កម្ពុជាក្នុងរយ:ពេលពេញមួយខែកន្លងមកនេះ មិនមានអ្នកសា្លប់ដោយសារជំងឺកូវីដនោះទេ។ នេះជាតួលេខ បង្ហាញភាពធូរស្រាលបំផុតរបស់កម្ពុជាក្នុងចំណោមបណ្តាប្រទេសអាស៊ានដែលនៅតែមានសេចក្តីរាយការណ៍ ជុំវិញតួលេខអ្នកស្លាប់ស្ទើររៀងរាល់ថ្ងៃ។ អ្នកស្លាប់ដោយសារជំងឺកូវីដ១៩ នៅក្នុងប្រទេសកម្ពុជា នៅមានតួលេខ ដដែលចំនួន៣ពាន់១៥នាក់ចាប់តាំងពីថ្ងៃទី៣មករាឆ្នាំ២០២២នោះមក។

ក្រសួងអប់រំ បានបញ្ចប់ការធ្វើកោសលវិច័យលទ្ធផលប្រឡងបាក់ឌុប និងសម្រេចរក្សាទុកលទ្ធផលនៅដដែល ជាមួយការបិទបញ្ចប់ការតវ៉ាទាំងអស់។ គួរបញ្ជាក់ថាលទ្ធផលប្រឡងសញ្ញាបត្រមធ្យមសិក្សាទុតិយភូមិ ខែ ធ្នូ ឆ្នាំ២០២១ដែលមានសិស្សជាប់ជាង៦៥ភាគរយ បានរងការប្តឹងតវ៉ាពីបេក្ខជន, មាតាបិតានិងអ្នកណាព្យាបាល សិស្សានុសិស្ស។

ឃាតកម្មសម្លាប់មនុស្សមួយគ្រួសារនៅក្នុងភូមិដាច់ស្រយាលមួយក្នុងខេត្តមណ្ឌលគិរី បានប្រញាប់ឱ្យអាជ្ញាក្នុង មូលដ្ឋានដាក់ពង្រាយកម្លាំងតាមស្វែងរកឃាតករដែលកំពុងលាក់មុខ។ មនុស្ស៥នាក់បានស្លាប់និងម្នាក់ទៀត ជាកុមារអាយុ១២ឆ្នាំបានរងរបួសធ្ងន់ក្នុងហេតុការណ៍មួយដែលគេជឿថាពាក់ព័ន្ធនឹងគំនុំសម្លាប់មួយគ្រួសារ ផ្តាច់ ពូជ។ មិនមានការបញ្ជាក់ថាតើគំនុំសម្លាប់មួយគ្រួសារផ្តាច់ពួជនោះ បានជាប់ទាក់ទងនឹងអ្វីនោះទេ។ អាជ្ញាធរ មូលដ្ឋានបានថ្លែងថាគេកំពុងស្វែងរកតម្រុយ។

សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអនុញ្ញាតឱ្យមេបញ្ជាការកងទ័ពជើងគោកថៃ នាយ ឧត្តម សេនីយ៍ ណារ៉ុងផាន ជីតកែវថា បានចូលជួបសម្តែងការគួរសមនារសៀលថ្ងៃទី៣កុម្ភៈឆ្នាំ២០២២។ នាយឧត្តម សេនីយ៍មេបញ្ជាការកងទ័ពជើងគោកថៃ កំពុងបំពេញទស្សនកិច្ច២ថ្ងៃនៅក្នុងប្រទេសកម្ពុជាតបតាមការអញ្ជើញ របស់បញ្ជាការដ្ឋានកងទ័ពជើងគោក។ សម្តេចតេជោ បានបំពាក់គ្រឿងឥស្សរិយយសមេដាយសហមេត្រី ជូន ដល់មេបញ្ជាការកងទ័ពជើងគោកថៃ ក្នុងឳកាសជួបសម្តែងការគួរសមនោះ។

