ភ្ញៀវទេសចរណ៍ជាតិ និងអន្ដរជាតិជាច្រើន បានជួបជុំគ្នាច្រើនកុះករ ក្នុងការទស្សនានូវព្រឹត្តិ ការណ៍សមរាត្រី Equinox នៅប្រាសាទអង្គរវត្ត នាព្រឹកថ្ងៃទី២១ ខែមីនា។ ព្រឹត្តិការណ៍ សម រាត្រី Equinox ក្នុង ខេត្តសៀមរាប គឺជាព្រឹត្តិការណ៍ដែលមានព្រះអាទិត្យនឹងរះចំកំពូល កណ្ដាលនៃប្រាសាទអង្គរវត្ត ដែលព្រឹត្តិការណ៍ដ៏កម្រនេះ តែងតែកើតឡើង២ដង តែប៉ុណ្ណោះ ក្នុងមួយឆ្នាំ។

នាយករដ្ឋមន្ត្រីជប៉ុនលោក ហ្វូមីអូ គីស៊ីដា បានបញ្ចប់ដំណើរទស្សនកិច្ចផ្លូវការនៅកម្ពុជា ហើយក្រោយមានជំនួបកំពូលជាមួយនឹងសម្តេចនាយករដ្ឋមន្ត្រី ហ៊ុន សែន ក្នុងដំណើរ ទស្សនកិច្ចអបអរសាទរខួប៣០ឆ្នាំ នៃការបញ្ជូនកងកម្លាំងស្វយ័តការពារជប៉ុនមកកាន់កម្ពុជា និងការអបអរសាទរខួប ៧០ឆ្នាំនៃទំនាក់ទំនងកម្ពុជានិងជប៉ុន។ លោកហ្វូមីអូ គីស៊ីដា និង គណៈប្រតិភូ បានចាកចេញពីកម្ពុជានាថ្ងៃទី២១មីនាក្រោយដំណើរទស្សនកិច្ច២ថ្ងៃជាផ្លូវការ ក្នុងរាជធានីភ្នំពេញ។

ប្រេសិតពិសេសរបស់ប្រធានអាស៊ាន និងក្រុមការងារកំពុងបំពេញទស្សនកិច្ចការងារ៣ថ្ងៃ ក្នុងប្រទេសមីយ៉ាន់ម៉ាក្នុងបេសកកម្មស្វែងរកសន្តិភាពក្នុងប្រទេសមីយ៉ាន់ម៉ា។

ប្រធានាធិបតីអ៊ុយក្រែនកំពុងប្រើយុទ្ធវិធីបង្ខំឱ្យប្រទេសលោកខាងលិចត្រូវតែជួយអ៊ុយក្រែន ដោយការបង្ហាញថាបើការចរចារុស្ស៊ីនិងអ៊ុយក្រែនបរាជ័យនោះសង្គ្រាមលោកលើកទី៣នឹង កើតឡើងជាពុំខាន។ ក្នុងសប្តាហ៍នេះ ប្រធានាធិបតីអាមេរិកលោកចូបៃដិន នឹងធ្វើដំណើរទៅ កាន់ទ្វីបអឺរ៉ុបក្នុងសប្តាហ៍នេះ ដើម្បីជួយជំរុញរកការដាក់សម្ពាធលើប្រទេសរុស្ស៊ីដើម្បីការជួយ អ៊ុយក្រែនជាអន្តរជាតិបន្ថែមទៀត។

រដ្ឋមន្ត្រីក្រសួងសេដ្ឋកិច្ច បានថ្លែងថា វិស័យឧស្សាហកម្មកាត់ដេរកម្ពុជាដែលទើបនឹងមាន រូបភាពល្អខ្លះសាឡើងវិញនោះ នឹងអាចប៉ះពាល់ដោយសារសង្គ្រាមក្នុងប្រទេសអ៊ុយក្រែន។

អគារសុខាភិបាលបំពាក់ដោយឧបករណ៍ទំនើបតម្លៃ៨៥លានដុល្លារក្នុងមន្ទីរពេទ្យមិត្តភាព កម្ពុជា-ចិនព្រះកុសុមៈ ត្រូវបានសម្ពោធដាក់ឱ្យប្រើប្រាស់នៅថ្ងៃច័ន្ទទី២១មីនានេះហើយ ក្រោមវត្តមានចូលរួមដ៏ខ្ពង់ខ្ពស់បំផុតពីសម្តេចតេជោ ហ៊ុន សែន។