កម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ អំឡុងកូវីដ១៩ សម្រាប់ជុំទី៨ ត្រូវបានចាប់ផ្តើម ដែលនឹងមានរយៈពេល៣ខែរវាងពីខែមករាដល់ខែមីនា។ សេចក្តីសម្រេចរបស់ក្រសួងសេដ្ឋកិច្ចនិងហិរញ្ញវត្ថុ ដែលទើបទទួលបានថ្ងៃនេះ បានសរសេរថារយៈពេលអនុវត្តបន្តនឹងត្រូវកំណត់ដោយឡែកផ្អែកតាមសភាព ការណ៍វិវត្តន៍ជាក់ស្តែង។

អំពើអនាធិបតេយ្យវាតយកដីព្រៃលិចទឹកតាមបណ្តាខេត្តជាប់បឹងទន្លេសាប បានជម្រុញឱ្យសម្តេចនាយករដ្ឋមន្ត្រី កម្ពុជាបានចាត់វិធានការណ៍បង្ក្រាបដោយមិនយោគយល់។ ដីព្រៃលិចទឹកតាមបណ្តាខេត្តជាប់បឹងទន្លេសាប ដែលជាជម្រកមច្ឆាជាតិក្នុងពេលពងកូន និងជាទីកន្លែងផ្តល់ជីវិតចម្រុះដល់សត្វស្លាបនានា បានរងនឹងការ បំផ្លាញដោយក្រុមមនុស្សមួយចំនួន ក្នុងនោះរួមមានមន្ត្រីទុច្ចរិតអាងអំណាចមួយចំនួនក្នុងមូលដ្ឋានគ្រប់គ្រង របស់ខ្លួននោះផងដែរ។

កិច្ចប្រជុំរដ្ឋមន្ត្រីទេសចរណ៍អាស៊ានលើកទី២៥ និងកិច្ចប្រជុំពាក់ព័ន្ធដែលកម្ពុជាបានធ្វើជាម្ចាស់ផ្ទះវេលាដើមឆ្នាំ ២០២២នេះ បានទទួលជោគជ័យនិងមានការចេញសេចក្តីប្រកាសព័ត៌មាន។ កម្ពុជាគឺជាប្រធានអាស៊ានប្តូរវេន ក្នុងឆ្នាំ២០២២នេះ។ ការរៀបចំព្រឹត្តិការណ៍ដោយផ្ទាល់ប្រព្រឹត្តទៅក្នុងក្រុងព្រះសីហនុ គឺជាការរៀបចំមុនគេបង្អស់ របស់អាស៊ានទាំង១០ក្នុងប្រទេសកម្ពុជាដែលមានការចាក់វ៉ាក់សាំងស្ទើរជិត៩០ភាគរយទូទាំងប្រទេស។

គណៈប្រតិភូជាន់ខ្ពស់របស់ប្រទេសចិន ចានចាប់ផ្តើមបំពេញទស្សនកិច្ចនៅកម្ពុជា ៦ថ្ងៃ ដើម្បីរឹតចំណងសាមគ្គីភាព ពិសេសលើវិស័យវេជ្ជសាស្រ្តបុរាណពាក់ព័ន្ធនឹងការព្យាបាលជំងឺកូវីដ១៩។

កិច្ចប្រឹងប្រែងរបស់កម្ពុជាដែលជាប្រធានអាស៊ានដើម្បីអូសទាញសម្លេងមីយ៉ាន់ម៉ាមកជាសម្លេង១០កុងសង់ ស៊ុសនៃសម្លេងអាស៊ានដូចដើមវិញនោះ បានធ្វើឱ្យប្រទេសដែលព្យាយាមចង់បំបែកបានបង្កើតនូវការផ្សព្វផ្សាយ នានាមួលបង្កាច់ថាកម្ពុជាព្យាយាមចង់បំបែកអាស៊ាននោះទៅវិញ។

តួលេខពលរដ្ឋនៅរាជធានីភ្នំពេញ បានមកចាក់វ៉ាក់សាំងដូសទី៤ ក្នុងរយៈពេល ២៤ម៉ោងកន្លងមកនេះ មាន ចំនួន៤ម៉ឺន៨ពាន់ ៥២០នាក់ ដែលនាំឲ្យតួលេខអ្នកចាក់វ៉ាក់សាំងដូសជម្រុញទី២ រយៈពេល ៨ថ្ងៃមកនេះ បាន កើនដល់ចំនួន ២០ម៉ឺន ៤ពាន់ ៧៣០នាក់ ហើយ ។

តួលេខឆ្លងក្នុងប្រទេសអាស៊ានទាំង១០ រយៈពេល ២៤ម៉ោងចុងក្រោយនេះ មានចំនួន ៦ម៉ឺន ៥ពាន់ ៦២១ ករណី  ដែលជាតួលេខឆ្លងកើនលើសពីម្សិលមិញចំនួន ២ពាន់ ៧៤៧ ករណី។ នេះជាតួលេខចំនួន៨ប្រទេស តែប៉ុណ្ណោះគិតត្រឹមវេលាល្ងាចថ្ងៃទី២១មករា។