ឃាតកម្មពាក់ព័ន្ធការសម្លាប់ស្ត្រីម្នាក់ក្នុងផ្ទះសំណាក់មួយក្នុងខេត្តពោធិ៍សាត់ដែលកើតឡើង ប្រមាណ៦ខែកន្លងមកនេះ ត្រូវបានគេចាប់ឃាតករហើយ។ ជនសង្ស័យឈ្មោះ ច្រឹង ហ៊ុន អាយុ៣៧ឆ្នាំ បានសារភាពនៅថ្ងៃទី៦ឧសភានេះថា ស្ត្រីដែលស្លាប់ក្នុងផ្ទះសំណាក់ យិន ស៊ិន កាលពីថ្ងៃទី៨ខែតុលាឆ្នាំ២០២១នោះ គឺគាត់ពិតជាអ្នកសម្លាប់មែន។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ១ម៉ឺន ៨ពាន់ ៨៣៧ករណី និងការស្លាប់ថ្មីមានចំនួន ៩១នាក់ ។ តួលេខឆ្លងនៅថ្ងៃនេះ មាន ការកើនឡើងចំនួន ២ពាន់ ៤៦៨ករណី ប៉ុន្តែការស្លាប់មានការថយចុះចំនួន ១៥នាក់ បើប្រៀប ធៀបនឹងម្សិលមិញ ។ នៅថ្ងៃនេះប្រទេសដែលមានតួលេខឆ្លងច្រើនជាងគេនៅអាស៊ាន គឺ ប្រទេសថៃ និងឆ្លងតិចជាងគេគឺប្រទេសកម្ពុជា។

កម្ពុជាបានបន្តសម្រុកការចាក់វ៉ាក់សាំងដូសជំរុញ បើទោះបីជាតួលេខឆ្លងធ្លាក់ចុះ ដោយសារ តែភាពស៊ាំក្នុងសហគមន៍យ៉ាងណាក្តី។ តួលេខអ្នកចាក់វ៉ាក់សាំងដូសទី៣ ក្នុងរយៈ ពេល ២៤ ម៉ោងមកនេះបានចំនួន ៣ម៉ឺន ៥ពាន់ ៥០៩នាក់ ដែលជាតួលេខចាក់កើនឡើង ចំនួន ៩០នាក់ បើប្រៀបធៀបនឹងម្សិលមិញ ។ តួលេខពលរដ្ឋដែលបានចាក់វ៉ាក់សាំងដូសទី៣ សរុបទូទាំងប្រ ទេស គិតត្រឹមថ្ងៃនេះមានចំនួន ៨លាន ៧០ម៉ឺន ៦ពាន់ ៨៦៧ នាក់ ។

តួលេខអ្នកឆ្លងជំងឺកូវីដ១៩ក្នុងប្រទេសកម្ពុជា មានតែមួយករណីទេ ដែលតួលេខឆ្លងតែមួយ នេះ មានចំនួន៣ថ្ងៃជាប់គ្នាមកហើយ។ តួលេខ១ករណីឆ្លងនៅថ្ងៃនេះ គឺជាការឆ្លងចូល ក្នុង សហគមន៍។

ភាគីរក្សាសុវត្ថិភាពតាមព្រំដែនកម្ពុជា និងព្រំដែនឡាវ បានជួបពិភាក្សាគ្នា និងបានប្តេជ្ញាបន្ត ធ្វើកិច្ចការរួមគ្នាក្នុងការពង្រឹងកិច្ចសហប្រតិបត្តិការ រក្សាសន្តិសុខ សណ្ដាប់ធ្នាប់ និងការទប់ ស្កាត់បទល្មើសឆ្លងដែន។ ការប្តេជ្ញានេះ បានធ្វើឡើងដោយមេញ្ជាការយោធាខេត្តចំប៉ាសាក់ ឡាវ លោក ឧត្តមសេនីយ៍ សុកែ ភុមិះសាន និងមេបញ្ជាការប្រតិបត្តិការសឹករងស្ទឹងត្រែង លោកឧត្តមសេនីយ៍ស្វាយញ៉ន។

ក្រុមហ៊ុនរកស៊ីផ្នែកវិស័យទេសចរណ៍មកពីបីប្រទេស បានជួបពិភាក្សាក្នុងការចង់រៀបចំខ្សែ ដំណើរទេសចរណ៍រវាងខេត្តក្រុងចំនួន១០នៃប្រទេសកម្ពុជា, ថៃនិងវៀតណាម។ នេះជាការ រៀបចំលើកដំបូងរវាងក្រុមហ៊ុនទេសចរណ៍អាស៊ីប៉ាស៊ីហ្វិកកម្ពុជា, ក្រុមហ៊ុនទេសចរណ៍នៃទី ក្រុងកន់ថឺនៃប្រទេសវៀតណាម និងក្រុមហ៊ុនទេសចរណ៍ខេត្តត្រាតនៃប្រទេសថៃ។ ក្រុមហ៊ុន ទាំង៣នេះ បានរៀបចំសន្និសីទរយៈពេល៣ថ្ងៃរួមគ្នារវាងពីថ្ងៃទី៤ដល់៦ឧសភាក្រោមទស្សន ទាន «គោលដៅទេសចរណ៍បី នៃទីផ្សារតែមួយ។

កម្ពុជាដែលអាចនាំប្រទេសជាតិរូចផុតពីសង្គ្រាម ហើយបាននិងកំពុងបន្តរក្សាសន្តិភាពយ៉ាង គត់មត់រហូតមកទល់សព្វថ្ងៃនេះ បានក្លាយជាគំរូមួយដល់បណ្តាប្រទេសនានាលើសកល លោក។