សកម្មជនគន្លឹះ៣រូបរបស់អតីតគណបក្សសង្គ្រោះជាតិប្រចាំខេត្តបាត់ដំបង បានធ្វើលិខិត ស្នើ សុំចូលរួមជីវភាពនយោបាយជាមួយនឹងគណបក្សប្រជាជនកម្ពុជាដែលការស្នើសុំចូលរួមនេះ បានធ្វើឡើងនៅមុនពេលដែលការបោះឆ្នោតឃុំនិងសង្កាត់នឹងឈានមកដល់ប្រមាណជាង ៧០ថ្ងៃខាងមុខទៀតនេះ។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ១៨ម៉ឺន ៥ពាន់ ៣៣៩ករណី និងការស្លាប់ថ្មីមានចំនួន ៣៩៦នាក់ ។ តួលេខឆ្លងនៅថ្ងៃនេះ មានការថយចុះចំនួន ១ម៉ឺន ៥ពាន់ ៤៥៨ករណី និងការស្លាប់ថយចុះចំនួន ២២១នាក់ បើ ប្រៀបធៀបជាមួយនឹងការឆ្លង និងការស្លាប់កាលពីម្សិលមិញ ។ អប្សរាណិតរាយការណ៍ជុំវិញ ការឆ្លងក្នុង ប្រទេសទាំង១០ ក្នុងរយៈពេល២៤ម៉ោងចុងក្រោយនេះ

តួលេខអ្នកចាក់វ៉ាក់សាំងដូសទី៣ និងដូសទី៤ មានចំនួនកើនឡើងជាងម្សិលមិញ ។ យោង តាមក្រសួងសុខាភិបាល តួលេខអ្នកចាក់វ៉ាក់សាំងដូសទី៣ ក្នុងរយៈពេល២៤ម៉ោងកន្លងមក នេះ មានចំនួន ១ម៉ឺន ៨ពាន់ ៤៨៦នាក់ ដែលជាតួលេខចាក់ខ្ពស់ជាងម្សិលមិញចំនួន ៧ពាន់ ២៧នាក់ ។ គិតត្រឹមថ្ងៃនេះតួលេខអ្នកចាក់វ៉ាក់សាំងដូសទី៣ បានសរុបចំនួន ៧លាន ៨០ម៉ឺន ៤ពាន់ ២០៤នាក់ ។

ប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ក្នុងក្របខណ្ឌទូទាំងប្រទេស លោកស្រី ឱ វណ្ណឌីន បានបដិសេធការផ្សាយព័ត៌មានដែលនិយាយថាការចាក់វ៉ាក់សាំង បាននាំឱ្យកើត ជំងឺមហារីក។ លោកស្រី ឱ វណ្ណឌីន ក្នុងប្រសាសន៍បញ្ជាក់ថ្ងៃទី២២មីនានេះ បានហៅព័ត៌មាន នោះជាព័ត៌មានប្រឌិតនិងជាការផ្សាយញុះញង់បង្កមហន្ដរាយដល់សង្គមជាតិ។

តួលេខឆ្លងជម្ងឺកូវីដ១៩ក្នុងប្រទេសកម្ពុជាបានបន្តធ្លាក់ចុះបន្ថែមទៀតនៅថ្ងៃនេះ ដោយតួ លេខឆ្លង បានធ្លាក់ពី៩៩ករណី មកនៅចំនួន៧៣ករណី។

កម្ពុជាបានចាប់ផ្តើមបើកយុទ្ធនាការជាតិផ្សព្វផ្សាយប្រឆាំងវីរុសបំប្លែងថ្មីអូមីក្រុងនៅថ្ងៃទី២២ មីនា ខណ:មន្ត្រីសុភិបាល បានអំពាវនាវពលរដ្ឋកុំឲ្យយល់ច្រឡំថាវីរុសកូវីដ១៩ បំប្លែងថ្មីអូមី ក្រុង ដូចជាជំងឺផ្តាសាយធម្មតាឱ្យសោះ។

បញ្ហាវិវាទរវាងកម្មករនិងនិយោជកនៅក្រុមហ៊ុនណាហ្គាវើលដ៍ នៅមិនទាន់បានដោះស្រាយ ត្រូវគ្នានៅឡើយទេ ដោយសារតែមានចំណុចមិនស្របគ្នាមួយចំនួន។ ក្រសួងការងារដើម្បី ការស្វែងរកដំណោះស្រាយបំបាត់វិវាទគ្នានេះ បានជួយសម្រួលរកការដោះលែងនៅក្រៅឃុំ ជាបណ្តោះអាសន្នមេដឹកនាំកម្មករចំនួន១១នាក់ដែលអ្នកទាំងនោះបានសន្យាថានឹងមកជួយ សម្រួលភាពវិវាទរវាងកម្មករនិងនយោជកក្រុមហ៊ុន។

សង្គ្រាមក្នុងប្រទេសអ៊ុយក្រែនបានឈានចូលថ្ងៃទី២៧ ខណៈដែលមានការព្រួយបារម្ភថា សង្គ្រាមដែលរុស្ស៊ីកំពុងវាយប្រហារលើអ៊ុយក្រែនក្រោមហេតុផលទប់ស្កាត់ការពង្រីកឥទ្ធិពល អង្គការណាតូមកភាគខាងកើតអឺរ៉ុបនោះ នឹងអាចមានរូបភាពស្រដៀងគ្នានៅ ក្នុងតំបន់ឥណ្ឌូ ប៉ាស៊ីហ្វិក។ ប្រទេសចិនបានថ្លែងបារម្ភលើសកម្មភាពរបស់ QUAD ដែលធ្វើសកម្មភាពស្រ ដៀងគ្នាក្នុងតំបន់ឥណ្ឌូប៉ាស៊ីហ្វិក ហើយសកម្មភាពនោះ គឺដូចអ្វីដែលរុស្ស៊ីបានចោទទៅលើ អង្គការណាតូ ថាបាននិងកំពុងធ្វើនៅតំបន់អឺរ៉ុបខាងកើតផងដែរ ។ សូមទស្សនាសេចក្តីរាយការណ៍

ដំណើររបស់ប្រេសិតពិសេសប្រធានអាស៊ានកម្ពុជាលោក ប្រាក់ សុខុន និងគណៈប្រតិភូ នៅ ក្នុងប្រទេសមីយ៉ាន់ម៉ា កំពុងតែប្រព្រឹត្តទៅនៅថ្ងៃទី២២មីនាដែលជាថ្ងៃទី២នៃការបំពេញ ទស្សនកិច្ចការងារនេះ។

ផ្លូវជាតិលេខ២១ ដែលភ្ជាប់ក្រុងតាខ្មៅខេត្តកណ្តាល រហូតដល់ព្រំដែនវៀតណាម នឹងត្រូវ ដាក់សម្ពោធ ជាផ្លូវការនៅថ្ងៃពុធនេះហើយ ក្រោមអធិបតីភាពដ៏ខ្ពង់ខ្ពស់ពីសម្តេចអគ្គមហាសេនាបតីតេជោ ហ៊ុន សែន។