ប្រធានអាស៊ានបានចេញសេចក្តីថ្លែងការណ៍មួយបង្ហាញក្តីបារម្ភចំពោះអំពើហិង្សាក្នុងប្រទេសមីយ៉ាន់ម៉ាដែល នៅតែបន្តមាន ទន្ទឹមនឹងភាពមិនរីកចំរើនទៅមុខនៃការអនុវត្តកិច្ចព្រមព្រៀង៥ចំណុចដែលអាស៊ានបានដាក់ ចេញនាពេលកន្លងមក។

ភាពមិនរីកចម្រើនទៅមុខនៃការអនុវត្តកិច្ចព្រមព្រៀង៥ចំណុចដែលជាផែនទីចង្អុលផ្លូវរបស់អាស៊ាន បានជម្រុញ ឱ្យប្រទេសជាសមាជិកអាស៊ានបានឯកភាពការមិនអញ្ជើញរដ្ឋមន្ត្រីការបរទេសមីយ៉ាន់ម៉ា ចូលរួមកិច្ចប្រជុំ ចង្អៀត រដ្ឋមន្ត្រីការបរទេសអាស៊ានឡើយ។ កិច្ចប្រជុំចង្អៀតរដ្ឋមន្ត្រីការបរទេសអាស៊ានដែលបានលើកពេលកាលពីខែ មករាកន្លងមក ត្រូវបានកំណត់ពេលធ្វើសាឡើងវិញនៅថ្ងៃទី១៦និង១៧កុម្ភៈនៅក្នុងខេតុ្តសៀមរាបនៃប្រទេស កម្ពុជា។

មេបញ្ជាការកងទ័ពជើងគោកថៃនាយឧត្តមសេនីយ៍ ណារ៉ុងផាន ជីតកែវថា បានអញ្ជើញជួបមេបញ្ជាការកងទ័ព ជើងគោកកម្ពុជាលោកឧត្តមសេនីយ៍ឯក ហ៊ុន ម៉ាណែត ក្នុងដំណើរទស្សនកិច្ច២ថ្ងៃក្នុងប្រទេសកម្ពុជា។ តើជំនួប រវាងមេបញ្ជាការកងទ័ពជើងគោកទាំង២ប្រទេសនេះ បានទទួលលទ្ធផលអ្វីខ្លះ? សូមទស្សនាសេចក្តីរាយការណ៍

មេបញ្ជាការកងទ័ពជើងគោកថៃនាយឧត្តមសេនីយ៍ ណារ៉ុងផាន ជីតកែវថា បានដឹកនាំគណៈប្រតិភូយោធា កំពុងបំពេញទស្សនកិច្ចក្នុងប្រទេសកម្ពុជា។ អគ្គមេបញ្ជាការកងយោធពលខេមរភូមិន្ទនៃប្រទេសកម្ពុជានាយ ឧត្តមសេនីយ៍ វង្ស ពិសេន បានទទួលជួបគណៈប្រតិយោធានៃនៅថ្ងៃទី៣កុម្ភៈនេះ នៅអគ្គបញ្ជាការដ្ឋានកងយោធ ពលខេមរភូមិន្ទ។

ព្រះករុណាព្រះមហាក្សត្រនៃប្រទេសកម្ពុជា កំពុងស្ថិតក្នុងរដ្ឋធានីប៉េកាំង ក្នុងព្រះរាជដំណើរ យាងចូលរួម ក្នុងពិធីបើកព្រឹត្តិការណ៍កីឡាអូឡាំពិករដូវរងារនាទីក្រុងប៉េកាំងនៃប្រទេសចិន។ ព្រឹត្តិការណ៍កីឡាអូឡាំពិក រដូវរងាក្នុង ប្រទេសចិនឆ្នាំ ២០២២ ចាប់ផ្តើមបើកនៅថ្ងៃទី៤កុម្ភៈឆ្នាំ២០២២។ ព្រះករុណាព្រះមហាក្សត្រ បាន យាងចាកចេញព្រះរាជដំណើរពីប្រទេសកម្ពុជានៅថ្ងៃទី៣កុម្ភៈ និងព្រះអង្គគ្រោងយាងវិលត្រឡប់មកមាតុ ប្រទេសវិញនៅថ្ងៃទី៥កុម្ភៈ។