តួលេខឆ្លងក្នុងប្រទេសអាស៊ានទាំង១០ រយៈពេល ៧២ម៉ោងចុងក្រោយនេះ មានចំនួន ៤ម៉ឺន ៨ពាន់ ៥២១ករណី ចំណែកការស្លាប់មានចំនួន ២៤១នាក់ ។ តួលេខឆ្លងក្នុង៧២ម៉ោង នៃសប្តាហ៍នេះ មានការថយចុះចំនួន ១ម៉ឺន ៥ពាន់ ២៦០ករណី និងការស្លាប់ក៏បានថយ ចុះចំនួន ២៦៩នាក់ ផងដែរ បើប្រៀបធៀបនឹងសប្តាហ៍មុន ។ ក្នុងសប្តាហ៍នេះ ប្រទេសថៃ ជាប្រទេសដែលមានតួលេខឆ្លងច្រើនជាងគេ ចំណែកប្រទេសកម្ពុជា ជាប្រទេសដែលមាន តួលេខឆ្លងតិចជាងគេដដែល ។

កម្ពុជាបានបន្តសម្រុកការចាក់វ៉ាក់សាំងដូសជំរុញ ដើម្បីជួយជម្រុញកាន់តែប្រសើរបង្កើន ភាពស៊ាំក្នុងសហគមន៍។ កម្ពុជារយៈពេល២ថ្ងៃចុងក្រោយនេះ មិនមានមនុស្សឆ្លងដោយសារ ជម្ងឺកូវីដ១៩នោះឡើយ។

តួលេខឆ្លងកូវីដ១៩ក្នុងប្រទេសកម្ពុជា បានស្ថិតក្នុងតួលេខសូន្យនៅថ្ងៃនេះថែមទៀត ដែល ជាតួលេខ គ្មានមនុស្សឆ្លងរយៈពេល២ថ្ងៃជាប់គ្នាមកហើយ ដោយសារតែភាពស៊ាំក្នុងសហគមន៍​ក្រោមគោលនយោបាយចាក់វ៉ាក់សាំងរបស់រាជរដ្ឋាភិបាលកម្ពុជា។

តូលេខទេសចរណ៍ក្នុងសប្តាហ៍នេះ មានជិត៣០ម៉ឺននាក់ ដែលធ្លាក់ចុះជាងថ្ងៃចុងសប្តាហ៍ មួយកន្លងមកនេះ។ កាលពីចុងសប្តាហ៍ថ្ងៃទី៣០មេសាដល់១ឧសភា, តួលេខទេសចរណ៍ក្នុង ប្រទេសមានជាង៣១ម៉ឹន៤ពាន់នាក់ ប៉ុន្តែក្នុងចុងសប្តាហ៍ថ្ងៃទី៧-៨ ខែឧសភាកន្លងមកនេះ តួលេខភ្ញៀវទេសចរណ៍ទូទាំងប្រទេសមានចំនួន២៩ម៉ឺន៩ពាន់៨៨៨នាក់ ក្នុងនោះភ្ញៀវជាតិ ២៨ម៉ឺន៣ពាន់៩៩០នាក់ និងភ្ញៀវបរទេសផ្ទៃក្នុង១ម៉ឺន៥ពាន់៨៩៨នាក់។

ត្រីបបែលយក្ស១ ក្បាលទម្ងន់ ១៨០ គីឡូក្រាម ត្រូវបានអ្នកនេសាទចាប់បានក្នុងខេត្តស្ទឹង ត្រែង ប៉ុន្តែត្រូវបានដោះលែងចូលទៅក្នុងទឹកទន្លេមេគង្គវិញដើម្បីការជួយអភិរក្សសត្វត្រី ដ៏កម្រនេះ។

កម្ពុជា-ថៃ បានបើកដំណើរការឆ្លងកាត់ច្រកទ្វារអន្តរជាតិជាំក្នុងស្រុកអន្លង់វែង ខេត្តឧត្តរមានជ័យវិញហើយ ក្រោយបិទជាង២ឆ្នាំដោយសារជំងឺកូវីដ ។

ស្តូបអនុស្សាវរីយ៍នយោបាយឈ្នះឈ្នះ នៅខេត្តប៉ៃលិនត្រូវបានបញ្ចុះបឋមសិលាបើកការ ដ្ឋានសាងសង់។ ខេត្តប៉ៃលិន គឺជាខេត្តនៃទីតាំងធំទី២របស់អតីតក្រុមឧទ្ទាមខ្មែរក្រហម បន្ទាប់ ពីតំបន់អន្លង់វែងនៃខេត្តឧត្តរមានជ័យ។ ពិធីបឋមសិលាបើកការដ្ឋានសាងសង់ស្តូបអនុស្សាវ រីយ៍នយោបាយឈ្នះឈ្នះ បានប្រព្រឹត្តទៅក្រោមវត្តមានសម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ។

សមាសភាពសាស្រ្តាចារ្យ បុគ្គលិកអប់រំ គរុនិសិ្សត និងនិស្សិតចំនួន ២ពាន់៧៥៦រូបត្រូវបាន ប្រកាសប្រកាសទទួលស្គាល់ បញ្ចូលជាសមាជិក គណបក្ស  ប្រជាជនកម្ពុជា។ ការប្រកាស ទទួលស្គាល់នោះបានធ្វើឡើងក្រោមអធិបតីភាពបណ្ឌិត ហ៊ុន ម៉ាណែត សមាជិកគណៈអចិ ន្ត្រៃយ៍នៃគណៈកម្មាធិការកណ្តាល គណបក្សប្រជាជនកម្ពុជា និងជាប្រធានយុវជនគណបក្ស ថ្នាក់កណ្តាល នារាជធានីភ្នំពេញនៅថ្ងៃទី៧ ខែឧសភា ឆ្នាំ២០២២។