជួប សម្តែងការគួរសមនិងពិភាក្សាការងារនាវេលាព្រឹកថ្ងៃទី១១ឧសភាខណៈដែលសម្តេចកំពុង ស្ថិតក្នុងរដ្ឋធានី Washington DC ដើម្បីចូលរួមក្នុងកិច្ចប្រជុំ​កំពូលពិសេសអាស៊ាន អាមេរិក។